هل اقدر احول موتري من كلبريتر الى بخاخ....؟؟؟؟سفاري 2001

[حسون2001]

اخواني السلام عليكم كيفكم ان شاء الله طيبين
اخواني طبعا هذي ثاني مشاركة لي انا قد نزلت موضوع عن الباترول وعن رجتة والحين الحمد لله ماقصرتو وبيض الله وجيهكم كلكم راحت الرجه وهذا كله بفضل الله ثم فضلكم
انا طبعا السفاري اللي معاي كلبريتر ومثل ماتعرفون الكلبليتر لما تخش النفود يكتم معاك ولا يطلع لك عزم السيارة وانا ابي اشالكم هل اقدر احول موتري من كلبريتر لبخاخ وكم تكلف.....؟
وثاني شي انا ابي اعدل تعديل خفيف على السيارة فارجو من اصحاب الترهيم انهم يفيدوني في موضوغ الترهيم طبعا انا مركب مرواح سوبارو وابي فزعتكم في التعديل لو سمحتو
واذا تقدرون تدلوني على محل يرهم السفاري ترهيم خفيف اكون لكم من الشاكرين.....

[قدر مكتوب]

اذا تبي تغيير من كالبيتر الى بخاخ تحتاج تغيير ظفيره كامله وشغلانه له اول ماله تالي

بس فيه حل حلو اذا موترك موتر بر بس شويه تعديلات ويطلع وليده

بما انك مركب مراوح اقترح عليك تركب التالي

1- هديرز مع كت باك كامل وانصحك ماتفصل تشتري شي مستورد ومخصص للباترول وراح تلاحظ ان الموتر يبي يتغير كثير بس صوت السياره يبي يتغير
2- حفه راس وبودينق بس انا مااحب هالموضوع لانه يقصر عمر المكينه بنظري
3- فلتر هواء اصلي مع انتيك وتعزله بشكل سليم عشان يعطيك هواء بارد لما يسحب هواء وراح تشوف كيف مفعول الفلتر والهديرز جميع مع بعض راح يكون الموتر خفيف ونفسه طويل
4- بواجي مع اسلاك بواجي رياضيه مع اني اشوف انها ماتاثر كثير


او انك اذا تبي قوه بشكل كبير مره وموترك استعمال بر فقط وامورك الماليه طيبه فركب مكينه يوكن 6 ليتر او مكينه كابرس 5700
وهذا مقطع عشان تشوف الباترول بعد التعديل
http://www.youtube.com/watch?v=An68k62gBZ0

[حسون2001]

الله يعطيك العافيه اخوي وماقصرت
بس انا عندي مشلكة اخوي قدر مكتوب مشكلة موتري لما يجي يتفتف تكون النفتفه سريعه بقوة وابي اشوف لها حل
وانا مابي اركب هدرز لانه ينقص زيت المكينه لكن اخوي ممكن طلب
ابيك توصيني اروح لاي محل يعدل موتري التعديل اللي قلتي لي عليه ومشكوووور اخوي وان شاء الله يفرق عزم الموتر بزيادة

[ابومعاذالنجدي]

ركب مكينهlt1 تكلفتها 6000 راكبه

[قدر مكتوب]

اخوي حسون انت من وين ؟؟؟؟


والهديرز ماينقص الزيت بس الجور على الموتر عقب الهديرز يخلي الموتر يصرف الزيت او يبخره , لان بعد الهديرز يبي يتغير عليك الموتر بالحيل ويخف معك فالرجل تبداء تجيب مافي قلب الموتر واذا انت ماانت راعي خطوط اعتقد ان شاء الله ان الموتر يبي يعمر معاك

الفلتر موجود بكل مكان مع الانتيك بس العازل لابد انت تصلحه بنفسك للفلتر عشان يشفط هواء بارد ولايحوس عليك جلد البلوف والهواء البارد احسن للموتر والاحتراق وابرد للمكينه

