منشدي مشهور باللون الحَمَر ( جديد )----------------------اللغز حله فطن القصيم

[ابو ماجد 2]

السلام عليكم ورحمة الله وبركاته


اليكم لغز جديد فكرته قد سبقني فيها زميل عزيز

خاطِرٍ بالبال يرِث بي سهر=سايقه في لغز ماشق النهار
سايقه سوقٍ تلافيت الوعر=ما ابي قاريه في حله يحار
منشدي مشهور باللون الحَمَر =لاقلبته ياما أرّث من خضار
منشدي ياكثر ماجاور خطر=منشدي ياما بجوفه من مضار
ون بغيت ايضاح بديار الحضر= لابغابٍ ينلقي او بالصحار









تحيتي وتقديري لجميع الزملاء

[فهد الهلالي]

صح السانك يابو ماجد سلمت وسلمت يداك
رمعه استفتاح
ليث
عكسه ثيل
موجزد بالقرب من حيولتان اخرى في الغابه كلها خطر في خطر
والخطر اللي في جوفه انياب اتدور القلهي
رمعه ثانيه يابو ماجد
عرق اللي في الانسان
اليا قلبته قرع والقرع من انةاع الخضار
والعرق مجاور للخطر
والكسترول والامراض الاخرى في داخله
تحياتي

[ابو ماجد 2]

صح السانك يابو ماجد سلمت وسلمت يداك

رمعه استفتاح
ليث
عكسه ثيل
موجزد بالقرب من حيولتان اخرى في الغابه كلها خطر في خطر
والخطر اللي في جوفه انياب اتدور القلهي
رمعه ثانيه يابو ماجد
عرق اللي في الانسان
اليا قلبته قرع والقرع من انةاع الخضار
والعرق مجاور للخطر
والكسترول والامراض الاخرى في داخله

تحياتي


هلا والله بشيخنا الفاضل
صح بدنك يالغلا
الرمعات مالك لوى وتراي الحقت بيت من شان نحصر وجهة اللغز اكثر
تحيتي لك وتقديري

[فهد الهلالي]

http://www.dodownload.com/image/skull+and+bones+3d+screensaver.png

[ابو ماجد 2]

http://www.dodownload.com/image/skull+and+bones+3d+screensaver.png



الله يكافينا واياك الشر
مالك لوى يالغالي
انتظر المرماع القادم

[بحار seas]

صح لسانك يبو ماجد ماشاء الله ..... الله يزيدك من فضله حقيقه ابيات رائعه تشنف الاذان اشكرك عليها فارسنا الفاضل ...

وجاري التفكير

[يوسف الخليفة1]

بارك الله فيك أخي العزيز أبو ماجد وما قولك في ثور وقلبه روث يوضع للنبات وحياك ربي

[الدوسرية]

صح السانك اخوي ابو ماجد
المؤشر الاحمر في سوق الاسهم هو الي فيه خطر وعكسه الاخضر

[wolf220]

انا اتوقع و يمكن يكون بعيد توقعي هذا انه الدخان او التبغ


تحياااااااتي

[فهد الهلالي]

صح السانك اخوي ابو ماجد


المؤشر الاحمر في سوق الاسهم هو الي فيه خطر وعكسه الاخضر


ياسلام عليك يالدوسريه رمعه مع المذبح بيقعد اسبوع يرفس ذبح تعزير
ننتظر رد الزعيم

[ياعين ابوي]

تبآرك الرحمن يازعيم على هاللغز الجزل ؛؛؛

ابرمعه وان كان عندي شك برمعتي ....> ممكن يكون النآر واذا قلبناها يكون الرآن ....

[ابو ماجد 2]

صح لسانك يبو ماجد ماشاء الله ..... الله يزيدك من فضله حقيقه ابيات رائعه تشنف الاذان اشكرك عليها فارسنا الفاضل ...

