المساعد الشخصي الرقمي

مشاهدة النسخة كاملة : استفسار لاهل السفاري


الفليحاني
20/10/2009, 02:12 AM
السلام عليكم
شباب الله كتب لي انى شريت جيب سفاري موديل 98 واريد اضيف له اضافات عده
واتمنا انكم تفيدونا
1- ونش : وش افضل نوع وكم يسوى ووين احصله ووين افضل مكان يركب بالسيارة
2- تنجيد السيارة: وش افضل محل اقدر انجد السيارة والتنجيد الكامل كم يكلف وكم المدة
واللي عنده اقترحات للسيارة اكون شاكر له

انا لي جوله ان شاء الله على الشرقية والرياض وبريدة
يعنى المكان ماهو مهم
اهم شي الشغل السنع
N1998N
20/10/2009, 02:21 AM
هلا وغلا الونش تلقاه عند السليماني انواع واشكال واظاهر عندهم ورشه تركبه لك والاسعار مدري والله هو على طريق الملك عبدالعزيز والتنجيد روح للغرابي وتلقى محلات
الاسماعيل مشهور مره هالمحل وشغله حلو وياخذ من 3 ساعات الي اربع والسعر ماتذكر واتمنى اني افدتك وعلى البركه الموتر والله يعطيك من خيره ويكفيك شره وبالتوفيق
الفليحاني
20/10/2009, 09:29 AM
هلا وغلا الونش تلقاه عند السليماني انواع واشكال واظاهر عندهم ورشه تركبه لك والاسعار مدري والله هو على طريق الملك عبدالعزيز والتنجيد روح للغرابي وتلقى محلات
الاسماعيل مشهور مره هالمحل وشغله حلو وياخذ من 3 ساعات الي اربع والسعر ماتذكر واتمنى اني افدتك وعلى البركه الموتر والله يعطيك من خيره ويكفيك شره وبالتوفيق


بخصوص السليماني وينه في هو بالرياض

والغرابي باي حي

الله يبارك لك ويجزاك الجنه
N1998N
20/10/2009, 11:43 AM
السليماني مدري بالظبط اي حي بس هو تمسك طريق الملك عبدالعزيز متجه شمال قبل ماتجيك اشارت مخرج 9 تلقاه على اليمين او بعدها المهم على اليمين والغرابي عند البطحاء والموقع الرياض وشكرا
محمدالعريني
20/10/2009, 11:56 AM
اخوي احسن ونش للسفاري هو الامريكي وارن والوزن المناسب 4 طن هذا قيمته 3400 ريال عند السليماني والتركيب عند النويصر بس انه غالي ياخذ 1000 ريال والا ركبه بالسلي مخرج 16 عند المميز على ما اعتقد هذا ارخص ويركبه لك مخفي
الفليحاني
20/10/2009, 01:04 PM
الله يسلمكم
ماقصرتم
دسوقي
20/10/2009, 03:22 PM
اذ انت راعي طلعات بر ركب هيدرز يريح السياره والياي الاسترالي بارضه مهم ولو تركب مراوح يخفف علي السياره وصرفيه البنزين ويخف شوي صدق اني زودت عليك بس هانا اشوف هاذا فضل شي والله يطعمك خيره ويكفيك شره تقبل مروري
الفليحاني
21/10/2009, 12:39 AM
اذ انت راعي طلعات بر ركب هيدرز يريح السياره والياي الاسترالي بارضه مهم ولو تركب مراوح يخفف علي السياره وصرفيه البنزين ويخف شوي صدق اني زودت عليك بس هانا اشوف هاذا فضل شي والله يطعمك خيره ويكفيك شره تقبل مروري
بالعكس يشرفني مرورك

وشاكر لك هالمعلومات
لكن وشو الهيدرز
ابو نواف المطرفي
21/10/2009, 12:48 AM
افضل الانواع warn winch

السليماني (حي المرسلات - حي الغرابي )
لاتكب البيالة
21/10/2009, 12:50 AM
السلام عليكم
التنجيد فيه بالغرابي بالبطحا محلات واجد بس نصيحتي لاتقرب الجلد وعليك بالمخمل
واذا رحت للغرابي فيه فر للسليماني هناك
وصف الغرابي الدائري الجنوبي وجهك غرب اطلع شمال مع شارع البطحا ابتل يجيك كبري ارق وانزل ثم كبري البطحا ارقه اول ما تنزل دور لك لفة تدخلك يمين ثم بيقاطعك شارع الغرابي