من وين تشري لحمة الحاشي [الأرشيف]

مشاهدة النسخة كاملة : من وين تشري لحمة الحاشي

راعي الدسمه

12/10/2009, 03:11 PM

عرقوب

12/10/2009, 03:17 PM

لحمة الحاشي صعب التثبيت على حال للقصاب .. يوم يجيب زين ويوم لك عليه

بس فيه محلات مشهوره كثيره .. انا مجرب واحد في شارع عسير .. شفت الكوبري الي جنب مستشفى الشميسي وهو نازل على شارع عسير أول قصاب على يدك اليمين .. هذا دايما أتعامل معه وممتاز ولمميز فيه عنده ناس كثير يعني تصرف الحم بنفس اليوم ..

بعدين فيه حاشي بنده قمه بس غالي .. بعدين فيه بساتين القصيم للخضار والفواكه .. خاصة الي في حي المروج .. رغم إني اخذت منه مره ومش ولا بد بس في الغالب ممتاز .. هذا الي أعرف

د.سهم

12/10/2009, 03:25 PM

اخواني السلام عليكم ورحمة الله

اما عن لحمة الحاشي فأنا في مدينة أبها واللي يبي اللحم اللي يبيض الوجهة ولحم طاري يأخذ من ملحمة الطيبات بشارع المطاعم في سر ثبته

توني ماخذ اليوم منها عندي ضيف عزيز
مشكوووووووووور على الموضوع

قطب 999

12/10/2009, 03:28 PM

احسن تاخذه من سوق الابل

الرجيلي111

13/10/2009, 03:12 PM

بساتين القصيم لاتتعداها ممتازه مرررررررررررررره

سعود الحربي

13/10/2009, 03:18 PM

اخذت من بساتين القصيم اللي في المروج مره و حرمت اني اخذ منهم مره ثانيه

راعي الدسمه

13/10/2009, 03:27 PM

شكرا لكل من علق وقرأ وافاد واستفاد على موضوعي

الطير الحزين

13/10/2009, 03:31 PM

أخواني
لاتفوتكم ملحمة الهلال بالروضة بالرياض مقابل مركز الوثائق التابع للمرور على شارع الحسن بن علي

abufahd

13/10/2009, 03:43 PM

الي جرب ملحمة ياريت يحط السعر

انا صراحة اكثر من مرة اجرب لبون الي في سوق الخضار بالربوه لحمته بالراس بس المشكلة في السعر

طير جنون

13/10/2009, 03:50 PM

في بريدة

أسواق السليم اللي عند دوار الهدية

وهذا مشهور عاد وهو افضل الموجود

قناص خلاوي

13/10/2009, 03:57 PM

الله يجزاكم خير
لبون ممتاز ولحمته مسكته
وفيه يماني مجربه والرجال نصوح ولحمته زينه
تبيه حاشي أو لقي أو كبير كله عنده
الملحمة بالملز وانت نازل مع مخرج 15 ( غرب) تجيك اشارة مكافحة المخدرات امش على طول ثم اشارة مكتبة بحر العرب طول لين توقف على إشارة ملعب الملز ( يكون قدامك من يمين) وعلى يسار ( مجسم جمالي)
ادخل يسار امش لك شوي يجي على يمينك المحل بزاوية قبل الاشارة ( مافيه ملحمة هناك الا هو)

قبطان سلفر

13/10/2009, 06:31 PM

لحمة الحاشي صعب التثبيت على حال للقصاب .. يوم يجيب زين ويوم لك عليه

كلامك صحيح يا عرقوب

فيه يماني اشتري من عنده مره يجيب قعود سمين ;)

ويوم يجيب لك ( فاطر أو هرش ):mad: ،،،،،،،،،،،،،،،،، والله ما ينعرف لهم

شاكرلك يا صاحب الموضوع

s3ads

13/10/2009, 06:36 PM

وين اهل جده مايدلونا على مكان طيب

ضحية بيشة

13/10/2009, 07:26 PM

اسعد الله مساء الجميع

بما ان الشتاء على الابواب والطلعات والعلوم الزينه ، حبيت اعرض هالموضوع وهو ( من وين تشري لحمة الحاشي اللي تبيض الوجه اذا قلطتها )