وجاري التفكير

هلا بك يالغالي
والف شكر للمرور العطر والكلمات الطيبه
تحيتي لك وتقديري

[ابو ماجد 2]

بارك الله فيك أخي العزيز أبو ماجد وما قولك في ثور وقلبه روث يوضع للنبات وحياك ربي


هلا بك اخوي يوسف
مالك لوى يالغالي
انتظر مرماع قادم

[ابو ماجد 2]

صح السانك اخوي ابو ماجد


المؤشر الاحمر في سوق الاسهم هو الي فيه خطر وعكسه الاخضر


صح بدنك
مالك لوى وترى المقصود بقلبه اي عكس حروفه
تحيتي لك

[ابو ماجد 2]

انا اتوقع و يمكن يكون بعيد توقعي هذا انه الدخان او التبغ


تحياااااااتي

مالك لوى يالغالي

[ابو ماجد 2]

ياسلام عليك يالدوسريه رمعه مع المذبح بيقعد اسبوع يرفس ذبح تعزير


ننتظر رد الزعيم


هلا بك يابو محمد
مالكم لوى يالغالي والمقصود بالقلب اي عكس الحروف
تحيتي لك وتقديري

[ابو ماجد 2]

تبآرك الرحمن يازعيم على هاللغز الجزل ؛؛؛

ابرمعه وان كان عندي شك برمعتي ....> ممكن يكون النآر واذا قلبناها يكون الرآن ....

الله يبارك بايامك ولياليك
الرمعه مالك لوى
انتظر القادم
تحيتي لك

[alamjbor]

ماهو الصاروخ = الحشيش = مخدرات

[ابو ماجد 2]

ماهو الصاروخ = الحشيش = مخدرات

هلا بك يالغالي
والرمعات مالك لوى
تحيتي لك وتقديري

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
طيب وش تقول بالفلفل الأخضر الحار
عارف مسبقاَ انا مالي لو

[ابو ماجد 2]

السلام عليكم ورحمة الله وبركاته
اسعد الله اوقاتكم بكل خير
طيب وش تقول بالفلفل الأخضر الحار
عارف مسبقاَ انا مالي لو

عليكم السلام ورحمة الله وبركاته
مالك لوى وابعد عن الكائنات الحيه وحتى النباتات
انتظر مرماعك القادم

[ابو ماجد 2]

السلام عليكم ورحمة الله وبركاته



اليكم لغز جديد فكرته قد سبقني فيها زميل عزيز


اليكم بيت لعله يحدد الوجهه اكثر

خاطِرٍ بالبال يرِث بي سهر=سايقه في لغز ماشق النهار
سايقه سوقٍ تلافيت الوعر=ما ابي قاريه في حله يحار
منشدي مشهور باللون الحَمَر =لاقلبته ياما أرّث من خضار
منشدي ياكثر ماجاور خطر=منشدي ياما بجوفه من مضار
الضرر ببني بهن وزر النظر=والضرر ببني عملهن كود نار
ون بغيت ايضاح بديار الحضر= لابغابٍ ينلقي او بالصحار









تحيتي وتقديري لجميع الزملاء


ببني..بني جمع بنت اي بنات

[يوسف الخليفة1]

بارك الله فيك أخي العزيز أبو ماجد وما تقول في عرق وعكسه قرع وحياك ربي

[ابو ماجد 2]

بارك الله فيك أخي العزيز أبو ماجد وما تقول في عرق وعكسه قرع وحياك ربي


حياك الله اخوي يوسف
وارمعه مالك لوى
انتظر المرماع القادم
تحيتي لك وتقديري

[انا السيف]

صح اللسانك ابو ماجد

لا تلومني المخ مكربن هههههههه


ويش رايك في ( جرح ) و ( حرج )

[انا السيف]

ابو ماجد طيب نقول

الابيات تنطبق على المعسل عاد ما ادري البحريني ولا غيره ههههههههه

هو اللي ببني عملهن نار اللي هي الشيشه وفيه ضرر

لكن عكسه لسعم مدري

[ابو ماجد 2]

صح اللسانك ابو ماجد

لا تلومني المخ مكربن هههههههه


ويش رايك في ( جرح ) و ( حرج )

صح بدنك يابو علي والمفروض المخ يصحصح عقب الاجازه
مالك لوى يالغالي

[ابو ماجد 2]

