المساعد الشخصي الرقمي

مشاهدة النسخة كاملة : سؤال فني لخبراء الصقور ..


العبقري 1
08/10/2009, 11:52 PM
كيف يمكن معرفة الطير الزين وهو طاير ..
يعني كيف حركة الأجنحة في الأحرار والشياهين ؟ هل يطير على مقربة من الأرض ؟ الذيل مثلاً كيف يصير وهو طاير ... أنا أقصد طبعاً الطير الوحش اللي ما تصقر .. لابد من ذكر جميع العلامات قدر المستطاع ... نود أن يثرى الموضوع بمعلومات أكيدة ولا مجال للاجتهاد أو التخمين .
النادرالوافي
09/10/2009, 12:04 AM
يبيلها خبراء
مشبر البران
09/10/2009, 12:30 AM
ننتظر أهل الخبرة
صقار الأسياح
09/10/2009, 12:38 AM
اخوي انت تقصد الوحوس اثنا هجرتها طيارها طبيعي نفس الطيور المصقوره اما ارتفاعها ما ترتفع وقت الظهر تطير بالقرب من الأرض خوف من حوم العقبان ترتفع الصباح والمساء
العبقري 1
09/10/2009, 01:39 AM
اخوي انت تقصد الوحوس اثنا هجرتها طيارها طبيعي نفس الطيور المصقوره اما ارتفاعها ما ترتفع وقت الظهر تطير بالقرب من الأرض خوف من حوم العقبان ترتفع الصباح والمساء

أشكرك أخي الفاضل على هذه الإفادة ...
أنا أقصد كيف يتم التمييز بين طيران الحر وطيران الباز وابوحقب والشياهين ...
لأني ممكن أعرف الطير وهو واقع على الأرض بالدربيل .. لكن أحياناً تمر من عندك طيور ( طايرة ) وتشوفها بدون دربيل وتقربها أكثر بالدربيل لكن ماتعرف هي من الطيور غير المرغوبة أو من الطيور النفيسة وتخاف تطرده ويروح وقتك وآخرها يطلع باز أو شبوط كبير شوي ..
وأنا أعلم أن هذه القدرة في التمييز تحتاج خبرة كبيرة جداً .
@قرناص@
09/10/2009, 10:39 AM
السلام عليكم ,,

والله يآخوي يبي لها ممارسه ..!!

طيار الحرار والشيآهين يفرق عن البآز والبوآشق ..

لاكن كيف الطريقه الله آعلم ..

وننتظر آهل الخبره ..
جـرح الشمـال
09/10/2009, 10:59 AM
هذي يبي لها خبرة في الصقارة
لكن الصقور تلقى سريع رفيف جناحه عكس الطيور الثانيه مثل العقاب والباز وغيرها
والشيهانة تلقى جناحه حجمه صغير عكس الحر عريض
لكن دايم نميز الطيور بالرفيف
والله يرزقك
aBu_aBdAlSlaM
09/10/2009, 11:05 AM
وانا اخوك كل الوحوش زينه وعسى الله يطيحنا بها وياكم
@السيف@
09/10/2009, 11:14 AM
وا اخوك الباز حجمه صغير وابوحقب يفرد جنحانه اكثر من تحريكها ولا يطول في الطيران يوقع على طول وجناحه تشوفه على شكل سبعه وهو طاير لما يفرده ويفيدونك الربع
بـو بـدر
09/10/2009, 07:10 PM
السلام عليكم ورحمه الله

اخوي الكريم

طريقه معرفه الطير وهو بالسما ( رفرفه الجنحان )

اذا قريب عن الارض تلقاه يرفرف ( يكفخ ) 3 الي 4 رفات ويستل

اما اذا كان بالسما العالي تشوفه جنحانه علي شكل 7 من الاطراف يكفخ ويستل

واكيد الحجم يفرق عن الباقي

اذا عمرك شفت طيار ( ملهي الرعيان ) تراه مثل طيار الصقر ولكن اطراف جنحانه دائريه


تحـــياتـــي
محآآآآآآآآآآر
09/10/2009, 07:34 PM
شوف أخوي الباز معروف
وأسهل طريقة لمعرفة الباز وهو طاير (تلقااه منزل رجيلاته) ماهو لامها مثل الطيور الثانية
والحر طيرانه مثل طيران الغراب
والشيهانه عاد هاذي طيرانها معروف لا رفت كأنك تشوف لها أكثر من جناح
وترى الطيور الزينة باينه وأنا أخوك ويكفي إن جنحانها طوال شوي
وطيرانها أسرع من البواشق
يمكن اللي يخمك أكثر شئ هو الباز لأن طيرانه سريع شوي
ويفيدوك أهل الخبرة
أخوك،،،،،،،،،،،،
محآآآآآآآآآآآآآآآآآر
النادرالوافي
09/10/2009, 08:23 PM
ماقصر الاخوان
العبقري 1
10/10/2009, 11:54 AM
أشكر جميع الاخوان الذين مروا على الموضوع ...
الأخ البروفسور ... شكراً على هذا التوضيح والإفادة .
الأخ السيف 99 .. جزيل الشكر على هذه المعلومات .. لكن .. الاخ بوبدر يقول ان الصقر هو اللي جنحانه على شكل 7 وهو طاير .
الأخ بوبدر .. معلومات قيمة ومفيدة وهناك تساؤل .. هل يمكن رؤية أطراف الجنحان من مسافة بالدربيل طبعاً من أجل ملاحظتها أنها على شكل الرقم 7 ؟
الأخ محااااار .. تشبيهك لطيران الحر بأنه مثل الغراب اختصر لي الطريق فأنا سأتمرس على مشاهدة طيران الغربان .. لكن .. هل يشبهه لدرجة كبيرة ؟؟؟

أخيراً .. أتمنى استمرار الموضوع والمشاركات فهو مفيد جداً ونتمنى مشاركة المشرفين أيضاً لما لديهم من خبرة .
محآآآآآآآآآآر
12/10/2009, 05:59 PM
الأخ محااااار .. تشبيهك لطيران الحر بأنه مثل الغراب اختصر لي الطريق فأنا سأتمرس على مشاهدة طيران الغربان .. لكن .. هل يشبهه لدرجة كبيرة ؟؟؟
ــــــــــــــــــــــــــــــــــــــــــــــــــ ــــــــــــــــ
هلا بيك أخوي العبقري 1
وبالنسبة للتشبييه فالشبه كبير جداً بينهما
أخوك،،،،،،،،،،
محآآآآآآآآآآآآآآآآر