جي اكس ار 2002 العـــداد اصفـــار جديد

[Traveller]

سلام عليكم ورحمة الله وبركاتـــــــــــــه

يا اخــــوان في واحــد من الزملاء حصل جي اكس ار بقراطيسه جديد مامشى وطبعا مخزن في حوش مكشوف والشمس تشرق وتغرب عليه بس البودي لم يتاثر من الشمس ولا من اي شي بودي وكالة ( اتوقع الكفرات يبغالها تغيير )

مواصفـــاته:
جي اكس ار
ابيض قير عايدي

كم يسوى ؟
وهل تنصحون في شرائه؟
وهل يضر كثرة الوقفة لاني سمعت انه احتمال تصلب المكينة هل هذا الكلام صحيح؟

انتضر ردودكم وخاصة كم يسوى له

[ابوناصر426]

لو موديله 2008 فيها كلام
لكن هذا موديله 2002م !! والموتر واقف من مده طويله، اتركه

[لاتكب البيالة]

موديل 2002 من افضل الموديلات بتيوتا
اذا كان رخيص خذه واعتقد يحتاج تغيير بعض القطع

[Traveller]

السعر كم يسوى؟؟؟

[شاص2001]

الله يكتب الي فيه الخير

[L I M I T E D]

اذا الموتر جديد بطاقة جمركية
يعني ماطلع لوحات ولا شيء
الوكاله تتكفل بتغيير الكفرات ومايلزم
على الضمان ،، لان الضمان مايبدأ من سنه الصنع
يبدأ من تاريخ اول استخدام

اللي يحكم السعر ،، اذا السعر مناسب
استخر وتوكل على الله
:)

[باث 3]

بياخذ الموتر بيقط فيه 5000 أقل شي لان يبي له تغيير ربلات وكفرات ويمكن الطبلون لان الشمس تاكل الموتر اكل

[Traveller]

جزاكم الله خير بشوف وش يصير على الموضوع

[خا1لد]

انا من وجهة نظري لو هالموديل وماشي 50 الف احسن من الي واقف كل هالسنين في الشمس
تراها سبع سنوات مهيب سهله

ودمتم سالمين

[Traveller]

والله ياالغالي الموتر نظيف جدا حتى مافيه اي تشقق ولا بهتان على البوية

[ماجد1234]

الموتر يبي لك تغير فيه

جميع الربلات

والسيور

والليات

اي شي بلاستيك

بأعتقادي انه يتأثر

اما المكينه ماظنيت انه بيجيها شي

غير زيوته واستخر

والموتر مايتفوت ان كان بويته وداخليته سليمه

[التعـ King ـديل]

بياكل عليه قطع وبيتعبه مع الاستخدام ..

الافضل يشتري مستعمل ماشي اقل من 100 افضل

الموتر المستخدم افضل من الموقف فتره طويله

[راعي المجهم]

هذا طال عمرك لو تشغله وتاخذ به مشوار 20 كيلو فقط

تجد الزيوت تخرخر تحته لأن صوف المكينة والجربكس والدفرنس مهترئة من الوقفة

يعني راح يكلفك قيمته دبل تصليحات ومشاكل مالها أول من تالي

[أحمد الدهمشي]

وعليكم السلام ورحمة الله وبركاته

كل سياراتنا واقفة بالشمس ماضرها
لا يفوتك حتى ولو كلف تغيير بعض القطع كفرات وربلات 10 الاف ريال
والله يكتب لك اللي فيه الخير

[جبال العارض]

السلام عليكم ورحمة الله وبركاته
ااخي العزيز ان كان لك في السياره خاطر اخذها او حول الموضوع علي =يعني عطني رقم صاحب الياره او مكان السياره عشان اشتريها او اشوفها قبل

[ابو ناصر2020]

الشمس تاكل الخضر واليابس

وكل سياراتنا تضربه الشمس وحرارت المحرك تحرق كل شي يعني ثنين في واحد

انا التوقع انه يستخير
ويسأل اذا هو بطاقه جمركيه يروح للوكاله يشيك على الضمان عشان يصيد عصفورين بحجر

والله يرزقه خيره ويكفيه شره يارب

[الحرملية]

الناس يكدون جموس موقفة 30 سنة وقد استخدمت على بالك عطي الله التايوتا خذة ولاتمالي اعرف واحد سرق موترة لاند2001 على ايامة الموتر ذاك الحين ماشي 3000 الاف بس وسرق واللي سرقة صار يهرب علية لين مامسك ومسك وقد مشى السيارة 36000وقعد الموتر في حجز السيارات مايندرى من هو لة لان مركب علية لةحات تصدير عمان ومشيولة لوحاتة الاولة ولما بدو يسوون حراج على المواتر اللي في الحجز شافو الموتر والا مايعرفون من راعية لين خذوا رقم الشاص والا طلع باسم خوينا نادوه قالو موترك عندنا خذاة ولقى بس الخط منعدم من الشمس وقالي انة ماغير الا الخط بس مقال الموتر معدوم ولا شي .يعني الموتر ماينتفوت افحصة وشفة وتوكل والله يكتب الصالح

[BEN SADEQ]

نصيحه لاتفووته

ولو تدور لي مع واحد يكون افضل >>>> طماع

[قطب 999]

سوالك المفروض يكون عن دسكفري او رنج روفر وهذه الانواع غير الشعبيه حيث يصعب تصريف اواخر الموديلات وتباع بعد عدة سنوات بتراب الفلوس ويخسر من يشتريها من نحية تعقيدات مكاينها وحساسيتها ومن ناحيه اخري سعرهافي السوق زباله اما عن كروزر فلا اتوقع بوجود موضوعك عل الحقيقه وان وجد فالمصاريف التي ستدفعهافي سبيل تشغيله قليله بمقارنة سعره السوقي لاسيما سهولة صيانته