ابو ماجد طيب نقول

الابيات تنطبق على المعسل عاد ما ادري البحريني ولا غيره ههههههههه

هو اللي ببني عملهن نار اللي هي الشيشه وفيه ضرر

لكن عكسه لسعم مدري

ابو علي رمعتك هذي قربت فيها الى جزء من الحل قد يفك باقي الرموز

[سكب]

الشيشة
ابو ماجد

[دبوس ظلماخواف]

مساكم الله بالخير جميع

رمعه وتروها عجله ........
روج وعكسه جور

[سطام F15]

أبو ماجد أنا اليوم مارمعت شيء وبرمع هالرمعة العجولة كبداية مايكون (الجراك ) وعكسه كارج لو إن ماله معنى بس ببدأ

[ابو ماجد 2]

الشيشة
ابو ماجد

مالك لوى يالغالي

[فهد الهلالي]

ابو ماجد الله يسلمك من كل شر
رمعه مايكون راس الشيشه او مايسمى بالحجر
اذكر اليماني بالقهاوي يقول عبي حجر وانا احسبنه يعبي حجر البطاريه
او اللي يسمونها على مااعتقد بالشقفه او الشقافه اللي يحطون عليها الجمر عن الجراك
تحياتي لك يازعيم

[ابو ماجد 2]

مساكم الله بالخير جميع

رمعه وتروها عجله ........
روج وعكسه جور

مساء النور
والرمعه مالك لوى
تحيتي لك وتقديري

[ابو ماجد 2]

أبو ماجد أنا اليوم مارمعت شيء وبرمع هالرمعة العجولة كبداية مايكون (الجراك ) وعكسه كارج لو إن ماله معنى بس ببدأ

والله يالغالي انا حسيت ان اللغز ثقيل وماشفت غيره بالساحه لذلك طرحت اخف منه وكذلك الحمدالله اخوي مسير طرح لغز
الرمعه مالك لوى
وانتم تدورون حول جزئية من اللغز قد تفتح الباب لحله

[ابو ماجد 2]

ابو ماجد الله يسلمك من كل شر

رمعه مايكون راس الشيشه او مايسمى بالحجر
اذكر اليماني بالقهاوي يقول عبي حجر وانا احسبنه يعبي حجر البطاريه
او اللي يسمونها على مااعتقد بالشقفه او الشقافه اللي يحطون عليها الجمر عن الجراك

تحياتي لك يازعيم


هلا بك يابو اسامه
مالك لى ومثل ماقلت انتم تدورون حول جزئيه من الحل
انتظر مرماعك القادم

[عاشق السناف]

رمعة على عجل

طفاية حريق

[فهد الهلالي]

ماتون يابو ماجد قطعه القماش الحمرا حقت النمسيح يلفونها على الشيشه للي وتحت الراس
كذلك سدة للي
هي القطعه الحمراء
وبعدين الرمعه السابقه للشيخ مسكين ماهي من ابو اسامه بس ماتلام القلب يطري مايغليه
بس تدري وشلون انا وابو اسامه مثل بعض يعني الشيخ ابو اسامه لايقه
تحياتي

[الوتر الحزين]

اخوي عندي كم رمعه باعطيك اياها كلها

وش رايك بالملبورو الاحمر خخخخخ

أو

الحنى لليدين لونه اخضر والى حطوه باليد صار احمر

تحياتي لك

[ابو اسامه 2]

هلا بك يا ابو ماجد

وصح لسانك

وش رايك في الارث

نقول ارث وعكسه ثرا والثراء ينتج الزرع على مساحات خضراء شاسعه

والارث يكون فيه الخطر من المشاكل اللي تحصل عن طريقه

مجرد محاوله

تحياتي لك

[ابو ماجد 2]

رمعة على عجل

طفاية حريق

مالك لوى يالغالي
تحيتي لك وتقديري

[ابو ماجد 2]

ماتون يابو ماجد قطعه القماش الحمرا حقت النمسيح يلفونها على الشيشه للي وتحت الراس

كذلك سدة للي
هي القطعه الحمراء
وبعدين الرمعه السابقه للشيخ مسكين ماهي من ابو اسامه بس ماتلام القلب يطري مايغليه
بس تدري وشلون انا وابو اسامه مثل بعض يعني الشيخ ابو اسامه لايقه

