كشاف زينون ممتاز لا يحتاج بطاريات ولا شحن... ويشحن الجوال !!!!!!! تفرج لايفوتك [الأرشيف]

الجيب الربع

19/09/2004, 07:13 PM

السلام عليكم ورحمة الله وبركاته

مريت محل كمبيوتر بالعليا ولقيت هالكشاف الزينون اللي تشحنه بالهندل ولو احتجت شحن جوالك تشحنه من الكشاف.... الكشاف حلو وسعره 50 ريال

http://dawadmi.hala.cc/1.JPG

http://dawadmi.hala.cc/2.JPG

http://dawadmi.hala.cc/3.JPG

تهندله بالهندل ويشحن
http://dawadmi.hala.cc/4.JPG

http://dawadmi.hala.cc/5.JPG

وآسف على ردائة الصور لاني كنت مستعجل

تحية طيبه للجميع

عاشق سدير

19/09/2004, 08:32 PM

الله يعطيك العافية.....

بس وشلون النور ؟ هل هو قوي؟

الجيب الربع

19/09/2004, 09:18 PM

السلام عليكم ورحمة الله وبركاته

أخي عاشق سدير

اضائته ممتازه ....... شكارا لك مرورك

اعتقد فيه مشكله في الصور وهنا حملتها على سرفر ثاني
http://www.freewebs.com/dawadmy3/1.JPG

http://www.freewebs.com/dawadmy3/2.JPG

http://www.freewebs.com/dawadmy3/3.JPG

وهذا الهندل

http://www.freewebs.com/dawadmy3/4.JPG

وهنا كيفية يشحن الجوال

http://www.freewebs.com/dawadmy3/5.JPG

أجمل تحية

بــرق الشمال

19/09/2004, 09:33 PM

شكرا لك اخوي الجيب الربع هذا المجهود ولكن
لوتكرمت اسم المحل....
تحياتي لك
اخــــوك/ برق الشمال

الجيب الربع

19/09/2004, 09:40 PM

أخوي برق الشمال

للأسف مايحضرني أسم المحل ولكنه بالرياض عمارة الكمبيوتر ( حراج الكمبيوتر) يفتح غرب من جهو الأندلسيه وملاصق له مكينة صراف البنك البريطاني

شاكرا لك مرورك............. ولك أجمل تحية

حد السيف

19/09/2004, 09:53 PM

السلام عليكم ورحمة الله وبركاته
الجيب الربع حياك الله
كشاف ممتاز وكذلك طريقة تعبية الجوال هل تهندل حتى يتعبى الجوال او تهندل الكشاف ثم تشبك الجوال
لك دعواتي

محبك اخيك حد السيف

الجيب الربع

19/09/2004, 10:02 PM

وعليكم السلام ورحمة الله وبركاته

الغالي حد السيف

الله يحييك ويعافيك.......... يقول اللي بالمحل كله ماشي يا كذا ياكذا وأي الطريقتين ماشيه ولكني سوف أتصل على الوكيل وأسأله لاني مالقيت معه كتلوج

لك جزيل الشكر

ابو ايمن

20/09/2004, 12:07 AM

وعليكم السلام
اخوي الجيب الربع .. حياك الله

مواضيعك تشكر عليها لتميزها

سؤالي لو تكرمت بعد الشحن يطول عمله أو لا ؟؟

مع تقديري

أبو فراس

20/09/2004, 03:28 AM

السلام عليكم ورحمة الله وبركاته

اخوي الجيب الربع

كشاف رائع حسب الشرح ولكن شحنه بالهندل هل يطول حتى يشحن بالكامل وكم ساعة يستمر عمله

اخوي الجيب الربع مبروك التوقيع الجديد

اخوي الجيب الربع مبروك التوقيع الجديد

الجيب الربع

20/09/2004, 05:23 PM

وعليكم السلام ورحمة الله وبركاته

أخي العزيز أبو أيمن

أشكر لك شعورك الطيب والله يحييك........... بالنسبة للشحن أنا شحنته أول ما اخذته ولا طولت ولا كنه كان بيدين عيالي من واحد لواحد وكل واحد يولع ويطفي ولا لاحظت تغير بقوة الإضاءه.

