سؤال من وين أعبي ماء؟

[biak23]

السلام عليكم ورحمة الله وبركاته

كنت أذكر يوم إني بالرس إذا بغينا نكشت كل المحطات فيها ماء حلو نعبي منها ببلاش :)

لكن أخوكم قدر الله عليه وسكن بالرياض والله يعيننا لين مانفارقه :(

وعندي تانكي بالسيارة لكن ما أدري من وين أعبيه؟

بعني هل فيه محطات فيها ماء على طريق القصيم مثلا؟

مع العلم إني ساكن بالشمال حي الغدير

وشكرا لكم

[قناص خلاوي]

وعليكم السلام ورحمة الله وبركاته
عن نفسي اعبي الماء من البيت مباشرة والماء حلو وزين
ومحطات طريق القصيم في بعضها ماء حلو عند طرمبات الديزل
وسبق وعبيت منها كم مرة لكن نسيت اسماء المحطات
انت مر وتذوق الماء بنفسك او اسأل العامل يفيدك هو للشرب أو لا ..

[جلوبلستار]

عليكم السلام
كان الله في عونكم يا سكان الرياض
إن شاء الله الأخوان ما راح يقصرون معك .
تقبل تحياتي .

[نوماس1]

من البيت قبل تطلع

[لاتكب البيالة]

السلام عليكم
هذي ظريبة اللي يخلي الرس ويجي للرياض ما يلقى ماء حلو:d
الرياض يا طويل العمر كل ماه حلو لكنه ما يصلح للشرب مار مع هالمواصير اللي الله اعلم من متى ووشلون لكن فيه محطات يعبون ماء حلو وهي قليلة وفيه وايتات تلقاه حول اماكن الكشتات لكن الطريقة الاسهل واللي انا استخدمه واضمن اشتري جراكل البيض للشرب والشاهي والطبخ
واتمنى لك التوفيق بالرياض والله يعينك

[سرهيد]

السلام عليكم

الحقيقة اننا فعلا نعاني من الماء يا اهل الرياض

طبعا انا عني اعبي التانكي الكبير حق الغسيل والوضوء وغيره من البيت

لكن الماء الحلو لدي جركل خاصة للشاي والقهوة فقط اعبيه من الفلتر حق البيت

بعضهم يقول فيه محطات في شمال الرياض تعبيء ماء حلو لكني للآسف لا اعرفها

تقبل مودتي

[سلمان العوفي]

السلام عليكم
يوجد بالرياض بطريق خريص خلف العثيم مول بعد مخرج طريق حسان بن ثابت
(ويت) ماء تعبي من ابار حفر العتش والحفيرة وما حلو وطبيعي
انا اعبي الجركل بريال وتانكي السيارة بعشرة ريال
وكان يوجد تريلة تجيب مويا من الدحلة القريبة من الرس .
وتحية خاصة لسرهيد

[/انا/]

الدرعية فيها محل تحلية


بعد العثيم من الدوار يمين
1كم تقريبا
تلقا محل صغير لتحلية المياه يسارك مهب واضح مرة
دوير له
عب موية
امش
ادع لي

[فايز العامر]

سؤالك مهم جداً

واقترح أنه يبادر أحد الأعضاء النشيطين ويفتح موضوع خاص بأماكن تعبئة المياه من وايتات الماء اللي يوقفون في بعض أماكن متفرقة من الرياض، خصوصاً وأنها أفضل من مياه المنازل..

ولو كان فيه إحداثيات يكون أفضل ..

[biak23]

شاكر لكل من رد هنا

أفدتوني الصراحة

والله يعطيكم العافية

[wolf220]

عب من بيتكم بالرياض محد يعطي بلاش

[biak23]

^^^^^

أنا أسأل عن ماء حلو صالح للشرب

وما قلت أبي ببلاش , هو يحصل لو بفلوس بس مالقيت

وأنا ما أقدر أعبي من البيت بحكم إني ساكن بشقة

ويعطيك العافية على مرورك

[محمد-الرس]

معقولة مالقيت ما ء صحة
ياخي خذ ماء صحة 5لتر أو الكبيرة --------والتانكي عبه من البيت وبس

[الطرفاوي@]

الله يكون في عونك وعون اهل الرياض وخاصه الكشاته من قل الماء العذب لتعبيه التانكي