منفاخ الكفرات.....

[ولد وايل]

السلام عليكم ورحمة الله وبركاته.....






حبيت اسألكم عن منفاخ الكفرات ((((سوبر كمل)))).....
ابو فلتر...

شريته ونفخه كويس بس وشرايكم فيه هل له مشاكل او......

ارجو من عنده اي شي او نصيحه يخبرني.......

واكون له من الشاكرين....

[ولد وايل]

يا شباب وش رايكم بمنفاخ سوبر كمل ابو فلتر انتظر منكم الر بأسرع وقت
A30 V12
ولكم تحياتي ....

ولـــــــــــــــــدوايـــــــــــــــــــــل

[مارشال]

الأخ العنزي
تحيه طيبه

انا اعده من افضل المواطير اللي في السوق وعندي الأسترالي ابو الف ريال من الرمايه والله انه خايس مقارنه ب منفاخك
وبالتوفيق

[مشغول]

منفاخ السوبر كمل ... أفضل بكثير من الاسترالي البايخ غالي على غير سنع

جربنا الاثنين وتفوق الكمل بسرعة التفخ ..

وهلا بك

[بركان]

السلام عليكم ورحمة الله وبركاته

كم سعر السوبر كمل وماهي صناعته واين يباع لو سمحتوا.
تراه جاز لي من مدحكم له. انا كنت ناوي على ماطور هيدرولك بيوك بس يمكن اغير رأيي.

اغير رايي والا لا؟؟؟؟؟
وش قلتوا؟؟؟؟

[سيرفر]

سلام عليكم ورحمة الله وبركاته




نصيحه وبدون مقارنه الكمل وسكا نفس بعض وشغله 100%100 واحسن من الماطور البيوك وشفه عند الزهراني اليبيع جمله ارخص واحد في الغربي بالرياض.


ارجو اني فادتكم

[عروان]

ألكمل أفضل المواطير للهواء.

ما عليه كلام

[الفـهـد]

السلام عليكم ورحمة الله وبركاته

مع التحية للشباب

كم سعره وهل له شنطه يوضع فيها

وهل يثبت في السيارة وتشغيله على البطارية ولا الولاعة


تحياتي:)

[القماري]

الكمل عندي من سنتين وكاده كد وأسبوعيا (صيف وشتاء) وعيني عليه بارده (زي الفل ) على قوله المصريين، وخويي عنده الماني أبو دبه زرقاء وسعره الف ريال وزود (لكنه مايجي صوب الكمل) أنفخ كفرين وهو يفحط في كفر واحد.
شريته قبل سنتين بسعر 350 ريال ويجي منه نوعين أبو لي طويل وصينية والثاني لي قصير (مثل إلي معي) وكلاهما ممتاز وتأتي معه شنطة وأبر لنفخ الكرات وكفرات الدراجات.

[راعي المقناص]

السلام عليكم ورحمة الله وبركاته:
أنا بالنسبة للي عندي أبو جمل توني شاريه قبل شهر ومافيه كلام ماشاء الله أخذته235ريال.

[ولد وايل]

سعره يمكن 280الى 320 ريال سوبر كمل له شنطه بلاستيك مثل البكم القديمه

انا شاريه من الجمله 245ريال بعد ما اخذ رفيقي 300حبه
اذا بغيته يدوم لك خل اللي قصير والسلك طويل اربعه ملي....

[اسير الجراح]

ممكن احد من الشباب يوضع صوره هذا المنفاخ سوبر كمل لئني دورته في الاسواق ولا حصلت شيء بهذا الاسم

[ولد وايل]

له شنطه بلاستيك قويه وله فلتر اسود واللي حقه اصفر
للمراسله ho985@hotmail.com

وانا في الخدمه او ارسال رساله قصيره sms على جوالي
0500667881 لكي اتمكن من الرد عليك

[مفتون صيد]

ياليت يحط له صوره يمكن نعرفه بالشكل بس ........وان كان ما عرفناه ..... تزودونا معرفه

[ولد وايل]

ياشباب.....


الآن منفاخ سوبر كمل بالغرابي بالرياض .....

واحد من الشباب شراه بسعر حلو جدا 180 ريال احسن مني انا وجهي

شريته من واحد اعرفه وصار لاعب علي يقول جملته 245ريال

قدر الله ما شاء فعل.........