لك كل الشكر لمرورك

أخي أبو فراس

شكرا جزيلا لمرورك وتهنئتك.......... مثل ماقلت أنا ماطولت بشحنه لكن أقل شيء إنه كان بين يدين العيال نصف ساعه ولاتغيرت قوة اضائته.

لك كل الشكر

الجيب الربع

20/09/2004, 09:03 PM

السلام عليكم ورحمة الله وبركاته

اتصلت على الوكيل ويقول ان الكشاف جديد في السوق ولا له قطع غيار الى الآن ويشحن بس جوال النوكيا وعندما تشحنه 5 دقائق يشتغل ساعه ونصف :confused: .

أنا جربته وتركته شغال 49 دقيقه وماضعف نوره ابدا منها 36 دقيقه متواصله

للجميع أجمل تحية

أبو يوسف

20/09/2004, 09:05 PM

طيب شحن الجوال هل بشاحن الكهرب ولا بشاحن الولاعة ؟؟؟
وفعلا كشاف فلته
بس الشمعة حقته يجي معها سبير ولا توجد عند الوكيل ؟؟

مشكور اخوي وتقبل عظيم التحية ...:)

الجيب الربع

21/09/2004, 09:13 PM

أخي أبو هديـل

الجوال يشحن بسلك خاص يجي معه وللا سف ماله قطع غيار الى الآن ولا معه شمعه سبير

الكشاف شغلته 75 دقيقه وماضعف نوره

لك أجمل تحية

علي الشهري

22/09/2004, 04:40 PM

أخوي الجيب الربع

ابتكار رائع

الله يسعدك ويوفقك

ولا عدمناك يالغالي

الجيب الربع

22/09/2004, 05:33 PM

السلام عليكم ورحمة الله وبركاته

أخي التنهات

شكرا لمرورك ومشاركتك ............... تقبل أجمل تحية

قتال

14/11/2004, 01:02 PM

السلام عليكم ورحمة الله وبركاته ،،،

يا الربع وين أحصل الكشاف .. الله لايهينكم ..

تبريزة

21/11/2004, 09:27 AM

مشكوور اخوي على هيك كشاف

بصراحه بيفك ازمه

بس ماذكرت كم كان سعره يوم تشتريه

الله يعطيك العافية

ودمتم
اخوك
تبريزة

كشاته

22/11/2004, 12:45 AM

أخوي الجيب الربع

لو تتكرم وتعلمنا عن السعر

وكذلك تاوصيف بشكل أدق

وبارك الله فيك

الجيب الربع

22/11/2004, 02:22 PM

السلام عليكم ورحمة الله وبركاته

الاخوة الأعزاء قتال & تبريزه & كشاته

أولا أعتذر عن التأخير بالرد لانقطاعي عن الانترنت فتره من الوقت

الكشاف سعره 50 ريال والمحل زي ماقلت بالرياض مجمع الكمبيوتر بالعليا ( :redcar: ) الجهة الغربية مقابل الأندلسية بجوار مكينة صراف البنك البريطاني من الشمال.

في آخر رمضان مريت على المحل وقالوا انه خلص ومنتظرين دفعه جديده.

الكشاف ممتاز جدا جدا وسعره مناسب

أجمل تحية للجميع

سمير 800

22/11/2004, 02:53 PM

الله يعطيك العافيه على الموضوع
وتسلم يالجيب الربع على المعلمومه الطيبه والمفيده
وعز الله انها تصلح لراعي البر وتوفر عليه حق البطاريات !!
ومشكور

الجيب الربع

22/11/2004, 03:44 PM

اخي سمير

الله يعافيك وشكرا جزيلا لمرورك ومشاركتك

الله يرعاك

كشف 111

22/11/2004, 11:24 PM

السلام عليكم

الله يعطيك العافية أخوي جيب الربع

لكن هل يوجد منه أحجام مختلفة؟

شكرن لك.

