خشم الحصان
22/09/2004, 11:44 PM
الاخوه الغالين السلام عليكم
مشرقنا اليوم بيتكلم عن مفردات او كلام القرويه واهل الرياض والقصيم واهل حايل يعني مشرقنا مختلف بلحيل عن المشاريق الي مضت بس اعذروني لو حصل تقصير او نسيان او خطا ونرجو منكم التصحيح والتوجيه وسوف اكتب الكلمه مع الشرح زين
بسم الله
....................
انفهز في ضاك
اي ابتعد وديم تستعملها الام للصغير اذا اوذاها
............
منفهز
اي الشخص الذي لا يستطيع ان يسيطر علي رقبته ويحتاج الي كوي مع العلبا
..................
هقوتي
اي اضن ولست متاكد
......................
مخباط يخبط العدو
وهي دعوه تستعملها الام او الجده اذا جاء احد من الصغار وهو يركض ثم صدم فيها او اذا واحد صفق بالباب
.................
اذلف في قريح
وهي دعوه من الام علي الصغير اذا هدد بانه سوف يروح وقد اختلاف اهل اللغه في كلمة( قريح) منهم من قال انها مشتقه من القلح الي يجي في الراس ومنهم من قال انه القيح الذي يجي مع الجرح انا مدري
.....................
مصمه
تقال هذه الكلمه من الام اذا استمر البزر في تكرار كلمة يمه وتكثر في اوقات الزيارات او الذهاب الي مكان اخر وذالك لئن الطفل ينشد يمه وش البس يمه وين كنادري يمه وين طاقيتي يمه وين كورتي يمه يمه يمه
..................
جلد حلبس
تكثر هذي الكلمه من الام اذا قام البزر ينشد يمه وش البس الثوب الابيض ولا الثوب الاصفر ومن الزعل تقول الام الله يغفر لها البس جلد حلبس يعني ترك غثيتني وهو صغير مايدري
.................
دوك او دوك اياه
وتعني خذ او استلم او شف و هنالك دجاج فرنسي استغل هذه الكلمه وسمه دجاج دو بس بدون (ك)
وقد ذكرها سلامه العبد الله في
دوك جسمي حطب ...........بعد نارك رماد
..................
تسذا
وتعني الوضوح اي كذا ولازم تقولها وانت ماد برطمك لتحت
...................
فيذا
وتعني هنا كان يسال احد وين السكين فيقال فيذا او حط العشاء فيذا
...............
مير
وتعني اي وان كنت اشك في المعني ولكن اذا سمعت احد يستعملها فدر انه من اهل الرياض المصلصلين
او الاصليين
...................
غديه او غديها
وتعني كوده او كودها مدري انتم فهمتو ولا لا عموم مثل مايقول الابو لولده الكبير رح ادرس كود تنجح وغديك اذا كبرتا باسر تصير دختور
..................
صزز
وتعني حقيقه وصززيه تعني صدقيه او حقيقيه
...................
اهزع
معناها طمن او انزل شوي وعاده تستعملها الجده اذا جت تسلم علي عيال عيالها وخاصه اذا كانو طوال وشيصان او اذا بغت تعلمه شي ولا تبي احد يسمعها
..................
كتري
وهذي معنها محلي وتستعمل عاده بين الصغار كان يقول لا تاكل من كتري اي لا تاكل من نفس المكان الي اكل منه شفاحه
.............
جغمه
وهي كلمه اندثرت ولم تعاد تستعمل كان يذهب البزران يم الدكان ويشتري واحد منهم ببسيه ويفكها ثم يشرب منها ولاخر يناضره ثم يقول عطني جغمه جعل امك في الجنه
.............
حنوج
وهي كلمه يستعملها الاطفال اذا كل واحد منهم كل الاكل صاح الاخر وقال لمه يمه اخوي حنوج كل كل الصحن
....................
بعدي
وهذي تستعمل منول لتشجيع الصغار كان يقول الابو لولده بعدي ابوي بس مادري وشلون تشرح المهم ان معناها زين مهوب شين مثل الواحد اذا نجح ولا في شهاته دووير حمر يقول الابو بعدي ولدي
.................
برندا
وتعني مرندا لان اول واحد قالها من اهل الرياض بس انه مزكم وقال برندا بدال ميرندا
..............
