فزعتكم ياراعين اللاندكروزر

[تويوتا لاغير]

أخواني أعضاء المنتدى
أبشرح لكم قصتي وتكفون اللي عنده راي يفيدني فيه

أنا معاي لاند كروزر 2004 جكسار

لاحظت وجود سحكية في الكفر الأيسر للداخل
لقطت الموتر ودقيت سلف للرياض من سدير

انا كنت أسمع عن ميزان العضيب ورحت للي في المصيف فاتح جديد

المهم جاني باكستاني ورفع الموتر في الميزان وراني كراسي الدودة تتحرك وراني المساعدات فيها تندية بسيطة وقالي
كراسي دودةخربان
مساعدات لازم تغيير
لازم سوي تربيط رمان

وعطاني ورقة وقالي رح لمحل قطع الغيار في الورشة
المهم قالي القطع تسوى 530
وشغلهم 1200

لكن وين المشكلة

كان قبلي راعي جمس 2008 وعطوه فاتورة بألف وأربعمية
وبعدي جا جيب وعطوه فاتورة بألف وستمية


أنا شكيت

2008 مع رجال في الخمسينات يصير فيه خراب كذا

بصرااحة ما وثقت فيهم ابد
حسيت انهم يقولون لأي واحد نفس الكلام

واذا لقوا قطعة خربانةبس قالوا كل اللي جنبها خربان

وش رايكم يا اخوان في الموضوع
هل تنصحوني بورشة ثانية

وش رايكم في ميزان المجد واليرموك ووين القاهم

انا ماعندي مانع ادفع مبلغ في السيارة بس بشرط شغل نظيف وشغل ذمة

واشوف انها حرام اغير قطع ماتحتاج تغيير وخصوصا المساعدات لأن وقفة الموتر متوازية ولاهو طايح على وجهه ومطبه طبيعي ولافيه ولله الحمد قرقعة

تكفون فزعتكم

[سوبر VTC]

ننتظر الربع

المساعد اذا كان خربان ستلاحظ الزيت طالع منه :good:
ايضا اضغط الرفرف لاسفل
اذا كان خفيف و ينزل لاسفل
فالمساعد خربان منسم
و العكس صحيح لاصار ثقيل

موفق

[تويوتا لاغير]

ننتظر الربع


المساعد اذا كان خربان ستلاحظ الزيت طالع منه :good:
ايضا اضغط الرفرف لاسفل
اذا كان خفيف و ينزل لاسفل
فالمساعد خربان منسم
و العكس صحيح لاصار ثقيل


موفق







الف شكر

المساعد فيه تندية
لكن وقفة الموتر ولله الحمد ما فيها خلاف يالله من فضلك

[زاير الغيم]

أخوي الكريم أولاً أبدأ بالأشياء السهلة..



-هل توجد رجه بالدركسون؟؟

رصص الكفرات لأن الرجه تسحق الكفر..

-ثانياً يمكن يبغى لك وزن أذرعه..

-أيضاً الرمان اللي بالكفر الأيسر يبيله تربيط وعلشان تفحصه أرفع الكفر بالعفريته

وحرك الكفر بيديك فوق وتحت إذا كان فيه فضاوه أو رجه خفيفه يعني مو ثابت فالرمان لازم يتشيك عليه..

-أترك الدوده للأخير عل وعسى تكون سليمه..لأنها علّه

-أيضاً أخي الكريم تأكد من هواء الكفر يمكن يكون ناقص وترى النقص يسحك الكفر وخصوصا الأمامي.

-بالنسبه للمساعد أفادك أخوي سوبر فتك.


بالتوفيق.

[تويوتا لاغير]

أخوي الكريم أولاً أبدأ بالأشياء السهلة..



-هل توجد رجه بالدركسون؟؟

رصص الكفرات لأن الرجه تسحق الكفر..

-ثانياً يمكن يبغى لك وزن أذرعه..

