عاجل.... ابشروا فتح محلات بنادق وذخيرة بالسعودية

[عاشق البانيلي]

بسم الله الرحمن الرحيم

تم تنزيل اليوم اعلان من وزارة لداخلية بشان طلب ترخيص فتح محلات لبيع الاسلحة النارية الفردية وذخيرتها
وفقا لبعض الضوابط /
1-ان لايقل عمره عن 25 سنة
2-ان يكون خالي من السوابق الجنائية
3-ان يكون لديه سجل تجاري ساري المفعول
4-ان يقدم ضمانا بنكيا بمبلغ 500 الف ريال

[جـرح الشمـال]

الله يعطيك العافيه على الخبر

[جـرح الشمـال]

الله يعطيك العافيه على الخبر

[ابوناصر426]

ياخوان قبل خمس سنين سوت الداخلية مثل هالاعلان، وماشفنا الا الخرطي

مشكور يا عاشق البانيلي (http://www.mekshat.com/vb/member.php?u=83188)

[جال النفود]

والله خبر مفرح ويكون مقنن بضوابط ..

لكن كثير ما نسمع ونقول لعل وعسى

لكن الصراحة الصراحة الشرط الأخير ما أدري أحس إني ما فهمته ؟؟
:confused:

500 ألف

[a7md al-q9em]

يعطيك العافيه اخوي على نقل الخبر

والله يكتب الي فيه الخير ان شالله

تقبل مروري

[ابوناصر426]

والله خبر مفرح ويكون مقنن بضوابط ..

لكن كثير ما نسمع ونقول لعل وعسى

لكن الصراحة الصراحة الشرط الأخير ما أدري أحس إني ما فهمته ؟؟
:confused:

500 ألف

بالنسبة للشرط الاخير هذا شرط عادي، اي مشروع يحتاج لضمان مالي وبعض المشاريع يكون ضمانها المالي 100 الف وبعضها 100 مليون

[سند333]

ياخوان قبل خمس سنين سوت الداخلية مثل هالاعلان، وماشفنا الا الخرطي

مشكور يا عاشق البانيلي (http://www.mekshat.com/vb/member.php?u=83188)
:no2: لاتقول هالكلام الظروف الي مرت فيها السعوديه خلال السنوات الي فاتت اكبر من انها تفتح محلات اسلحه

مشكور اخوي على الخبر مع ان الوقت ماحان لفتح محلات ومنطقيا مااعتقد يفتحون ولا بعد سنتين

[ذيب قطن]

مشكور اخوي عاشق البانيلي على هذا الخبر

[العود&& الازرق]

مشكوووووووووووووووووووووووووووووووووووووووووور

[فرغالي]

خبر جميل بس على المسدسات فقط
شكرا على الخبر

[ابوطاقية]

ما اتوقع يرخصون بمحلات اسلحه وذخيره وناس تترزق من التهريب

[راعي الطلعات]

مثل محل الرماية ومحل الرميح

كذلك قرأة بجريدة الجزيرة انه سوف يتم فتح مراكز تدريب على الرمي بالبنادق مثل نادي الرماية بالإمارات العربية

ونسئل الله التوفيق

[عبدالاله 123]

خبر جميل بس على المسدسات فقط
شكرا على الخبر
الله يعطيك العافيه علي الخبر وهلا انت متاكد من كلامك هذا مسدسات فقط

[قناص1717]

السوبر ان شاء الله ناخذها على 6000 ريال
احجزلي 2سوبر وواحد ابرتا وصلحه

[جال النفود]

بالنسبة للشرط الاخير هذا شرط عادي، اي مشروع يحتاج لضمان مالي وبعض المشاريع يكون ضمانها المالي 100 الف وبعضها 100 مليون


يعطيك العافية أبو ناصر لاهنت ..

بس يعني كيف آخذ من البنك ضمان أو من عندهم ..

بالنسبة للخبر قرأته في صحيفة الكترونية

http://www.burnews.com/news.php?action=show&id=10134

ونقول يا رب عساهم يحطون .

