يا أهل بـــــريـــــــدة / أرشــــــدونـــي. [الأرشيف]

مشاهدة النسخة كاملة : يا أهل بـــــريـــــــدة / أرشــــــدونـــي.

السد الغزير

20/10/2009, 10:42 PM

أنا في بريدة ومعي كورلا قير تماتيك فيها مشكلة في القير . . والمشكلة هي أن التغيرات تمشي إلى ان توصل للثالث وتوقف ماتغير.

وأبي منكم ترشدوني مشكورين على الورش المتمكنة في بريدة .

خالدالقنص

21/10/2009, 09:51 AM

رح لورشة الشيبان تخصص قير تماتيك والمسؤل سعودي هناك ممتاز مرره

في الخضيرا اذا كنت تعرفها

وهذا رقمي اذا ماعرفتها

0551160798

السد الغزير

22/10/2009, 05:29 PM

والله غريبة :( 61مشاهد ! ومايرد علي من الستين الا واحد

يالله . . . فيه الخير والبركة وبيض الله وجهه وعلمه غانم.

عاشق البرمنول

22/10/2009, 09:34 PM

الله يعينك
انا جربت الشيببان وشغلهم حلو ويعطوك ضمان 6 اشهور
اصلاً ما اعرف غيرهم وانشاللله يعجبوك

السد الغزير

24/10/2009, 06:23 PM

سملت ولاهنت ياعاشق البرمنول . أطيب تحياتي لك ياعاشق

وعقبال ان شاء الله نشوف رد يعطينا خيارات اكثر في بريدة الموقرة . ولكن المرور على الشيبان أمر لابد منه

Nasser-ahah

24/10/2009, 11:40 PM

رح لم ورشة العثمان أفضل ورشة توضيب وتشخيص ولا رح لم الكبير بالبصر

Nasser-ahah

25/10/2009, 12:38 AM

شوف عندنا في بريدة صناعية الرواف والشارع التجاري والتشليح حق القصيم
أنا الحين أبعطيك رقم الكبير وأبعطيك رقم ورشة ممتازة إسمه الأحمد
لكن العثمان أفضلهم واحد يقرب بنا وضب الجير عند العثمان طبعا الموتر فتك
الأحمد:0505137688
الكبير:0553280100
وهذي أرقام سطحات
أبو حمد:0503984063
أبو سليمان:0504951171
أبو علي:0504977046
وقبل ماتودي الموتر للورشة قله المشكلة ونوع السيارة علشان ماتخسر بالفاضي
ورقم العثمان موب عندي للأسف

Nasser-ahah

25/10/2009, 12:44 AM

أما الكهربائي فيه ورشة العثيم في صناعية الرواف

تركي الرماي

25/10/2009, 06:29 AM

مااقصرو الاخوان

شاهي ربيع

25/10/2009, 02:55 PM

لاتوقفها الا عند الشيبان بخضيرا

سوبر VTC

25/10/2009, 04:21 PM

حياك اخوي

اول شي غير الزيت و الفلتر
الزيت يغير كل 40الف
((تاكد من الزر اللي بنفس القير لا يكون مضغوط ))
(مثل فقسة قير التريلة :D:p)
يخلي القير شاد على النمره الثالثة و لا يريح القير
تاكد لايكون الفلتر راخي و يرجع الزيت للكرتير
افصل البطارية و السويتش مفتوح
و شف النتيجه

اعتقد مكينه موترك 1800 145حصان
عليه غطاء كبير اسود
اذا كان الغطاء صغير فهي 1600 95حصان

مر على الكهربائي العيم خله يسوي لك فحص كمبيوتر احتمال تظهر المشكله

مر على ورشة العثمان بالدرجه الاولى :good::good:
رجال خبره و ذمه خصوصا سليمان فنان و دكتور قيور
انا واقف بنفسي عليه يطبق قير فكسار وكالة :good:
كد وضب احد الربع فتك نيسان و الى يومك ما شاء الله
و عندنا جمس و كورولا تماتيك ما نتعامل الا معهم
راح تدعيلي
لكنهم باردين بالشغل اليوم يومين لكن يستاهلون

بعده
مر على ورشة يوسف السلمي قبل محطة السكاكر بطريق خضيراء
مقابل لمسجد العيد من شرق

يجي بعدهم ورشة الشيبان

موفق

سوبر VTC

25/10/2009, 04:29 PM

السد الغزير

25/10/2009, 10:55 PM

سوبر فتك احسك طحت على العلة ...

وفعلا الموتر اللي معي مكينة كبير 1800خليجي بريمي - بس تدري ليه هالخرابات ؟(بسبب صدمة) ركبت قير مستعمل تشليح . ودخلت الموتر عند ورشة لك عليها على ماعتقد .. خرب ام الدعوى والطبلون ماعاد صار يشتغل . والقير ماعاد يريح . يحححن على الثالث.

