المساعد الشخصي الرقمي

مشاهدة النسخة كاملة : ودي أفصل جراب للسكين .. وين ألاقي هالشيء بالرياض ؟؟


لكزس_جيب
11/10/2009, 05:48 PM
مساكم الله بالخير يالربع ..
تساؤل بسيط لو سمحتوا ..

عندي مجموعة من السكاكين وودي أعمل لكل واحدة منها جراب أو مخبى أو بيت .. وين ممكن ألاقي أحد يعمل لي هالشيء في الرياض .. ويكون شغل كويس ومحترم .. اللي يعرف ياليت يفيدنا والله لايحرمه الأجر ..

كل الشكر والتقدير لكم
راعي سمنان
11/10/2009, 06:24 PM
اذا تبي شراع عندك اليوسف بحي الريان

واذا تبي جلد عند الديره بسوق الزل يفصلون لك اي شي
MD NOUR
11/10/2009, 06:41 PM
تحيـة طيبــة
الأفضل جراب الجلــد يصنعــه بعض العمالـة الباكستانيــة المتخصصين في تصليح الأحذيــة ( جلد البقر ) جيد و متين.
عاشق الفرعه
11/10/2009, 07:15 PM
أفادوك الأخوان
مكشاتي كوكتيل
11/10/2009, 09:52 PM
محلات بيع الأحذية (وأنت والقراء بكرامة) يفصلون لك حسب طلبك وخاماتهم حلوة وقوية.
لكن ودي انبهك لحاجة وهو إنك تخليه يدبل الخياطة على الجراب اللي في جهة حد السكين حتى لاينقطع الجراب بسبب حد السكين.
التميمي ك د ك
11/10/2009, 10:44 PM
فيه محل في سوق الزل عند باكستاني اسمه احتشام هذا متخصص وفننان في تخيط الجلود وعند بيت للسكين تبغى خشب تبغى جلد اللي تبي ممتاز مررررررررره بس غويلي شوي بس شغل 100%
خوي الذيب2
12/10/2009, 11:28 AM
مثل الجراب اللي في ها الموضوع حلو ورخيص بحوالي 15 ريال ويشيل كل السكاكين الموجودة عندك

http://www.mekshat.com/vb/showthread.php?t=234895 (http://www.mekshat.com/vb/showthread.php?t=234895)
لكزس_جيب
12/10/2009, 12:11 PM
راعي سمنان

جزاك الله خير ما قصرت .. والله إن الشراع حلو ويعطي منظر من وجهة نظري ..
أتوقع أني بجرب الشراع وبجرب الجلد .. لا هنت على مساعدتك ..

MD NOUR

الله يكثر خيرك .. ماقصرت على الرد .. فيه في الحارة باكستاني راعي جلود أحذية .. إن شاء الله إني بمره وأشوف وش العلم ..

عاشق الفرعه

لاهنت يا طويل العمر..


مكشاتي كوكتيل

لاهنت على الرد والنصيحة وبإذن الله سيؤخذ بها وسيتم التنبيه على ذلك


التميمي ك د ك

بإذن الله إني بمر احتشام .. الله لا يهينك يالتميمي وماقصرت


خوي الذيب2

ماقصرت يا خوي الذيب .. هذا يفصلونه عند محلات الأشرعة ولا لا ؟
عموما أنا بعد ودي في واحد مثل هذا .. وودي في شي مفرد .. ماقصرت على الرد والتوضيح ..
والله يبارك لك في ماعندك