[الوديّ]

الله يعافيك ..وعسى الله يعجل بفتحهن

[طير آلفلآء]

الله يعطيك العافيه

[ffrr]

شكرا على الخبرالحلوووووو

[ابوناصر426]

يعطيك العافية أبو ناصر لاهنت ..

بس يعني كيف آخذ من البنك ضمان أو من عندهم ..

بالنسبة للخبر قرأته في صحيفة الكترونية

http://www.burnews.com/news.php?action=show&id=10134

ونقول يا رب عساهم يحطون .

الضمان المالي له طريقتين
الطريقة الاولى تودع في حساب مؤسستك الفلوس المطلوبه كضمان مالي (مثلا 500 الف ريال) وتروح للبنك وتقول لهم اجعلوا هالنصف مليون ضمان مالي للمؤسسة، البنك يجمد هالفلوس لصالح الجهة التي طلبت الضمان المالي.

الطريقة الثانية، يقوم البنك باعطائك ضمان مالي لمشروعك مقابل رهن لعقار مشروعك، ويحصل البنك على $ من هذه العملية.

هذا ما اعلمه وقد يكون كلامي غلط

[عاشق مكشات]

الله يعطيك العافيه علي الخبر المفرح

عزالله دقوا خشوم المهربين دق ويرخص الرصاص

[مطفش القمري]

الله يبشرك بالخير

[abuufahad]

خبر طيب وخبر محلات الرمايه افضل لانه راح يفرغ طاقات شباب الصيد ويتم التعليم على اصول الرمايه مع الحفاظ على البيئه

[بادي]

السلام عليكم اخوي عاشق البانيلي شكرا على الخبر
لكن اعتقد ان المقصود هو انشاء انديه للمارست هواية الرمايه فيها
وليس المقصد من الاعلان انشاء محلات لبيع الاسلحة والذخيرة كماهو :no2:
حاصل للبنادق الهوائية
اوجو ان يكون فهمي للخبر غير صحيح

لكن ايضا وجود الاندية كما هو معمول به في الخارج هو مطلب كثير من الهواة

[الوتر الحزين]

هلا اخوي

ماشاء الله شي طيب صراحه, خل المهربين ياكلونها, اللي مطيرين اسعار البنادق والفشق لاسعار خياليه.
الخبر هذا كان مانيب واهم قد نزل في الصحف المحلية من قرابه 4 سنوات يفيد بفتح محلات لبيع الاسلحه وفق ضوابط محدده.
يالله عساه خير

[يازين البر]

الله يبشرك بالخير

أجل اليوم أبشتري كرتون صابون وأوزعه على اللي مصدقين :p

افلقني ان شفت شي إعلان قديم وكل ماراح سنتين وإلا ثلاث أزعجونا فيه

[فايز العامر]

وتصاريح الأسلحة؟

متى يفتحونه؟ اللآن سنة موقفه، وسمعت أنه قريب بيفتحونه بس مامن خبر أكيد ..

[حر الجوف]

انا سمعت انهم يبون يفتحون محلات تبيع اسلحه
ناريه مثل الرمايه وغيره والسبب عشان يعرفون
الي معهم اسلحه عشان لاصار اي شيء يجيبون
صاحب السلاح واتمنى يتطبق هذا النظام وشكراً
تقبلوا احترامي وتقدير اخوكم : حر الجوف

[ابومعزي]

الله يبشرك بالخير

[قرناس شماالي]

مشكور اخوي على الخبر

[aljanah]

الله يبشرك بالخير كل ممنوع مرغوب الحين مال لأحد حجة بتجارة الأسلحة بالدس كلها علي الهواء

[مقناص 20]

مشكور اخوي على هذا الخبر وانشاء الله يصير ويتحقق وعالشان الفشق يكثر ويرخص اشوي وتزيد الانواع والاشكال

[السبيعي]

عسى الله يسمع منك والله ملينا من دسدسة السلاح والغلا في الرصاص لكن عسى مانقول الله يحلل الحجاج عند ولده ولا يكون فيها استغلال من التجار مثل ماهو حاصل في هذا البلد المبارك

[رحآل الجنوب]

آخر شررط مدري وش يبي ..