محلي
وتعني الصدا او مصدي او ان يقول شخص لشخص عنيد راسك محلي اي مصدي
.................
وخزيااااااه
واكثر من يستعملها العجز الله لايحرمنا من حسيتهم وتعني انها استحت او خجلت من فعل الشي مثال اذا جاء احد والدار حوسه قالت وخزياه جاء ابو فلان والدار حوسه
...................
صحيه
وتعني المستشفي ومنول يقولون اذا صخنته ودوه يم الصحيه ولا احد ينشدك وين ابوك تقول راقد في الصحيه
..................
قااااف
هذي الكلمه عقدت روس اهل اللغه والجفرافيا والتاريخ وهل الفلك واهل الاثار في تحديد مكانها ولو تقريبي
وديم تستعملها الام لولدها اذا صجها (رح في قاااف)
..............
خل
وتعني دعنا نقوم بفعل الشي وليس الخل الاسود او الابيض لا لا يختلف
.................
بصرك
وتعني بكيفك كان تقول لشخص بتروح معنا ويقول مانيب تقول انت بصرك
.................
حدر
اي تحت كان تقول يمه وين شماغي ترد و تقول حدر اي تحت وانت في السطح
................
بطن الحوي
اي وسط البيت او الصاله
...............
مناب
اي تعني لا كان يقول الطفل لم ولد عمه او خاله مناب رايحين معكم
...............
طوفيريه
وتعني منول الصنيه حقت البيلات او الفناجيل
.................
بخشه
وتعني منول الحديقه كان يقول منول الواحد وين بتذاكر فيه وقت الاختبارات يرد ويقول ابذكر في بخشة الشميسي
.................
قطيشه
والله يربع مادري وش معنها بس انها زينه وتقولها الام يم الوليد الصغير مره اذا حبا او قام يتشعمط علي الوسيد من فرحتها تقول قطيشه وضن انها مشتقه من القشطه لئنها ترجرج بس متماسكه والله اعلم
.........................
حلولات
وتستعمل للتمني ويستعملها دايم اهل حايل
................
اروج
للاستعجال وكذالك يستعملها اهل حايل بكثره
..............
ياوطي
للاستهزاء
كان يقول احد رحنا وطي
.................
توغدان
وتستعمل للتدليع كان يقول الشخص توغدان اي تدلع واكثر من يستعملها اهل حايل
...............
نجله
هذي الكلمه فيها اختلاف بين اهل الرياض واهل حايل اهل الرياض يطلقونها علي العج اليمن قام يدور ويسمونها نجله
واهل حايل يسمونها مصيبه
...................
يطرش
وتعني يسافر او يرحل
.................
بزعمي
اي بضني اقرب لها من مفردات اهل الرياض هقوتي
...............
اقهر
اصبر او تصبر بنسبه لاهل حايل اما اهل الرياض معني اقهر اي حره او حسد يعني خلنا نقهره
..............
يرطش
اي مبتل كان يقول شخص ورا ثوبك يرطش اي وراه مبتل
.................
امشعه
هذي الكلمه لها عدت معاني وقد اختلف الشيبان الي في المشراق والعواير في اصلها
1-امشعه تصلق منول علي بقايا شعر الراس منول الحريم اذا كدن الراس تجمع بعضه في المشط الخشب وثم يجمعنه ويلفونه علي بعضه ثم يدورون اي خفس في اجدار ويلفزونه فيه
2-امشعه تطلق علي عيدان العسبان اذا قمت وكسرتها بيديك ثم دخلت في يدك عود ولا اي شي تقول بعدها فيني امشعه
3-امشعه اي تله بقوه او ان تقول ممشوع اي فيني مشع مثل ملع المهم ستوفك تعورك وبس هذا الي ابوصلك له
...............
يووووووووووه منكم
اي متخلون الشي في محله وتستعملها الام كثيرآ مع البزران كان توزي شي عنهم ثم يدورونه وسبحان الله تقول معهم حاسيه يدلهم عليه واذا لقوه مثل حلاو او شي تقول الام يووووووووووووه منكم اي علامة الاستسلام او انهم يخربون الشي وينثرون عفش البيت
........................
