تخبيط هايلوكس 2008 بنزين

[اخو ريا]

مساكم الله بالخير تكفوووون انا جلست بورطه والله من امس وانا ضايق خلقي ومحتار ما ادري وش اسوي ولا ابي اطول عليكم ابقولكم الموضوع وامتنى منكم كل واحد يعطيني الراي السديد لاني وربي ما املك الا هي وبس....

انا يا شببا معاي هايلوكس 2008 وماسيه 70 الف بس ولكن الصراحه انا من النوع اللي اجلد بالنفود شوي والبارح خبطت معاي وسبب التخبيط انا كنت اسمع صوت بالمكينه بدايته كان خفيف والبارح زاد مره المهم اعشق با الاول والثاني الموتر يلا يمشي معاي شلته بسطحه ووديته للصناعيه وقالولي توظيب وكلهم قالولي ان المشكله بعامود الكرنك وذراع البستم المهم انا ما خليتهم يفكون المكينه لان ربعي قالولي اول شئ لا توظب الا عند واحد فاهم صح ويرجعها لك زي ما كانت وانا خايف الصراحه واليوم قررت اني اوظب مكينتي ولكن ابي اسألكم كم سؤال وجاوبوني عليه يا النشاما

للمعلومه انا من سكان الرياض ولا احد يبخل علي بالرد
س/ممكن تدلوني على ميكانيكي قوي وفاهم بتوظيب الهايلكس؟
س/هل ممكن الموتر بعد التوظيب يرجع زي اول والا لا؟
س/هل ينقص الزيت بعد التوظيب معاي والا لا؟

شباب تكفون انا تعبت من البارح وكل واحد يقولي راي وانا ابقولكم راي ونت عطوني رايكم وتكفون اليوم لان بكره ان شاء الله السبت ابشيله بسطحه وادخلها

واحد من اخوياي قالي به ورشة سوداني بصناعيه الدائري ويمدحه مرره ويقول انه فاهم واسم الورشه ورشة الرياض
اما الثاني قالي ورشة ابو محمد بصناعية القديمه مخرج 17 ويقول انه راعي ذمه وفاهم وبأشرافه ولكنه مختص مع ناس فلبنيين واسم الورشه ورشة الطيران
تكفون ابي رايكم وكم من الممكن تكلفني التوظيب ووش تنصحوني فيه


لكم مني جزيل الشكر والعرفان والله يوفقك من يعطيني الخبر ويجعلاه بميزان حسناته ويطول بعمره ويجعله لاهله سالم غانم .....http://www.t63ys.com/vb/images/smilies/cry_1.gifhttp://www.t63ys.com/vb/images/smilies/cry_1.gif

[اميرالصمت]

اخوي انا انصحك تروح التشليح وتشتري مكينه حقت2009او2008 بس مامشت وتوظيب يكلفك كثير ولايظبط الا مع واحد يدري على السيارة
والله يكون بعونك

[الطرفيه]

أذا كان عليه ضمان الوكاله وده للوكالة ويصلحونه لك واذا طالعته من الوكاله المعارض بع ولا تقربك الهايلكس الجديده 2006 وطالع

[ابو حمد سدير]

^
^
مثل ما قال


افضل واضمن <<<

[اخو ريا]

امير الصمت وباقي الاخوان ما قصرتوا بس انا كل اللي اعرفهم يقولون وضب احسن من انك تاخذ مكينه من التشليح لان المكينه من التشليح ما تدري عن راعيها هو محافظ عليها من اول والا لا وهي توافيق يمكن تصيب ويمكن تخيب لان مكينه ماشيه 20 الف يمكن تكون حلوه اوكي ومن الممكن اشتري مكينه ماشيه 10 الاف وتخبط علي لان راعيها ما يوظبها ولكن انا ابي اوظب اما با النسبه للوكاله ما يستقبلونها لانه ما سويت صيانه ابد من يوم ما طلعتها لكن انا كل اللي شايل همي اشياء معينه بس وهي
س/هل بعد التوظيب ترجع نفس سيارتي الاوله؟
س/هل تنقص زيت؟
س.هلهل راح اشتكي منها والا لا وابي اعرف واحد متخصص با الهايلوكسات بورشه بالرياض وفاهم با الامور هذي؟

[سوبر VTC]

اذا احتمى الموتر مثلا حرارة على الاتش
يضعف شنبر البستم و ما يحجب الزيت
التوضيب يخلي المكينه اخت المكينه الجديده :good:
توكل على الله ووظب
بس اهم شي رجال راعي ذمه و ثقه :good:
اذكر بعض الربع يمدحون ورشة البريدي رجال كبير بالسن و فاهم
ورشته شرق معارض النسيم على الشارع العام

بيعن ببريده قبل فترة هايلوكسات غمارة م2009 بدون مكينه اصفار
ب29 الى 33الف
و ركب له واحد مكاين اف جي راسين 6سلندر عند راعي المرهات
ابو وليد الصمعاني ببريده ب11الف راكبه
ادخل هالرابط

