مشكله بالدركسون يوكن 2002

[azizz_as]

بسم الله الرحمن الرحيم

اسعد الله اوقاتكم بكل خير
يا اخوان عندي مشكله بالدركسون اذا لفيت لليسار . يبدى يعلق ويصير ثقيل وصعب التحكم فيه .وفي الملفات يصير فيه فضاوه.ولورجعته لليمين يصير طبيعي وفيه رجه بعد80 رحت الورش بعد ما عملت بعض الاشياء الي شاك فيها مثل التشحيم ووزن الاذرعه والترصيص .ووزن الدوده
وكل واحد منهم يقلي شي واحد يقول علبة الدركسون وواحديقول العلبه السفليه وواحد يقول اذرعه وواحد حسساسات.
وانا في حيره من امري الله يحفظكم الي مرت عليه هذي الحركه اوعند خبره يفيدنا؛؛؛؛

[شعيب المسمى]

مر قطع الغيار وخذ منهم طقم اصلاح علبة دركسون واقرب ميزان

ولو تمر ميزان المجد او اليرموك دامهم يفحصون مجان وصلح بأي ورشة

[ن م ر]

اتوقع والله اعلم ان علبة الدركسون السفليه غير اصليه أو راكبه غلط

قد صارت هذي مع واحد من الشباب في جيب لاند كروزر 91 وغير علبة الدركسون كاملة بوحده اصليه وضبطت

وقبل تغيرها مر على كم ورشة هيدورليك لين تتأكد

[لن أمل من العطاء]

صعب الحكم بالضبط

لكن غير الاصلاح اولا
ونزل الزيت كله
وخذ زيت من الوكالة لونه ابيض خاص بالدركسون وليس مثل زيت الجيربوكس لونه احمر
كل اصحاب الورش يضعون زيت الجيربوكسات الاوتوماتيك في علبة الدركسون
وبعض السيارات لا ينفع لها هذا الزيت ومنها المبروك اليوكون تحتاج تقريبا 3 علب

ولا تستمع لكلام الميكانيكي اشتري له زيت
قله يعبيه في العلبه بشرط ينزل الزيت القديم كله

زد على ذلك فيه حساس مثل البلف خلف العلبه العلويه العلبه اللي في السيور اعتقد لها دخل بمشكلتك


اتمنى لك حلا سهلا لمشكلتك بدون ادنى تعب بدني وتعب مالي


اخوك

لن امل من العطاء

[azizz_as]

مر قطع الغيار وخذ منهم طقم اصلاح علبة دركسون واقرب ميزان

ولو تمر ميزان المجد او اليرموك دامهم يفحصون مجان وصلح بأي ورشة



مشكور اخوي بس قالو اذا مفيها تهريب ماتحتاج طقم اصلاح

[azizz_as]

اتوقع والله اعلم ان علبة الدركسون السفليه غير اصليه أو راكبه غلط

قد صارت هذي مع واحد من الشباب في جيب لاند كروزر 91 وغير علبة الدركسون كاملة بوحده اصليه وضبطت

وقبل تغيرها مر على كم ورشة هيدورليك لين تتأكد


مشكور عزيزي الغالي بس شكلها حقت بلدها والله العالم

[azizz_as]

صعب الحكم بالضبط

لكن غير الاصلاح اولا
ونزل الزيت كله
وخذ زيت من الوكالة لونه ابيض خاص بالدركسون وليس مثل زيت الجيربوكس لونه احمر
كل اصحاب الورش يضعون زيت الجيربوكسات الاوتوماتيك في علبة الدركسون
وبعض السيارات لا ينفع لها هذا الزيت ومنها المبروك اليوكون تحتاج تقريبا 3 علب

ولا تستمع لكلام الميكانيكي اشتري له زيت
قله يعبيه في العلبه بشرط ينزل الزيت القديم كله

زد على ذلك فيه حساس مثل البلف خلف العلبه العلويه العلبه اللي في السيور اعتقد لها دخل بمشكلتك


اتمنى لك حلا سهلا لمشكلتك بدون ادنى تعب بدني وتعب مالي


اخوك

لن امل من العطاء


مشكور اخوي وراح اسوي زي ماقلت

[ابو تركي المطيري]

بخصوص الرجه على 80 هذي من الكفر الامامي يبي ترصيص

[معذب نملة]

الاخ\azizz-asالسلام عليكم بخصوص الرجة هذى فى الكفرالاامامى وتحتاج ترصيص الجنط واذكان الجنط سليم شيك على الكفريحتمل وجود تحبيلة اومطبات فى الكفر وبخصوص الدركسون يحتاج 1-وزن الدودة 2-شيك على ذراع الدركسون الموجود فى علبة الدركسون السفلية 3-شيك على صليب عامود الركسون (اسئل اللة لك التوفيق)

[azizz_as]

بخصوص الرجه على 80 هذي من الكفر الامامي يبي ترصيص


الاخ\azizz-asالسلام عليكم بخصوص الرجة هذى فى الكفرالاامامى وتحتاج ترصيص الجنط واذكان الجنط سليم شيك على الكفريحتمل وجود تحبيلة اومطبات فى الكفر وبخصوص الدركسون يحتاج 1-وزن الدودة 2-شيك على ذراع الدركسون الموجود فى علبة الدركسون السفلية 3-شيك على صليب عامود الركسون (اسئل اللة لك التوفيق)


مشكور علا المعلوه الطيبه اما بالنسبه للترصيص فتم الترصيص مرتين واحد عادي والثاني ارضي بس المشكله زي ماهي.

[azizz_as]

بخصوص الرجه على 80 هذي من الكفر الامامي يبي ترصيص


مشكور عزيزي تم الترصيص مرتين واحد عادي والثاني ارضي بس المشكله زي ماهي

[ظافرآل فراج]

مشكور اخوي بس قالو اذا مفيها تهريب ماتحتاج طقم اصلاح

اعاني من نفس المشكله وقالولي علبة الدرسكون السفليه يبغالها تغيير وحقيقه جديده اصليه بحوالي 3000 ريال مدري اش صار مع كاتب الموضوع انحلت المشكله ولا لا انا باقي مابديت في البحث عندي شغلااات واجد اشيك عليها ومثل ماتفضل صاحب الموضوع اليوم الصباح يقولي تبغ قطع الغيار اذا مافيه تهريب زيت ماراح ينفعك تغيير الاصلاح مدري وش رااااايكم !!!!!!!!!

موتري تااهو موديل 99 امريكي

[رفيع المقآم]

الله يعينكم وييسر اموركم

[جمس 2006]

ياريت تشوفون لنا حل

انا نفس المشكله تواجهني


:(

[فارس7]

اخوي غير طرمبة الزيت العلوية حقت الدركسون اللي راكب فيها السير اللي فيها خزان الزيت