مشكلتين في السفاري

[مصمك تميم]

السلام عليكم ..
يااخوان عندي سفاري 2005 عادي .. .. فيه مشكلتين ياريت أصحاب الخبرة يشاركوني بآرائهم وحلولهم ..

1- وانا امشي اسمع صوت أنين بالمكينة خفيف ( كني مشغل الدبل الثقيل لكن الصوت شوي أخف ) لكن عند الرابع يختفي الصوت ويرجع الصوت لمن اعشق الخامس ..

2- غالباً اذا كان الضغط تعدى الــ 3ونص يتفتف الموتر كنه يفتر بس بنسم أطول .. يعني يضايقني لمن اكون بالبر مثلا أو لمن أرفع الضغط ( هالمشكله في بعض الأحيان تجي لكن اكثر من الطبيعي )


ياريتكم ياخوان تعطوني رايكم في هالمشكلتين وشهي حلها ؟؟
جزاكم الله خير ، والسلام خير ختام ..

[مصمك تميم]

للرفع
للرفع
للرفع
للرفع

[ابوفهيدان]

شف الصوت اللي تقوله هذا يجي بالنيسان دايما خاصة للي يستعملون الدبل بكثرة
وشي طبيعي
والتفتفه اعتقد لو تغير نوع البنزين وتجرب
والاخوان بيفيدونك

[مصمك تميم]

عزيز بوفهيدان .. الصوت يجي عالأول والثاني والثالث والخامس فقط .. الرابع أبد مافيه شي ..

التفتفته تجي مرات قويه ،، يعني ماأقدر أزود عالموتر خاصة اذا كان عالخامس وماشي 160 .. لدرجة ان مااقدر ازيد عن 155 .. وكذلك يفتف اذا كان عالرابع ويبي يعدي الـ140 ..

شاكر لك اخوي

[بدوي جنوبي]

ممكن يكون الصوت من القير اصلا
لكن تحديد مكانه صعب

احيانا بعض الاعطال او الاصوات تركها افضل
لانها تبقى ولا تزيد ،،

وعند محاولة اصلاحها قد تكلف الكثير
وممكن ما تضبط ،، وتظهر خرابات اخرى
على سبيل المثال القير ،،،

جميعا نتفق على ان القير والدفرنس اذا تم فكها للتوضيب او تغيير قطعه
من الصعب رجوعها لحالة المصنع ،، لابد من ظهور مضاعفات .

هذا ما حبيت اوضحه لك

بالتوفيق .

[مصمك تميم]

بدوي جنوبي .. أشكرك اخوي ..
ومثل ماقلت الظاهر المشكلة من القير .. وديته لورشة وقالي لازم نفك القير ونشوف .. سألته اقدر أمشي عليه ، يقول مايضر ان شالله .. فأبقعد عليه لين أبدل صينية الكلتش والنحاسات مرتن وحده ..

ماقصرت ..

[برايدوي عنيد]

السلام عليكم
اخوي يبدو ان المشكلة من رمان القير والحل لابد من فك القير وتوظيبه لكن قد تعود بعد فتره
لكن مر اكثر من ورشه ولاتتعجل بفك القير

[مصمك تميم]

هل تقصد أخوي من الصوت الخارج أو من التفتفه من الموتر ؟

[برايدوي عنيد]

اخوي مصمك تميم
نعم اقصد الصوت اللي يطلع والسياره معشقه لاحظ اخوي انك لو ضغطت على الكلتش تسمع ونه
حيث ان عمود السرعة في القير يتحرك بسبب خراب الرمان
اما صوت التفتفه اريد ان ارتب لك حتى لاتتخسر واجد
البواجي , اسلاك البواجي , فلتر الهواء , صفاي البنزين
هذا مااعرفه
دمت بخير وعافيه

[ذيب عالية نجد]

عزيز بوفهيدان .. الصوت يجي عالأول والثاني والثالث والخامس فقط .. الرابع أبد مافيه شي ..

التفتفته تجي مرات قويه ،، يعني ماأقدر أزود عالموتر خاصة اذا كان عالخامس وماشي 160 .. لدرجة ان مااقدر ازيد عن 155 .. وكذلك يفتف اذا كان عالرابع ويبي يعدي الـ140 ..

شاكر لك اخوي
المشكلة الأولى ماأعرف حلها الأخوان يفيدونك فيها
أما المشكلة الثانية فحلها بتغيير صفاية البنزين وهي تجي تحت ومكانها شوي عسر
تحياتي لك