تكفون ياأهل الطيور

[آه يالسودان]

أنا بالسعوديه وأبي أقنص بالعراااق أبعلم طيري الفرخ وش الطريقه سمعت إن الأشقاء بالأمارات وقطر والكويت يقنصوون هناك الله يهنيهم.

تكفووون اللي عنده أي خبر أو طريقه للمقناص هناك بالطير لايبخل علينا مشكوراً...

[NAWAFQ8]

السلام عليكم ورحمة الله وبركاته
أن شاء الله الاخوان مهم مقصرين معاك
وراح يفيدونك

[@قرناص@]

ماعندي علم ,,

والربع يفيدوونك ,,

[راعي شيشان]

يامرحبا فيك اخوي

مقناص العراق ماهو سهل مثل مانت تتصور تبي تعلم الطيور يعني لابد في ترخيص

على شان تدخل لان الوضع الحين والمقناص في نقاط امنيه تصادفك واكيد تكون معاك اطيور يطلبون من منك رخصه المقناص هذا شي
او في مقناص من تحت اشليل يعني لازم تعرف اعراقين موثوق فيهم لاسمح الله
تدخل اطيور تهريب ويوم تدخل الطيور اكيد انك مسوي فيزا حق العراق راح تدخل بشكل تجارى او زيارة اقارب ومن الناحيه هذا راح تدخل ويصدفونك الى انت متفق معهم على المقناص الى هم ربعك الثقه وهذا راح تعاني لان كل المقناص دس وخوف من الامن العسكري انشاء الله اني افدك

[آه يالسودان]

ألف شكر لك أفدتن وأخفتن بنفس الوقت..
نبي المقناص ولو بالتهريب

[a1Ruwais]

يفيدونك الأخوان

[صقار مبتدئ]

يا زول مالك ومال المشاكل اقنص بارضك احسن الدنيا هناك ذابح ومذبوح وكل يوم نسمع عبوه ناسفه ناسفتلها كذا واحد الله لا يبلانا خذ العلم و اقعد وراك اهل يبونك الا ان كان انت ماتبيهم رح و الله يستر عليك

[ابوعوض009]

يفدونك الاخوان انشألله

[العبدالهادي]

انا الي اعرفه هالسنه ماكو تراخيص ابد لانه الاوضاع مافيها امان ...

او انا انصحك ماتروح لانه 90% اتموت او 10% تنسرق منك افلوسك وطيورك او حتى ملابسك ..

[راشد الخلاوي]

يكون عندك خبر ما يروح للعراق العظيم إلا الشيوخ والتجار اللى ما هم بسهلين وتكون أمورهم من الدولة في العراق جاهزة بالتصاريح والحماية والمواقع أيظاً ؟؟؟؟

خلك في ديرتك والله يرزقك

[قرناس شماالي]

يفيدونك الاخوه

[مشبر البران]

الأخوان م اراح يقصرون