ياخوان شورو علي محتار بين الايكم 2100 و2200 [الأرشيف]

مشاهدة النسخة كاملة : ياخوان شورو علي محتار بين الايكم 2100 و2200

BEN SADEQ

14/10/2009, 01:57 AM

سلام عليكم ورحمة الله وبركاته

ياخوان نويت اشري لي جهاز ايكم

ومحتار بين اثنين

اللي هم 2100 و2200

ياليت تشورون علي وش الافضل من ناحية الاستقبال والارسااال ؟؟

وواحد من الشباب قالي 2100 افضل ويقدر يواصل جميع اللي بدول الخليج

وواحد ثاني قال لي 2200 واطه اقوى ويمدح فيه

وانا الصراحه محتااار ؟

وش تنصحوني فيه ياشبيبه ؟؟؟

وحصلت 2200 جديد بمحل بي 1300 ريال ولا عليه ضمان

مدري هل الاجهزه الجديده عليها ضمانات ؟؟؟؟

وبارك الله فيكم ياخوان

موسم الخير

14/10/2009, 02:19 AM

BEN SADEQ

14/10/2009, 01:36 PM

الله يعافيك على مرورك ياخلفهم

ومنتظرين بقية الشباب واللي جربو 2200 شلون وضعه ؟؟؟

ابوغلاب

14/10/2009, 02:13 PM

اخي العزيز الموديلين اللي ذكرتهما جدا ممتازة ولكن فيه مميزات تفرق معك

السعر و الواط الخارج من الجهاز للمرسل و ايضا بعض من الخصائص التى لاتهم اهل البر والرحلات والمكشاتية

اخي اختر ما يناسب ميزانيتك وتشوف انه اصرف لك

عنى انا استخدمت 8000 و 2100 و2200 و غيرها من الاجهزة من ماركات اخرى لكن حاليا انا مرتاح للـ2200 لوجود مميزات تعجبني انا شخصيا وسعره المقبول مقارنة بالايكوم 2100 الذي لا توصل مميزاته الى سابقه وايضا القدرة المرسلة اقل من الايكوم 2200

اخي اختصر عليك الكلام واقول لا تتردد في 2200 او 8000 ولكن انبهك ان تكون حذر في تعاملك مع الاجهزة لان الغالبية يقولوا هذا الجهاز الفلانى (للكرررف) ويتحمل و و و و وكأنه جيب رباعي الدفع

كل الاجهزة حساسه وايضا يحتاج لها الحذر والمحافظة

عسى الله يوفقك لما يحبه ويرضاه وانصحك بالفكير في الحصول على رخصة لممارسة هوايتك بالطريقة النظامية

تقبل تحياتي

BEN SADEQ

14/10/2009, 03:10 PM

يعني يابوغلاب اتوكل على الله واخذه ؟؟

وال 2200 هل فيه تشفير ياخلفهم ؟؟؟

ولاهنت على المعلومات الوافيه ياخلفهم وخل نشريه حنا وبعدين لاحقين على الرخصه ياخلفهم

ابوغلاب

14/10/2009, 05:56 PM

اخي الغالي بالنسبة للتشفير المقصود به التون موجود في اغلبيه الاجهزة واعتقد ان لن تستفيد منه اطلاقا ولكن الاجابه نعم به تون وبه ميزة ايضا لن تجدها في غيره من الاجهزة الا ما قل وهي خيار لتقليل التشويش خصوصا اذا كنت داخل مدينة ويوجد هناك تداخل (وجود ابراج زائدة بسبب قربك من مصدر كهرباء او غيره) وعند تشغيلك له يذهب كل اللى بالشاشة وتسمع بوضوح .

BEN SADEQ

14/10/2009, 06:20 PM

الله يعطيك العافيه يابوغلاب

وقواك يالذيب

بس سؤال اخير يابعدي

تقدر توجه نداء اللي بالكويت والشمال والامارات بي 2200 ؟

وهل تقدر تراسلهم والصوت مسموع بوضوح ؟؟؟

ابوغلاب

14/10/2009, 07:22 PM

اخي الحبيب شوف هناك ظواهر جوية يمكن من خلالها ان تذهب الاشارة الا اماكن جدا بعيدة ولكن ليس فى كل الاحوال طبعا لان موجات الترددات الفوق العالية VHF محدوديتها على سطح الارض قصيرة لانها تذهب في الفضاء ولا تنعكس بعكس الترددات العالية HF ولكن المتعارف عليه من خلال الدرسات والتجارب في افضل الاحوال قد يصل مدى الاجهزة ذات VHF مابين 80 كيلو الى 120 كيلو متر واتمنى لك التوفيق

