برتا اكستريما 2 هل ترمي المتوسع؟

[براوينغ]

السلام عليكم
ياشباب انا حبيت اسألكم سؤال
من شهر تقريبا شريت لي شوزن برتا اكستريما 2 اللون اسود فيبر وفيها كيك اوف
واعجبت واحد من اخواني وخذااها , وانا طبعا بندقي ستوقر تركيه وحاطها لرمي طيور متوسطه الحجم كـ وز الربيع الدحروج والجرجس والقمري والصفر وإلخ علما بأن الستوقر تتاثر برمي المتوسع ويخربها وخطر عليها وشايل من بالي اني استعمل المتوسع فيها
بينما الاكستريما 2 ثلاثه ونص انش يعني ترمي جميع القرامات من 24 إلى 66 قرام ؟ هل ترمي الفشق القوي مثل المتوسع وابو12 حلبيه والبي بي وابورصاصه واحده اللي تجي مثل الخرازه ؟ وهل ترميهم بدون اي خطوره او تتاثر فيهم بكثرة الرمي ؟؟ يعني مثلا لو برمي فيها وز او بط واستعمل معاها المتوسع واكثر عليها بالرمي صندوق او اكثر هل تتاثر مثل البنادق العاديه من اول دسته وتحتر السبطانه بكثرة الرمي أو ترميهم باستمرار بدون ان تتاثر او تحتمي السبطانه وبكل سهوله وهل المتوسع يقلل من عمر الاكستريما 2 لو اكثر عليها اكثر عليها رمي بالمتوسع او بالبي بي او بابو12 حلبيه او ابورصاصه ؟ لاني باذن الله بشتري لي كم دسته للهالموسم من هالفشق وبحطها احتياط للكرك او للبط او للطيور كبيرة الحجم ,, وانا اتوقع مثل هالطيور ما ينفع معاها 32 قرام او 36 لانها حذره وتطير من مسافه ,, وحبيت اسأل سؤال اخير اذا ترمي هالفشق القوي عادي ارميه بالفل تشوك لاني سمعت اكثر من واحد يحذر يقول لاترمي فشق قوي بالفل تشوك لانه يمكن يسبب انفجار بالسبطانه ؟ بـ اي تشوك ارميه هل بـ شوك 5 او 4 او 3 او 2 وانا قريت مواضيع لبعض الاخوان يقولون الضغوط العاليه من 50 قرام تقلل من عمر الشوزن ؟ هل تقلل عمرها حتى واذا هي مخصصه لمثل هالضغوط مثل الاكستريما لو اكثر عليها رمي بالضغوط العاليه هل يقلل عمرها ؟ وفيه بعض الناس يقولون تستعمل المتوسع افضل من الضغوط العاليه كـ 66 لـ الطيور الكبيره وانا بصراحه بجرب المتوسع لانه احس انه فشق قوي وينفع لجميع انواع الطيور الكبيره , بس خايف على الشوزن لا تخرب لان بعض الشوازن تتاثر وانا بصراحه ما ادري هل الاكستريما 2 تتأثر ولالا ؟؟ والله يعطيكم العافيه

[sari13579]

الله يطعمك من خيرها ويكفيك شرها
(وين احصل مثلها الله يغفرلك ادور لي مدة ولا حصلت)

[نوض الحقوق]

هلا بك
انت تقول يقصر عمرها يعني لو فرضنا انها تبي تعيش معك 20 سنة بضعط 32 ليس معناه انه تبي تعيش معك نفس العمر بضعط مرتفع او فشق خشن مثل المتوسع اكيد يبي يتم استهلاك العمر الافتراضي للسلاح بالنسبة للشخص و ما اتوقع ان رميك كله يبي يكون يهذا الشكل و يفضل استخدام شوك غير الفل
بشكل عام كل ما كبرت حباب الرصاص كل ما كان تأثيرها اقوى بعيداً عن موضع الضعط
.... و النسبة للفشق ابو رصاصة وحدة و المسمى عندنا بالدرج فله سبطانة خاصة
الاكستريما طبق عليها المثل القائل
ما قضبتا ارمبه :D من عندي المثل
يعني لو تلقا فشق بدال الحلبي بلكة حطة و ما جاك علي

[قانوص قديم]

السلام عليكم اخي الكريم بديهي اذا البندق بترمي فيها غرامات عاليه راح تتاثر مع كثرة الاستعمال مثل الابره والنتاش ونابض الارجاع او السسته لي ترجع الاقسام لبيت النار تتعب السسته من كثر الدق اما بالنسبه للمتوسع فما دون مثل ابو 16 حبه والبيبي استخدم التشوكات من المودي فايد وصاعد لي السكيت يعني 3 و 4 و 5 ليش لانه الخردق او الحلبي يكون كبير الحجم واذا التشوق ضيق راح يتزاحم اثناء خروجه من السبطانه وحتى الستيل شوت الي يكون الحلبي ستيل نفس النظام من تشوك 3 وصاعد اما السلاق الي نسميه مخباط او بوحبه وحده فهذا له سبطانه خاصه محلزنه لاتستخدم سبطانتك العاديه خطررررررر وبالنسبه للمتوسع اذا طبقت الشروط في استخدام التشوك المناسب ما تتظرر السبطانه لانها ملسة الجوف ولا فيها حلزنه وللعلم ترا المتوسع يجي من 32 جرام وصاعد وتقبل مروري يا الغالي

[ابو سفيان]

اقلك يخوي امي المتوسع وقلبك قدك
بس بشرط التشك الوسيع تحطع لانك لو حطيت التشك الضيق رح يضغط على الحلبي ويمكن ينكسر التشك

[راشد الخلاوي]

ارم ما عندك من الفشق ولا تخاف ترى الأكستريما علومها طيبة ولا تنشد من اللي يمر عليها

أخوك الخلاوي

[أبو طلال-نقوه]

ترمي, لكن إستعمل شوك 3 أو 4 أو 5 أفضل...