حليب خلفات في الرياض

[كوكيز]

السلام عليكم

بداية اشكر اخوي دهران وادارة المنتدى على افتتاح قسم للاستفسارات

عندي استفسار لاهل الرياض وين القى محل يبيع حليب خلفات؟ غير الوطنية طبعا ..

شكرا للجميع

[ابولولو]

اخوي كوكيز فيه اول طريق الخرخ قبل التفتيش علي يدك اليمين يبعون الحليب

[الستانس]

طرق الدمام

شارع جابر بن صباح رح يمين

اول دوار رح يسار

ابتل سيييييدا يجونك على اليسار

شايفهم قبل 3-4 شهور

[كوكيز]

ابولولو والستانس ...

مشكوررررررررررين وماقصرتوا وان شاء الله باروح للي في شارع جابر لانه اقرب للبيت من الي في طريق الخرج ...

[escape_man]

حق الوطنية عندي انه اضل من ناحية صحية

هالي بالخطوط ماتدري وشيعطونها ولا بها مرض

[قناص خلاوي]

نصيحة اخوي
جنب حقين الخطوط
اعرف رجال ماهوب راعي حليب ولا يشربه
لكنه مر مع ربع له على حقين هالشبوك ولزموا عليه يشرب
والرجال صابته مالطية وبغى يروح فيها لكن الله ستر عليه
إن كانك مغرم بحليب الخلفات شف لك من الرجال النشاما اللي عندهم خلفات واصطبح واغتبق عندهم أو حط لك خلفة واحتلبها وتونس عندها وجنب حقين هالشبوك لا كثرهم الله ..

[كوكيز]

مهب محل اللي في شارع جابر؟ لا يصير الوصف للشبوك الي في الجنادرية :) افا ياذا العلم النحشة مابيهم ..

قناص خلاوي والدوسري بن غييثات شكرا لمروركم ولنصائحكم

[الستانس]

ههههههههههه
إلا حقين شبوك

طيب فيه محل في حي الملك فهد شفت عنده حليب خلفات بس مدري وش ماركتها
وطنيه ميب وطنيه مدري
والكلام هذا له حوالي 5 سنين ومدري هو لازال يبيع او لا
ولكن اذكر اني شريت من عنده لبن العتش حول السنتين
والمحل لا زال موجود وفاتح
وغذا رحت حي الملك فهد خل سوق الإتصالات (المرسلات) خلفك والدانوب يسارك وابتل سيده
لين يجي قدامك فيه محلين خضار هو اللي على اليمين
والظاهر اسمه منتجات القصيم
انشاء الله اني افدتك

[كوكيز]

الله يعطيك العافية والمحل ابروح له ان شاء الله من بكرة الصباح :)