بنت وعشيق (جديد)-----------اللعز حله الشيخ -------الخل الفرشه والمعجون

[سطام F15]

السلام عليكم ورحمة الله وبركاته
صبحكم الله بالخيرات
*******
بنت(ن) صغيرة ولها غلامٍ ولــيــف ***يا طـيـب مـسـكـتـهـم وقت الـلقـاء
نحيل ٍ حالها وعشقت ورع ٍ ضعيف ***وحطو لهم في وسط بـيـتـك منزلا
من مسكهم ابـقـو له ذوده نضـيــف *** ومن تركهم مع الوقت راح يتحسفا
يافـهـيـم لاتـفـعـل فــعـل ٍسـخـيــف *** إجمع بنتنا ووليفها وقت الرخـــاء
تحياتي
أخيكم سطام الحربي
منتديات مكشات

[فهد الهلالي]

صح السانك اخوي سطام والله يعطيك العافيه
رمعه
مثل اللي يقول
من غبى عشاه لصبح يلقاه
او
القرش الابيض لليوم الاسود
على قول بركات
احفظ دبشك اللي عن الناس يغنيك
اللي اليا بان الخلل فيك يرفاك
وسمعتها بشكل ثاني
احفظ دبشك اللي عن الناس يغنيك
لوهو قليل لاتناظر ديش ذاك
تقبل تحياتي

تحياتي

[راع الأوله 1]

صح لسانك اف خمسة عشر

وش رايك بطفاية الحريق
ويمكن تقصد بالرجل الضامن الذي ياتي معها

تحياتي

[سطام F15]

صح السانك اخوي سطام والله يعطيك العافيه

رمعه
مثل اللي يقول
من غبى عشاه لصبح يلقاه
او
القرش الابيض لليوم الاسود
على قول بركات
احفظ دبشك اللي عن الناس يغنيك
اللي اليا بان الخلل فيك يرفاك
وسمعتها بشكل ثاني
احفظ دبشك اللي عن الناس يغنيك
لوهو قليل لاتناظر ديش ذاك
تقبل تحياتي



تحياتي


صح بدنك يالغالي والله يعافيك من كل شر
ومالك لوا يابو محمد
أبو محمد طلب صغير ٍ من أخوك أبي هالقصيدة كانت عندي وضاعت إذا مابه عليك كلفة . لأوخيك

[ابو اسامه 2]

وعليكم السلام ورحمة الله وبركاته


هلا بك يا سطام


وصح لسانك


وش رايك في القلم والغطا والورقه


http://zffat.com/up/upfiles/l4Q80998.jpg

[سطام F15]

صح لسانك اف خمسة عشر

وش رايك بطفاية الحريق
ويمكن تقصد بالرجل الضامن الذي ياتي معها

تحياتي

هلابك ياراع الأوله أخوي
ومالك لوا طال عمرك

[فهد الهلالي]

