المساعد الشخصي الرقمي

مشاهدة النسخة كاملة : جهزوا طيوركم ........ابشروا بالصيد


راعي مزيون
27/09/2004, 08:47 AM
السلام عليكم ورحمة الله وبركاته

ابشركم ياشباب الحباري والكراوين وصلت والعالم هدت طيورها

واذا ما عندك شاهين طيب والا لاتقنص وتتعب عمرك

أمس لقينا ثلاث كراوين والشباب خمس كراوين والكراوين مامنها منشود

واليوم حضرت هدد على حبارى ( حفيفينه ) وراحت على اربع طيور

وكل هذا على الاسياف وحول البحر واللفوه كل يوم ان شاء الله في زود

والله يرزق الجميع الصيد وتقبلوا تحياتي

أخوكم راعي مزيون
ميراج
27/09/2004, 10:54 AM
السلام عليكم ورحمة الله وبركاته

زانت علومك يا طيب العلوم

مشكور ولا هنت
تالي الاولين*
27/09/2004, 12:52 PM
.


فالنا وفالكم الصيد

انشاء الله


.
المري
27/09/2004, 12:57 PM
فالنا وفالك طيب

وبيض الله وجهك على ذا العلوم..
الفيتو
27/09/2004, 02:20 PM
السلام عليكم ورحمة الله وبركاته

الأخ العزيز * راعي مزيون *
لووووووووووووووووووووووو هالخبر رديتني لأيام الدراسه قبل ند خل للا ختبار بدقايق
يجي واحد من الطلبه ويقول جاني خبر ان الأسئله بتكون صعبه واللي مهوب مذاكر زين
يمكن ما يجيب ثمانيه وثلاثه ارباع . فكيف حالي ما ذاكرت وبليد اقوم ابلع ريقي
الطلبه يتسائلون كيف بتكون الأسئله وانا اسأل من بيكون المراقب
تمرة الخرج معي فالمخبا وعلى الله ثم عليها . نفس الشي
طيوري مهيب شرواك . والمنافسين واجد عليهم
معونةٍ بالله , مشكور لو انك روعتني
والسلام
الفيتو
الحجاز - الأثنين - 13 - شعبان - 1425هـ
http://www.mekshat.com/pix/upload/images6/mk8575_w.jpg
طيرحوران
27/09/2004, 04:06 PM
الله يبشرك بالخير يراعي مزيون .

وانشاءالله هالسنه سنة خير وأرزاق والله يبكر بالوسم.

تحياتي
قشاع الرمث
28/09/2004, 12:14 AM
الأصل كُتب بواسطة المري
فالنا وفالك طيب

وبيض الله وجهك على ذا العلوم..
راعي تهديد
28/09/2004, 08:02 AM
بيض الله وجهك على لعلوم الزينه
وفالنا وفالك الصيد والرزق الطيب ياخوي راعي مزيون وفال مزيون ياراعيه



ودمت سالم
راعي مزيون
28/09/2004, 08:36 AM
السلام عليكم ورحمة الله وبركاته

الى مشرفينا الافاضل .....ميراج والمري
شكراً على الاهتمام وبيض الله وجيهكم على المرور

للعزيز تالي الاولين ..... الله كريم


الاخ العزيز الفيتو
افا والله عليك ....الظاهر ان هذا تواضع منك
والقصد من الموضوع تحميس وتشجيع الشباب للمقناص والصيد والتواصل
بس في النهايه مالك عذر يالغالي ولا تقول تو الوقت ماجا شي ...او....لاحق على الدعو
وتسلم يالغالي على التواصل

الاخوان طير حوران و قشاع الرمث
شكراً على مروركم والله يرزقنا الوسم ان شاء الله

تحياتي للجميع
راعي مزيون
28/09/2004, 08:41 AM
السلام عليكم ورحمة الله وبركاته

راعي تهديد ووجهك يالغالي

بس الله الله بالقرناس جهزه وخله عديد للمخالا مثل العام

حتى يعرفون قيمه الشاهين

وشكراً على مرورك