تحياتي


هلا بك يابو محمد
مالك لوى يالغالي
وابو اسامه وانت كلكم غالين ولكن انت كتبت بطريقة ابو اسامه نفس الحجم ونفس اللون حست ظفيرة هالشويب وبدأ يتخبط
تحيتي لك وتقديري

[ابو ماجد 2]

اخوي عندي كم رمعه باعطيك اياها كلها

وش رايك بالملبورو الاحمر خخخخخ

أو

الحنى لليدين لونه اخضر والى حطوه باليد صار احمر

تحياتي لك

هلا بك يالغالي
انت اتيت بجزء من الحل وهو الزقاير بأنواعها وهذا ماقصدته بقولي
والضرر ببني عملهن كود نار
يالله شدوا حولكم بالحل

[ابو ماجد 2]

هلا بك يا ابو ماجد



وصح لسانك


وش رايك في الارث


نقول ارث وعكسه ثرا والثراء ينتج الزرع على مساحات خضراء شاسعه


والارث يكون فيه الخطر من المشاكل اللي تحصل عن طريقه


مجرد محاوله


تحياتي لك



مالك لوى يالغالي
ولكن جميل في رمعتك انك توصلت ان المقصود بالخضار العشب وهذي خطوه حلوه للحل

[الوتر الحزين]

طيب وانا اخوك دام الحل حول الزقاير

وش رايك بجمرة الزقاره لونها احمر

تحياتي

[ابو ماجد 2]

طيب وانا اخوك دام الحل حول الزقاير

وش رايك بجمرة الزقاره لونها احمر

تحياتي

مالك لوى يالغالي وقلنا ان الزقاير جزء ممكن يقود للحل
وكذلك ابو اسامه توصل الى ان المقصود بالخضار العشب
شدوا حيلكم للقاتله

[سطام F15]

صح لسانك يابو ماجد عندي رمعه ترى يمكن تكون مضحكة بس وش أسوي تقرقع بالخاطر
وش رايك (باعشن ) المحل اللي بجوفه كل المضار وعكسه (نشعاب) وهو الظاهر اللي يزرعون فيه الخضار وترى ماني متأكد من إسمه لأني معلوماتي الزراعيه تحت الصفر .

[ابو ماجد 2]

صح لسانك يابو ماجد عندي رمعه ترى يمكن تكون مضحكة بس وش أسوي تقرقع بالخاطر


وش رايك (باعشن ) المحل اللي بجوفه كل المضار وعكسه (نشعاب) وهو الظاهر اللي يزرعون فيه الخضار وترى ماني متأكد من إسمه لأني معلوماتي الزراعيه تحت الصفر .


مالك لوى يالغالي
ولكن قولتك المحل برضه خطوه للحل

[سكب]

ابو ماجد
يكون القورو

[ياعين ابوي]

ممكن يكون الشرر

[ابو ماجد 2]

ابو ماجد


يكون القورو


مالك لوى يالغالي

[ابو ماجد 2]

ممكن يكون الشرر

مالك لوى
تحيتي لك وتقديري

[ابو ماجد 2]

يالربع
من شان نصل للحل لنجمع ماتوصلتوا اليه
الخضار .هو العشب
البنات المضرات وعملهن ياكود بالنار هن الزقاير
كذلك توصل سطام الى انه محل

[ابو اسامه 2]

ابو ماجد يا ريت تنقل لنا الابيات بعد ردي هذا عشان نركز شويه في موضوع اللغز بدل ما ننقل الى الصفحة الاولى وهكذا مع اني حاط اربعين مشاركه للعرض الا اني اشوف وضعها بعد ردي مره ثانيه افضل

وشكل الحل له دخل في الادمان

ووالله الرجال هذا مدمن صح يالله في حسن الخاتمه

http://www.mekshat.com/pix/upload03/images129/mk51394_ta002-1.jpg

[ياعين ابوي]

هل ممكن يكون .. عار .. أو بار..