[رحال الجوف]

تكدر خاطري من عقب فرقاك يل الخرازه الله ليوفقم
يا امن الطرق

[hamoood]

يعطيك العافيه اخوي
ماتقصر

[محمدالعريني]

انا مع كلام اخوي سند333
وبالنسبه للمحلات انا عندي علم من مصدر موثوق انها بتكون للمسدسات وذخيرتها فقط ويقول الرجال لاتحلمون بمحلات شوازن والله قهر وش فايدة المسدس وهو سلاح شخصي لا يسنخدم في هوايه ولاهو ممتع مثل ام خمس

[أبوزيد20006]

مشكووووووووووووووور

[الهنتر]

الداخلية : الترخيص لمحلات بيع الأسلحة النارية الفردية (http://www.kabar.ws/news-action-show-id-10062.htm)

[أبوراشد]

من يوضح لنا الخبر الأكيد
مسدسات وذخيرتها فقط ولا بيسمحون ببيع الشوازن


,,,

[ابوعبدالله 06]

الله يعطيك الف عافية على الجبر
نحن في الانتظار لفتح المحلات

[الاكستريما 2]

انشاء الله في القريب العاجل

[عبدالاله 123]

باالنسبه للي يسال عن الضمان البنك على المنشاة مثل الرميح اذا يبي يسوي بيع ناري يطبق الشروط
باالنسبه للمشتري ماعليه مشكله يجيب الكاش ويحمل السلاح اللي يبي

بس متى بيكون الله واعلم

[من متى]

يالله ياكريم يكون الخبر صدق ويعجلون في افتتاح المحلات ..

مشكور اخوي لنقل الخبر

[النداوي HZ2AF]

جزاك الله خير ومشكور على نقل الخبر....... أخوك النداوي

[vxr-2]

الله يبشرك بالخير

[خيام الندم]

الرياض - الوئام - واس :
أعلنت وزارة الداخلية اليوم أنها بصدد الترخيص بفتح محلات لبيع الأسلحة النارية الفردية وفقاً لبعض الضوابط .

وجاء في الإعلان انه حرصاً من وزارة الداخلية والتزامها بتطبيق الأنظمة والتعليمات فيما يتعلق بترخيص الأسلحة النارية الفردية وذخيرتها والحصول عليها بالطرق النظامية فانها تدعو من لديه الرغبة في مزاولة هذا النشاط مراجعة شرط المناطق وتعبئة نموذج طلب إصدار رخصة محل بيع أسلحة نارية خلال / 60 / يوماً من تاريخ نشر هذا الإعلان مع ملاحظة أنه لا يحق للحاصل على الرخصة التنازل عنها للغير إلا بعد موافقة وزارة الداخلية .

وأشترط الإعلان عدداً من الشروط لفتح محلات لبيع الأسلحة النارية الفردية ومنها / أن لا يقل عمر طالب الترخيص عن 25 عاماً و أن يكون خالياً من السوابق الجنائية والأمنية و أن يكون لديه سجل تجاري ساري المفعول و أن يقدم ضمان بنكي بمبلغ خمسمائة ألف ريال.

[ولـد الدوادمي]

أذا فتحو عطوني خبر الله لايهينكم نشرري ههههههه

[خالد32]

http://www.al-jazirah.com/139647/lp1d.htm

[شاص2007]

اليوم انا سمعت نفس الخبر كان في الرادو على قناة السعوديه

[حرعلى كف صقار]

مشكوووووووور

[شاص2007]

حبيت اسئل وش قصدهم بأسلحه فرديه هل يعني مسدسات بس ولا شامل اسلحة الصيد من شوازل وغيره

[سمنان18]

الله يبشرك باخير
ومشكووووووور