ويش الذي في عاهته يزهمونه ( جديد )----------00000----للغز حله بن لروي

[ابو ماجد 2]

السلام عليكم ورحمة الله وبركاته


اليكم لغيز من الوزن الخفيف

ويش الذي في عاهته يزهمونه =من شان فعلٍ عاهةٍ له تعوقه
مضرب مثل والناس مايجهلونه=ابي المثل يافاطنٍ له تسوقه




تحيتي وتقديري لجميع الزملاء

[سطام F15]

رميعة حسب فهمي للغز وش قولك بـ( أبو طبيع مايجوز عن طبعه ) أو مايكون أبو جعفر الطيار

[ابن الراوي]

حياك ربي يازعيم وش رايك قال انفخ ياشريم قال مافيه برطم

[النمرالتميمي]

هلا بالامبراطور

ان ما صابت رمعات اخواني

انا اقول تدور من الحافي نعال ( اعزكم الله )

[سكب]

يكو
اعور ويتنقور
تحياتي

[الجرح الحزين]

السلام عليكم ورحمة الله وبركاته
اايد اخوي ابن الراوي برمعة
انفخ ياشريم قال مامن برطم
وان شاء الله تصيب رمية اب الراوي

[ابو ماجد 2]

رميعة حسب فهمي للغز وش قولك بـ( أبو طبيع مايجوز عن طبعه ) أو مايكون أبو جعفر الطيار

هلا بك يالغالي
والرمعه ماصابت
تحيتي لك وتقديري

[ابو ماجد 2]

هلا بالامبراطور

ان ما صابت رمعات اخواني

انا اقول تدور من الحافي نعال ( اعزكم الله )

الله يحييك يالغلا
مالك لوى
تحيتي لك وتقديري

[ابو ماجد 2]

يكو

اعور ويتنقور

تحياتي


الله يحييك
الرمعه ماصابت
تحيتي لك وتقديري

[ابو ماجد 2]

حياك ربي يازعيم وش رايك قال انفخ ياشريم قال مافيه برطم

كفو يالغلا ماشاء الله عليك
رمعه بالصميم
نعم
قال انفخ ياشريم قال مامن برطم
بيض الله وجهك وعاداتك ذبح الالغاز

[ابو ماجد 2]

السلام عليكم ورحمة الله وبركاته
اايد اخوي ابن الراوي برمعة
انفخ ياشريم قال مامن برطم
وان شاء الله تصيب رمية اب الراوي


وعليكم السلام ورحمة الله وبركاته
تأييد بمحله بيض الله وجهك ووجه ابن الراوي

[سكب]

مثل الاطرش في الزفة

درب الأصلع على بيّاع الطواقي
الأعور في ديرة العميان ..... مـفـــتّــح
يعطي الحلق للي بلا اذنين
اذا اللي يتكلم مجنون اللي يسمع عاقل

[ابو ماجد 2]

مثل الاطرش في الزفة

درب الأصلع على بيّاع الطواقي
الأعور في ديرة العميان ..... مـفـــتّــح
يعطي الحلق للي بلا اذنين
اذا اللي يتكلم مجنون اللي يسمع عاقل

هلا بك يالغالي وماشاء الله عليك رصيدك من الامثال وافر ورمعاتك طيبه واسمح لي لو ركبت على بعضها لغز .
مايفرق لغزنا هو ان صاحبنا بعاهته يزهمونه
والحل عند ابن الراوي
قال انفخ يا شريم قال مامن برطم