هذه قصيده بركات الشريف ينصح فيها ابنه مالك








1 يامرقـب بالصبـح نطيـت راقيـك



مـا واحـد قبلـى خبـرتـه تـعـلاك



2 وليت ياذا الدهر مـا أكثـر بلاويـك



الله يزودنـا السلامـه مــن اتــلاك



3 يللى على العربـان عمـت شكاويـك



وليـت يـا دهـر الشقـى ول مقـواك



4 ولا يوم هـا الكانـون غـاد شبابيـك



تلعب بـه الأريـاح مـن كـل شبـاك



5 يا مالك اسمع جايتـى يـوم أوصيـك



واعرف ترى يابـوك بآمـرك وانهـاك



6 وصيـة مـن والـد طامـع فـيـك



تسبـق علـى الساقـه لسانـه العليـاك



7 أوصيك بالتقـوى عسـى الله يهديـك



لهـا وتدركـهـا بتوفـيـق مــولاك



8 الله بحـق أجـدادك الغـر يعطـيـك



مرضاتـه مـع مـا تمنيتـه أمـنـاك



9 احفظ دبشك اللى عن النـاس مغنيـك



اللـى إليـا بـأن الخلـل فيـك يرفـاك



10 واعرف ترامكـه ولاهـا بناخيـك



لـو تشحـذه خمسـة ملاليـم معطـاك



11 اجعل دروب المرجلة مـن معانيـك



واحـذر تميـل عـن درجهـا بمرقـاك



12 لاتنسدح عنهـا وتبغينـى أعطيـك



جميـع مـا يكفيـك مـا حـصـل ذاك



13 أدب ولدك إن كـان تبغيـه يشفيـك



واستسعفـه مـن بعـد مربـاه بـالاك



14 اما سمج واستسمجـك عنـد شانيـك



ويفـر مـن فعلـه صديقـك وشـرواك



15 وإلا بعد جهلـه تـرا هـو ياذيـك



لـو زعلـت أمـه لا تخليـه يــالاك



16 واحذر تضيع كل من هو ذخر فيـك



معروفـه لاتنسـاه وأوفـه بعـرفـاك



17 ترى الصنايع بين الأجـواد تشريـك



اليـا طمعـت بغرسـهـا لا تـعـداك



18 واحذر سرور بغبة البحـر يرميـك



ولاعنده أفلـس مـن تشكيـك وأبكـاك



19 واوف الرجال احقوقها قبـل تاتيـك



لا توفيـه بالقـول فالـحـق يقـفـاك



20 وهرج النميمة والقفا لا يجـى فيـك



وإياك عـرض الغافـل إيـاى وإيـاك



21 تبدى حديـث للمـلا فيـه تشكيـك



وتهيم عنـد النـاس بالكـذب واشـراك



22 واليا نويت احـذر تعلـم بطاريـك



كم واحد تبغـى بـه العـرف وأغـواك



23 واحذر شماتت صاحب لك مصافيـك



واليا جرى لـك جـارى قـال لـولاك



24 ولا تحسبـن الله قطـوع ايخلـيـك



ولاتفـرح أن الله علـى الخلـق بـداك



25 الضيف قدم لـه مـن حيـن يلفيـك



مما تطولـه يـا فتـى الجـود يمنـاك



26 أكرم اقبالـه فإنهـا مـن شواديـك



وابـذل لـه المجهـود مـادام يعـنـاك



27 احذر تلقى الضيف مقـرن علابيـك



-خلـه محـب لـك صديـق إذا جـاك



28 وأوصيك زلات الصديق إن عثا فيك



مـازال يغطاهـا الشعـر فاحتمـل ذاك



29 راعه ولو ما شفـت انـه يراعيـك



عسـاك تكسـر نيتـه عـن مـعـاداك



30 واحذر عدوك لو ظهر بى يصافيـك



خلـك نبيـه وراقبـه ويـن مـا جـاك



31 لاتأمنـه واطلـب مـن الله ينجيـك



ويكفيـك ربــك شــر ذولا وذولاك



32 شفنى أنا يا أبوك بآمـرك وانهيـك



عن التعـرض بيـن الاثنيـن حـذراك



33 إذا حضرت أطلابـه مـع شرابيـك



اسـع لهـم بالصلـح والـلاش يفـداك



34 ابذل لهـم بالطيـب ربـك ينجيـك



ولاتجضـع الميـزان مــع ذا ولاذاك



35 أما الشهادة فأدهـا إن دعـوا فيـك



بيـن عمـود الديـن لاعميـت أريـاك



36 بالك تماشـى واحـد لـك يرديـك



طالـع بنـى جنسـك وفكـر بممشـاك



37 رابع أصيل فـى زمانـك يشاكيـك



لا شاف خملاتك عـن النـاس غطـاك



38 وأحذرك عن طرد المقفـى حذاريـك



عليـك بالمقبـل وتـرك إلـى تعـداك



39 ثـم العـن الشيطـان ليـاَّه يغويـك



تــرى إن تبعـتـه لشرابـيـك وداك



40 ووصيك لاتشكـى علينـا بلاويـك



أنت السبـب طرفـك أعيونـك بيمنـاك



41 واعرف ترى إلى واطي الفهر واطيك



ولا أنت أعز مـن الجماعـة هـذولاك



42 المسك يا راسى عن الذل واخطيـك



واحـذر تكلـم يـا لسانـى حــذراك



43 والطف بجارك وقم من دون عانيـك



وافطن لما يعنيك عـن ربعـة أحـواك



