اللي عنده حل للباترول الربع 2007

[كاسبر القصيم]

السلام عليكم ورحمة الله وبركاته


انا واعوذ بالله من كلمة انا لفيت المنتديات ادور حل ولا لقيت حل للمشكله .

انا لي يومين شاري باترول ربع 2007 الموتر ما فيه كلام بس فيه عيب

وهذا اللي ماخلاني انام الليل

العيب ( عزم الموتر طايح , بالخط مايجيب الا 170 والطبلون 200 )

مع الاخذ بالعلم عليه جنوط 17

بس فيه واحد نفس المشكله عليه كفرات البلد يقول ما يجيب الا 185

فيه ناس تقول :

1- من الجنوط والكفرات عشانهم عريضه

2- من فلتر البيئه اللي بالشكمان هو اللي يخلي الموتر يكتم

3- بواجي

4- من طرنبة البنزين غيرها وتضبط المشكله

اللي يعرف الحل ( الاكيد ) ياليت يقوله وله دعاء من صميم الفلب

يالله يا رابطة الباترولات هذا يومكم

[كاسبر القصيم]

معقوله للحين محد رد



ياناس الفزعه

[ابو الولو]

ياليت عندي علم افيدك لاكن الشباب مايقصرون

[سيفط]

شوف اخوي اعمل بعض التجارب وبداء اولا في قطعة البيئة

[عاشق الرفاليو]

انا معاي 2006 كفرات شد بلد لايتجاوز ال 180 وكثير من اصحاب الباترول يعانون نفس المشكله وباعتقدي سياره دفع رباعي ال 160 تعتبر مقنعه السياره لم تصمم للسرعات العاليه @انت تقول لا انام الليل يجب ان تنام قرير العين موترك ليس هو الوحيد اللي فيه هذه العيب تقبل مروري@

[يكفيني نظرة]

يابعدي الموتر رفيع وبذلك يدخل الهواء اللي تصدمه السياره من تحت الموتر ويضعف سرعة السياره واذا تبي اثبت لك ان هالكلام سليم شف سيارات السباق اللي يتسابقون بسرعه عاليه تلقاها مسدوحه مرررره ولها زوايد تحت اللي نسميها لحيه عشان يكون مرور الهواء من فوق السياره وعلى العموم كان فيه برنامج عن هالموضوع في قناة (قير ون) ولا انسى الجناح في اعلى خلفية السيارة هو ايضا يساعد على الثبات عند السرعات العاليه واسف على الاطاله.
اخوك : يكفيني بس نظرة

[قرم العيال]

ضبط لك هدرز شغل صح

مع تغيير بواجي + وفلتر هواء + وصفاي البنزين

وبتشوووف الفرق

[كاسبر القصيم]

اولا مشكورين على المشاركه

ثانيا : ليه مصنع نيسان يحط طبلونه 200 وهو ما يمشي الا 170
والغريب السيارات القديمه للربع الباترول يجيبون طبلونه ال 180 او اكثر

بعدين مكينته هي نفس مكينه الباترول الصالون من 98 الى 2001

وكان معي 98 صالون يجيب 190 بالراحة وهذا وهو ثقيل وكبير

وشلون لو صار اخف منه

يا ناس الي عنه حل لا يبخل علي ونا كثارين

[الظافر]

بالعكس معنا واحد 2000 ربع و مركب عليه جنوط عريضه يمشي طبلونه براحه والحمدلله

[GS5]

الله و العالم انك منتب تفجر الموتر لا انت ولا راعيه اللي قبلك
بس لاتنسى تراه 4,5 و 12 بلف بس يعني انواع الضياع
الوكاد عليك بالشقله مع ورا و شيك على هوائيات السياره كلهن
و الله الله بتفتيح المكينه تسانك تبي عزمه ينشط و الله يبارك لك بموترك

[almlgof]

هذا الله يسلمك مراح تلاقا لها حل واسبابها
1 - الي مرن الموتر مرنه وسط بلد مامشى عليه خط ولا مشى طبلونه
2 - عدم تسخين الوتر شغل وامش وهو بارد ومشاكل عدم اتسخين مع الوقت تتسبب في تخبيط المكينه
والله العالم

[ابرق نثيل]

يابعدي نم قرير العين لان السرعه مافيها خير بالاخص للجيوب اذا كنت مستمر عليها فسيمتد ضررها للكرونه والقير فلا تحرص ــ جرب تشوف كم يجيب موترك على الجارمن ــ احتمال عددك ماهوب مضبوط ,,,
انقل اكبر قدر ممكن من الحمل للخلف (ركب عزبه ولا دبة ماء) كل ماكان الثقل في الخلف كل ما صار الموتر يسحب بالخط

ولا شف لك هوائيات (هدرز - فلتر )

[ابو محمد1991]

انا اقول واذا تبي رايي لاتعدل فيه اي شيء ينقص عمره والله يعطيك خيره ويكفيك شره وشيك على الكلتشات والدزكات لان كان معي ددسن مايتعدى 140 ويوم غيرت الدزك زان وصار يطق ال180 وينزل عنها

[عقيد حرب]

اخوي انا معي باترل مديل 90 يصفط تحت180 مع انة شد بلد مازودت فية شي

لكن ابدا بتغيير الرخيص مثل البوجي000000

[النوفي 3535]

اخوي العزيز
فيه عيب بالترول الشاص والربع اسلاك بين الحساس الهواء للماكينة
وده الوكالة يصلحونه
لا تسوي شي علشان ماتخرب الموتر
وإذا تبي راعي ورشة احسن من الوكالة راسلني على الخاص
وادلك إذا انت بالرياض ورشة خاصة
تحياتي

[كاسبر القصيم]

اولا مشكورين على المشاركات


اخوي العزيز
فيه عيب بالترول الشاص والربع اسلاك بين الحساس الهواء للماكينة
وده الوكالة يصلحونه
لا تسوي شي علشان ماتخرب الموتر
وإذا تبي راعي ورشة احسن من الوكالة راسلني على الخاص
وادلك إذا انت بالرياض ورشة خاصة
تحياتي
ثانيا مشكور اخوي النوفي
و ما اقدر ارسل بالخاص تعرف عدد المشاركات مش ولا بد


ثالثا الموتر ماحطوا طبلونه 200 عبث وهو مايقدر يجيبه اكيد فيه خلل في الموتر لان من 2005 الى 2009 فيه نفس المشكله

وانا بامكاتي افتح للموتر من هدرز كامل مع فلتر مع مراوح بس كل هذا ما يحل المشكله الاساسيه


يمكن يكون كلامك صحيح يالنوفي وتراني بالقصيم من بريده

ياليت تشوف لي حل ومثل ما قلت لك دعاء من صميم القلب

[سوبر VTC]

مر على ورشة العثيم الكهربائي تخصص نيسان
بصناعيه الرواف يعلمك
او مر على ورشة ابو خالد الخضير ب
بطريق خضيراء او الهبيش
الباترول ثقيل جدا
عزمه ميت
مع ولد عمي سفاري باب واحد م2006
العزم لا تسال
طبيعي جدا
احل
هدرز + فلتر + فرارات

موفق