الفزعه الفزعه

[جلمووود]

السلام عليكم
عندي مشكلة وابي منكم الفزعه يالاخوان (عندي حر وافي ) يكوش على العلف وسالت بعض الاخوان ولا احد عطاني جواب مضبوط .
والاردى انه يبي ينسر يدي لاوبعد اني لا فتحت الباب عليه يجي عند الباب ويهاجم ومره من المرات فتحت الباب و هاجم وشبك في رجولي .
وتكفون ابي منك الرد يالوجيه الطيبه

[كلما نسنس]

حياك الله اخوي جلمووود ..
يمكن انك زاوي الطير ((مضعفه مره )) حاول ترفع صنعته ويمكن يلين راسه..
والطير وانا اخوك مفسد ..
لكن كانه شبب صغير يمكن يقضب الجاده ويصير طير عاقل ..
وكانه عود كبير مابه طب (( ابو طبيع مايجوز عن طبعه ))
وذكرتني بطير واحد من الربع نزر اقشر لنزلت صنعته يسوي كل حركات الطير الفاسد من صيحه وكوشه وشبط وقرط ..
ولرفع صنعته ماعندك بحسن من اخلاقه ..
بس هاه حباري لشفها وهو صنيع قلب كروان وتقعيط ..
واخر ماله سوق الطيور حراج وحده حراج ثنتين..
طبعاً تراني رديت وانت معطيتني تفاصيل الموضوع ..
مثلأ عمرالطير . مبطي عندك . صايد الطير .
وتقبل مروري اخوي جلموود

[جلمووود]

الله يعافيك ويتزاك خير الطير عمره ثاالث والطير انا شاريه يعني الي قبلي هو الي مخرب طبع الطير والطير صايد شرط كراوين

[راعي غضبان]

مايسويها الا تفريخ يشبط ويفتن فيك ويحومر لك هذا وانا اخوك طبع فيه وانا اصنعته مانفعك ولاهد ولا صاد وان نزلته بيسويبك مثل ما شفت بيخبط وبيقرط فيك واحذر على وجهك وعينك لاينقز عليك وانت غافل يلعب في وجهك والله يستر عليك منه وهذا طبع مادامه ثالث هذه ثابته فيه والف شكر لك

[@قرناص@]

مايسويها الا تفريخ يشبط ويفتن فيك ويحومر لك هذا وانا اخوك طبع فيه وانا اصنعته مانفعك ولاهد ولا صاد وان نزلته بيسويبك مثل ما شفت بيخبط وبيقرط فيك واحذر على وجهك وعينك لاينقز عليك وانت غافل يلعب في وجهك والله يستر عليك منه وهذا طبع مادامه ثالث هذه ثابته فيه والف شكر لك

حاول تكثر نقلة الطير واذا هو على وكره وانت منتب موجود برقعه ,,

[رقاب الضرابين]

الطير ممضيبه الجوع من اول وصارت طبع فيه مثل ما قال اخوي الي قبلي
ارفع الطير وجرب عندي طير لانزل وزنه فعل نفس فعل طيرك ولا صنعته شوي ترك كل السوالف
ودمت بخير

[جـرح الشمـال]

فادوك الاخوان

[جلمووود]

الله يعافيكم جميع

[eLsnafi]

فادوك الاخوان ماقصروا

[@السيف@]

افادوك وما قصرو القروم