وش كلمة فيها المعاني عديده ( جديد )---------------اللغز حله الشيخ مسكين

[ابو ماجد 2]

بسم الله الرحمن الرحيم


السلام عليكم ورحمة الله وبركاته

وش كلمة فيها المعاني عديده =بنتٍ لها بين الشتايت طواري
الأوله عن نجد دايم بعيده=لا بالسماء تطري ولا بالبراري
والثانيه في نجد ديره رغيده =والثالثه بالنفس الها مواري
والرابعه لا لي ولا لك اريده =وقت الزعل دايم بها العرف جاري
والخامسه لينٍ ونوبٍ شديده=يحلها من هو على العسر ضاري
والسادسه بنت خبرته عنيده =منطوقها مع راعي مهنه تباري
والسابعه بيدِك وبيدي وريده=به حسبةٍ في ليل او في نهاري
والثامنه ماغير اذنك تصيده=في محكم التنزيل للبنت قاري




تحيتي وتقديري لجميع الزملاء


ابو ماجد :منتديات مكشات

[ياعين ابوي]

صح السآنك أخوي : أبو ماجد ؛؛

تقصد عنيزه ؛؛ الديره الي بنجد ويقآل أنها باريس نجد؛

[ابو اسامه 2]

وعليكم السلام ورحمة الله وبركاته

ما شاء الله تبارك الله

الله يزيدك من فضله

تصدق عاد يا ابو ماجد

لو انا صاحب الموقع كان اعطيك في الشهر عشرين الف راتب

وعلى كل لغز خمسمائة ريال

بالاضافه الى بيت ملك وسيارة وكشف دوري على النظر

ومساج كل يوم جمعه من كل اسبوع بعد طرح قصة الشيخ مسكين الاسبوعية مباشرةً

ودورة تدربية في الحاسب كل شهر

**والله تستاهل يا ابو ماجد **


رمعه
وش رايك في اسماء ومعاني الاسبوع عند العرب قديماً


السبت _ (شيار)
الاحد _ (اول )
الاثنين _ (اهون)
الثلاثاء _ (جبار )
الاربعاء _ (دبار )
الخميس _ (مؤنس)
الجمعه _ (عروبه)


تحياتي

[ابو ماجد 2]

صح السآنك أخوي : أبو ماجد ؛؛

تقصد عنيزه ؛؛ الديره الي بنجد ويقآل أنها باريس نجد؛

صح بدنك
ودي اقو ل صح لسانك على شانك جبتي طاري عنيزه ( متعصب ) ههههههههه
ولكن مالك لوى
وجميع الثمان باسم واحد ولكن يختلف النسب فيها كقولنا قلم حبر قلم رصاص ...الخ
انتظر مرماعك القادم

[ابو ماجد 2]

وعليكم السلام ورحمة الله وبركاته




ما شاء الله تبارك الله


الله يزيدك من فضله


تصدق عاد يا ابو ماجد


لو انا صاحب الموقع كان اعطيك في الشهر عشرين الف راتب


وعلى كل لغز خمسمائة ريال


بالاضافه الى بيت ملك وسيارة وكشف دوري على النظر


ومساج كل يوم جمعه من كل اسبوع بعد طرح قصة الشيخ مسكين الاسبوعية مباشرةً


ودورة تدربية في الحاسب كل شهر


**والله تستاهل يا ابو ماجد **



رمعه
وش رايك في اسماء ومعاني الاسبوع عند العرب قديماً


السبت _ (شيار)
الاحد _ (اول )
الاثنين _ (اهون)
الثلاثاء _ (جبار )
الاربعاء _ (دبار )
الخميس _ (مؤنس)
الجمعه _ (عروبه)



تحياتي


الله يرضى عليك ياابو اسامه وتكفينا طال عمرك هاللمة المباركه والتواصل مع شرواك تسوى عندنا الشيء الكثير
بالنسبه للمرماع مالك لوى وارجع يالغالي الى ردي على ياعين ابوي

[قلب العنا]

حى الله ابو ماجد وصح لسانك الرمعه الشرقيه ,,,,, والمدن التابعه لها

[ابو ماجد 2]

حى الله ابو ماجد وصح لسانك الرمعه الشرقيه ,,,,, والمدن التابعه لها

حياك يالغالي
وصح بدنك
والرمعه مالك لوى
تحيتي لك وتقديري

[ابو ماجد 2]

الاخوة الافاضل
اخوي مسير يبلغكم السلام ويشكوا من ضعف الاتصال وانقطاعه وقد رمع الساعه
الساعه المعروفه
الساعه وفيها قيام الساعه
ساعة الصفر ويعبر فيها بالبدايات
ساعة السيكل وهي التي بالكفر الخلفي ويحركها الجنزير وهذي من عندي واعتقد مسير ماذكرها
الرمعه على هالمنوال ولكن ماصاد الحل
اوردت الرمعه على امل ان فيها تمهيد للحل