بس انت مارديت على انت تبي نشاط 8 سلندر او تبي تعديل بسيط على موترك وقضينا ؟
هل موترك هذا للبر بس ؟؟؟

لان مكينه ls1 حلوه وناجحه مره والموتر يصير طياره بعدها

[معدي المرقاب]

عليك بورشة الصمعاني بالقصيم عنده الحل مافيه شي ماله حل عندهم

[حسون2001]

هلا اخوي قدر مكتوب انا من الرياض
والموتر مخليه للبر ومشاويري الخاصه يعني صعب اعدل عليه تعديل 8 سلندر وانا للمعلوميه طلعاتي للبر مو كثير يعني من اسبوع لاسبوع انا استخدمه اكثر شي داخل المدينه
انا ابي تعديل 6 سلندر بس
ممكن سؤال افضل انواع الفلاتر حقت الهواء اللي هو ((كيم)) ولا فيه غيره اخوي قدر مكتوب ....؟
وبيض الله وجهك اخوي قدر مكتوب واسفين طفشناك بكثر الاسئلة
يعني باذن الله لو اركب هدرز عاتي....
ارجو الافادة وشكرا

[قدر مكتوب]

من الرياض اممممممم فيه محل بالربوه ان ماخاب ظني اسمه 4500 تحصل عنده الفلتر مع االنتيك اصلي من اي ماركة واعتقد اني سمعت انه يطلب لك هديرز مفصل بالخارج

الفلاتر :

k&n
هذا موقع k&n ادخل عليه واختار موديل السياره ثم نوع السياره (نيسان) ثم النوع اللي هو باترول ثم سعه المكينه ويعرض لك انسب فلتر لموترك( خذ اسمه ورقمه وكل البيانات ودور علهي بالرياض ولا اطلبه منهم)
او ركب فلتر دينا وخذه اصلي من الوكيل وتبي تلاحظ الفرق كثير ولكن ارجع واقول لك العزل ثم العزل ثم العزل تعزل ماصوره الفلتر ويستحسن تكون المنتيوم او كربون وتعزلها زياده وتبعد الفلتر عن المكينه والقزوز او الهيدرز قدر المستطاع ثم تعزله مره ثانيه مثل مافي الصوره تحت في العزل

وهذا فلتر حصلته لك اثناء البحث واسمه green امريكي :
http://www.greenfilterusa.com/ (http://www.greenfilterusa.com/)

هنا صور كل الفلاتر وبصراحة خذبني واحد معزول جاهز وهنا صورهم ولو ضغطت على فلتر يبي يعرض لك كل السيارات اللي ممكن يركب عليها
http://www.greenfilterusa.com/Performance/tabid/132/Default.aspx (http://www.greenfilterusa.com/Performance/tabid/132/Default.aspx)
http://www.knfilters.com/search/appsearch.aspx (http://www.knfilters.com/search/appsearch.aspx)



هنا موقع يعرض لك مجموعه فلاتر وتبي تحصل بعضها معزول جاهز بس بكل صراحة لم ابحث عن الباترول
http://www.eautoworks.com/cats-Air-intakes-and-filters.htm?sort=highPrice (http://www.eautoworks.com/cats-Air-intakes-and-filters.htm?sort=highPrice)

هنا كل فلاتر النيسان وزي ماقلت مادورت للباترول بس لفت نظري فلتر معزول وجاهز للبافيندر من 2001-2004:
http://www.eautoworks.com/search-ALL/mk27-ca106.htm?sort=new&perPg=99 (http://www.eautoworks.com/search-ALL/mk27-ca106.htm?sort=new&perPg=99)

عزل الفلتر :

, الافضل تعزل الفلتر بنفسك بان تفصل المنيوم على شكل قائم صغير محيط بالفلتر وتمده قدر ماتقدر تبعده عن المكينه وحرارتها او سمعت ان فيه واحد اسمه الخضير في بالسلي يعزل لك الفلتر بالمنيوم

صور لفلتر معزول :
http://lastgreatroadtrip.com/wp-content/uploads/2008/12/63-9030.jpg