44 يا ذيب وإن جتك الغنم فـى مفاليـك



فاكمـن اليـن إن الرعـايـا تـعـداك



45 من أول يا ذيـب تفـرس بأياديـك



واليـوم جاذيـت عـن الفـرس عـداك



46 يا ذيب عاهدنى وأعاهـدك مرميـك



مرميك أنا يـا ذيـب لـو زان مرمـاك



47 والنفس خالف رأيهـا قبـل ترميـك



ترى لهـا الشيطـان يرمـى بالإهـلاك



48 ومن بعد ذا لا تصحب النذل يعديـك



وعن صبحة الأنـذال حاشـاك حاشـاك



49 ترى العشير النذل يخلـف طواريـك



وأنا أرجى أنـك مـا تجـى دون أبـاك



50 والهفوة إنك ما تجـى دون أهاليـك



ولاظـن عـود الـورد يثمـر بتبنـاك



51 والحر مثلك يستحي يصحب الديـك



وأن صاحبه عاعـا معاعـات الأديـاك



52 لا تستمع قول الطرف يـوم يلفيـك



بالكذب يقضى حاجتـه كـل مـا جـاك



53 من نم لك نم بـك ولا فيـه تشكيـك



وأيـلاه قــد أزرا رفيـقـك وأزراك



54 عندك حكا فينا وعندي حكـى فيـك



وأصبحـت كارهنـا واحنـا كرهنـاك



55 ما اخطاك ما صباك ولو كان راميك



وإلي يصيبك لـو تتقيـت مـا أخطـاك



56 مير استمع منى عسـى الله يهديـك



النصـح يـا مالـك لـك الله المـولاك



57 عنـدى مظنـة مـا تمثلهـا فيـك



واطلب لك التوفيق مـن عنـد مـولاك

[سطام F15]

وعليكم السلام ورحمة الله وبركاته



هلا بك يا سطام


وصح لسانك


وش رايك في القلم والغطا والورقه



http://zffat.com/up/upfiles/l4Q80998.jpg


صح بدنك يالغالي
ومالك لوا ياطويل العمر

[سطام F15]

أخوي الشيخ ياجعلني مفقدك الله يجزاك بالخير وبيض الله وجهك على تلبية طلبي لاهنت ياخوي

[ابو اسامه 2]

الدله والفنجال


http://upload.3ode.net/files/3012.jpg

[سطام F15]

الدله والفنجال




http://upload.3ode.net/files/3012.jpg


هلابك أخوي ابو اسامه
ومالك لوا طال عمرك

[راع الأوله 1]

طيب اخوي سطام
وش رايك يمكن تقصد بالورع الضعيف جرس الحريق
او الأرث الارضي
او الشطرطون


بس البنت مدري وللأسف

تحياتي

[سطام F15]

طيب اخوي سطام
وش رايك يمكن تقصد بالورع الضعيف جرس الحريق
او الأرث الارضي
او الشطرطون


بس البنت مدري وللأسف

تحياتي

هلابك ياراع الاولة ومالك لوا يالحبيب
أنتظرك بالقادم

[راع الأوله 1]

طيب وش رايك بالجلدة الي في ساعة الغاز و لي الغاز

تحياتي

[سطام F15]

طيب وش رايك بالجلدة الي في ساعة الغاز و لي الغاز

تحياتي

هلابك أخوي راع الاولة أشكرك على إجتهادك الله يعطيك العافية دوم
مالك لوا يالغالي
ترى يالربع ربع ساعه وأبي أنام عشان عندي عمل
الله لايهينكم

[حقاق]

صح السانك
رمعه
وش تقول بالمكنسه وعصاها

[إبرا]

صح السانك اخوي سطام والله يعطيك العافيه
وشرايك بالإبرة والخيط

[ياعين ابوي]

صح السآنك آخوي ؛؛ وش تقول ب الآسفنجه والصآبون ؛؛

[فهد الهلالي]

ااخوي سطام رمعه
ماتكون الفرشه والمعجون للاسنان وخاصه
للي اعمارهم 27 عام مثلي
تحياتي

[سطام F15]

صح السانك
رمعه
وش تقول بالمكنسه وعصاها

هلابك اخوي حقاق ومالك لوا يالغالي

[سطام F15]

صح السانك اخوي سطام والله يعطيك العافيه
وشرايك بالإبرة والخيط

هلابك اخوي كاكا والله يعافيك ومالك لوا يالغلا

[سطام F15]

صح السآنك آخوي ؛؛ وش تقول ب الآسفنجه والصآبون ؛؛

هلابك أختي عين أبوها والله يخليك له إنشاء الله
مالك لوا أختي الكريمة
الاسفنجة فيها منها الكبير والصغير ومنشدي نحيل ٍ جسدها
شرفني مرورك

[سطام F15]

ااخوي سطام رمعه

ماتكون الفرشه والمعجون للاسنان وخاصه
للي اعمارهم 27 عام مثلي

تحياتي


هلابك أخوي الشيخ وسلم فكرك وبيض الله وجهك نعم هي الفرشة ووليفها المعجون وتطيب مسكتهم ليا إجتمعو مع بعضهم لتنضيف الا سنان
هي نحيلة وهو ضعيف مايتحمل لمسة ومنزالهم في كل بيت
ومن مسكهم وقت جمعتهم خلو ذوده وقصدي بها أسنانه نظيفة دوم ومن تركهم تنعدم اسنانه ويتحسف لو بعد وقت
تحياتي