إلى اصحاب الخبرة في النيسان اكستيرا

[شبح الصحراء]

السلام عليكم يا أخوان .

عندي نيسان اكستيرا 2008م مشيت عليها 69 الف كيلومتر وأريد أن اعرف هل يجب تغيير زيت الجير الأوتوماتيك والفلتر الخاص به أم لا؟ لأني بحثت في دفتر الصيانة الخاص بالسيارة واكتشفت انه لا يطلب تغيير زيت الجير الأتوماتيك في حالة الإستخدام العادي ، ولكن يطلب تغييره كل اربعين الف كيلومتر في حالة الإستخدام القاسي ( الإستخدام القاسي يشمل جر المقطورة أو السير في طرق وعرة وموحلة ) وانا استخدامي عادي يعني ما اسحب مقطورات ولا اطلع للبر إلا نادراً واغلب استخدامي للسيارة هو للسفر أو داخل البلد فقط ( اسافر كثير مرة بالشهر تقريباً ) .
كما ان دفتر الصيانة لم يذكر فلتر زيت الجير الأوتوماتيك .

لذلك هل اغير زيت الجير الأوتوماتيك والفلتر أم لا؟ وإذا كانت الإجابة نعم متى أغيرها؟

أرجوا ان اجد الإجابة الوافية وآسف على الإطالة .

[ساري 111]

الزيت ضروري تغيره ..

وبالنسبه للفلتر اذا هو فلتر حديد مثل الجيب مايحتاج تغيره اما اذا كرتون مثل السيارات الامريكيه فتغييره افضل

[قرم العيال]

رح للوكاله وقله ابي اعاير زيت القير فقط

وشف مدى لزوجته ونقصه !!

[فهد النومان]

جابك الله حبيت استفسر عن السياره خاااااااااااااااااااااااااصه بالسفر لاني احب اسافر دائما هل هي مريحه
ولك جزيل الشكر

[ابشرو بالسيل]

السلام عليكم
اخوي عندي نفس السؤال لان سيارتي ماشيه23000 كم
لكن لازم حسب كلام الخبرا تغير فلتر الهواء كل 20000 كم
بالنسبه لسؤال الاخ فهد النومان معي السياره وهي فل 2008
السياره ممتازه في البر وفي البلد وهي مناسبه للعائله المتوسطه الى 6 افراد(مع الاطفال)
الصرفيه للبنزين ممتازه(32 ريال وهو مصفر يمشيك 430 كم)
العزم ماشاء الله تتعب وانت تقول قوي
الراحه في السفر ممتاز ولكن اذا زاد الوزن تسمع ردحه عند المطاب والحل تغيير الكعكه حقة الدفرنس بكعكة الدماكس الجديده وتكلف الشغله 120 ريال
واذا تبغى المزيد لايفوتك تبحث في القوقل عن مقهى ملاك الاكستيرا(عن نفسي استفدت الكثير)

[شبح الصحراء]

الأخوان اشكركم كل واحد بإسمه ، وبالنسبة للوكالة انا حبيت استشيركم قبل اروح الوكالة لأن الوكالة للأسف يطلبون تغيير اشياء قبل موعدها بكثير يعني مثلاً عندهم لازم اغير زيت المكينة والسيفون كل 5000 كلم مع ان المفروض كل 10000 كلم ونفس الشي للبواجي والسيور يغيرونها وهي لسة جديدة وأخاف اروح لهم يغيرون زيت الجير بدري مع ان دفتر الصيانة يقول يتغير في الإستخدام القاسي فقط .
بالنسبة للأخ فهد النومان السيارة للسفر ممتازة واقتصادية بالبنزين والجير الأوتو فيه خمس غيارات والجير العادي فيه ستة غيارات وهذا مهم للسفر الطويل لأنه يريح الماكينة بس بالنسبة للراحة الشخصية لا تقارنها بالسيارات الصغيرة او بعض الجيوب الفخمة لأنها اقل راحة واكثر ضوضاء وانا اخذتها لأسباب عديدة أهمها سعرها مناسب مقارنة ببعض السيارات المشابهة .

أود ان اسمع رأي بعض الأخوة خصوصاً ملاك الإكستيرا ، هل اغير زيت الجير الأوتوماتيك والفلتر الخاص به؟ واذا الإجابة نعم متى اغيرها؟ على فكرة في دفتر الصيانة لم اجد أي ذكر لفلتر الجير ! .
كذلك حصلت في دفتر الصيانة انه لازم اغير زيت التروس التفاضلية محدودة الإنزلاق Lsd كل 40000 كلم ، ممكن معلومات عن هذه التروس؟ اول مرة اسمع عنها؟؟ وين مكانها؟ .
بإنتظار الإجابة وشكراً .