:: من الوكالة لكراج الصمعاني:: تركيب مكينة فورتشنر V6 4000cc على هايلوكس 2009 :: (http://www.mekshat.com/vb/showthread.php?t=218087) ‏(http://www.mekshat.com/vb/images/misc/multipage.gif 1 (http://www.mekshat.com/vb/showthread.php?t=218087) 2 (http://www.mekshat.com/vb/showthread.php?t=218087&page=2))


بالنسبة للتوضيب و معرفه شنبر البستم
ادخل هالرابط بالصور :good:

التوضيب (http://www.mekshat.com/vb/showthread.php?t=30226)


موفق

[تويوتا لاغير]

اخوي تراك قهرتني يوم تقول 2008 و مخبط

المهم تركد واسأل ولاتستعجل
وانا انصحك تشوف البازعي بكم يوظب لك لأن شغلهم ممتاز

[اخو ريا]

الله لا يهينك ورشة البازعي وين محلها يا تويوتا غير

[تويوتا لاغير]

الله لا يهينك ورشة البازعي وين محلها يا تويوتا غير
اللي في خريص وهم والمعرض حق البازعي في مكان واحد

وهم زي الوكالة واكثر حقين تويوتا عندهم

[VXR.2007]

الحمدلله على كل حال

[اسهيل]

اذا قالك في التوضيب لازم تخرطها لا توضب نصيحه بتكلفك وبعدين يكبر البستم وتغير الموتر مره
شف فيه ورشه بس محله صعب في الصناعية القديمه اسمه ورشة عسير كل السيارات االي عنده توضيب بس او تغيير شي داخل المكينه توصيفه ادخل من عند الضحيان يمين وجهك شمال بعدين رح طوالي لين يجيك ورشه عندها شجره سدر عبري يجي بعده محل السيف لف يمين من عند الشارع المقابل لسيف وبتل بيجيك شارع يسار خله وناظر يسار لين تجيك الورشه قبل على اليسار قبل االشارع الي يروح يمين مادري عاد تدليت ترىه يماني بس على كيفك

[قدر مكتوب]

شوف يالغالي بما انك سالت فانا راح اجاوبك باللي اعرفه

مهما كان التوضيب فما راح يكون مثل الجديد اللي ماعمره فك ولا لمس ابدا

التوضيب يعتمد على عده عوامل
مثلا يعتمد على نوع القطعاللي راح توفرها للي يبي يوضب سيراتك ففيه في محلات قطع الغيار اصلي وشبة اصلي وتجاري , مع ان محلات عبدالطيف جميل لبيع قطع الغيار تقول جميع القطع اللي في خارج السوق مصدرها دبي ماعاد كم موزع لذالك اذا جزمت توضب جيب جميع قطع الغيار للمكينه من عبدالطيف جميل اضمن لك

ثانيا : المخرطة لها دور كبير اذا المكينه تحتاج خرط لان بعض المخارط شغلها لك عليه

ثالثا: الشخص اللي يبي يفك مكنيه موترك كاملة لابد يكون شخص فاهم وبيني وبينك مكينه الهايلوكس حبيبه مقارنه بغيرها

رايعا اذا الله امرك ونويت ولاماهمك الريال انصحك تروح للتشاليح وتدور هايلوكسات جدد وتشتري مكينه مع الرجيع ارخص وجميع التشاليح تضمن لك المكينه واعتقد لو تركب 2009 فرصة المكاين التعبانه فيها قليل

خامسا التوضيب يعتمد على رجلك بعد ماتوضب , يعني اذا رجلك حاره وراعي فجر بالبر وتزر على الموتر فانصحك ماتوضب الا اذا انت ناوي تبيع قريب

[ذيب النجيل]

يااخي سيارتك باقي على الضمان لان الضمان يغطي لمدة 3 سنوات او 100,000 مائة الف كم

وانت تقول ماشية سيارتك 70 الف بس وموديلها 2008 يعني خلاص رح للوكالة ويصلحونها على الضمان

ومجانا واذا ماصلحوها تقدر تشتكيهم على الغرفة التجارية

[مكشاتي 2012]

لاياخوي الضمان منتهي يقولون ثلاث سنين او يمشي الموتر 60 الف ايهم ينتهي اول والضمان منتهي

[الوتر الحزين]

هلا اخوي

اول شي الحمد لله على كل حال
ثاني شي تبي النصيحه وانا اخوك اذا كان عمود الكرنك وعمود البستم متضرر ولو شي بسيط ( لااااااااا توضب) لان العمود حساس جدا اي تغير في وزنيته يأثر على السبايك بعد فتره من التوضيب بالاضافه الى ان الخرط بيكلف عليك.

