المساعد الشخصي الرقمي

مشاهدة النسخة كاملة : موقف مع صيانة وكالة نيسان الرياض


kjam2006
22/10/2009, 12:27 PM
السلام عليكم ورحمة الله
دخلت سيارتي مورانو بعد العيد للصيانة العامة ولكن تفاجأت اليوم بعد اسبوعين انهم غيرو المقابض الخلفية لفتح المرتبة الخلفية باخري مستهلكة(تشليح)
طبعا هذه المقابض موجودة بالشنطة واكتشفتها اليوم عند المغسلة والسيارة موديل 2006
العاطل عن الأمل
22/10/2009, 01:17 PM
هذا مهو تشليح طال عمرك هذا من الرجيع الي بالوكالات لكن لك الحق ترووح تاخذ حقك واذا رفضوا عندك الغرفه التجاره

فني فاصل من شركه نيسان
GS5
22/10/2009, 02:28 PM
بيقولون لك وين الإثبات ؟
و وشلون عرفت الفرق طيب اخوي
و لو سمحت صوره لأني مافهمت وش تقصد بمقابض المرتبه الخلفيه !!
ابو محمد1991
22/10/2009, 11:20 PM
هذي اطباعهم وابو طبيع مايجوز عن طبعه احسن لك رح وقابل مدير الصيانه والعف سلسبيله وهدده انك تروح وتراسل ادارة جده
النوفي 3535
23/10/2009, 02:29 AM
اخوي انت متاكد لا تحط في ذمتك شي
إذا متاكد راسلني على الخاص
ارسلك رقم مدير الصيانه
تحياتي
ابوسعودد
24/10/2009, 02:28 PM
اتمنى اني اشوف موضوع في مكشات يمتدح اي وكالة من الوكالات سواء نيسان او غيره
shaheenshah
24/10/2009, 03:34 PM
اتمنى اني اشوف موضوع في مكشات يمتدح اي وكالة من الوكالات سواء نيسان او غيره

للاسف يااخوي ابوسعود ماراح تلاقي لان كل الوكالات اللي عندنا فاشله
تركي الرماي
25/10/2009, 06:46 AM
مااقصرو الاخوان
vip-ym
22/11/2009, 04:14 PM
الله يعوضك عساااء بس الموتر زبط معك
سفاري959
23/11/2009, 12:28 AM
البركه في حمايه المستهلك قصدي حمايه التاجر من امن العقوبه اساء الادب هذا حالنا ياالله حظ الاخره بس
PATHFINDR
25/11/2009, 05:05 AM
السلام عليكم

عندي الحل ان شاء الله

شف ياطويل العمرر و اي واحد حصلتله مشاكل مع وكالة الحمراني
هذا اطلق حل انا مجربهـ
رووووووح لم الوكاله وادخل على قسم الصيانهـ عاادي
على طول على مكتب المدير قلهـ بالحررف الواحد عطني رقم المدير الاقليمي لشركة نيسان
يبي يقولك على طوول ايش المشكلهـ الان لك الحرية تسوي فيهم اللي تبيهـ

اسأل مجرب وكل الوكالات والله تبدا تصافق ركبهم
لانه فيها مشاكل كبيرهـ اذا وصلت للمدير الاقليمي ..

>>> أسأل مجرب ولا تسأل طبيب <<< والله يعينكم ....
السنع كله
03/03/2014, 05:27 PM
دائما لا ينصفك الا المدير الاقليمي
ليت كل واحديحتفظ برقم المدير الاقليمي لوكالة سيارته
سيف نجد_
04/03/2014, 12:00 PM
زين انك قلت شكلي ببطل اشتري منهم دام هذا شغلهم!

اهل الذمم براحه!

Sent from my GT-I9505G using Tapatalk
escape_man
04/03/2014, 12:10 PM
NissanME@

حسابهم بتويتر

راسلتهم بكذا شغلة ويردون علي حتى بتوفير قطع الغيار
سيف نجد_
04/03/2014, 01:54 PM
NissanME@

حسابهم بتويتر

راسلتهم بكذا شغلة ويردون علي حتى بتوفير قطع الغيار



يخوف!

شوف المنافس الممتاز للتايوتا هو النيسان خصوصا انه ذكي وعارف ان مصلحته مع الخليج افضل من السوق الامريكي!
والاجمل ان نيسان معطيه الخليج جوه كامل بالموديلات وخصوصا فكرة الاحتفاظ بالباترول السفاري للحين كمنافس للشاص من التايوتا رائعه الفكره بكل ماتعنيه الكلمه وافكر بجديه اقتناء واحد لكن سمعت ان مشكلته انه بطيء في الحركه وكذا (لا نغير الموضوع) لكن للاسف البياعين في العيسى سبايك و وصخين في التعامل رحت لهم مرتين عشان التجربة وفي الاخير طلعوا يطقطقون على راسي وكذب ويعطيك رقم جواله وهو مقفله اصلا وهاتك! غير طبعا اسعار غلط!!!

الي استغربته انهم مشغلين موظفين الحمراني! شركة دمرت النيسان بالمملكة ليه مازال سمها موجود؟ لو شركة نيسان ذكية تسحب عليهم بالكامل وترتاح منهم واتوقع لو النيسان يرجع لمجده السابق صدقوني التايوتا بتبلع لسانها وتطيح اسعارها
اجل راف فور مكينه 4 سلندر (حقت الكامري ) ب101 الف و الباثفايندر الكبير الجميل الاكثر فائده ب 110 الف!!!!!! وسته سلندر طبعا

يا جماعه وين العقل في تسعيرة التايوتا؟؟؟؟؟؟

كله لانه مسيطر على السوق بجميع اطرافه والياباني الوحيد الي شغال مع ان الميتسوبيشي والهوندا والايسوزو انظف منه والنيسان افضل بعد




Sent from my GT-I9505G using Tapatalk
اسدهم
04/03/2014, 06:24 PM
شكلكم ماشفتو تاريخ عام 2009
سيف نجد_
04/03/2014, 10:57 PM
شكلكم ماشفتو تاريخ عام 2009


اسمعنا

Sent from my GT-I9505G using Tapatalk