نبغا حل لمشكله صرفيه البنزين للباترول....

[طير البر99]

السلام عليكم ورحمه الله وبركاته:
حي الله مشرفي واعضاء هذا المنتدى الغالي.....
نبي حل لمشكله صرفيه البنزين
في الباترول الـ99,,,
وهل الفرارات تخفف الصرفيه؟؟؟
وتقبلو تحياتي’’’’طير البر99’’’’’

[المنيعي1]

وعليكم السلام
قبل الاجابه على مشكلةالصرفيه عندي سؤال كم يمشي كيلو داخل المدينه أذا عبيت التانكي فل ألى ان يقطع
بنسبه للفرارات لاتؤثر على الصرفيه فأدته الوحيده تزيد السرعه بحدود خمس كيلو

[طير البر99]

هلا بك اخوي المنيعي1 اتوقع 400 التناكي الكبير اما الصغير فهو 50
زوياليت تعطونا حل للصرفيه تكفون لانها عذبتني...
ومشكووور لمرورك ,,,,

[almlgof]

السلام عليكم
اذا اصرفيه طبيعي ومفيه مشاكل عندك غير اصرفيه فنصيحه لك لا تلاخبط في الموتر ترها تسبب مشاكل في الموتر انت في غنى عنها خله شد بلاد

[المنيعي1]

هلا بك اخوي المنيعي1 اتوقع 400 التناكي الكبير اما الصغير فهو 50
زوياليت تعطونا حل للصرفيه تكفون لانها عذبتني...
ومشكووور لمرورك ,,,,
اخوي طير البر ماأبي توقع ابي حساب دقيق
عموماً أذا تبي تأكد زياده من موترك هل هو طبيعي أم لا
عب التانكي الكبير فل وصفر العداد أذا مشى داخل المدينه 400 كلم قبل تولع المبه فهو طبيعي ولاتغير فيه شي يبقالك في المبه خمسين كيلو

[تاج1426]

بعد التحيه
اخوي الباترول من 98 الى 2001 مشكلة انها ثقيله حاله حال ال gxr يعني تحتاج لدوسة بنزين اكثر والدليل ان تانكي الvxr وال gxr نفسها واحد لكن الvxr اقوى عزم وما يصرف بنزين مثل الgxr
ولا تحرك ساكن بسيارتك
وتقبل تحياتي

[بدوي جنوبي]

ينقل لقسم
خيمة أعطال السيارات وإصلاحها (http://www.mekshat.com/vb/forumdisplay.php?f=126)

[سوبر VTC]

و عليكم السلام و رحمة الله

مقاس الكفرات لهن دور بالصرفيه
الباترول فوق 130 يصرف
الحل
تركيب فرارات
تركيب هدرز
مرواح كهرب
اصلاح الكبليتر
بعضهم يحط ابر للكبليتر اصغر
بحيث تقل الصرفيه
لكن قومة الموترعند اشارة مثلا
تكون ضعيفة نوعا ما
اخبر باترول مع احد الاقارب م99 سلقة
ركب مرواح كهرب و فرارات
ما شاء الله يمشي بالتانكي 500 و طالع
لكن سواقته هادئة ما يدوس

موفق

[ابو جملا]

من ٩٧ وتحت ركب كربريتر هايلوكس ٩٩ واللحق اهلك وشكرا مجربه ميه بالميه على السفاري

[خالد الدغيم]

كربرتر الهالكس يركب على طول او ترهيم

[sgl2002]

اقول

الباترول صرفيته زي اي جيب والبخاخ والكلبريتر صرفيته وحده

لا احد يقولي الباترول يصرف

انا جربت لاندكروزر وباترول وكلها نفس الصرفيه

لكن المشكلة الناس تلعب في الباترول وتغير في الكلبريتر حقه وفي وزنية الديلكو ومقاس الكفرات ثم تشتكون من الصرفيه

الباترول خذه وكالة ولاتغير فيه مسمار والا يقوم يعاكس

وكثر الله خيره ان صرفيته كذا على كبر دفرنساته وكبر قيره

[تناساني]

انا من كم سنه استخدم الباترول
صرفيه البنزين تقهر
خاصه انك تشوف عداد البنزين ينزل قدام عينك شوي شوي ههههههههه

كان عندي 99 ربع اعبيه فل يادوب يوصلني 350 كيلو
واستفسرت كثير و سألت كثير مالقيت حل للصرفيه.

الحل مافيه حل
لا يقولون فرارات أو إبرهـ التيما للكلبليتر
ترا اخوك معاني من هالشي


انا جربت تانكين بنزين استرالي أعبيه بـ 85 ريـال
ويطول وياخذ وقت كثير
هذا هو الحل تركب تانكي بنزين استرالي

اما بقية الحلول لايوجد حل جذري او مجرب يخفف الصرفيه

إلا اذا احد مجرب حل و انتهت مشكلة الصرفيه
يثبت لنا بالصور او يدلنا ع ورشة متخصصه بهالشي :)

اخيراً .. الله يعينك اخوي ع الباترول 99 جنني قبلك و انحشت عنه
ماراح ترتاح إلا لماتشتري 2006 وفوق هو الي موتر والصرفيه اقل

[فايروخ80]

بيعه وشتر تويوتا