طلب افضل نوعيه للقدر الكاتم

[محمدالعريني1]

السلام عليكم ورحمة الله وبركاته
اخواني اصحاب الطبخات ابي اسألكم افضل قدر كاتم يعني نوعيه مجربه مع الدعم بصوره للقدر اذا امكن لأني بصراحه ابي اشتري واحد

[محمدالعريني1]

ارجو ارد في اسرع وقت

[مجازف2010]

عندك قدر ( تيربو ) الماني اصلي ولكن انه غااالي جدا يعني 11 لتر او اقل تقريبا ب 700 ريال او اكثر

ولكن راح تورثه لعيال عيالك عقب عمر طويل

وهذي صورتهhttp://www.albreah.org/up2/uploads/images/albreah.com-58b3f8fd70.jpg

تحياتي

[سيف الملوك]

اخي محمد العريني1
اسعد الله جميع اوقاتك بكل خير
بالنسبة لي من واقع تجربة فعليك بنوعية(ساب) فرنسي الصنع،وقطع غيارة متوفره وعملي،بس ترى سعره غالي شوي الله يعينك عليه ويعتمد السعر بطبيعة الحال على الحجم وعدد الألتار التي يتسعها.
ارجو ان اكون قد افدتك وتبقى هذه وجهة نظر وربما يرى الأخوان من الأعضاء انواع افضل من هذا النوع،،.
اخيراً اعتذر عن عدم أمكانيتي لعرض صورة لنوع القدر المقصود.
دمت بألف خير،،.

[راعي معنى]

عندك قدر الكاتم نوع ( ســب ) ونوع ( تـيـفـال )

بس خذ حسابك بالسعر انهن غاليات

[لكزس_جيب]

مرحبا فيك يا طويل العمر ..

أنا والله عندي واحد صيني سبعة لتر ..
وناوي ان شاء الله اشتري سب الفرنسي اربعة لتر ونصف عسى الله يسهل ..

[الهمايون]

والله شف انا استخدم كاتم نوعيتها السيف حلووووو

[محمدالعريني1]

مشكورين ويعطيكم الف عافيه على المعلومات وجزاكم الله خير

[رعد الصحراء]

وعليكم السلام ورحمة الله وبركاته
بالنسبه لي الأفضل :
التيربو الألماني سعره غالي شوي لكن لك وللزمن
السب الفرنسي أقل سعر من التيربو ولك وللزمن
إذا تبي تاخذ قدر ضغط لا تتعدى التيربو والسب
بالنسبه للصور ما يحتاج إدراجها لأنها معروفه
السب الفرنسي الـ 11 أخذته بـ 490 ريال من فتره
ما ادري كم سعره الآن وزي ما ذكر أخونا مجازف التيربو الألماني الـ 11 لتر بـ700 ريال
أتمنى أن أكون وفقت بالإفاده
’’تـقبل مروري’’

[عرقوب]

افضل قدور الضغط الالمانية الي عندي اسمها فسلر سعرها 600 ريال الصغير



قدر الضغط تيربو ممتاز من 40 سنه وسعره ثابت ماتغير


سب هو الي أنصحك فيه فرنسي تقريبا 600 ريال بس ممتاز واحسن من التروبو كشكل


قدر السيف .. ستيل مو ألمنيوم .. سعره تقريبا 170 ريال ممتاز

[د.سهم]

زي ما تفضلوا الشباب

لكن بالنسبة لي اخذ نوعية السيف او با صرّه ممتازة ورخيصه

جلدة ضغط التربو = سعرقدر ضغط باصرّه

والاكل على حسب نفس الشخص اللي يطبخ وسلامتك

[wolf220]

السيف جودة ممتازة

واسعارة معقوله

تقبل تحيااااااتي

[الستانس]

انا عندي ساب عمره اكثر من عمري
ممتاز جداً واهم شي يتستس

ماخذه من البيت:d

[Raselny]

لا تتعدى السب او التيفال (كلهم نفس المصنع)
الإختلاف بينهم في طريقة الفتح فقط
التيفال اسهل في الفتح والإغلاق لكنه أغلى سعر
والسب اصعب في الفتح والإغلاق (برأيي أنه أءمن) وارخص بالسعر لكن الفرق ليس كبير.

[قليقلان]

عليك بالسيف

مدري كم لتر لكنه يكفي 8 اشخااااص بالراحه

وسعره 90 رياااال ويؤدي الغرض وزياااده

وميزته انك تطبخ به على الناااار والا غااااز ماعندك مشكله

لان سعره رخيييص ويمكنك تجدده كل سنه

انا عندي واااحد له 3 سنين كد ومد

وبالنهههايه طيب الطبخه على طبااااخها

[ابوفرايديز]

لا تتعدى الالماني والفرنسي التيربو والسب

[أبوسديم]

التربو ممتاز بس السعر غالي ولكن يدوم لسنين,,,, معي واحد عمره قارب العشرين عام والطبخ فيه ماشاء الله تبارك الله .............. أتمنى أني قد أفدتك وتقبل مروري ..

[دكتور بر]

1 ـ تربو ألماني
2 ـ سيب فرنسي
3 ـ مولينكس
4 ـ السيف ستان ستيل
1000ـ إيراني

[خوي الذيب2]

اخوي
اذا تبي قدر جيد ويعيش لك سنين فخذ لك سب الفرنسي .


بس كثر الدراهم
وذا تبي قدر زين خذ السيف ستيل سعره طيب وماهو ردي
وتجيب 6 والا 7 قدور بسعر واحد الماني



وتقبل تحياتي
خوي الذيب

[المهمري]

اخوي تبي تزوج خذ المانية وللا فرنسية
لكن القدر لاتعدا الصيني ياخوي تراه راسماله قدر
در بالك تراي امزح لاهالحين تروح لالمانيا وتعرس

[الرجيلي111]

ساب الفرنسي ( الستيل ) بدون منازع

[سعود الحربي]

نصيحه لله ابتعد 1000متر عن السيف الخايس ربع حديده بيذوب في معدتك مع الرز هذا خايس بماتحمله الكلمه من معنى

عليك في السب الفرنسي وكان فلوسك ماهي واجد خذ اسباني 12لتر ب400ريال وهو نفس لسب

لكن تراء لهن طبخ خاص يعني لا تشعل النار زياد وقلل الماء
والله يعطيك من خير ويكفيك شره

[طير المحبه]

انا اللي عندي كاتم السيف ..

ممتاز حقيقه .. شريته قبل 9 شهور .. و الى يومك وانا أكده بالطلعات ولا الأهل بطبخ اللحمه .. و اليوم بأطلع وباخذه معي .. ممتاز حقيقه وعملي ..

فيه نوعين .. واحد " ستيل " وهذا غالي وثقيل .. والنوع الثاني حديد عادي .. وهذا ارخص .. و الفرق بينهن على كلام البائع إن الستيل صحي أكثر ..

وحقيقه كل اللي اعرف ياخذون كاتم السيف الحديد ولا شافو الا كل خير ..

واسعارهن مهب غاليه من 200 وانت جاي ..