عندي حديد جاهز ولكن ابي المشوره

[سفير الديره]

السلام عليكم

كيف حالكم

وحياكم الله


انا عندي بيت شعر اللي يجي مركب على حديد والان متقطع وابي اغيره

وش رايكم ابي شي رخيص ويمشي الحال ولا يخر المطر

لانه مريت محل ببريده وقال اللبسه لك 4700ريال وهالقيمه غالي طبعا من دون سدو ومن دون عوازل

فا وش رايكم انا سمعت ناس فصلو قماش مثل قماش الخيمه

المطلوب ابي محل يفصل على حديد بيت الشعر قماش خيمه بالقصيم


وياليت اللي عنده خبره او سوا زيه لا يخلين محتاج الى ارائكم

علما مقاس بيت الشعر 5*7 تقريبا

[لاتكب البيالة]

السلام عليكم
عليك بقماش الخيمة فيه النوع التنزاني بس غالي
وتبي نصيحتي خذ النوع الباكستاني مقاس 24 ميزته يجي لون اسود مثل بيت الشعر طول اللفة 1.5 سعر المتر 8 ريال انت شف كم يبي لك من متر وان بغيته من الرياض حنا موجودين اعتقد يكفيك 80 متر وحوله

ومن ناحية المحل انا اشوف عروق الشمال شغلة ممتاز لكن ما ادري عن اسعاره

[راعي البخاخ]

حياك الله اخوي . مثل ماقالك طال عمرك لاتكب البياله . ببريده (عروق الشمال) معروفين وشغلهم
تمام ومايحتاج مضمون .وفيه طال عمرك (المطرودي) الي وانت ماشي مع شارع الخبيب جاي من الشمال ومتجه جنوب وبتلف يمين بتطلع وترقى فوق للجرده عند محلات الي يفصلون الثياب شغلهم زين وقديمين .وفيه (المطرودي) الي على طريق شارع الشاحنات وانت بتاخذ فوق تحت من عند الاشاره كنك رايح وراجع للسنيدي
بعد ماتلف من عند الاشاره شفه يجي على يمينك محل صغير بجنب محل حواسب يجي قبل المسجد
وتبي النصيحه لاتتعدى النوع الباكستاني حلو وقوي ويكد لك زمن.

[سفير الديره]

الله يعطيكم العافيه ومحتاج المزيد من المشوره منكم