الجيب الربع

23/11/2004, 01:25 PM

السلام عليكم ورحمة الله

أخي كشف 111

مايوجد من الكشاف الا حجم واحد حاليا

شاكرا لك مرورك ومشاركتك

الموحد

23/11/2004, 02:16 PM

أخوي الجيب الربع الأخوة الأكارم
السلام عليكم
لقد حصلت على نفس الكشاف {جاني هدية يالله من فضلك } :p
والحقيقة كشاف رائع ولاغنى عنه
وأجمل ما فيه أنك تشيل هم البطاريات ( عسى ماقضت 000عسى ما سال ماها000نسيت أجيب معي أحجار 000الى غير ذلك )
كذلك الشحن للجوال مفيد في الزنقات فقط 0000 لك عليه لكنه يعبّر( يمشي الحال)0
وجزاك الله خيرا ياأخوي الجيب الربع على هالفايدة ولاعدمناك ولاعدمنا تميزك

بن عدوان

23/11/2004, 02:49 PM

والله شي جميل ...

بس اخاف نرجع لزمان الهندل .. وسيارات الهندل .. :)

اخوكم بن عدوان

Ra7aL

24/11/2004, 11:06 AM

اخوي الجيب الربع انت قلت انك كلمت الوكيل وقالك ما له قطع غيار ممكن يالغالي رقم الوكيل عشان اشوف اذا وزعوه عندنا بالشرقية ولا لا ..... لانه بصراحة عجبني ودي اشترى واحد

يعطيك العافية ،،،؛

اسير الهيش

24/11/2004, 12:20 PM

السلام عليكم ورحمة الله وبركاته
فيه نوع من هلكشاف أصلي بس غلي 200 ريال شفته أنا عند محل بالرياض

راعي المجاهيم

30/11/2004, 06:21 PM

[]ياشباب

لا يفوتكم ترى كل ماله و يغلى]

اسم المحل اوراكس اسأل عنه في مجمع الكمبيوتر بالعليا على شارع العليا

شريته يوم10/10/1425هه ب 70 ريال اخر كلام مانقص ولا ريال

و الكشاف لا يفوتكم اعجوبة العصر

جاروود

30/11/2004, 07:05 PM

بسم الله الرحمن الرحيم

انا رحت لمهم ولقيت الكشاف بسبعين ريال ولا شريته لاني اذكر في الموضوع ان الجيب الربع شاريه ب50 ريال :D قلت لايلعبون عليك الرجاجيل :mad: معد الا هي بس وش السواة ابي الكشاف ما نلقاه الرخص 70 ريال واجده واخاف شهر ولا اه خارب لان شغلي شغل مرة أبو (حرمة الشايب) يعني (( مانتبه مره لاشيائي :looney: )) :BUTT1:

الجيب الربع

01/12/2004, 02:31 PM

السلام عليكم ورحمة الله وبركاته

الأخوان الموحد & ابن عدوان & Ra7aL & أسير الهيش & راعي المجاهيم & جاروود

أولا أعتذر عن التأخير بالرد لوجود مشكلة بالدخول للمنتدى

ثانيا الكشاف اشتريته آخر مرة من محل الوكيل الذي وصفته واسم الوكيل مؤسسة أنس الزيد ب 47 ريال لاني اشتريت 5 أجهزة وكان ذلك في رمضان.

والجهاز يستاهل سعره مقارنة بغيره

تحياتي للجميع

الحـامض

01/12/2004, 02:41 PM

صراحة ممتاز ولا يفوتكم

rayes3

04/12/2004, 02:23 PM

السلام عليكم ورحمة الله وبركاته

توضيحا لسعر الكشاف وموقع محل البيع
اليوم السبت 21/10/1425 هـ اشتريت الكشاف الزينون ب 70 ريال :bounce:
صاحب المحل يقول انه باع 1000 حبه

الوصف : شمال صراف البريطاني مدخل للعمارة (من الجهه الغربيه لسوق الكمبيوتر)وانت متجه للشرق اخر محل على يدك الشمال اسمه( مول للحاسبات) :looney:

عاشق النفود

26/12/2004, 02:22 PM

شكرا لك الجيب الربع
انا اشتريت اثنين لكن بسبعين ريال الواحد ماهي مشكله لكن هل هناك مده للشحن انا اشحنه دقيقه بالهندل مايطول ويضعف النور الله لايهينك بالرد عاجل
كمان رفض يشحن الجوال هل المشكله بالجوال نوكيا