تقبل الله منا ومنكم صالح الاعمال

[بدر بريدة]

السلام عليكم ورحمة الله وبركاته
أنا شاري مثل الماطور اللي تقول ب170ريال وكارف أبوه كرف
كل أسبوع والله مافيه أحسن منه

[مُغادر]

السلام عليكم

مثل ما تفضلو الشباب أن أسرع ماطور هواء هو الكمل

ونزول عند رغبة الشباب في وضع صور الماطور ,

فهذه ثلاث صور .

صورة الماطور من الخارج

http://www.mekshat.com/pix/upload/images6/mk8499_PHT10011.jpg


http://www.mekshat.com/pix/upload/images6/mk8499_PHT10012.jpg

http://www.mekshat.com/pix/upload/images6/mk8499_PHT10015.jpg

أتمنى أن أكون قد وفقت في عرض الصور

سامحونا على القصور

[ولد الشايب]

السلام عليكم ورحمة الله وبركاته

أنا جربت منفاخ الكمل بصراحة ممتاز جداً بس اللي بدون لي وله واير طويل للبطارية
يعني ( إذا الكفر فيه 15 ينفخ الأربعه 35 ) بعشر دقائق فقط وموجود في الدمام لأهل
الدمام وياشباب يعتمد أيضاً على البطارية فإذا كانت جديده ينفخ أسرع مما لو كانت قديمه :)

أنا شاري واحد قبل أسبوع 240 ريال

[بركان]

اخوي مغادر
مشكور على هذه الصور التي طال انتظارها.
بس ياليتك صورت الحديدة التي يكتب عليه اسمه ونوعه وتصنيعه.
على العموم ما قصرت والله يرحم والديك بواسع رحمته.

[نمر بن حثلين]

طيب يا شباب فيه كمل يسمونه ( ابو بستمين )

يقولون انه سريع


مدري احد جربه ؟

[ولد وايل]

..
..
..
..
منفاخ سوبر كمل (ابو فلتر) يفرق عن هذا شي بسيط

الساعه على تكون بأخر اللي قريب من الكفر..
..
..
..
..
وسعره ما يقارب 180ريال بالغرابي

تقبل الله منا ومنكم صالح الاعمال

وعظم الله اجركم في الشيخ زايد رحمة الله عليه

[أبو أسامة]

كيفكم يا أخوان أرجوا أن تسمحوا لي بأن أدلو بدلوي في هذا الحديث وأنا لدي خبرة في هذا الموضوع وذلك بعد بحث مضني عن الأصلي لمدة تقارب الشهر :
أنواع السوبر كمل 3:
1_ تقليد وقيمته 200 ريال وتحت إلى 170 وشنطته لونها في الغالب أسود . أكثر الأحيان يكون الفلتر فوق. خرابه سريع جداً مثل الصيني أبو 120 ريال ودفعه للهواء ضعيف جداً . أعان الله من تخسر وشراه .

2_ تقليد وقيمته 240 ريال وتحت إلى 210 وهو الأقرب للأصلي شكلاً وشنطته لونها أخضر في الغالب وأحياناً لونها زي الأصلي بني ودفعه للهواء ضعيف بالنسبة للأصلي . والفتر فيه يكون مع الجنب . أعان الله من تخسر وشراه .

3_ الأصلي وقيمته 290 ريال وتحت إلى 260 كأدنى سعر له ويتميز بأنه مكتوب على البدي له (( أحذروا التقليد )) . ودفعه للهواء قوي جداً وفلتره يكون في كيسه داخل الكرتون وليس محذوف داخل الكرتون بدون كيس . وليه لونه أصفر . والفلتر يكون مع الجنب . بارك الله لمن شراه .

وقد بحثت مع أحد الزملاء من أهل الخبره به عن الأصلي حتى وجدته ولله الحمد . وأخذته بعد مكاسر 260 ريال .

*** ملاحظه : جميعها وكيلها واحد . وشكل الكرتون واحد .:( :confused: :eek: :mad:

[shababi]

الي أعرفه أنه نوعين

الاول سعره 270 سرييع
الثاني نفس شكل الأول لكن حجمه أصغر وسعره 150 فقط

[أبو أسامة]

نعم النوع الأصلي نوعين :
لكن تراني اتكلم عن النوع الكبير بس. أما الصغير ما أعرف عنه إلا إن فيه نوع صغير لكن فيه له مقلد ولا لا . ما أدري عنه .
وكل سنه وأنت طيب

[ولد وايل]

شباااااااااااااااااب بيض الله وجهم بعد الشراء تبين لي ان ابو جمل فااااااااااااااشل


اخذت التيقر من العليان حجم كبير جدا ممتاز