والظاهر اني بمر اول شي الكهربائي بعدين القيور . . ولا وش رايكم ياهل الخبرة ؟

وش افضل كهربائي او كهربائيين دلوني على كم واحد

سوبر VTC

26/10/2009, 02:55 PM

من ناحيه الكهرب
مر على الكهربائي العثيم ابو ابراهيم بصناعيه الرواف
يشيك على الضفيره
تاكد من زيت القير لايكون محترق ريحه كلتشات
اذا كان الزيت متغير لونه
غير الزيت و الفلتر خذهن من عند الرميح مقابل بلدية بريده
طبعا عندهم جالون تويوتا جالون اصفر عليه رسمه عصا قير
خبري ب60ريال
هذا لا تاخذه منهم
خلهم يعطونك النوع الثاني جالون اصفر
بدون رسمه عليه كتابات يابانيه + رسمه استكر وكالة
تحصل المصري خالد بالمبيعات يعلمك
او مر على ورشة العثمان
يوريك الجالون الاصفر الاصلي وكالة

ما يمنع تخلي سليمان العثمان يسوق موترك
يفحص لك الموتر :good:
و يبين لك هل عزم القير ممتاز ام لا ؟؟
من ناحيه ضعف الكلتشات

احتمال القير اللي من التشليح تعبان جدا و مكروف
حرقانه كلتشاته او ضعيفه
اخبر يوسف السلمي يشتغل بالكامري و الكورولا التماتيك

موفق

السد الغزير

27/10/2009, 03:37 AM

سوبر فتك . . :(

تقولي العثمان ؟؟ هاه ؟؟؟ !!

والله ماعاد أطب عليه ولا أوصي اللي أحبه يروح له .. أعوذ بالله من الجفاف اللي يعامل الناس به ويكلم الشيبان كبار السن من طرف خشمه ((هذا اللي ذبحني ونرفزني))

وطلعت منه مباشرة بدون أي كلمة . وتوجهت لورشة الشيبان .وقابلت خالد ويوسف والظاهر سليمان على المكتب والله ونعم المعاملة ونعم التمكن وعليه ذالزباين ماشاء الله تبارك الله والله يرزقهم . وناس أهل ذمة وأمانة .

عموما ماقصرت ياسوبر فتك الشكر والمعروف لكم يا أصحاب المعروف (خالد القنص-وعاشق البرمنول-وناصر-وشاهي ربيع)
سوبر فتك أشكرك على الاهتمام ولك مني خالص التحايا.

سوبر VTC

27/10/2009, 04:04 PM

هههههههههههههه

وش السالفة يا خلفهم :D:p:D

انت من كلمت بالورشة عبدالعزيز الطويل العصل :p
او اخوه سليمان القصير :)

وش قالك عشان تزعل ؟

بعدين ترى الناس اجناس و الوان
كل شخص و له طبيعته بالاخذ و الرد
بعضهم تعامله خشن و هو طبعن به اصلا
و العكس صحيح لين و سعة صدر و و سمحه نفس
يعني على حسب البيئة اللي عايشن به
يعني على حسب تربية البيت و الوالدين
من ناحيه الغلظة و الشفقة و العطف
لاحظ الفرق في التعامل و الاسلوب
بين شخص عاش و تربى بالمدينه
و بين شخص عاش بالقرى او بالبر
بعضهم اذا تكلم تخاف من صوته و تحس انه جفش و عصبي
و به شوفة نفس
لو تلاحظ هالحين اذا تكلم عبدالعزيز او سليمان
تقطب عيونهم :no:
و ترى الشيبان اللي بالورشة من ربعهم
عموما
انت حساس و مرهف يا خلفهم :):D:p
وسع صدرك و اقض لزومك
الله ييسر امرك

موفق

السد الغزير

31/10/2009, 05:35 AM

إخواني عند كم سؤال : :)
1- وين محلات الفيبر المعنية بإرجاع الايرباق ؟

2-أفضل محلات رديترات ؟

3- أفضل محلات شكمانات ؟

آمل ألا أكون أثقل عليكم بكثرة الاسئلة . ولكم مني جزيل الشكر والتقدير ...

سوبر VTC

31/10/2009, 05:32 PM

محل فيبر
عندك محل السليم للتنجيد و التلميع
يسكرون الفتحه
محله بعد محل النهدي قطع غيار تويوتا
على اليمين وجهك شمال
اذا تعديت محلات القزاز + محلات التنجيد
يجيك على اليسار
شرق بلديه بريده

محل اديترات
محمد السيف ابو ناصر
تقريبا 5 محل على اليمين ووجهك شمال
اول الشارع التجاري من جنوب

محل شكمانات
مقابل السيف للاديترات
صفة محلات حول 10
محلات
و بالاخص موسى السيف
باب اخضر

موفق

السد الغزير

01/11/2009, 12:22 PM

سوبر فتك : يعجز اللسان أقصد تعجز الاصابع عن كتابة أسمى وأرقى حروف الشكر والعرفان على مابدر منك من اهتمام ودقة في التوصيات والتوصيف . ولك مني جزيل الشكر وطيب الدعاء في ظهر الغيب ووفقك الله
وأعيد شكري إليك وباركـ الله فيكـ وسدد خطاك .

أشكرك وكل شي وضح لي الله يعطيك العافية .