رز مغشوش

[ابو وكر]

المضوع اشتريت رز الوليمة قبل يومين ابو عشرة كيلو وللأسف صار لونه غريب وبعد الطبخ
يصير مالة طعم يعني كأن الملح ناقص وسألت أحد الأخوان وقال أن فيه شركات يغشون
في الأكياس يعني تلقى الكيس من النوعيا ت الجيدة والرز اللي فيه نوع ماله علاقة في
الكيس حسبنا الله ونعم الوكيل على الغشاشين

[خوي الساري]

لاأعتقد بأن المستورد بيغش أو يقعد يبدل بالاكياس راح يكلفه الكثير ولكن إنتبه لايكون اللي غشك صاحب المحل وهل خياط الكيس شد بلده أو انه مغشوش من قبل الاستيراد000000000

[abu fares]

وانا بعد شريت رز ابوشماغ ويالله لك الحمد تركناها ماقدرنا ناكله ما ادري وش المشكلة

[aljde40]

تأكد ونا اخوك من التاريخ قديكون جديد , ومن المعلوم أن الرز كل ماكان تاريخه قديم كل ماكان أطيب .

[abu fares]

aljde40 معقولة القديم أفضل ؟!!!!!

والله وانا خوك انا دوم اخذ التاريخ الجديد وممكن انتقل من سوق للثاني من اجل التاريخ الجديد

[العريني1]

كلامك صحيح ...فيه ناس بالداخل من العماله...يغشون الرز..
مثل ماغشوا الشمبوا والكريمات وقطع غيار السيارات وغيرها...
فقط تبديل ..الكيس او العلبه....
وسبق ان بابكر اعلن بان هناك غش لرز ابوكاس...
وللمعلوميه..اخوي عمود الخيمه..الرز القديم احسن ...يسمونه الاولين ...عتيق...بل بعضهم يشتري كميه ويخزنه..
وفيه بعض الموردين يكتب على الكيس عدم اكل الرز قبل عام من الانتاج...

[اورنس الشرق]

نعم الرز المعتق افضل

[طلعة بر]

اذا كنت متاكد انه مغشوش رجعه للى شريته منه حتى لو كان استخدم او بلغ البلديه عليه

قبل تقريبا عشر سنوات او اكثر شفت عماله في وسط الرياض ( حي الديرة ) يغيرون في اكياس الرز بس ما توقعت انهم يغشون الا بعدين كنت احسب انواع الرز كله سعره واحد

[قناص خلاوي]

طحت باللي طحت به لكن ماهوب رز
شريت قهوة بالخير اربع اكياس وطلعت ( اللهم لك الحمد)
يوم سألت وتقصيت من أهل الجملة بالديرة قالوا الغش من بعض ضعاف النفوس والعمالة ماهوب من الوكيل.
رجعت وشفت باقي الاكياس حصلتها مفتوحة بطريقة احترافية ومرجع قفلها بشكل مهبول ما ينتبه له أي واحد
قفل اكياس القهوة ( رباط) بلاستيك حق اسلاك كهرباء السيارة لكن عليه ختم الوكيل ..

[رعد الصحراء]

السلام عليكم ورحمة الله وبركاته
أخي الكريم
المفروض انك رجعته للمحل اللي أخذته منه
مشكلتنا ولا تزعلون من كلامي نشوف الخطأ ونسكت عنه
طيب إلى متى واحنا ساكتين ؟؟؟
أرجو أن تتقبل كلامي بصدر رحب
كلامي هذا موجه للجميع
بالنسبه للرز كل ما كان تاريخه قديم كل ما كان أغلى وأحلى
تجد فيه أنواع من الرز سعره غالي لاحظ تاريخه وتعرف ان القديم أغلى
التلدا وباب الهند كلاسيك لا تتعداهم
بالنسبه للغش موجود بالرز والقهوه وما يسوونها الا البنقاليه حسبي الله عليهم
وأكثر الغش بأكياس الرز الكبيره والقهوه من النوع الممتاز
’’تـقبل مروري’’

[الوسيطاء]

اخوي بذات رز الوليمه يجي مختوم بشمع احمر وهاذا الدلاله على انه مفتوح والا الختم على ماهو

[سلطان المغيري]

انا مره شريت رز القطاروالمشكله انه مو موجود في الطائف

طلع واحد من الزملاء قلت له جيب لي معك رز القطار

45 كيلو 295 ريال جاب لي مرتين رز يارجل ريحه وطعم

وحبته طويله مره وصراحه انه رز لايعلى عليه

واخر مره قبل اسبوع جاب لي كيس يارجل والله ان الرز

الي فيه مايوكل الله يديم النعمه طوالي يطلع عصيده ان نضج

صارعصيده وان مانضج صار يارجال تراب الله يديم النعمه

قسم بالله يتكسر وناشف

يعني الغش موجود تعبى الاكياس برز فاشل وغير مرغوب

لن اصحاب المطابخ يقولك يجيهم ناس يشترون الخياش الفارغه

شكلهم يعبون رز فيها فاشل

[ابوعيدالدوسري]

واللة ياشباب انا اشوف ان كل الرز سوا بس يختلف في مقدار الما المستخدم.
يعني اذا كان الرز تاريخة حديث يعني مو معتق مرة استخدم ماء قليل عند الطبخ.
واذا كان معتق يبيلك تنقعة .
يعني صبة احقنة لبن

[ابو وكر]

الأخوان الذين قالو لماذا لم ترده
والله يا أخي المشكلة أنني لم أفتح الكيس إلا بعد عشرة ايام من شراءه وجربناه مره أو مرتين
وأعدنا التجربه حتى نتأكد من أن المشكلة من الرز
وبعد الفترة هذه كلها ما أظن أنه بيرجعه وبعدين الكمية عشره كيلو يعني ما تسوى من
يسوي مشاكل على شانها
وفي النهاية ما يضيع عند الله شيء

[اخوخالد]

اخي تأكد دئمآ من وجود الختم وهو الشمع الأحمر عاى الكيس من الأعلا,,,,,

[راعي الدسمه]

سلام يالربع
حتى انا مره اشتريت بشاور الشعلان اللي اعلامه مرسومه بالاخضر وهو من الانواع الجيده وخابره بس للاسف طلع مغشوش والله ماهو اللي انا خابر وبالاخير صرت اطلب من العامل يجيب السكين الخاصه بفحص الرز واعاينه اذا هو فيه كسور او حباته مختلفات عن بعض خليته ودورت غير والغش وارد وخاصه مع نشاط وزارة التجاره وكثرة وانتشار اعداد مراقبين الاسواق (العكس صحيح)

[عيال وايل]

ما نقول الا حسبنا الله ونعم الوكيل

الغش اصبح في كل شي ومن امن العقوبة اساء الادب

والله يستر من الجاي ؟؟؟ !!!

[معارك]

الله المستعان