[ابو اسامه 2]

وش رايك لو قلنا البنت هي عقله

مثال عقلة الصقور وعقلة الصقور من نجد

ونمشي على هذا المنوال

[ابو ماجد 2]

وش رايك لو قلنا البنت هي عقله



مثال عقلة الصقور وعقلة الصقور من نجد


ونمشي على هذا المنوال




مالك لوى يابو اسامه
وانتظر مرماعك القادم وهاللغز فيه شيء لكم ياهل البحر
الاوله عن نجد دايم بعيده......لابالسماء تطري ولا بالبراري

[ياعين ابوي]

ماشاءالله عليك أخوي ؛؛ لغزك متشعب وماقدرت أصيد فيه شيء؛؛ أبرمعه هالرمعه وأبخلي السآحه وأتفرج ... وش رآيك ب كلمة حائر ؛؛

[ابو ماجد 2]

ماشاءالله عليك أخوي ؛؛ لغزك متشعب وماقدرت أصيد فيه شيء؛؛ أبرمعه هالرمعه وأبخلي السآحه وأتفرج ... وش رآيك ب كلمة حائر ؛؛

مرحبا فيك وهاللغز لو تمسكين الكلمه سيتفكك جميع طلاسمه او معظمها
حائر مالك لوى
وانتظر منك مرماع قادم

[قلب العنا]

وش تقول ب الجزيره واكيد بعدها الطلاسم

[ابو ماجد 2]

وش تقول ب الجزيره واكيد بعدها الطلاسم

هلا بك يالغالي
والجزيرة مالك لوى
تحيتي لك وتقديري

[مشعل العيسى]

اخوي ابو ماجد ..

تحية عطرة

محاولة سريعة وش رأيك بــ "البحرين "

[ابو ماجد 2]

اخوي ابو ماجد ..

تحية عطرة

محاولة سريعة وش رأيك بــ "البحرين "

هلا بك اخوي مشعل
شرفتنا بمرورك
البحرين مالك لوى يالغالي
انتظر مرماع قادم

[مشعل العيسى]

أبو ماجد ....

محاولة اخيره ... وش رايك "بالسفينة"

[ابو ماجد 2]

ابو ماجد ...

محاولة اخيره ... وش رأيك "بالسفينة "

هلا بك اخوي مشعل
مالك لوى يالغالي
ونتمنى التشرف بتواصلك في الغد
وتصبح على خير

[مشعل العيسى]

وأنت من اهل الخير ... والمعذرة اتعبناك معنا

[صقر الوشم]

صح لسانك اخوي ابوماجد وعندي رمعه وهي (العيون) مثل على ذلك مدينه عيون الجواء

[ابوسعودد]

صح لسانك يابوماجد هاللغز ولا راح اقول عنك انك مبدع ولكن راح اقول ان الابداع هو جزء من ابوماجد
والحل هو القطن ولا غير القطن حل

[النداوي HZ2AF]

السلام عليكم ورحمة الله وبركاته


رمعة على السريع

‏‏{‏ما قطعتم من لينة أو تركتموها قائمة على
أصولها فبإذن الله وليخزي الفاسقين‏}.


أخوك النداوي

[يوسف الخليفة1]

بارك الله فيك أخي العزيز أبو ماجد وما تقول في ( ساعة ) كالتالي


الأولى : ساعة بق بن


الثانية : ساعة عنيزة


الثالثة : ساعة الاختيار


الرابعة : ساعة الفراق


الخامسة : ساعة التفكير


السادسة : ساعة التوقيت


السابعة : ساعة اليد


الثامنة : ساعة الاحتضار


وحياك الله أخي الفاضل والشكر الجزيل

[ابو ماجد 2]

وأنت من اهل الخير ... والمعذرة اتعبناك معنا

بالعكس يالغالي يشرفني التواصل معك ومع الزملاء

[ابو ماجد 2]

صح لسانك اخوي ابوماجد وعندي رمعه وهي (العيون) مثل على ذلك مدينه عيون الجواء

هلا بك اخوي صقر
صح بدنك ومالك لوى يالغالي

[ابو ماجد 2]

صح لسانك يابوماجد هاللغز ولا راح اقول عنك انك مبدع ولكن راح اقول ان الابداع هو جزء من ابوماجد
والحل هو القطن ولا غير القطن حل

الله يرضي وانا يكفيني اذا نلت رضاكم بما اقدمه
قطن مالك لوى
انتظر مرماع قادم

[ابو ماجد 2]

السلام عليكم ورحمة الله وبركاته




رمعة على السريع


‏‏{‏ما قطعتم من لينة أو تركتموها قائمة على
أصولها فبإذن الله وليخزي الفاسقين‏}.




