مشكله وابي حل ( الجمس )

[مقطع الخليان]

السلام عليكم ورحمه الله وبركاته

كيف حالكم

ياخواني انا معي جمس 2004 صالون دبل

امس طلع لي بالطبلون لمبة صفراء حقت الفرامل ( ABS ) :confused: :confused:

قريت الكتلوج قال طف وشغل مره ثانيه وطفيت وشغلت وراحت

اليوم الصبح طلعت وعيت تروح ما ادري وش القصه

ارجو المساعده من اهل الخبره بسرعه

هذي اول مشاركه لا تخلوننا

[Magellan]

للجمس اربع حساسات ABS
كل كفر عليه حساس
له وظفتين :حساب السرعه+ الفرامل ABS
عادة يخرب بسبب ان المنطقة اللي يحتك فيها (الفلنجة)يصير مصدي ويخربها
الحل:
فحص كمبيوتر مجاني من عند القرعاوي بالصناعيه القديمة بالرياض لإظهار الحساس الخربان
2- إحضار الحساس من التشليح بـ50 ريال أو من الوكالة (حساس +فلنجة) بقيمة 350 ريال
فك الكفر وتغيير الحساس الخربان وتشحيم الفلنجة فقط

[حيدر الو]

اخي الكريم جرب افصل البطارية لمدة عشر دقائق وارجع اشبكها يمكن تختفي عندي تاهو 2007 غيرت له اقمشة عند احد الورش ولما طلعت من عنده ولعت اللمبة حاولت اطفي السيارة واشغلها بس مانفع فصلت البطارية وشبكتها وطفت اللمبة بعد التشغيل

[سوبر VTC]

و عليكم السلام و رحمة الله


هذي صارت لاحد الربع موتره شيروكي م2001
اللمبه ولعت
المهم انه حصل سلك حساس ال اي بي اس
منقطع من عند الكفر الايمن
وصل الاسلاك و حط شطرطون
و طفت اللمبه :good:
كل كفر له حساس
راكب على الفلنجه
سلك الحساس به خطين لون اسود و الاخر لونه بوني
علما ان المحلات خصوصا الاتراك قالوا له نصلحه ب150ريال :mad::mad::mad:

فقط 5 دقائق وصل الاسلاك و ببلاش :good:

لو ما طفت اللمبه
يفك الحساس و ينظف الراس ببنزين+ قطعة قماش
لان رايش الحديد + الشحم يسوي طبقة عزل

تاكد من الفيوز يصير مقطوع

موفق

[مقطع الخليان]

مشكورين بالربع وما قصرتوا الحين له يومين ما طلعت الله يثبته