الجيب الربع

26/12/2004, 04:46 PM

أخي عاشق النفود

السلام عليكم ورحمة الله وبركاته

انا شحنت الكشاف حوالي 5 دقايق واشتغل حوالي ساعه ونصف متقطعه بالنسبة لشحن الجوال فهناك زر صغير تحت الربلة السوداء التي توصل فيها سلك الشاحن اسحبه باتجاه السلك

وياهلا بك

عاشق النفود

28/12/2004, 11:11 AM

الاخ الجيب الربع
شكرا جزيلا لك

اعقاب

28/12/2004, 08:58 PM

السلام عليكم
الله يجزاك خير
اشهد انه عملي
يصلح للرعيان
بدور له واطقم لهم
بهذلوني عاوزين شحن يازول
شكرا يا اخي العزيز
ودك يضاف للموضوعات للموضوعات المفيده

محب الشمال

29/12/2004, 08:50 AM

اخوي الجيب الربع
السلام عليكم والله انه زين
بس امس مريت المكان هناك ولا لقيته ولفيت في المنطقه كلها
حتى كشافات مافيه
تكفى اذا تعرف مكان ثاني او احد من الشباب يعرف يعطينا خبر
وشباب اي واحد يعرف حاجات غريبه وجديده وممتازه للبر يعطينا خبر
وشكرا لك ولكم جميعاً

بروق الوشم

29/12/2004, 11:19 AM

السلام عليكم

لقيت الكشاف ابو هندل عند محل في الرياض بس شكله اصغر من الذي عرضه الاخ (الجيب الربع)

شكله مستطيل وفيه خمس شمعات ومعه شاحن للجوال وحجمه مناسب وسعره 40 ريال

المحل اسمه صيد للرحلات في شارع المدينه في حي البديعه

الـ ع ـارض

31/12/2004, 06:46 PM

اقول

الله لنا يا الجيب الربع

ناس توصل لهم الكاشف هدايا لبيوتهم وناس ما وصله بطارية مسجل فاضيه ومحليه :(

الجيب الربع

31/12/2004, 08:23 PM

أبو فيصل

نصيبك محفوظ بس ما حصلت الكشته الخميس والا كان وصلك :director:

لاتشيل هم :dance: :bounce:

المري

31/12/2004, 09:58 PM

السلام عليكم

أخواني الاعزاء كلمت واحد من الربع في الرياض وشراى لي ثلاثه من محل اسم الرماية في شارع التخصصي

والكلام هذا امس يعنى اللي بروح اليوم او بكرة ان شاء الله انه يلقاها..

اما عن تجربته فان شاء الله بكرة اجربها ونزل موضوع بعنوان (( تجربتي للكشاف ابو هندل )) مع الصور..

فانتظروني ........... صارت دعاية!!!!!!!!!!!

اخوكم / المري

الـ ع ـارض

01/01/2005, 08:11 AM

كفووووووووو والله :good2:

تراي امزح يا بعدي يا ابو عبدالله :)

وترا قواعد اللمبات معي بس بس ما حصلت الكشته يوم الخميس والا كانت عندك :D

الشقردي

01/01/2005, 03:07 PM

يا شباب وبالاخص الجيب الربع

وش صناعة هالكشاف؟ هل هو صيني ؟؟؟

لأني سمعت ان فيه من هالنوعية باباني

الجيب الربع

03/01/2005, 01:18 PM

اخي الشقردي

الكشاف ياباني

مشكور

قناص الحبارى

06/01/2005, 08:44 PM

السلام عليكم ورحمة الله وبركاته

أخي الحبيب // الجيب الربع..