اخواني الغالين هذا مالدي والله اعلم وعذروني لو حصل خطا الله يغفرلكم جميعآ وانا بعد معكم
اخوكم
خشم الحصان
المصدر
الكاتب
وبعضه منقول
مشرقنا اليوم بيتكلم عن مفردات او كلام القرويه واهل الرياض والقصيم واهل حايل يعني مشرقنا مختلف بلحيل عن المشاريق الي مضت بس اعذروني لو حصل تقصير او نسيان او خطا ونرجو منكم التصحيح والتوجيه وسوف اكتب الكلمه مع الشرح زين
بسم الله
....................
انفهز في ضاك
اي ابتعد وديم تستعملها الام للصغير اذا اوذاها
............
منفهز
اي الشخص الذي لا يستطيع ان يسيطر علي رقبته ويحتاج الي كوي مع العلبا
..................
هقوتي
اي اضن ولست متاكد
......................
مخباط يخبط العدو
وهي دعوه تستعملها الام او الجده اذا جاء احد من الصغار وهو يركض ثم صدم فيها او اذا واحد صفق بالباب
.................
اذلف في قريح
وهي دعوه من الام علي الصغير اذا هدد بانه سوف يروح وقد اختلاف اهل اللغه في كلمة( قريح) منهم من قال انها مشتقه من القلح الي يجي في الراس ومنهم من قال انه القيح الذي يجي مع الجرح انا مدري
.....................
مصمه
تقال هذه الكلمه من الام اذا استمر البزر في تكرار كلمة يمه وتكثر في اوقات الزيارات او الذهاب الي مكان اخر وذالك لئن الطفل ينشد يمه وش البس يمه وين كنادري يمه وين طاقيتي يمه وين كورتي يمه يمه يمه
..................
جلد حلبس
تكثر هذي الكلمه من الام اذا قام البزر ينشد يمه وش البس الثوب الابيض ولا الثوب الاصفر ومن الزعل تقول الام الله يغفر لها البس جلد حلبس يعني ترك غثيتني وهو صغير مايدري
.................
دوك او دوك اياه
وتعني خذ او استلم او شف و هنالك دجاج فرنسي استغل هذه الكلمه وسمه دجاج دو بس بدون (ك)
وقد ذكرها سلامه العبد الله في
دوك جسمي حطب ...........بعد نارك رماد
..................
تسذا
وتعني الوضوح اي كذا ولازم تقولها وانت ماد برطمك لتحت
...................
فيذا
وتعني هنا كان يسال احد وين السكين فيقال فيذا او حط العشاء فيذا
...............
مير
وتعني اي وان كنت اشك في المعني ولكن اذا سمعت احد يستعملها فدر انه من اهل الرياض المصلصلين
او الاصليين
...................
غديه او غديها
وتعني كوده او كودها مدري انتم فهمتو ولا لا عموم مثل مايقول الابو لولده الكبير رح ادرس كود تنجح وغديك اذا كبرتا باسر تصير دختور
..................
صزز
وتعني حقيقه وصززيه تعني صدقيه او حقيقيه
...................
اهزع
معناها طمن او انزل شوي وعاده تستعملها الجده اذا جت تسلم علي عيال عيالها وخاصه اذا كانو طوال وشيصان او اذا بغت تعلمه شي ولا تبي احد يسمعها
..................
كتري
وهذي معنها محلي وتستعمل عاده بين الصغار كان يقول لا تاكل من كتري اي لا تاكل من نفس المكان الي اكل منه شفاحه
.............
جغمه
وهي كلمه اندثرت ولم تعاد تستعمل كان يذهب البزران يم الدكان ويشتري واحد منهم ببسيه ويفكها ثم يشرب منها ولاخر يناضره ثم يقول عطني جغمه جعل امك في الجنه
.............
حنوج
وهي كلمه يستعملها الاطفال اذا كل واحد منهم كل الاكل صاح الاخر وقال لمه يمه اخوي حنوج كل كل الصحن
....................
بعدي
وهذي تستعمل منول لتشجيع الصغار كان يقول الابو لولده بعدي ابوي بس مادري وشلون تشرح المهم ان معناها زين مهوب شين مثل الواحد اذا نجح ولا في شهاته دووير حمر يقول الابو بعدي ولدي
.................
برندا
وتعني مرندا لان اول واحد قالها من اهل الرياض بس انه مزكم وقال برندا بدال ميرندا
..............
محلي
وتعني الصدا او مصدي او ان يقول شخص لشخص عنيد راسك محلي اي مصدي
.................
