المساعد الشخصي الرقمي

مشاهدة النسخة كاملة : للافاده اخواني عاجلا


الفاخر111
15/10/2009, 08:51 PM
السلام عليكم
اخواني انا عندي جيب vxr تويوتا مديل 2001 وفيه لنبه في الطبلون لما اشغل السياره
تضوي على طول وما تطفي ابد ومكتوب فيها العباره هذي(t-BELT)رحت للشركه
قالي الفني هذا سير المكينه الداخلي في المكينه يبيله تغييرمع الشداد
اتمنى الي عنده خلفيه عن المواضيع هذي يفيدني مع العلم ان قيمة القطعه
الف ريال ومع التركيب تطلع الفين وميتين ريال
اتمنى القا الحل عندكم والافاده عاجلا
عزٍيزٍ
15/10/2009, 10:01 PM
وعليكم السلآم ورحمة الله وبركآته

آخوي الفاخر , انا كان معي هايلكس دفرنسين , وولعت لي اللمبه هذي

وهي لمبه سير المكينه , تقريبا تولع بعد 150.000 كيلو

رحت للوكاله قآلو بـ 2250 ..!!! (علي بآبآ) < ورحت وخليتهم

رحت شريت من قطع الغيار بالصناعيه وركبته بورشه بشرق الرياض

التركيب بـ 500 ,, وسعر السير ناسيه والله بس اقل من 200 ريآل

هذي تجربتي مع سير المكينه ,, ان شاء الله اني افدتك
ساحووق
15/10/2009, 10:11 PM
يفيدووك النشاما
راعي العشــه
16/10/2009, 04:25 AM
هلا بك اخوي الفاخر
المشكله بسيطه انشاءلله
الـvxr بعد الـ150 الف كيلو تشتغل لمبة السير داخل المكينه
غيره وتروح اللمبه
لازم الوكاله يشفطون شوي من دمك فتحمل القيمه او مثل ماقال اخوي عزيز
اشتر السير وغيره في الخارج بس تأكد من الورشه اللي تروحلها :)
سوبر VTC
16/10/2009, 05:11 AM
و عليكم السلام و رحمة الله

ياخوي نهابه الدعوى
وش الحراميه 2000ريال :no: :mad::mad:
يالله لو تحشي دراهم من نفود

سير التيمن قيتمه من 180 الى 240
و شغل اليد
ب200ريال تقريبا او اقل

كلم على الرجال راعي ورشة ببريده
ابو خالد الخضير تخصص تويوتا و نيسان
موتره فكسار م99
0505132145
كلمه الصبح او اول العصر
تراه راعي ذمه و ثقة :good:

بالنسبة للمبه البلت اللي تحت الكمبريشن (T - BELT) فهي حقت سير التيمن
تغير السير كل 150الف كيلو
'طبعا ال6سلندر يجي جنزير مهب سير و الجيب الديزل الصالون و الحوض يجي سير مثل الفكسار و ايضا الهايلوكس الديزل
احذر من المراكز الكبيرة حقت الصيانه :mad::mad:
احد الربع دخل عندهم فكسار 2002 اخذوا عليه شغل يد 1150ريال :mad:
سير التيمن ب180ريال + بواجي اعتقد 170ريال
الدعوى نهابه :mad:
عندنا ببريده ابو خال الخضير راعي ورشة يغير سير التيمن من 200 الى 250 ريال :good:
للعلم موتره فكسار م99
وش لون تطفى اللمبة ؟؟
اولا تضغط زر الكيلو الاسود وفي نفس اللحظة المفتاح على نقطه ما قبل التشغيل مرحله ما قبل التشغيل
تضغط الزر لمدة نص دقيقة فاكثر
همن تفتح السويتش راح يظهر عندك رقم 1 بمكان ممشى الموتر (الشاشة)
1 ==> يعني 10الاف كيلو
تضغط الزر الاسود مره ثانيه يظهر لك رقم 2 و هكذا...
تضغطه حتى تصل الى رقم 15 ==> 150الف كيلو
ثم تضغط الزر ضغطه طويله حتى ترجع الشاشة الى ممشى الموتر
و تطلع المفتاح و تفتح السويتش مره ثانيه و تشتغل الموتر
و باذن الله تطفى اللمبه :good:

موفق
الكونترولCONTROL
16/10/2009, 06:09 AM
من رأيي و حسب التجارب : اذا الموتر ما فيه أي مشكلة اتركها عنك !!
غيرت مرة بجيب ديزل gxr و لقيت السير جديد
و غيرته بجيب VXR و لقيته جديد
و تغييره يكلف عليك بالوكالة بين 900 و 1200
و ياخذ ساعتين فك و ساعتين تركيب على الأقل
و الديزل أذكر أنه يكلف 350 مع السير طبعا
و لا ياخذ فكه و تركيبه أكثر من ساعة
و لكن .. إذا أنت مصر تغيره : غير معه الرمانات
العلوية و السفلية الخاصة به
و اللمبة تقدر تطفيها ... و تحط عدد كيلومترات يذكرك بعدها
الكمبيوتر مرة ثانية ... اذا ودك تطفيها فالطريقة بسيطة
ولعت عندي على 200.000 و غيرته على 375.000
ثم ولعت عند 470.000 و الى الحين أمشي عليه 550.000