بالنسبه لي وبما اني ساكن شرق الرياض جهة النسيم

فيه ملحمه وانت طالع مع مخرج 16 باتجاه الشرق الى بوابة الحرس ، قبل البوابه بكيلو او اقل فيه محل خضار مع ملحمه اسمها نجد ( لاتفوتكم ) وللمعلوميه يباع باطباق وان قدرت تخلي العامل يقص لك على مزاجك احسن لا ن الاطباق مجهزه كيلو كيلو ويكثرون الهبر شوي ، بس حتى وهي هبر ماهو صاحي ي ي ي ي
تعرفون كثرة هالملاحم هاليومين والزيود والغش

صادق ياراعي الدسمه هذا محل بساتين نجد ممتاز بس يوم صار السوق عليه زححمه

ومايلحق من كثر الزباين خرب شغله وصار يجيب من هالعماني ..واعرف مجموعة

شيبان راحو وكلمو صاحبه السعودي ومافيه فايده ...الحين الزين شف قباله بقالة

روم مقابلها من غرب واحد يماني اسمه فؤاد يبيع بري ب35ريال ومزارع ب30

للكيلو وتعال كل يوم ينزل اقل شي ست حواشي انت وحظك لاكن داخل الرياض

اعتبره افضل السيئين ...وفيه هروش الكيلو ب12ريال بالبطحاء لاكن بالدماغ

انا افضل لحمه ذقتها بحياتي واللي معامله مره محطه حفر العتش اللي عند

دوار التنهاة ويبيعك اللي تبي بدون شحم ولو تبغى هبر لحاله عكس ملاحم الرياض

وفعلاااا القصاااب مو شررط كل يوم زين حسب حظه هو بالذبيحه ...واهم شي

اللي ماتعرفه لاتشتري منه نصيحه ياما شالو جلد مصدوم وميت وخذو لحمته وباعوها

انتبهو ياجماعه ...

تايتد

13/10/2009, 09:34 PM

ملحمة ابو ماجد يماني تعامل مع ماجد افضل من ابوه تعامله راقي وصادق
الكيلو 35 ريال
يجيب يومي وطازه وصغار
تجد عنده يوم الخميس زبائن متواجدين ينتظرون من يشارك بحاشي
اللحمه اذا شفتها ماتستطيع تقاوم اول النهار يبيع كامل نصف ربع بعدين بالكيلو
تنسق معاه يرفع لك اللي تبي ويقصصه على مزاجك ويغلف بصحون بلاستيك
الموقع/ الرياض طريق الملك عبدالله اشارة مسجد العويضه يمين يصير اتجاهك شمال اشارة شارع الامير مقرن تروح يسار اتجاهك غرب يجي الموقع على يمينك على طول مايقرب 50متر محلين قريبه من بعض تعامل مع المحل اللي جنب البوفيه0000

اقسم بالله العظيم مالي فيه اي نصيب سوى اني زبون للمحل فقط 000

دكتور بر

13/10/2009, 10:03 PM

فيه محل يقال له مراعي المستوي في المروج لحم الحاشي عنده جيد وأنا رأيي إن بغيت الطيب فخذ من واحدن تعرفه بالربع مثلا وهو أفضل شي

راعي الدسمه

14/10/2009, 01:12 PM

شكرا للاخوه الكرام

وبما ان الموضوع طول وتشعب فممكن ان نذكر افضل شي
في واحد من الردود قال احسن شي من سوق الابل يقصد تشري كامل وانا اقول عزالله انك صادق لاني نم رواد سوق الابل واشتري كامل ونقسمه انا وبعض الربع عزالله فرق مثل السماء والارض
والله انك تضحك على اللي يقول شاري لحمه من ملحمه بالكيلو ويمدحها ، معذور لانه ماذاق
وللمعلوميه اذا كنت ناوي تشري انتبه دور اهل الحلال اللي جالبين على مواترهم واتك اهل الحضاير ترى كلها لسودانيين تكون مبطيه عندهم واكلها خبز وكيك والدليل على ذلك سعر كيس الخبز الناشف عند اهل التميز وصل سته ريال عقب ماهو بريالين

اسف على الاطاله

زايــ ابومحمد ــد

03/02/2012, 12:02 PM

السلام عليكم
مرحبا بالاخوان الاعزاء

وهذا رقم راعي لحمه كايفه ,, ويوصلها عند الباب ,, بالرياض
0505229816
ابورشيد
من اهل الحريق

M A R W A N

03/02/2012, 12:40 PM

أهل جدة وينهم؟