المساعد الشخصي الرقمي

مشاهدة النسخة كاملة : gx لاندكروزر 93


هموووس
19/10/2009, 03:20 PM
السلام عليكم ورحمة الله وبركاته
يا اخوان انا عندي نفس اللي مكتوب في العنوان
وابي اجهزه للبر ولا يوجد عندي معلومات عن متطلبات سيارة البر
يعني مثل الفرار
وما هي الجنوط
واليايات
والبساتم
والكعكات
وبنسبة لتربيط الداخلي
لانها تنحل من الداخل
وابي مشورتك يا اهل البر
ومن استشاركم ما خاب
ريان2002
19/10/2009, 03:48 PM
الله يحييك أخوي هموووس
وبالنسبة للفرارات إن شاء الله الأخوان يفيدونك
2 / الجنوط ( ماأتوقع ) فيه فرق في الأنواع غير الشكل والعرض وإحرص على الأصلي
3 / عليك بكفرات الدنلوب 265 - 70 - 16 بالنسبة إذا البر اللي تدخله فيه حجار وصخور وهذا أنا مجربه وإذا رمل فكفرات البالون 8 غاط هي الأفضل
4 / تربيط السيارة من الداخل بالنسبة للأبواب هناك من يعمل لها حشوة إسفنج أو فلين ( ماني فاكر )
6 / اليايات ألاحظ تأييد الأعضاء لبعض الأنواع من المساعدات من خلال التجربة ولكن ليس هناك إجماع على نوع معين ومنها المونرو الأمريكية والمساعدات الأسترالية والجبريال
5 / والتجهيزات كثيرة جدا لو سألت عن اللي إنت تحتاجه كنت حأحاول أفيدك باللي أعرفه مثل بطارية إضافية / ماطور هواء / ونش / كشافات / كنود / قارمن وغيرها الكثير
ودمت في حفظ الله ورعايته
هموووس
20/10/2009, 07:35 AM
مشكور اخوي ريان على المعلومات ذي
وياريت اهل الخبر يجيبونا
العنابي 616
20/10/2009, 02:23 PM
اذا انت من اهل الشرقية
وتبغى تربط لا تتعدى ورشة الانصاري من احسن ورش التربيط ومتخصصة فيه
انا توني مربط سيارتي vxr 95 وكلفني شغل يد 1100 ريال و قطع غيار 1500
بس صراحة فرقت على السيارة فرق كبييير
واذا تبغى تغير جنوط ركب جنوط هلل اصلية وكفرات دنلوب نقشة شاهين 245\85\16
هموووس
21/10/2009, 08:25 AM
يعطك العافية يا اخوي والله انا من اهل مكة
هموووس
22/10/2009, 09:01 AM
ابي جنوط هلل اصليه وش تنصحوني به
وبالنسبة للمراوح الكهرب هل تركب عليه
والهدرز كذلك
هموووس
23/10/2009, 10:11 AM
ردو يا اهل الخبرة
ARB
23/10/2009, 11:25 AM
اذا هو مكيف واحد يركب عليه هدرز

و بنسبه للمراوح الكهرب تركب عليه طبيعي

و يبي لك يايات استراليه + جنوط و كفرات + بطارية اضافية

و ااذا فكرت تبيع ترى ادور لي واحد اهم شي بدي سليم و محركات و اذا انت بالرياض و تبي اي خدمه راسلني و ابشر بسعدك
قمة افرست
23/10/2009, 11:50 AM
اخوي بما ان سيارتك جي اكس فتصميمها مخصص للبر
ابتداء من الجنوط والكفرات جنط الجي اكس مقاس الكفر 175 / 75 / 16 او 185 وهذي المقاسات مخصصة لجميع التضاريس الصحراوية وقليلة البنشر بحكم قل عرض الكفر قد تعاني قليلا بالرمال وهذا لايعني عدم فاعليتها
فقط يكون الهواء 20 بالكفر ولن تجد مشكلة
فقط اذا كانت جنوط شنبر استبدلها بجنط عادي نفس المقاس وابعد عن الجنط العريض مقاس 275 اذا راعي بر الكفر طبعا يكون توبلس وليس لستك لتجنب البنشر
بالنسبة للمساعدات تجي من بلده مساعدات غاز وسعرها مناسب وهي مناسبة جدا فايدئدتها اثناء المطبات ترجع لوضعها بسرعه عكس مساعد الزيت
الياي مناسب لايحتاج اي توليف ومن رايي ترك السيارة كما هي مصممه
بالنسبة اذا كنت راعي مكاشيت فقط رهم تانكي ماء وبعض ادوات السلامة الي قد تحتاجها اثناء الطلعات البرية
ماطور هواء محول كهرباء ووو الخ حسب احتياجك
بالنسبة للتربيط
قد تحتاج تربيط مابين فترة واخرى الي اطراف رفرف السيارة والمقدمة
والنوع الي ذكرته لايحتاج تربيط دائم فقط اذا سمعت في صوت بمكان معين ابحث عن مصدر الصوت وقم بعمل التربيط بنفسك

وسلامتك
تاج1426
25/10/2009, 08:51 AM
السلام عليكم ورحمة الله
بالنسبه للمراوح فانا استشرت ميكانيكي بخصوصها وقال لي اذا كنت تبي مكينتك تنعدم ركب مراوح بسبب ان المكينه اكبر من ان يبردها مراوح سوبارو او غيره ولا ينفع فيه غير مروحة بلده
وبالنسبه للجنوط من وجهة نظري اسلم على تصنيع بلده
ودمت بود
Nasser-ahah
25/10/2009, 11:02 AM
إذا أنت بالرياض أدلك على واحد يركب لك بطارية إضافية مجهزة بلمتين على الكبوت وفيش ثلاجة وشغلهم مضبوووووووووووط تقل شد بلد