وخزيااااااه
واكثر من يستعملها العجز الله لايحرمنا من حسيتهم وتعني انها استحت او خجلت من فعل الشي مثال اذا جاء احد والدار حوسه قالت وخزياه جاء ابو فلان والدار حوسه
...................
صحيه
وتعني المستشفي ومنول يقولون اذا صخنته ودوه يم الصحيه ولا احد ينشدك وين ابوك تقول راقد في الصحيه
..................
قااااف
هذي الكلمه عقدت روس اهل اللغه والجفرافيا والتاريخ وهل الفلك واهل الاثار في تحديد مكانها ولو تقريبي
وديم تستعملها الام لولدها اذا صجها (رح في قاااف)
..............
خل
وتعني دعنا نقوم بفعل الشي وليس الخل الاسود او الابيض لا لا يختلف
.................
بصرك
وتعني بكيفك كان تقول لشخص بتروح معنا ويقول مانيب تقول انت بصرك
.................
حدر
اي تحت كان تقول يمه وين شماغي ترد و تقول حدر اي تحت وانت في السطح
................
بطن الحوي
اي وسط البيت او الصاله
...............
مناب
اي تعني لا كان يقول الطفل لم ولد عمه او خاله مناب رايحين معكم
...............
طوفيريه
وتعني منول الصنيه حقت البيلات او الفناجيل
.................
بخشه
وتعني منول الحديقه كان يقول منول الواحد وين بتذاكر فيه وقت الاختبارات يرد ويقول ابذكر في بخشة الشميسي
.................
قطيشه
والله يربع مادري وش معنها بس انها زينه وتقولها الام يم الوليد الصغير مره اذا حبا او قام يتشعمط علي الوسيد من فرحتها تقول قطيشه وضن انها مشتقه من القشطه لئنها ترجرج بس متماسكه والله اعلم
.........................
حلولات
وتستعمل للتمني ويستعملها دايم اهل حايل
................
اروج
للاستعجال وكذالك يستعملها اهل حايل بكثره
..............
ياوطي
للاستهزاء
كان يقول احد رحنا وطي
.................
توغدان
وتستعمل للتدليع كان يقول الشخص توغدان اي تدلع واكثر من يستعملها اهل حايل
...............
نجله
هذي الكلمه فيها اختلاف بين اهل الرياض واهل حايل اهل الرياض يطلقونها علي العج اليمن قام يدور ويسمونها نجله
واهل حايل يسمونها مصيبه
...................
يطرش
وتعني يسافر او يرحل
.................
بزعمي
اي بضني اقرب لها من مفردات اهل الرياض هقوتي
...............
اقهر
اصبر او تصبر بنسبه لاهل حايل اما اهل الرياض معني اقهر اي حره او حسد يعني خلنا نقهره
..............
يرطش
اي مبتل كان يقول شخص ورا ثوبك يرطش اي وراه مبتل
.................
امشعه
هذي الكلمه لها عدت معاني وقد اختلف الشيبان الي في المشراق والعواير في اصلها
1-امشعه تصلق منول علي بقايا شعر الراس منول الحريم اذا كدن الراس تجمع بعضه في المشط الخشب وثم يجمعنه ويلفونه علي بعضه ثم يدورون اي خفس في اجدار ويلفزونه فيه
2-امشعه تطلق علي عيدان العسبان اذا قمت وكسرتها بيديك ثم دخلت في يدك عود ولا اي شي تقول بعدها فيني امشعه
3-امشعه اي تله بقوه او ان تقول ممشوع اي فيني مشع مثل ملع المهم ستوفك تعورك وبس هذا الي ابوصلك له
...............
يووووووووووه منكم
اي متخلون الشي في محله وتستعملها الام كثيرآ مع البزران كان توزي شي عنهم ثم يدورونه وسبحان الله تقول معهم حاسيه يدلهم عليه واذا لقوه مثل حلاو او شي تقول الام يووووووووووووه منكم اي علامة الاستسلام او انهم يخربون الشي وينثرون عفش البيت
........................
اخواني الغالين هذا مالدي والله اعلم وعذروني لو حصل خطا الله يغفرلكم جميعآ وانا بعد معكم
اخوكم
خشم الحصان
المصدر
الكاتب
وبعضه منقول