أٌم اِلضناها قَلُبَنَّه فتاتين ( جديد )---------------------اللغز حله برق القصيم

[ابو ماجد 2]

السلام عليكم ورحمة الله وبركاته

أٌم اِلضناها قَلُبَنَّه فتاتين =ولا تِضني اِلا كود رجلٍ غشاها
تنجب لها بنتٍ بها الناس دارين=ياطيبها والدين يندِب عطاها
أٌمٍ سميتها خفيه عن العين=خطو الرجل ياصاح يصعب بلاها





تحيتي وتقديري لجميع الزملاء

[فهد الهلالي]

ابو ماجد تحياتي لك
وصح السانك يازعيم مع مرتبه الشرف
الصراحه لغز صعب والدليل المشاهدات دون رمعات
وهذه رمعه خجوله لعلها تقترب قليل من الهدف
ولك مني وافر المحبه والتقدير
ماتكون يابو ماجد اللحيه وضناها الشعر واللي يقلبنها الايادي
والبقيه في الطريق
تحياتي

[الدوسرية]

صح السانك ولا عدمناك يابو ماجد

وانا مع الشيخ والرجل هو الموس

[بحار seas]

صح لسانك فارسنا ابو ماجد وحقيقه اني ماكنت ابرمع لان اللغز مثل ماذكر شيخنا ولكن شجعني الشيخ و نبي نفتح ثغره للاخوان ورمعتي هي ( قارورة الطيب ) اللي يجي منها توله وربع توله الخ ..............وسلامتك والجميع .

[ابو ماجد 2]

ابو ماجد تحياتي لك

وصح السانك يازعيم مع مرتبه الشرف
الصراحه لغز صعب والدليل المشاهدات دون رمعات
وهذه رمعه خجوله لعلها تقترب قليل من الهدف
ولك مني وافر المحبه والتقدير
ماتكون يابو ماجد اللحيه وضناها الشعر واللي يقلبنها الايادي
والبقيه في الطريق

تحياتي


صح بدنك ياشيخنا الغالي
اللغز اللي تكثر عناصره احياناً يصبح صعب فلغزنا فيه الام وتالد بنت ويقلبنه فتاتين ويمرها رجال ايغشاها
ولكن لو اخذتها من ناحية فعل البنت المحمود وسمية الام ممكن تصل ان شاء الله بسهوله
واللحيه مالك لوى
تحيتي لك

[ابو ماجد 2]

صح السانك ولا عدمناك يابو ماجد




وانا مع الشيخ والرجل هو الموس


صح بدنك ورمعة ابو محمد ماصابت
وانتظر مرماعك
تحيتي لك وتقديري

[ابو ماجد 2]

صح لسانك فارسنا ابو ماجد وحقيقه اني ماكنت ابرمع لان اللغز مثل ماذكر شيخنا ولكن شجعني الشيخ و نبي نفتح ثغره للاخوان ورمعتي هي ( قارورة الطيب ) اللي يجي منها توله وربع توله الخ ..............وسلامتك والجميع .

صح بدنك اخوي البحار
واللغز يمكن يسهل لو اخذته من الآخر
الرمعه مالك لوى
وانتظر القادم

[فهد الهلالي]

ابو ماجد طال عمرك هذا اللغز اقدر اسميه السهل الممتنع
وخذ هالرمعه اللي محدرة لها جبل
ماتكون اللغه العربيه
انجبت حرف
اللام
وانقسمت الى ثنتين
اللام الشمسيه واللام القمريه
والبقيه

حنا يالشباب نعرفه
تحياتي

[ابو ماجد 2]

ابو ماجد طال عمرك هذا اللغز اقدر اسميه السهل الممتنع

وخذ هالرمعه اللي محدرة لها جبل
ماتكون اللغه العربيه
انجبت حرف
اللام
وانقسمت الى ثنتين
اللام الشمسيه واللام القمريه
والبقيه


حنا يالشباب نعرفه

تحياتي


هلا بك يابو محمد
اللغز ماله علاقه بالحروف واللغة واللغز ملموس مشاهد بالعين
انتظر مرماعك القادم

[ياعين ابوي]

السلآم عليكم ورحمة الله وبركآته ؛؛

صح السانك اخوي ابو ماجد وكل عآم وانتم بخير ؛؛؛ولو انهآ متآخره ؛؛

ابرمعه اذ تسمح لي ؛؛

ممكن تكون الزكآة الام والصدقه البنت ؛؛

واذا .. مالي لوآ هل ممكن يكون الحل له علاقه بالكون ؟؟

[ابو ماجد 2]