راعي الطلعات

14/10/2009, 07:44 PM

انا من مستخدمي 2200 ماشاءالله تبارك الله جهاز عايش معي من اول ما نزل السوق

قوته اقوى من 2100 بكثير اذكر كان فيه ربع لنا معهم 2100 حنا نسمعهم بس هم ما يسمعونا يوصل مدى ابعد من 2100 وله مميزات اكثر من 2100

الجهاز صراحه احمد الله اني شاريه

اذا بتشريه جديد فا افظل لك بكثير

والكنود ماعليه ضمان قليل تجد ضمان لكن تجده ضمان محل الي باعك اياه

اول ما نزل كان سعره 900 ريال فقط وكان سعر 2100 بـ1100 ريال بعد ما اشتهر الجهاز واثبت وجوده وصل الـ1300 وفي المواسم 1400

بالتوفيق

BEN SADEQ

14/10/2009, 10:21 PM

الله يعطيكم العافيه ياخوان

وبيض الله وجيهم يالربع

راعي وانيت

15/10/2009, 01:40 AM

السلام عليكم ورحمة الله
اخي الكريم من بعد تجربة الجهازين تبين لي ان 2200 صوره طبق الاصل من 2100
ولكن مطور عن 2100 بالاداء وقوة البور وحساسية الاستقبال
2200 جهاز لايعلا عليه فيه بور65 واط اسقباله ممتاز وحساس جدا للاماكن المفتوحه

BEN SADEQ

15/10/2009, 02:59 PM

الله يعطيك العافيه ياراعي وانيت

وبيض الله وجهك ياخلفهم

SAUD HRESH

15/10/2009, 04:08 PM

اعتقد والله اعلم ان مافيه فرق بين الاثنين
لكن اهم شي الاستيشن يكون اصلي
خذ 2200 لان الشباب مجربينه وما احد شكى منه

BEN SADEQ

16/10/2009, 01:10 AM

ابشر يالذيب

وهذا اللي بيصير ان شاء الله

ولاهنت على مرورك يابعدي

عاشق النداوي

17/10/2009, 03:14 PM

اخوي اول شي الله يوفقك بالجهاز اللي بتشتريه - ثاني شي بنسبه للاستعمال كل واحد يختلف عن الاخر يعني فيه ناس ماتحافظ عليه ولا تبيه يخرب وفيه ناس العكس ولا تحكم بهذا السبب على الجهاز فحكم على الشخص قبل الجهاز هل استعماله صحيح ولا لا؟؟؟ طبعن كثير من مدح2100وكثير لم يعجبهم والكلام ينطبق على 2200 ولاكن لم يتضح لنا ماهو السبب الحقيقي اللتي دعت البعض يعيب هذا الجهاز ويمدح ذاك والعكس فكل ماستفسرنا عن السبب وجدنا كلمت (خرابات) !!!؟؟؟ فسؤال هو ماسبب هذه الخرابات ؟؟ فجوابه سوء الاستعمال لاغير فوجهت نظري ان الفرق بين الجهاز هي المميزات فقط اما الخرابات فهي تعود الى الاستعمال الشخصي فقط ووجهت نظري ان مميزات 2200 افضل من 2100 اما بنسبه للاستعمال الشخصي فالحمد لله انا حريص على الجهاز بشكل كبير والجهاز متواجد معي له سنتين تقريبا والحمد لله لاارى فيه اي خراب << وجهت نظري فوجهات النظر تختلف من شخص لاخر وياليت نسمع آراء الغير لنستفيد اكثر ... وعذروني على الاطاله

الوتر الحزين

17/10/2009, 03:22 PM

أخوي

انا معي 2200 شريته اول مانزل الحمد لله مافيه مشاكل بالعكس يعتبر اقوى استقبال وارسال من 2100 لكن ال8000 مالي علم فيه.
سعر 2200 قبل ثلاث ايام ب 1300 ريال في محل على الدايري الشرقي في نفس عماره معرض السنيدي الجديد.

تحياتي لك

mam700

18/10/2009, 02:46 AM

انا جربت 2100 و8000 وكلها ممتازهب2200 مادري عنه لانه جديد

بني حسن

18/10/2009, 05:01 PM

الــــ2200
هوالنسخه المطوره والحديثه من الـــ2100
لذلك انصحك بالاحدث والاقوى ارسال

ابويزيد11

19/10/2009, 04:20 PM

2100 معي له 4سنوات ماشاء الله انصحك فيه