سطام الجياشي
09/10/2009, 04:08 AM
هذه القصيده كتبتها وصف بخوة النشاما والطير والبر والجيب
اتمنى ان تحوز على رضاكم
راكب اللي لامشى ثّور غباره=منوة اللي عانين يبغا الشمالي
جيب لاندكروز في وقت الصداره=صنع تسعه وردوه بسعر غالي
تو مارخص بلوحه واستماره=اظهروه اعصير مع مبدأ الهلالي
والصباح منحرينه للقراره=في ديارٍ زافها نبت السهالي
في ديار مطير نمرين النماره=عزوة الدوشان حامين التوالي
في ديار الصلب والصمان جاره=في ديارٍ كلها نبت ومفالي
سايقه غمرٍ وفي راسه سطاره=مايشيل الا كما شيل الجمالي
حارثياً مايحسب للخساره=عزوته جياش في شهب الليالي
شب ناره والردي ميت بناره=ماكسب قولة نعم فاول وتالي
شب ناره يوم في راسه نعاره=ثم قرب للمعاميل الدلالي
والخوي اللي معه ساس الشطاره=علق المذبوح عقب الدم سالي
ذابح له تيس ماحليت غاره=واشتووه اعلى الجمر شويٍ مثالي
ثم حطوا عفشهم حدر الغماره=عقب ماصلوا جمع قصرٍ توالي
مايعرفون الخراب ولا الزقاره=كل منهم ماشيٍ ممشىٍ عدالي
ثم ناموا ساعتين امن الدواره=نومةٍ فالبر تكفيهم ليالي
والفجر شبوا بضيان المناره=واشربوا فنجال ثم راحوا عجالي
وكل منهم شايله يمناه طاره=الحرار اللي مواكرها الجبالي
ذاكرين الهم بقريه كم حباره=ناويين الصيد في ذيك المحالي
الرجال اللي لها خبرة صقاره=عارفين الطير مافيها جدالي
عبوا البنزين من شيشة خساره=وانكفوا للصيد في ذيك العبالي
ثم صادوا بالحرار اللي طياره=تسبق رياح الهبوب بكل حالي
والمزوح البينهم ضحك وعياره=مايجيبون الهزيله والهزالي
والغدا سووه في فيضة عزاره=في محلٍ ماوضع لااهل المبالي
جعل يدهم ماتجبرها الجباره=جعل يفداهم رديين الرجالي
والرعد يرعد وبرقه كالشراره=والسما كله ملبد بالخيالي
والمطر مابين تاره ثم تاره=زين شوفه بالمحل اللي طرالي
ياحياة اللي على الدنيا خساره=همه اللي مشغله جمع الريالي
مايشب النار حبه للخطاره=ماتوثق في مواثيق الحبالي
لامحل ولامجالس للوقاره=صكت الحرمه علاه البيت خالي
ظني انه ماعلى كبده مراره=لعنبوا رجلٍ مايجزع للموالي
مع التحيه/سطام محمد الجياشي الحارثي
اتمنى ان تحوز على رضاكم
راكب اللي لامشى ثّور غباره=منوة اللي عانين يبغا الشمالي
جيب لاندكروز في وقت الصداره=صنع تسعه وردوه بسعر غالي
تو مارخص بلوحه واستماره=اظهروه اعصير مع مبدأ الهلالي
والصباح منحرينه للقراره=في ديارٍ زافها نبت السهالي
في ديار مطير نمرين النماره=عزوة الدوشان حامين التوالي
في ديار الصلب والصمان جاره=في ديارٍ كلها نبت ومفالي
سايقه غمرٍ وفي راسه سطاره=مايشيل الا كما شيل الجمالي
حارثياً مايحسب للخساره=عزوته جياش في شهب الليالي
شب ناره والردي ميت بناره=ماكسب قولة نعم فاول وتالي
شب ناره يوم في راسه نعاره=ثم قرب للمعاميل الدلالي
والخوي اللي معه ساس الشطاره=علق المذبوح عقب الدم سالي
ذابح له تيس ماحليت غاره=واشتووه اعلى الجمر شويٍ مثالي
ثم حطوا عفشهم حدر الغماره=عقب ماصلوا جمع قصرٍ توالي
مايعرفون الخراب ولا الزقاره=كل منهم ماشيٍ ممشىٍ عدالي
ثم ناموا ساعتين امن الدواره=نومةٍ فالبر تكفيهم ليالي
والفجر شبوا بضيان المناره=واشربوا فنجال ثم راحوا عجالي
وكل منهم شايله يمناه طاره=الحرار اللي مواكرها الجبالي
ذاكرين الهم بقريه كم حباره=ناويين الصيد في ذيك المحالي
الرجال اللي لها خبرة صقاره=عارفين الطير مافيها جدالي
عبوا البنزين من شيشة خساره=وانكفوا للصيد في ذيك العبالي
ثم صادوا بالحرار اللي طياره=تسبق رياح الهبوب بكل حالي
والمزوح البينهم ضحك وعياره=مايجيبون الهزيله والهزالي
والغدا سووه في فيضة عزاره=في محلٍ ماوضع لااهل المبالي
جعل يدهم ماتجبرها الجباره=جعل يفداهم رديين الرجالي
والرعد يرعد وبرقه كالشراره=والسما كله ملبد بالخيالي
والمطر مابين تاره ثم تاره=زين شوفه بالمحل اللي طرالي
ياحياة اللي على الدنيا خساره=همه اللي مشغله جمع الريالي
مايشب النار حبه للخطاره=ماتوثق في مواثيق الحبالي
لامحل ولامجالس للوقاره=صكت الحرمه علاه البيت خالي
ظني انه ماعلى كبده مراره=لعنبوا رجلٍ مايجزع للموالي
مع التحيه/سطام محمد الجياشي الحارثي