[الاخطبوط97]

والله ياخوي أنا شاري لاندكروزر vxمخزن بقراطيسة موقف في مستودع وكالة في أوروبا يعني في اجواء باردة وبعيد عن الشمس ومديلة 90 شف كم لة واقف من سنة 19سنة واقف وأخذتة وشغلتة والموتر مافية اي كلام حتى كفراتة موديلها 90 ومشيت عليها تقريباُ 4 شهوروانا راعي مشاوير ولا جاهن اي شي وغيرتهن للطمأنينة وغيرت سيورة للطمأنينة وهن جدد لاشطوب ولا غيرة وغيرت زيوتة كلهن والحمد لله الموتر لا تهريب لا صوف ولا غيرة ولا واجهت منه اي مشاكل ومعي الحين ماش 35 الف ولاكن اللي موقف يالشمس هذا مشكلة تلقى ديكورة تعبان واي شي لو تحرك فية ينكسر وهذا وجهت نظري لك وأسف على الأطالة0

[عادل الجابر]

السلااام عليكم قلي وين محله وأنا قووول كم يسوى وشيبيله:Dألله يوفقه التوفيق الحسن

[محمدالعريني1]

اخوي عليك بصلاة الستخاره اول شي والله يكتب فيه الخير

[مركزالعبد]

لايفوتك


داخليا المكينة والمحركات معزولة تماما عن الرطوبه حتى لو هو في منطقة ساحليه
وكل السوائل الموجودة فيها مواد مضادة للتأكسد


الشي الوحيد اللي راح تغيرة هو الكفرات + الفحمات لان الاقراص منعمة وقابلة للصدأ بشكل سريع


واذا انك ما استخدم البريك قوة ،، الفحمات بنفسها راح تقوم باللازم.


بس شيك على السيور بعد كم يوم كرف


وما تشوف شر

[مرير الشوق]

ما انصحك فيه


والله يكتب اللي فيه خير

[قرم العيال]

شف يالغالي

ما يضره

والوقفه

غير طقم كفرات جديده

وهل هو الي بالجنوووب الباحه الظاهر !!

بس يبي يتعبك شوي البطاقه الجمركيه حقت الارقام ناقصه رقم واحد

لازم تراجع مصلحه الجمارك بالرياض او اي فرع

حتى تتمكن من إصادر بطاقه جمركيه جديده

حتى تقدر تسدد عن طريق الصرافه

لانه راح يرفض رقم البطاقه الجمركيه

واسال مجرب ..

او عطه معقب وهو يضبط الامور ..

علما انه بالرياض ما اخذ معي ولا ساعه تقريبا

[فتك ابوفهد]

انا مع الاخوان المستعمل اللي ماشي أقل من 100 ألف أفضل

بس هذا بيصلح لرجال راكد ومايجور على الموتر لأن المكينه لها اكثر من 7 سنوات واقفه ويبيلها تغيير صوف + زيوت + القطع الاستهلاكيه من كفرات وسيور وغيرها
ويحتاج تمرين يعني ماتعديه الـ 120 لمدة كافيه أتوقع الى ان تمشي 20 ألف كافي << اقولك عن تجربه لموتر شاريه مخزن اكثر 10 سنوات وغيرت أشياء كثيره بعضها ماله داعي أغيره بس من زود الحرص وبالأخير خبط

ومن ناحية السعر من 90 _ الى _ 100 ألف اتوقع هذا سعرهـ

[ahmad995]

ابعد عنه
كل شي باالموتر انتهى عمره
تخيل 8 سنوات واقف تحت الهواء والشمس

[يتيم الحب]

الله يكتب لك اللي فيه الخيرررر؛؛؛تقبل مروررري؛؛؛

[GMC79]

لا بفوتك خذه ولاتشاور

[العديم2009]

لاتنسى صلاة الاستخارة
والله يدلك لمافيه خير لك

[الربذي]

الله يعينك واحد خذه وتوكل والثاني ابعد عنه الثالث خذه مايضره الرابع ابعد عنه الخماس خذه مايتفوت السادس ابعد ماانصحك فيه

الله يعينك لبغيت تحيره خيره
شف اذا ضمانه يفعلونه من يوم استلامه تماااااااااااااااااااااااااااااااااااااام يبون يغيرون لك الكفرات وتوكل على الله لان كل خراب عليهم يعني خذه اذا من 85الى 90 موفق خير لان سعره بيومه كان 116بالمعارض ووكاله كان 122الف لانا اشترينا واحد بل واقل من كذا باخر الموديل اذكر لقيت 2001 ماشي الف ب105 فقط يابلاش

[Traveller]

بيض الله وجهكم جميع ويعطيكم العافية يا اخوان ماقصرتوا ويعلم الله استفدنا من ردودكم والسيارة لزميلي هو الي يبغى يشتريها وشاف ردودكم ونية الشراء موجودة لكن باقي كم شغلة يبغى يتاكد منها وانا بس حبيت افيده عن طريق المنتدى فقط وبنسبة للي يسئل عن السيارة الرجال الي الحين له شف في السيارة لكن اذا هون اعطيتكم خبر وحتى يعلم الله باقي ماشفت الموتر بس هو قال لي قلت مالي الى حبايبنا اعضاء مكشات ومن جد ماقصرتوا بيض الله وجيهكم ياالنشاما والله يكتب مافيه الخير