أشكرك على الموضوع... وأتمنى أن أجده قريبا ... :good:

إلى الأمام يا الحبيب.... :row: :row: :row:

اخوك / قناص الحبارى

محب الشمال

08/01/2005, 11:17 AM

مشكور الجيب الربع على الموضوع ونبي بعد
مواضيع مفيدة وعملية في نفس الوقت ان شاء الله تعال
والى الامام

الجيب الربع

09/01/2005, 11:39 AM

السلام عليكم ورحمة الله وبركاته

أخواني قناص الحبارى & البنادر

شكرا لمروركم ومشاركتكم

أحلى تحية

خيال الغلبا

02/08/2005, 11:46 PM

من يوم قريت موضوعك الله يحفظك شغلت السيارة وتوجهت لحراج الكمبيوتر
واشتريته بخمس وستين ريال ولكنننننننننننننننننننننننننننننننننننننننننننننن
وبعد تجربة ابوهندل اكتشفت فيه بطاريات تخزن الطاقة فلما خربت بعد اسبوعين من شرائه تعطلت وصار ما يشتغل الاإذا هندلته بس وإذا وقفت عن الهندلة انسى الموضوع

الربذي

03/08/2005, 06:27 PM

والله قهر تصدقون مشتريه قبل ست شهور ب125 ريال من محل رحلات بريه وبعد اسبوع لقيته عند محل 85 رياااااااااال
لكن روعه روعه بس يضعف بسرعه يعني يبي كل دقيقتين تقريبا تهندله

نصيحه لاتستعجل بشراء اي شي حتى تمر وبلح ورطب على اكثر من 3 محلات لاني كل ماشتري من اول مره اتحسف ولاانسى كميره فيديوا الفرق 950 ريال ومعها هديه بعد وخلال اقل من يومين

اللهم ارحم فهد عبد العزيز واسكنه فسيح جناتك ويسر حسابه ويمن كتابه اللهم امين

داب الرمث

04/08/2005, 12:37 AM

السلام عليكم ورحمة الله وبركاته ,,,,,,,,,,,,,,, الله يعطيك العافية على الافادة. انا لقيته ومتردد اشتري احسبه .....خسته.... ولاقي واحد يشبهه بالديرة من حوالي 5 شهور وقيمته 70 ريال عند محل كمبيوتر وان شاء الله جزمت اشريه دامك مجربه وطلع ممتاز ........... ولك خالص تحياتي ......... ;)

صوعان

06/08/2005, 02:14 PM

ياجمااااااعه هذولي اصحاب المحلات طماعين بشكل غير طبيعي والله العظيم اني الكشاف هذا الي يباع بسبعين ويقاله رخيص انه ماكلفهم 15 ريال فقط وانا اتكلم من باب العلم بشيء....وسبق لي اني جبته من الصين بكميه ووزعتها بــ 13 ريال بس والمجرمين يبيعون بسبعين...على فكره رحت وشفته عند المحل وتهاوشت معه لانه كذاب
لاني اعرف واحد من الزملاء يجيبها من الصين والله والذي لااله الا هو انهم يضربون سعرها في 10 والكريم الي مو طماع منهم يضرب السعر في 5
وانا شفتالشي هذا بعيني
انا اتكلم بس عن الكشافات واغلب السلع الخفيفه الي تجي من الصين

شـهـاب

06/08/2005, 02:41 PM

ما طلعت عندي الصوره

الجيب الربع

07/08/2005, 05:33 PM

أخوي خيال الغلبا

الله يعوض عليك ......... بالنسبة للي معي والعديد من الزملاء فهو شغال تمام الى اليوم بالرغم ان البزران مايخلون التعبث فيه......... تحية طيبة

أخي الربذي

سؤال أكثر من محل قبل الشراء ضروري جدا اذا كنت بين تجار ودهم ياكلونك أكل......... بالنسبة للهندله فاللي عندي يشتغل ويطول اذا هندلته دقيقه................. تحية وتقدير

أخي داب الرمث

إتكل على الله واشتر ولاتتردد...............تحياتي

أخي صوعان

كلامك سليم ومانقول غير حسبنا الله ونعم الوكيل.............. شكرا لمرورك

أخي شهاب

الصور طالعه لو نزلت للرد الثاني بعد اللي ماطلعت فيه الصور.

تحياتي للجميع

أبو ثا بـت

19/08/2005, 03:44 AM

إخواني أنا إشتريت نوعيه من الرمايه ب45 ريال بس وحجمه صغير وخمس لمبات زينون فيه يعني تختار تشغل وحده ثنتين ثلاث اربه خمس . وشاحن جوال لا وعطوني هديه بعد .