[ابو ماجد 2]

كلامك صحيح يابو اسامه واستلم انت والربع

خاطِرٍ بالبال يرِث بي سهر=سايقه في لغز ماشق النهار
سايقه سوقٍ تلافيت الوعر=ما ابي قاريه في حله يحار
منشدي مشهور باللون الحَمَر =لاقلبته ياما أرّث من خضار
منشدي ياكثر ماجاور خطر=منشدي ياما بجوفه من مضار
الضرر ببني بهن وزر النظر=والضرر ببني عملهن كود نار
ون بغيت ايضاح بديار الحضر= لابغابٍ ينلقي او بالصحار





وهذا حصر لما توصلتوا اليه بتفكيك اللغز


يالربع
من شان نصل للحل لنجمع ماتوصلتوا اليه
الخضار .هو العشب
البنات المضرات وعملهن ياكود بالنار هن الزقاير
كذلك توصل سطام الى انه محل

[ابو اسامه 2]

طيب وش رايك في مروج

مروج = مروج مخدرات بشد الواو مروّج
مروج = المروج الخضراء

وعاد انت اعكسها :D

[فهد الهلالي]

طفايه الزقاير بابو ماجد الله يحفظك

[ابو ماجد 2]

هل ممكن يكون .. عار .. أو بار..


مالك لوى
تحيتي لك وتقديري

[ابو ماجد 2]

طيب وش رايك في مروج



مروج = مروج مخدرات بشد الواو مروّج
مروج = المروج الخضراء



وعاد انت اعكسها :D


مالك لوى يابو اسامه

[ابو ماجد 2]

طفايه الزقاير بابو ماجد الله يحفظك

مالك لوى يابو محمد
ولا تنسى ان اخوي سطام توصل الى انه محل

[ياعين ابوي]

طيب مقهى الانترنت ؛؛ او الملهى

[فهد الهلالي]

ماتكون العلامه يابوماجدhttp://upload.wikimedia.org/wikipedia/commons/thumb/1/11/No_smoking_symbol.svg/180px-No_smoking_symbol.svg.png

[ابو اسامه 2]

طيب ممكن نقول

الخضار والعشب = غابة
وعكسها تباغ والتباغ بائع التبغ والتبغ الدخان والدخان هي السجائر والسجائر هي التمباك

ايش التحليل الرائع ذا يا شيخ :D

[ابو ماجد 2]

شيخنا الفاضل والاخوان جميعاً
شويبكم عنده دوام بكرى وطوفت عن وقت النومه عشانكم والسموحه منكم ولنا لقاء في وقت لاحق ان شاء الله
تصبحون على خير

[ابو اسامه 2]

شيخنا الفاضل والاخوان جميعاً

شويبكم عنده دوام بكرى وطوفت عن وقت النومه عشانكم والسموحه منكم ولنا لقاء في وقت لاحق ان شاء الله

تصبحون على خير



ابو ماجد تصبح على خير

وان شاء الله نوم العوافي

تحياتي لك

[ابو ماجد 2]

طيب مقهى الانترنت ؛؛ او الملهى

الرمعه حلوه ولكن مابعد جت الرمعه الذباحه وتصبحون على خير

[ابو ماجد 2]

ماتكون العلامه يابوماجدhttp://upload.wikimedia.org/wikipedia/commons/thumb/1/11/No_smoking_symbol.svg/180px-No_smoking_symbol.svg.png



مالك لوى يابو محمد وتو جه ياعين ابوي حلو

[ابو ماجد 2]

طيب ممكن نقول



الخضار والعشب = غابة
وعكسها تباغ والتباغ بائع التبغ والتبغ الدخان والدخان هي السجائر والسجائر هي التمباك



ايش التحليل الرائع ذا يا شيخ :D


مالك لوى يالغالي
وتو جه ياعين ابوي لاتباعد عنه

[فهد الهلالي]

تصبح على خير يابو ماجد
احلام سعيده
خلوا شايبنا ينام نذبح له جوز الحمام
ونستنا الله يونسك بالعافيه
تحياتي لك ياشويبنا

[ابو ماجد 2]

ابو ماجد تصبح على خير



وان شاء الله نوم العوافي



تحياتي لك


تصبحون على خير جميعاً وعللتكم العوافي

[فهد الهلالي]

القهوه او القاوي يابو ماجد

[ياعين ابوي]

