المساعد الشخصي الرقمي

مشاهدة النسخة كاملة : للي يعرف التدهيل


ابو طلحه
16/10/2009, 09:36 PM
السلام عليكم


اناعندي طير حر راسه يابس


والحمد لله اني داقن خشمه لاكن عندي استفسار



شلون امسح صدر الطير


مره كنت اقرب يدي من صدره وعضها وخليته يعضها عشان يدري انها ماهي بضارته


لاكن صبرت وعضها لين شق يدي


وماأدري شلون امسح صدره



الردوووووووووووووود تكفون
راايق تميم
16/10/2009, 09:40 PM
وعليكم السلام



تفضل اخوي هالرابط فيه موضوع لاخوي ميراج


كيف تدهل طير قرناس وحش طرح الشبك


وان شاءالله يفيدك ويفيدونك الاخوان


http://www.mekshat.com/vb/showthread.php?s=&threadid=10780 (http://www.mekshat.com/vb/showthread.php?s=&threadid=10780)
أبو رداد
16/10/2009, 09:54 PM
راحت ايدك ههههههههههههههه
ياخوي لاتعطيه أصابعك منفرده ... في البدايه عوده على يدك وهي مقبوضه
(تراه ماينسرها أبد ... لاتتروع منه)
يوم بعد يوم تقدر تمسحه ابتدأ من الرأس ونزولا على صدره
@قرناص@
16/10/2009, 10:03 PM
ابوطلحه ... الموضوع بسيط وسهل ,,

آقبض يدك ودهله ولاتخليها منفرده ابدا واذا حاول يعض امسك منسره من الاسفل ولاتفكه الا بعد ثواني معدوده وارجع سو نفس الكره وبيتغير الطير ولاعاد يزعج ..

وكثر النقله ,, والاخوان ماقصرو ,,
ابو طلحه
16/10/2009, 10:20 PM
وعليكم السلام




تفضل اخوي هالرابط فيه موضوع لاخوي ميراج


كيف تدهل طير قرناس وحش طرح الشبك


وان شاءالله يفيدك ويفيدونك الاخوان



http://www.mekshat.com/vb/showthread.php?s=&threadid=10780 (http://www.mekshat.com/vb/showthread.php?s=&threadid=10780)

انا اعرف التدهيل لكن قصدي مسح الصدر والله يعطيك العافيه
ابو طلحه
16/10/2009, 10:26 PM
متاكدين يابو رداد ويا قرناص

تراني ذقتها
خيال الصبحا
16/10/2009, 10:55 PM
وعليكم السلام
هل انت تمسح صدره على طول او تمسح وجهه ثم تنزل يدك تمسح على صدره؟؟
ان كان الثانية اقول لك امسح على وجهه وبعدها نزل يدك وامسح على صدره(يعني مرة وحدة تمسح على وجهه وصدره)اما ان كنت تمسح على صدره على طول فهذي ماعندي خبر عنها ويفيدونك الاخوان(لاني سبق وسويتها كذا مره والطير مصقور ولكنه كان ينسر يدي اما يوم امسح وجهه وانزل على صدره مايتحرك)
@قرناص@
17/10/2009, 05:30 AM
متاكدين يابو رداد ويا قرناص

تراني ذقتها


نعم متاكد ان شاء الله ,,

وجربتها على قرناسه شاهين والله انها تقطع اليد تقطيع ,,

لاكن ابشرك تغيير طبعها والحمدلله ,, :good:
eLsnafi
17/10/2009, 05:40 AM
والله وحصلتلي ياخوي
مثل ماقالوا الاخوان امسح على وجهه وانت نازل على الصدر
ابو طلحه
17/10/2009, 04:07 PM
الله يجزاكم خير
نواف نجد
17/10/2009, 05:05 PM
افادوك الاخوان والله يعينك ويوفقك
..@القناص@..
17/10/2009, 08:50 PM
كثر من نقل الطير ... وامسح عليه << وماجاك علي ههههه
كاتم الصوت
17/10/2009, 09:34 PM
السلام عليكم




اناعندي طير حر راسه يابس


والحمد لله اني داقن خشمه لاكن عندي استفسار



شلون امسح صدر الطير


مره كنت اقرب يدي من صدره وعضها وخليته يعضها عشان يدري انها ماهي بضارته


لاكن صبرت وعضها لين شق يدي


وماأدري شلون امسح صدره




الردوووووووووووووود تكفون

كل صقار وله طريقه متعود عليها بتدليه طيره . طريقتي انا .
مدة اسبوع والبرقع على راسه ما افك برقعه الا وقت العشاء اعشيه وهو على يدي وبرقعه على طول . اول ما اطلعه من العشه اطق البرقع براسه وخليه مدة ثلاث ايام وانا ماافك برقعه
طول جلستي وانا حاطه على كفي وبرقعه براسه .
اليوم الثالث خلي العشاء بدس وهو على يدي مبرقع وذب برقعه وعشيه عشاء خفيف اول ما يخلص من عشاه مباشره اطق البرقع براسه .
علما ان الثلاث الايام الاولى ما احاول امسح عليه مهما كانت الاسباب اول شي خوفي على ريشه والموسيات اكيد سيقات بس ما كملن .
بعد اليوم الثالث بدايه اليوم الرابع وهو برقعه حاول لما اشوف خاطره زين امسح على صدره ولا اصوت له بصوت برغم اني من النوع اللي مايحب يمسح على الطير الا بعد اكثر من شهر لين الطير يستهد ويجهز تماما وهده بعدها افضل اني امسح عليه ...

المهم نكمل التدليه من اليوم الرابع ابداء اعشيه عشا خفيف لمدة اربع ايام ولا انزل البرقع من راسه الا وقت العشاء ولا انزل اطير من كفي يعني مدة سبع ايام والطير برقعه وهو على يدي ثلاث ايام ما عشيه بعدها وقت العشاء اعشيه وهو على يدي عشا خفيف لمدة اسبوع بعد اسبوع اساهره حاول اذا شفت خاطره زين افك برقعه وهو على كفي واذا حاول يكفخ ارد البرقع له بخفة يد سريعه .
وبعدها ابداء ادعيه بالمربط على العشاء انسره تنسير خفيف وبعدها باربع ايام ابداء ادعيه بحبل طويل ما يقارب 10 متر وكل يوم اخذ اطول ودعو بس على الدس يعني ماهو بالحمامه ولا بالملواح 10 ايام وبعد عشر ايام ابداء فيه يعني اقول لك من بدااية تطليعه من القرناس مدة ( 21 ) على الاقل وانا ماني مستعجل عليه لين اتاكد ان طيري جاهز تماما والعجله ماهي طيبه . والركاده زينه وكل ما ركدة وصبرت على الطير يزين طبعه . وانا من النوع ضد اطلاق الحمام لطير ملواح لاباس بالدعو لاكن اهده على حمامه لا اا ضد الشي هذا وكل صقار وله طريقته .
والله الموفق
جلمووود
17/10/2009, 10:37 PM
دهله في البدايه بالبرقع الين يركد واذاما جاوب ا اشتر دس يمين ودهله بها وفالك الخرب انشالله
ابو امنه
18/10/2009, 01:18 AM
ماقصروا الاخوان
موفق خير يالغالي
@السيف@
18/10/2009, 02:41 AM
ما قصرو القروم
ابو طلحه
18/10/2009, 07:59 PM
الله يجزاكم خير