ابوقاسم

28/08/2005, 01:12 AM

الاخ جيب ربع................
بعد التحية ..............نود منك الاجابة على الاسئلة التالية لتكون ملخص للموضوع والفائدة انشاء الله للجميع....
1-ما هي ماركة الجهاز .
2-كم يدوم عمله اذاتم تنهدله ربع ساعة
3- اين الاقيه بالسعر المناسب
4-اخر مرة جاك العلم بالسعر كم وصل
5-هل ممكن الاقية بالشرقية
6-هل يتوفر منه الوان
7-هل يصلح يشحن جميع انواع النوكيا
8-اللي بالرماية مثله او اصغر
9-كم لمبة يوجد بالجهاز
10-وهل يمكن الاختيار بين تشغيل عدد اللمبات مثل ما يقول الاخ فص فص
هذا ولك الشكر على حسن التعاون ............
ودمت بالف خير

رواح

28/08/2005, 06:50 AM

السلام عليكم ورحمة الله وبركاته سعره 25ريال وتحصله في محطة المقرن في القرينه التابعه لمحافظة حريملاء في المنطقة الوسطى

الجيب الربع

28/08/2005, 05:53 PM

أخي فص فص

شكرا لمشاركتك واضافتك أجمل تحية

أخي الغضى
اجابة اسئلتك

1-ما هي ماركة الجهاز .
ماركة الجهاز غير معروفه وهو صناعة يابانية
2-كم يدوم عمله اذاتم تنهدله ربع ساعة
من ساعه الى ساعه ونصف
3- اين الاقيه بالسعر المناسب
مثل ماقال الأخ رواح بالرد السابق
4-اخر مرة جاك العلم بالسعر كم وصل
مثل ماقال الأخ رواح بالرد السابق
5-هل ممكن الاقية بالشرقية
ماعندي خبر
6-هل يتوفر منه الوان
ثلاثه حسب علمي
7-هل يصلح يشحن جميع انواع النوكيا
نعم جميع موديلات النوكيا
8-اللي بالرماية مثله او اصغر
يوجه السؤال للأخ فص فص
9-كم لمبة يوجد بالجهاز
اربع لمبات
10-وهل يمكن الاختيار بين تشغيل عدد اللمبات مثل ما يقول الاخ فص فص
لا الجميع تشتغل مع بعض

هناك نوع رأيته في محل رحلات بالرياض ألماني الصناعه يشحن جميع أنواع الجوالات كمايقول صاحب المحل وعليه ضمان سنه على ما أتذكر وكان سعره بالشتاء الماضي 200 ريال

أخي رواح

شكرا جزيلا لمرورك واضافتك تحياتي

سفير الجزيرة

29/08/2005, 01:17 PM

السلام عليكم ورحمة الله وبركاته .
أشكركم على طرح هذا الموضوع وعندي تعليق بسيط عسى أن تستفيدوا منه وفيه إجابة على بعض تساؤلاتكم .
يوجد في محل السنيدي ( صالة العرض ) في بريدة عدة أنواع من الكشفات التي تشتغل عل هندل أي شحن يدوي وأنا رأيتها شخصياً ولها عدة أنواع وأشكال وأحجام وألوان مختلفة والصناعة واحدة ( صناعة صينية ) .
من الأنواع التي شاهدتها :
1- كشاف صغير الحجم ( يدخل في الجيب ) له لمبتين فقط ولون النور أبيض وقيمته 12 ريال .
2- كشاف أكبر منه حجم فيه ثلاث لمبات وقيمته 15 ريال .
3- كشاف نفس الأول فيه لمبتين لكن يوجد معه شحن جوال نوكيا 25 ريال .
4- كشاف كبير وفية أربع لمبات زينون 50 ريال . ومعه شاحن جوال .
5- كشاف صغير ولكن يحتاج لشحن متواصل وقيمته 10 ريال .

ويوجد عنده أكثر من تلك الأنواع بألوان متعددة ، لكن هذا الذي أذكر منها .
وأنا شريت الأول اللي بـ 12 ريال وجربته وهو فعلاً جيد يعني تشحنه دقيقتين يولع تقريباً نصف ساعة ثم يبدأ يضعف .