اليوسف نجد
18/10/2009, 07:31 PM
لا والله الا طلعة القرون صدق
كان فيه موضوع بإسم المجازف نجد بخصوص القير انا معي جيب نيسان 92 اربع بيبان خليجي والله زي الورده مشاء الله وفجأه وبدون سابق انذار او حتى أي شي ما يغير من الثاني على الثالث ولا تفظى السيارة كنك حاطه في الدي الثقيل طبعا خبراء المشورات وعلماء الورش اجمعو على انه كهرب الجربكس او الحساسات واجمعو اكثر قالو عشان تصيب الخراب في مقتل افحص كمبيوتر قلت والله هذا الشور الزين بسم الله ويومين ونا الف الصناعيه ادور جهاز يفحص قالو كل الاجهزه ما تفحص الجربكس بس المكينه (معقوله) طيب واحد يعلمني وش السالفه وش تتوقع يكون الخراب اغلبهم قال الكهرب الي بثقه ولي بدون نفس يرد المهم قلنا الحمد الله طيب وين نروح دلوني على احسن ورشه وراح اليوم الاول ونا افر لين افتر مخي اغلبهم ما يشتغل البترول ولي زحمه ولي شكلهم ما عندهم سالفه قلت في نفسي موعدنا بكره الصبح انشاء الله متوشحا فطوري ركبن جيبي الا الصناعيه طبعا لا زم تعيشون الجو مع الافكار والوساويس الي بمخي وجا الصبح بسم الله على الصناعيه وعلى ترايستار ويجي الفني وياخذ لفه وقال خل السياره نفحص الظفيره وندق عليك قلنا خير ولا تسألو كيف رجعة البيت ونومه وما صحية إلا على رنت الجوال ( الو . مين . معك الفني من ترايستار . ونا اقمز ايوه . قال لازم نفك الجربكس عندك مجموعة الثالث مي فيه . قلت يعني توظيب . قال ايوه وممكن يكون توظيب كامل وشغل اليد 1500 وممكن تكلفك القطع من 5000 الاف ل 7000 تعرف قطع نيسان غاليه .قلت كم حق الفحص. قال بلاش. قلت الله لا يهينك حط المفتاح في الطفايه ووقفه برى ونتهت المكالمه طوط طوط طوط
ياناس الجيب غالي علي وشورو علي اوظب ولا اجيب قير ولا احوله قير عادي والله مابه مخ
كان فيه موضوع بإسم المجازف نجد بخصوص القير انا معي جيب نيسان 92 اربع بيبان خليجي والله زي الورده مشاء الله وفجأه وبدون سابق انذار او حتى أي شي ما يغير من الثاني على الثالث ولا تفظى السيارة كنك حاطه في الدي الثقيل طبعا خبراء المشورات وعلماء الورش اجمعو على انه كهرب الجربكس او الحساسات واجمعو اكثر قالو عشان تصيب الخراب في مقتل افحص كمبيوتر قلت والله هذا الشور الزين بسم الله ويومين ونا الف الصناعيه ادور جهاز يفحص قالو كل الاجهزه ما تفحص الجربكس بس المكينه (معقوله) طيب واحد يعلمني وش السالفه وش تتوقع يكون الخراب اغلبهم قال الكهرب الي بثقه ولي بدون نفس يرد المهم قلنا الحمد الله طيب وين نروح دلوني على احسن ورشه وراح اليوم الاول ونا افر لين افتر مخي اغلبهم ما يشتغل البترول ولي زحمه ولي شكلهم ما عندهم سالفه قلت في نفسي موعدنا بكره الصبح انشاء الله متوشحا فطوري ركبن جيبي الا الصناعيه طبعا لا زم تعيشون الجو مع الافكار والوساويس الي بمخي وجا الصبح بسم الله على الصناعيه وعلى ترايستار ويجي الفني وياخذ لفه وقال خل السياره نفحص الظفيره وندق عليك قلنا خير ولا تسألو كيف رجعة البيت ونومه وما صحية إلا على رنت الجوال ( الو . مين . معك الفني من ترايستار . ونا اقمز ايوه . قال لازم نفك الجربكس عندك مجموعة الثالث مي فيه . قلت يعني توظيب . قال ايوه وممكن يكون توظيب كامل وشغل اليد 1500 وممكن تكلفك القطع من 5000 الاف ل 7000 تعرف قطع نيسان غاليه .قلت كم حق الفحص. قال بلاش. قلت الله لا يهينك حط المفتاح في الطفايه ووقفه برى ونتهت المكالمه طوط طوط طوط
ياناس الجيب غالي علي وشورو علي اوظب ولا اجيب قير ولا احوله قير عادي والله مابه مخ