المساعد الشخصي الرقمي

مشاهدة النسخة كاملة : الطير لعوزني أرجو ابمساعده يا هل العرف.


راشد الامارات
17/10/2009, 02:01 PM
السام عليكم


مسيتم بالخير يا اخوان


شحالكمياربكم بخير



مشكلتي مشكله مع الطير


والشكله هي



ما يجيني على التلواح


اول مه دعيته جاني وبعدين شنذرته ونزل شحمه صغيره ماتنذكر


وثاني مره دعيته جاني على طول


اما ثالث مره شرد ومالقيته الا بعد نص ساعه


وقصرت عليه 3 يام ودعيته امس ونفس الحاله شرد



شو احل..


ارد اشنذره ولا عندكم حل ثاني


..؟


والطير يعرف التواح

والطير قرناس..
شقرااااان
17/10/2009, 02:22 PM
هلا وغلا

عن تجربه اقولك

الطير لازم يتشنذر ويحذف شبيكه (خضرا) اما (الصفرا) الي يحذفها اول شي ماتجيب راسه

الطير ان كان فسقان اقصرعليه

ولوحله بحمامه حيه وشف نفسه بعدين حمامه ميته وشف نفسه


وعسى الله يطيح مافي راسه
راشد الامارات
17/10/2009, 02:27 PM
الله لايهينك يا شقران


اما عن الطير تراه فسقان من خاطر..



وانا اليوم بدعاه ان كانه جاني مابشنذره

اما اذا ماجاني الله يعينه علي


ومشكور ياطويل العمر..
مكشات33
17/10/2009, 02:27 PM
ممكن يكون الطير فيه وحاشه , انقله كثير لين يرب وبعدين ادعاه من مسافه قريبه ثم ابعد .
وعدت الطير ووزنه شي ضروري حاول اتوازن بشكل صحيح , حيث يكون وزن الهدد المناسب. اذا شاهين لا جوعه كثير واذا حر ماعنده مشكله
ولد مساكن
17/10/2009, 02:30 PM
و عليكم السلام و رحمة الله تعالى و بركاته

يتم إنقاص وزن الطير ، ويتم ربط علف داخل الشلو ويتم حذفه للطير حتى يتعشى من العلف اللي داخل شلو الحبارى ومن بكرى تكرر نفس العملية وبعده يحذف الشلو وفيه العلف وحين وصول الطير للشلو يسحب الشلو مره واحده وعند عوده الطير للشلو يترك ليمسك الطير به ويعشى وتكرر هذه العملية وفي كل مره تزيد السحبات مره واحده فقط ، ويفضل في البداية تنزيل الملوح على الارض ليجزم الطير على الملواح ، وبعد تعود الطير على التلويح يتم نزع العلف من داخل الشلو وبعد الإمساك بالشلو من قبل الطير يتم إعطائه العلف ليتعشى .
@قرناص@
17/10/2009, 02:33 PM
يالطيب من كلامك الطير مرات مايجي ويحاول يغدي ,,

دليل ان الطير مانقل زين ..

والحل انقله ودهله مدة 3 او 4 ايام وبتشوف الفرق ان شاء الله ,,
صقرالحروب
17/10/2009, 02:34 PM
هلا وغلا

عن تجربه اقولك

الطير لازم يتشنذر ويحذف شبيكه (خضرا) اما (الصفرا) الي يحذفها اول شي ماتجيب راسه

الطير ان كان فسقان اقصرعليه

ولوحله بحمامه حيه وشف نفسه بعدين حمامه ميته وشف نفسه


وعسى الله يطيح مافي راسه

اخي الفاضل التلواح باي طير حي لايجوز شرعا لما فيه من التعذيب :no2:
تقبل مروري
قرناس شماالي
17/10/2009, 03:21 PM
فادوك الاخوه ومقصرو