البالتوك يااخوي ابو ماجد ؛؛ وتصبح على خير؛؛

[برق القصيم]

صح لسانك زعيمنا


يوم جيت وشفت اللغز واصلن خمس صفحات من الردود
قلت اكيد اللغز محلول
مير اشوى لقيته ما انحل بس البوارديه نتفوا ريشه مايحتاج الله يعطيهم العافيه
يمكن طال عمرك تقصد محلات (ميد) ولونها احمر وتكون في محطات البنزين قرب الخطر


ويبيعون التتن الله يهديهم
وعكسه الديم عسى الله يجيبه ونشوف الحيا

[ابو ماجد 2]

تصبح على خير يابو ماجد

احلام سعيده
خلوا شايبنا ينام نذبح له جوز الحمام
ونستنا الله يونسك بالعافيه

تحياتي لك ياشويبنا


هههههههههههههههههه
هلا بك ياشايبنا ونذبح له جوز الحمام يبي له لغز

[ابو ماجد 2]

القهوه او القاوي يابو ماجد


مالك لوى يالغالي

[ابو ماجد 2]

البالتوك يااخوي ابو ماجد ؛؛ وتصبح على خير؛؛

مالك لوى
تحيتي لك

[ابو ماجد 2]

صح لسانك زعيمنا







يوم جيت وشفت اللغز واصلن خمس صفحات من الردود
قلت اكيد اللغز محلول
مير اشوى لقيته ما انحل بس البوارديه نتفوا ريشه مايحتاج الله يعطيهم العافيه
يمكن طال عمرك تقصد محلات (ميد) ولونها احمر وتكون في محطات البنزين قرب الخطر


ويبيعون التتن الله يهديهم


وعكسه الديم عسى الله يجيبه ونشوف الحيا


صح عليك وصح لسانك مليارات


نعم ميد


ولشرح اللغز
منشدي مشهور باللون الحَمَر =لاقلبته ياما أرّث من خضار
ميد معروف بللون الاحمر واذا قلبته ديم الله يجيب الديم وياما ارث من خضار بالارض



منشدي ياكثر ماجاور خطر=منشدي ياما بجوفه من مضار
كثيراً ماجاور محطات البنزين



الضرر ببني بهن وزر النظر=والضرر ببني عملهن كود نار
وزر العين بالصور التي بالمجلات والتي قد يتورع الغير عن بيعها كذلك الزقاير



ون بغيت ايضاح بديار الحضر= لابغابٍ ينلقي او بالصحار
نعم دايم بديار الحضر



بيض الله وجهك يابرق القصيم
وبيض الله وجه من ساهم بفك بعض الرموز

[سطام F15]

كفـــــــــــــــــــــــــــــــــو يابــــــــــــــرق القصــــــــــــــــــــــــــــيم
كفـــــــــــــــــــــــــــــــــو يابــــــــــــــو ماجــــــــــــــــــــــــــــــد
على
هالللغز
عاداتك الطيب يابو ماجد وعادتك الصواب يالبرق

[فهد الهلالي]

صح السانك يابرق القصيم وبيض الله وجهك وجه ابوماجد
لغز كايف ورمعه تشفي الغليل
الله لايضركم قمة عطاء وابداع
اتمنى لكم دوام الصحه والعافيه
وتقبلوا تحياتي

[ابو ماجد 2]

كفـــــــــــــــــــــــــــــــــو يابــــــــــــــرق القصــــــــــــــــــــــــــــيم

كفـــــــــــــــــــــــــــــــــو يابــــــــــــــو ماجــــــــــــــــــــــــــــــد
على
هالللغز

عاداتك الطيب يابو ماجد وعادتك الصواب يالبرق


الطيب بهالوجه يالغالي وكلماتك نعتز فيها
بارك الله فيك

[ابو ماجد 2]

صح السانك يابرق القصيم وبيض الله وجهك وجه ابوماجد

لغز كايف ورمعه تشفي الغليل
الله لايضركم قمة عطاء وابداع
اتمنى لكم دوام الصحه والعافيه

وتقبلوا تحياتي


وجهك ابيض يالغلا وكلماتك
دافع لتديم المزيد الله يوفقنا باللي ينال رضاكم