اوزن الديلكو على 10 وتبي تلاحظ تغير بالموتر بشكل كبير

بواجي واسلاك بواجي فيه انواع معني ارى دائما ان الاسلاك والبواجي وتعديل نظام كهرباء السياره غالي مقارنه بالقوه اللي بالسياره بعد التعديل هنا الامر راجع لك وعلى فكره تعديل نظام الكهرباء لايضر السياره ان شاء الله
تقدر تزود MSD
يوجد بواجي واسلاك بواجي اسمها Nology نوعيه طيبه نوعا ما ولاعلم من وكيلها ويوجد ايضا splitfire ووكيلها بالقصيم العبيد اللي يبيع مساعدات رنشو

هنا موقع Nology
http://www.nology.com/silver.html (http://www.nology.com/silver.html)

اذا فتحت هالرابط تبي تحصل رابط مكتوب فيه
Click here to find the Spark Plugs for your vehicle! (http://www.nology.com/silverstonetypes.php)

اضغط عليه ودور نيسان ونوع سيارتك وشوف رقم البوجي لو بغيت تطلبه

هنا اسلاك البواجي :
http://www.nology.com/images/sparkdiag.gif


وهذا رابط اسلام البواجي لــ Nology :
http://www.nology.com/hotwork.html (http://www.nology.com/hotwork.html) لو فتحت هالرابط تبي تشوف صوره اصبر عليها شوي وتشوف الفرق بين اسلام البواجي العادية وبين اسلاك بواجي Nology


splitfire:
http://www.splitfire.com/index.html (http://www.splitfire.com/index.html)


وصف محل 4500 :
اطلع مع مخرج14 وانت متجه للخرج يعني كنك رايح لمخرج 15 طوول معه لما يجيك العثيم الجديد قبالك قبله شارع سايدين رح معه امش يمكن 100 متر تبي تلقاو بالزاويه


كما يوجد ايضا كراج كامل للتعديل بكل انواعه اسمه كراج SLR لواحد من الرشيد في الرياض

يوجد محلات سامع فيها في الرياض بس ماعمري مريتها:
فيه محل خليجي بالرياض على شارع المعارض
مقابل مقبرة النسيم من غرب قبل ماتاصل طريق الميه
================================
Red Line اذكر انه حول التحليه


الهيدرز: الافضل بنظري دائما السويدي وخاصه للنيسان نظرا لانه مو مثل شغل ربعنا تعفيط وتطعيج
اهم نقطة ابعد عن شغل العتيبي وابعد عن شغل البنقاله والهنود
اذا انت ملزم وتبي شي محلي فيه ورشة اسمها
كراج حميد لتعديل وتزويد السيارات في البحرين وهذا متخصص في الهديرز بشكل خاص مع اني ماعمري جربت شغله بس الرجال مذكور بالخير




اخيرا اذا تبي النصحية من اخوك مكينه موترك 4200 ومكينه 4500 للباترول مهما تسوي فيها مايبين ولا تحس فيه كثير وعدد الاحصنه بعد كل هالشغل ماتفرق كثير مو مثل المكاين الامريكيه وخاصه الشفر والهيمي



انصحك ركب مكينه فكس ار او مكينه فتك او مكينه لكزس او اذا تبي قوه ورخص وسهوله صيانه ركب مكينه كابرس جديد ولو تبي ارخص ركب مكينه كابرس ال تي زد حلوه وعمليه واي تعديل يبين عليها


اذا سويت كل هاللي فوق شيك على الكاربريتر لان دائما الكاربريتر مشاكله كثيره خاصه بالنيسان وركب فرارات لموترك

[حسون2001]

والله مدري وش اقول اخوي القدر مكتووووووب
الله يجزاك خير ويعطيك الف الف مليون عافيه عن جد تعبناااااااااااااك معنا
الله يبيض وجهك ويكثر من امثالك
وانا اليوم ان شاء الله طالع 4500 واشوف وش يصير معاي واخبرك
مشكووووور وبس
مع السلامه