لغزٍ ابسأل فيه راع الفصاحه (جديد)-------اللغز حله بحار -----الحل التين

[ابو ماجد 2]

بسم الله الرحمن الرحيم


السلام عليم ورحمة الله وبركاته

لغزٍ ابسأل فيه راع الفصاحه=عن اسم واحد والسوايا سواتين
نوع سماح ونوع طاعن سلاحه=جمع وجوده في توال البساتين
كلٍ عباته ظاهرٍبه نجاحه=والفرق واضح يافطن بالعباتين
هذا ابعباته مشهرٍ لي رماحه=وهذا ابعباته مايضر لو يواتين





مع التحية والتقدير لجميع الزملاء


ابو ماجد : منتديات مكشات

[بحار seas]

صح لسانك وعلا شانك يبو ماجد ورمعه فتحة باب اقول ( صبار )

[ابو ماجد 2]

صح لسانك وعلا شانك يبو ماجد ورمعه فتحة باب اقول ( صبار )


صح بدنك يالغالي
والرجاء الرمعه تبين النوعين
مالك لوى يالغالي
انتظر مرماعك القادم

[النمرالتميمي]

صح لسانك يا زعيمنا

وش تقول بالفياقرا السيارة والحبوب

[ابو ماجد 2]

صح لسانك يا زعيمنا

وش تقول بالفياقرا السيارة والحبوب

صح بدنك ومالك لوى يالغالي

[عاشق السناف]

صح لسانك ابو ماجد


وش قولك بفرد المسدس وفرد من الناس

[هبــ حريملاااء ـبوب]

السلام عليكم ..

اقول الحر والله اعلم ..

سلمت ..

[بحار seas]

رمعه ابعد من الحمر عن تهامه لكن ماقدر اصبر لازم اكتب اللي في بالي .. (عليل )

[ابو ماجد 2]

السلام عليكم ..

اقول الحر والله اعلم ..

سلمت ..

حياك يالغالي
ومالك لوى
وبالمناسبه هم لهم نفس الاسم ولكن قد يميز الثاني بالاضافه
كقولنا قلم بجميع انواعه ولكن نميز قلم الرصاص بالاضافه بالغالب
تحيتي لك وتقديري

[ابو ماجد 2]

رمعه ابعد من الحمر عن تهامه لكن ماقدر اصبر لازم اكتب اللي في بالي .. (عليل )

هالرمعه نعم ابعد من الضلع الحمر عن تهامه ولكن اللي قبلها لا
انتظر مرماعك القادم

[بحار seas]

بعدل رمعتي الوله يبو ماجد وبقول ( التين) التين الشوكي اللي هو البرشومي والتين العادي المعروف .

[قلب العنا]

الرمعه تين،، والنوع الثانى تين شوكى

[عاشق السناف]

وش قولك

بـــ برد وبرد المربعانيه

مع ان رمعة التين ذباحه

تقديري لك

[ابو ماجد 2]

صح لسانك ابو ماجد





وش قولك بفرد المسدس وفرد من الناس


هلا بك يالغالي
وصح بدنك وآسف بغت تطوف من عندي الرمعه ماشفتها
مالك لى يالغالي

[قلب العنا]

كتبت قبل ما اشوف رمعه بحار اذا صح من سبق لبق

[ابو ماجد 2]

بعدل رمعتي الوله يبو ماجد وبقول ( التين) التين الشوكي اللي هو البرشومي والتين العادي المعروف .

ياسلام عليك
كفو يالغالي رمعه بالصميم
ولقد وردت الحل باللغز في قولي
جمع وجوده في توال البساتين
صح لسانك ملايين يالغالي
وبيض الله وجهك

[ابو ماجد 2]

كتبت قبل ما اشوف رمعه بحار اذا صح من سبق لبق

شفت رمعتك والفرق بينكم دقيقه
بيض الله وجهك وصح لسانك
وبيض الله وجيهكم انت والبحار
وانا عارف ان رمعتك اتت قبل اطلاعك على رمعة البحار

[ابو ماجد 2]

وش قولك

بـــ برد وبرد المربعانيه

مع ان رمعة التين ذباحه

تقديري لك

تاكيد بمحله بيض الله وجهك نعم الحل التين بنوعيه

[بحار seas]

ياسلام عليك

كفو يالغالي رمعه بالصميم
ولقد وردت الحل باللغز في قولي
جمع وجوده في توال البساتين
صح لسانك ملايين يالغالي
وبيض الله وجهك


وجهك ابيض يبو ماجد وخوي قلب العنا بالفعل يستحق ان الحل يكون عنده لانا جاوبنا مع بعض وسلامة الجميع ..

[ريمااا]

حتى انا جا ببالي التين بس امي نادتني
والله ماكتب نصيب اني اجيبها
يالله الجايات اكثر :d

[ابو ماجد 2]

حتى انا جا ببالي التين بس امي نادتني
والله ماكتب نصيب اني اجيبها
يالله الجايات اكثر :d

النصيب في القادم باذن الله
تحيتي لك وتقديري