-أيضاً الرمان اللي بالكفر الأيسر يبيله تربيط وعلشان تفحصه أرفع الكفر بالعفريته

وحرك الكفر بيديك فوق وتحت إذا كان فيه فضاوه أو رجه خفيفه يعني مو ثابت فالرمان لازم يتشيك عليه..

-أترك الدوده للأخير عل وعسى تكون سليمه..لأنها علّه

-أيضاً أخي الكريم تأكد من هواء الكفر يمكن يكون ناقص وترى النقص يسحك الكفر وخصوصا الأمامي.

-بالنسبه للمساعد أفادك أخوي سوبر فتك.


بالتوفيق.
تقريباً كل هذا سويته بالفحص

والكفرات فيها فضاوة الايسر والايمن لكن الايسر اكثر

وبالنسبة لكراسي الدودة فأنا شفتها يوم رفعناه عند العضيب وتتحرك مع اللفلفة


وبالنسبة لرجة الدركسون فالحمدلله مافيه رجة

[سهم قيادي]

السلام عليكم
بنسبه لكراسي الدودة اذا كان مثل ما تفضلت تتحرك
لازم تغيرها كان عندي نفس الشي تتحرك وغيرتها
وهي تسبب عدم التزان السيارة خصوصا
على الطرق الي ماثر فيها الشاحنات تحس بالسيارة تلعب
وانصحك بمحل الطائر للهيدلوريك في الصناعية القديمة تقريب بـ 300 الى 450ريال
وكلش من عنده فك وتركيب ماعد الميزان

ملاحظه ما فيه كراسي دودة في الوكالة لازم دودة كاملة للاسف في حدود 1800 ريال

العضيب بيخذ منك 300 قيمه فك وتركيب الدودة و400 ريال قيمه الاصلاح عند
الطائر يعني المجموع 700 ريال بتشوف عنده اذا جيت المعلمين حقين الورشه
جايبين دود نفس الطريقه

موفق ان شاء الله

[سالم محمد]

اذا المشكله سحكيه بالكفر فقط فهذا يعني انه يبغى لك وزن أذرعه فقط فقط لا تتخسر قبل ماتوزن الاذرعه
وموفق ان شاء الله

[خيال الغلبا]

المجد والبرموك هم نفسهم العضيب

[تويوتا لاغير]

السلام عليكم
بنسبه لكراسي الدودة اذا كان مثل ما تفضلت تتحرك
لازم تغيرها كان عندي نفس الشي تتحرك وغيرتها
وهي تسبب عدم التزان السيارة خصوصا
على الطرق الي ماثر فيها الشاحنات تحس بالسيارة تلعب
وانصحك بمحل الطائر للهيدلوريك في الصناعية القديمة تقريب بـ 300 الى 450ريال
وكلش من عنده فك وتركيب ماعد الميزان

ملاحظه ما فيه كراسي دودة في الوكالة لازم دودة كاملة للاسف في حدود 1800 ريال

العضيب بيخذ منك 300 قيمه فك وتركيب الدودة و400 ريال قيمه الاصلاح عند
الطائر يعني المجموع 700 ريال بتشوف عنده اذا جيت المعلمين حقين الورشه
جايبين دود نفس الطريقه

موفق ان شاء الله

كلامك محل اعتبار يالغالي

مشكور

[ن م ر]

انا موتري مثل موترك بس 2002 وغيرت طقم كفرات جديد ورحت للعضيب اللي في المصيف عشان اوزن الموتر واحافظ على الكفرات بدون مسحيّه ( لأني عانيت مع الطقم السابق اهملت الوزن وصار فيه مسحيه قويه )
وقال لي نفس الكلام اللي قاله لك تربيط رمان + كراسي الدودة وقال تكلفك كلها 900 ريال شغل يد

طبعا كلامهم فيه شيء من الصحة لكن اسعارهم مبالغ فيها جدا

وبالنسبة لكراسي الدودة ما اظن تلقاها في قطع الغيار لأني سألت عنها ,,, يضبطونها في ورش الهيدروليك يكبسونها عشان تروح الفضاوه اللي فيها