[ابرق نثيل]

اخوي قير الاكستيرا نفس قير الباثفيندر
شف العيار مقفل عليه بقطعة حديده فكها وشيك مدى لزوجة الزيت او اتساخه بنفسك
اذا ماعجبك غيره بالوكاله

طالع هالموضوع يمكن يفيدك

http://www.mekshat.com/vb/showthread.php?t=234028

[شبح الصحراء]

ابرق نثيل اول مرة اعرف ان الإكستيرا له عيار لزيت الجير ، وعلى العموم راح ابحث يمكن احصله وشكراً على إهتمامك .
ماذا عن فلتر الجير؟ هل اغيره؟
ماذا عن زيت التروس التفاضلية محدودة الإنزلاق؟ هل فيه احد يملك معلومات عنها؟ .

[الساهر2003]

زيت التروس التفاضلية
هو زيت القير
و يغير الزيت فقط والفلتر لا مايغير
وتأكد من الوكالة او الشباب

[فهد النومان]

شااااااااااااكر ومقدر بارك الله فيك

[شبح الصحراء]

الأخ العزيز ابرق نثيل شكراً على المعلومة وابشرك حصلت مكان عيار زيت الجير ولقته محكم الإغلاق ببرغي مثل مافي الموضوع اللي نزلت رابطه ، احاول بوكرا افتحه واعاير الزيت ، بس ابي اعرف هل يفحص مستوى الزيت والسيارة شغالة ولا طافية؟ وهل الزيت المحروق له رائحة مميزة أو لون مميز؟ .

الأخ الساهر2003 ، زيت التروس التفاضلية هو حسب ظني زيت الدفرنش أما زيت التروس التفاضلية المحدودة الإنزلاق فهو الذي اريد معرفته ! ، واريد معرفة هل اغير زيت الجير الأوتوماتيك وفلتره أم لا؟ .
بإنتظار الجواب الشافي .

[قرم العيال]

شف يالغالي الوكاله ما تجبرك على تغير الي ذكرت

انا اشيك على موتري و اطلب منهم ما يجون شي إلا بتلفون

وزين انه يجي معه عيار شد بلد

الفتك ما يجي !!!

[شبح الصحراء]

الأخ قرم العيال اشكرك على ردك واهتمامك .

الأخوان الأعزاء اليوم ذهبت للوكالة وقابلت فني استقبال ومدير الصيانة وجلست معاهم وشرحوا لي انهم في نيسان ما يغيرون الزيوت مهما قطعت من مسافات (ماعدا زيت المحرك) وإنهم فقط يفحصون مستوى الزيوت ولزوجتها واذا اكتشفوا ان الزيت يحتاج تغيير يغيرونه ، ووضح لي ان بعض السيارت قطعت 180 الف كيلومتر من دون تغيير الزيوت .
قلت لهم عن الكلام المكتوب في دفتر الصيانة قالوا ما عليك منه زيت الجير والدفرنسات ما تتغير عند مسافة معينة الكلام على حالة الزيت ولزوجته ورائحته .
ويقولون بعد ان الإكستيرا مافيه فلتر زيت جير .
ويقولون ان الصلبان حقت العمود مختومة وما تتشحم ! .
بس المعلومة الأخيرة ماني متأكد منها لأنه قالها وهو مستعجل .
وهذا بإختصار المعلومات اللي اخذتها من الوكالة .
وشكراً لإهتمامكم .

[الخوي الوفي]

أحب أفيــدك أخوي شبـــح الصحراء عن زيت القير ,
سألت الوكـــالة (قطع الغيار) وقالي كل (50) ألف كيلو يتغيــر.
وبواجي السيارات الجديدة ماتغير الا كل (80) الف كيلو .!! لأنها بلاتينيوم
وفلتر الهواء كل (20) ألف . وسعره 91 ريال.
وإنشاء الله اني أفدتك والله يوفق الجميع.

[الخوي الوفي]

أحب أفيــدك أخوي شبـــح الصحراء عن زيت القير ,
سألت الوكـــالة (قطع الغيار) وقالي كل (50) ألف كيلو يتغيــر.
وبواجي السيارات الجديدة ماتغير الا كل (80) الف كيلو .!! لأنها بلاتينيوم
وفلتر الهواء كل (20) ألف . وسعره 91 ريال.
وإنشاء الله اني أفدتك والله يوفق الجميع.

[شبح الصحراء]

الأخ الخوي الوفي انت سألت اللي في قطع الغيار وأنا سألت مهندس استقبال+مدير الصيانة واتوقع هذولا اكثر خبرة ( مع ان كلامهم يناقض المكتوب في دفتر الصيانة الدورية !! ) وبصراحة انا محتار اسمع كلام المهندسين اللي في الوكالة ولا الكلام المكتوب في دفتر الصيانة ، واظن انه لازم اعاير الزيوت بنفسي واحكم على صلاحيتها مع اني غشيم شوي بهالأمور بس ربك يعين .
احد يقدر يقولي كيف اعاير زيت الدفرنسات؟ وكيف احكم على صلاحيته؟؟ .