اطلع خمسين

[سهم الشمال]

السلام عليكم ورحمة الله وبركاته
كيف حال شباب مكشات.
ياشباب ابي مشورتكم الله لايهينكم.
عندي جهاز 2100وبغيت ابيعه واشتري بداله جهاز8100 لقرائتي عن مواصفاته في هذا الموقع المبارك.
لكن اقمزولي بعض الشباب وحطمون قالولي انه مايتحمل مثل2100 وان معقد ومن هالكلام.
فشراي الشباب بهالكلام وش تنصحون فيه.
ويعطيكم 1000عافيه وعساكم دوم على القوه.

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

البر بريره
والي ما يبي البر يرجع للديرة

[رحال الرياض]

السلام عليكم ورحمة الله وبركاته
غير 2100 لاتدور ولاتسئل
مثل الددسن والاكابرس -------شغل

[طفاحي]

الأصل كُتب بواسطة رحال الرياض
السلام عليكم ورحمة الله وبركاته
غير 2100 لاتدور ولاتسئل
مثل الددسن والاكابرس -------شغل

[الايكوماوي]

الي جرب صوت الثمانيه الاف ما يبي جهاز غيره لان صوته واضح جدا مهب مثل الالفين وميه صوته مكتوم ومب واضح
ولكنهم يقولون والعهده على وكالة يقولون ان خرابه واجد وانا ما شفت ذا الشي

لذلك خلك على الالفين وميه وتقدر تركب له سماعه خارجيه عشان يصير الصوت واضح

[سهم الشمال]

الله يعطيكم العافية ياشباب اشو الي ماتوهــقـنا .

[عبد العزيز العجاجي]

الأصل كُتب بواسطة سهم الشمال
الله يعطيكم العافية ياشباب اشو الي ماتوهــقـنا .

[الشيك]

بسم الله الرحمن الرحيم

يا أهل الخبرة !!!!!!!!!!!!!!!!!!!!!! وش الحل بالابراج الخاصه بالضغط العالي ؟؟؟؟؟؟؟؟

عندي الأبراج تاصل الي 5 أبراج ثابتة ؟؟؟؟؟؟؟ ولا أسمع ربعي البعيدين ؟؟؟؟؟

أفيدونا ............................... ودمتتتتتتتتتتتتتتتم

[نداوي ينبع]

السلام عليكم ورحمة الله وبركاته
اخي العزيز انا مجرب الـ 2100 والـ 8000
واعتقد ان الـ 8000 افضل من الـ 2100 حيث انه اقوي لان ارساله 75 واط الـ 2100 فقط 50 واط ثم انه اي الـ 8000 يوجد مروحة من الخلف للتبريد يعني لا تحتاج مروحة والسماعة في الامام مما يعطي وضوح للصوت اما عن العطال فلا اعتقد ان اعطاله كثير انا شخصياً اعرف اناس يستخدمونه دائماً وباستمرار ومدة سنين والحمد لله لم يعطل ...... قول تبارك الله
لكن بعض اخواننا وللاسف يعتقدون ان الشركات تتغير للاسوء
وازيدك من الشعر بيت البعض يقول ان الشركات تتغير او تغير للاسوء عن قصد حتى تزيد من مبيعاتها لانهم كما يقول البعض لاحظوا ان الموديل الفلاني لايعطل فأتوا بالموديل التالي لانه يعطل بسرعة وبهذه الطريقة يزيد من استهلاك السلعة للاسف هذه الفكرة منتشرة حتى عند بعض المتعلمين ناسين ان الشركات لايمكن ان تضحي وتفقد سمعتها خصوصاَ في ظل المنافسة الكبيرة بين الشركات ثم ان هذ الشركات لاتقدم على اي تغيير الا بعد اجراء العديد من الدراسات والبحوث
وصدقني دائماَ التغيير هو للأفضل اي ان الـ 8000 افضل
ليس معنى كلامي ان الـ 2100 سئ لكن الـ 8000 به مواصفات افضل :good:

[كويهوس]

وعليكم السلام ورحمة الله وبركاته

أخي الغالي / ســـهم الشمال

(( اطلع خمسين )) مدري وششششششش مناسبتها .

-------------------
الايكوم 8000 صحيح انه ما يتحمل الإرسال الكثير على الهاي مثل 2100 ، فحرارته ترتفع إلى درجة عالية و بسرعة كبيرة مقارنة بالـ 2100 ، ولا يخفاك أن الحرارة العالية تعطل القطع الإلكترونية وأول هذه القطع الايسي حق الإرسال ، وهذا اكـثـر ما يتعطل في الايكوم 8000 .

ومع هذا كله فالجهاز اعتبره من افضل ما أنتجته شركة أيكوم ، لاني استخدمه من سنتين وما اشتكيت منه والحمد لله ، ولا أفكر اني أبيعه .

أما من قال لك بأنه (( معـقّـد )) فهذا ما عرف للبرامج ، ولا لفائدة أزرار ( F1 & F2 ) الّي في الريشة ، التي يمتاز بها الـ 8000 عن الـ 2100 .

تبي نصيحـتي :
ان كنت من اهل الريش الطويلة فخــلــك على الــ 2100 وريـح بـالــك .
أما عن الفرق بين 2100 و 8000 في قوة الواط فالفرق برجين تقريباً .

والله يكتب لك مافيه الخير
========================


حياك الله نــــداوي يــنـــبــع


شــقّــر على ((145.850Mhz )) و إنشاء الله اسمع صوتك قريب .



مع تمنياتي لك بالتوفيق

[نداوي ينبع]

السلام عليكم ورحمة الله وبركاته
الأخ العزيز كويهوس بالنسبة للحرارة حتى الـ 2100 اذا طولت عليه المراسلة اتحداك تلمسه من شدة الحرارة لكن بالنسبة للـ 8000 هناك فرق وهو وجود المروحة الخلفية وموعدنا الليلة حوالي الساعة 11 :)