السلآم عليكم ورحمة الله وبركآته ؛؛

صح السانك اخوي ابو ماجد وكل عآم وانتم بخير ؛؛؛ولو انهآ متآخره ؛؛

ابرمعه اذ تسمح لي ؛؛

ممكن تكون الزكآة الام والصدقه البنت ؛؛

واذا .. مالي لوآ هل ممكن يكون الحل له علاقه بالكون ؟؟

وعليكم السلام ورحمة الله وبركاته
من العايدين الفايزين والحمدالله على السلامه
الرمعه مالك لوى
وماله علاقه بالظواهر الكونيه
انتظر مرماعك القادم
تحيتي لك وتقديري

[ابن الراوي]

حياك ربي يازعيم انا يمكن اكون اول واحد دخل على اللغز ونحشت منه قلت الين يمهدون الاخوان الطريق وش رايك بشجرة الزيتون تنجب زيت الزيتون بعد عملية العصر وحثنا الرسول صلى الله عليه وسلم بأن فيها شفاء وسميتها التي ذكرت في القران وهي خفيه عن العين تحياتي

[وضح النقى]

صح لسانك يا زعيم

ممكن تكون المكحله الأم والكحل البنت
والمرود اللي يتغشاها
والأصابع يقلبنه

[سطام F15]

صح بدنك يابو ماجد ممكن تكون ( النخلة وبنتها التمرة والرجل اللي هو الوبار على ما أظن إن النخلة ماتثمر لين يوبرونها بذكر حسب معلوماتي الزراعية القليلة جدا) تحياتي لك وللجميع

[ابو ماجد 2]

حياك ربي يازعيم انا يمكن اكون اول واحد دخل على اللغز ونحشت منه قلت الين يمهدون الاخوان الطريق وش رايك بشجرة الزيتون تنجب زيت الزيتون بعد عملية العصر وحثنا الرسول صلى الله عليه وسلم بأن فيها شفاء وسميتها التي ذكرت في القران وهي خفيه عن العين تحياتي

حياك الله اخوي ابن الراوي
مالك لوى يالغالي
ولعلي ازيد باللغز يمكن ماوصلت لكم اللغز صح
انتظر مرماع قادم

[ابو ماجد 2]

صح لسانك يا زعيم

ممكن تكون المكحله الأم والكحل البنت
والمرود اللي يتغشاها
والأصابع يقلبنه

هلا بك يالغالي وصح بدنك
والرمعه مالك لوى
انتظر مرماع قادم

[ابو ماجد 2]

صح بدنك يابو ماجد ممكن تكون ( النخلة وبنتها التمرة والرجل اللي هو الوبار على ما أظن إن النخلة ماتثمر لين يوبرونها بذكر حسب معلوماتي الزراعية القليلة جدا) تحياتي لك وللجميع

هلا بك اخوي سطام
صح بدنك
والرمعه مالك لوى
تحيتي لك وتقديري

[ابو ماجد 2]

السلام عليكم ورحمة الله وبركاته

لزيادة الايضاح غيرت كلمه ممكن تقود للمعنى افضل


أٌم اِلضناها يَدعكِنّه فتاتين =ولا تِضني اِلا كود رجلٍ غشاها
تنجب لها بنتٍ بها الناس دارين=ياطيبها والدين يندِب عطاها
أٌمٍ سميتها خفيه عن العين=خطو الرجل ياصاح يصعب بلاها






تحيتي وتقديري لجميع الزملاء

[بحار seas]

صح لسانك وهذي الرمعه قبل ماشوف التعديل يمكن تكون بعيده شوي ( الرحى ) وسلامتك .....

[ابو ماجد 2]

صح لسانك وهذي الرمعه قبل ماشوف التعديل يمكن تكون بعيده شوي ( الرحى ) وسلامتك .....

مالك لوى اخوي بحار
انتظر القادم
تحيتي لك

[برق القصيم]

صح لسانك زعيمنا
رميعه طال عمرك :
الصابونه يقلبنّه الايدين والرجل الماء
وسميته صابونة الركبه وهي مخفيه وبلياه يصعب المشي

[ابو ماجد 2]

صح لسانك زعيمنا

رميعه طال عمرك :
الصابونه يقلبنّه الايدين والرجل الماء

وسميته صابونة الركبه وهي مخفيه وبلياه يصعب المشي



لله درك وسلمت يداك وفكرك وكلك
رمعة حريف لاعدمناك
نعم صابونة اليدين
وكما وضحت يالغالي والبنت الرغوة وفعلها النظافه وديننا حث على النظافه
بيض الله وجهك