انصحك تروح للتشليح وتاخذ مكينه شد بلد مافكت

والله يعيننا واياك

[ذيب النجيل]

ياخوي انا معاي هايلوكس 2008 وقال لي موظف الاستقبال حق عبداللطيف جميل ضمان سيارتك 3 سنوات او 100 الف كيلو ايهم اول رح للوكالة وتأكد هذا الكلام تقريبا قبل سنه بشهر 10 / 1429هـ وجيتهم مرتين وصلحت مجانا اول مره غيرت جلد البيبان (الربلات) لانها تدخل هواء وتطلع صوت

والثانية اذا شغلت المكيف يتجمع ماء عند رجول الراكب تحت الفرشه وصلحوه

وكل التصليحات كانت مجانا على الضمان

[لن أمل من العطاء]

الضمان 3 سنوات او 100 الف كيلومتر ومتاكد من هالكلام

وسيارتي ماشيه 94 الف ومازالت تحت الضمان وباوديها الاسبوع هذا اغير ها بعض القطع على الضمان

لا يقولون مالك ضمان لاجل انك ما سويت صيانه

رح للغرفه التجاريه
وان تما وقعت عى اوراق مكتوب فيها ان عدم انتظام الصيانه يلغي الضمان

اذا مره ما لقيت حل
غير مكينتك بمكينه 6 سلندر بالقير حقها والله يعينك

[ابويارا1001]

اللي اعرفه ان ضمان تويوتا 3سنين او 100الف

عندي انوفا 2007 وكامري 2008

الضمان الى 100الف

رح للوكالة وانشب لهم

[صافي المشرب]

أنا وضبت مكينة هلي 2003مرتين وغيرت المكينة بالمرة الثالثة
والتوضيب صراحة سيء جدا لكن شغلتك انت بالذراع والعمود يمكن تقدر تغيرهم
ولا اعتقد بينقص الزيت ولا غيره لكن اهم شي التركيب يكون مضبوط
وان بغيتها من قاصرها اشتر مكينة من التشليح
بس امر ذالمكينة غريب والله كيف تخترب من الجلد
يمكن جاها طقة من تحت ولاشي

[ياليل خبرني]

لاتوظب اسال مجرب عندنا موتر وضبناه مرتين والى اللحين يشكي والقطع بعد اصلية ترى التوظيب كلة لعب
انا اقولك اذا وظبت انسى انك راكب موتر اسمة هايلكس تبي تجيك حالة نفسية اذا مشيت فوق 140 تبي
تسمع اصوات بالمكينة بتهوجس وبتصير كل شوي تروح لم الورشة اللي وضبلك تعيش بالصناعية
تبي نصيحتي هج عن التوظيب واشتر مكينة من التشليح 2008 لو ب10 الاف اهم شي يرجعلك الموتر زي اول او حول اول

[Riyadh City]

أنحش عن التوضيب وأنا أخوك

لي تجربة مريره معه ,, الميكانيكي كل شوي وهو قايلك جبلي كذا وكذا

خذ من التشليح أرخص وأضمن ,, بعدين مكينه من التشليح لموديل 2009 ما أظن فتحت أو أنلعب فيها

معوض خير

[الرجل الحجري]

اشتر مكينة من التشليح اضمن لك

[شيخ النفود]

الله يعينك وييسره عليك

[سليمان الراشد]

الله يعينك ويسر امورك

وش صار عليك وضبت ولا غيرت المكينه

[SGL]

,وضب عند واحد فاهم انا موضب دتسن موديل 90 وله اللحين مشاء الله 11 سنة ماشي حلاوة اول واحد وضبها خربها هو والمخرطة اما الثاني معروف جبتله قطع اصلي ومخرطة غير الخايسة الاولة انصحك وضب وترك عنك التردد بس خلك متواصل معهم وجيب القطع انت والمخرطة افحل وحدة عندكم سوي عندها

[راعي الشاخوفه]

السلام عليكم ورحمة الله
بما انك سألت بجوابك من واقع تجربه
انا رجلي حاره بالنفود ومعي هلي 2005 خبطت علي. ثم وضبت ب 6000
جلست فتره وخبطت ووضبت المهم الموتر خبظ 5 مرات. ف الاخير بعته
ثم شريت هلي 2007 وطلعت من ورشه والحمار ما ركب خراطيش الماء وخبطت ورجعت وتحملوها هم ووضبت وماش ماهيب مثل اول
يعني باللغه العربيه التوضيب سواء عند واحد فنان او عادي يصلح لشيبان سواقتهم هاديه
اما اذا رجلك حاره غيرر لك مكينه ياخي رح لم التشليح وخذ مكينة 2012
وساأل مجرب وخل عنك الي يقول التوضيب تضمنه انت مركب كل شي جديد. خلا ص. شي فكيته ما يرجع. نفس اول
ومكينة 2011 او 2012 لو راعيها موب محافظ ما ضرها توها جديدة
وانت والي يريحك لكن المكينه ما ترجع نفس اول

[سيف وقلم]

الموضوع له ثلاث سنين