أخوك النداوي



وعليكم السلام ورحمة الله وبركاته
الحمدالله على السلامه لنا مدة مفتقدينك ومثلك ينفقد يالغالي
لينه مالك لوى
انتظر مرماع قادم

[فهد الهلالي]

ابو ماجد الله يصبحك بالخير وخذ هالرمعه الذباحه
الأوله عـن نجـد دايـم بعيـده
العقد البحريه
والثانيه في نجـد ديـره رغيـده
عقدة حايل
والثالثه بالنفـس الهـا مـواري
العقده النفسيه
والرابعه لا لـي ولا لـك اريـده
عقده الكلام


والخامسه ليـنٍ ونـوبٍ شديـده
عقدة الحبل
والسادسه بنت خبرتـه عنيـده

عقدة النجار
والسابعه بيدِك وبيـدي وريـده
عقدة الاصبع
وفيه حساب التهليل والتسبيح
والثامنه ماغيـر اذنـك تصيـده
الايه
ربي احلل عقدة من لساني
تحياتي لك يابو ماجد قل تم تم تم

[ابو ماجد 2]

بارك الله فيك أخي العزيز أبو ماجد وما تقول في ( ساعة ) كالتالي




الأولى : ساعة بق بن


الثانية : ساعة عنيزة


الثالثة : ساعة الاختيار


الرابعة : ساعة الفراق


الخامسة : ساعة التفكير


السادسة : ساعة التوقيت


السابعة : ساعة اليد


الثامنة : ساعة الاحتضار



وحياك الله أخي الفاضل والشكر الجزيل


أخوي يوسف اولاً انا سعيد جداً بتواصلك معنا الفترة الاخيره فمثلك مكسب ومثلك ننهل من لغته الراقيه بالشعر
ناهيك عن رمعاتك والغازك
ساعه مالك لوى يالغالي واذا مانحل اللغزستجد ان الحل مطابق اكثر
وساعة عنيزه لو قرأ رمعتك واحد من زملائنا وهو ليس من عنيزه ولكن يقول غثيتونا بهالساعه كل ماطلبت وصف ( خل الساعه خلفك ) ( خل الساعه عن يمينك ) .......الخ
تحيتي لك وتقديري وانتظر مرماعك القادم

[ابو ماجد 2]

ابو ماجد الله يصبحك بالخير وخذ هالرمعه الذباحه

الأوله عـن نجـد دايـم بعيـده
العقد البحريه
والثانيه في نجـد ديـره رغيـده
عقدة حايل
والثالثه بالنفـس الهـا مـواري
العقده النفسيه
والرابعه لا لـي ولا لـك اريـده
عقده الكلام



والخامسه ليـنٍ ونـوبٍ شديـده
عقدة الحبل
والسادسه بنت خبرتـه عنيـده


عقدة النجار
والسابعه بيدِك وبيـدي وريـده
عقدة الاصبع
وفيه حساب التهليل والتسبيح
والثامنه ماغيـر اذنـك تصيـده
الايه
ربي احلل عقدة من لساني
تحياتي لك يابو ماجد قل تم تم تم









تم تم تم يالغالي
صح لسانك مليارات
ماشاء الله عليك يابو محمد كفو
بيض الله وجهك
حتى بالشرح يالغالي ماقصرت
ولكن الرابعه هي عقدة الحجاج اثناء الزعل
تحيتي لك وتقديري

[فهد الهلالي]

هلا بك يبو ماجد وصح السانك يابو ماجد
بالصحيح هي الخامسه كما اعتقد عجزت اجيبها حقت الزعل
بس قلت هي حولها وابغى ارسل وانا ماني مقتنع منها
ولم يطري على بالي عقدة الحجاج
وعقده السان وعقدة الكلام مثل بعض بس علشان الارسال
لاني اعرف كلمة عقد الحجاج ولم يكن عقدة الحجاج مثل عقد فلان حجاجه
هذا اللي ابعدني
تحياتي

[dughiman]

صح لسانك يا بو ماجد على هاللغز....وكفو والله شيخنا على ذبحه وما شاء الله عليك الله لا يضرك
والحل والله ما يطري علي ولا بعد مية سنة

[ابو ماجد 2]

صح لسانك يا بو ماجد على هاللغز....وكفو والله شيخنا على ذبحه وما شاء الله عليك الله لا يضرك
والحل والله ما يطري علي ولا بعد مية سنة

صح بدنك يالغالي والشيخ ماقصر والرمعه يقولون تحضر وتغيب وانت حليت ماشاء الله عليك الغاز صعبه والمنتدى يشهد
بارك الله فيك

[مسيرs]

السلام عليكم ورحمة الله وبركاته
ياسلام لغز عملاق من عملاق لله درك
والله يسعدك ياصقر الالغاز يكفيك ياابو محمد حلك هذا سنة كامله لو ماتحل أي لغز مااحد يلحقك سبقك هذا.
أسأل الله سبحانه أن يحفظكم من كل مكروه
زادكم الله من فضله

بعدين ياابو ماجد ترى باقي المدن لها حق عليك لازم تجهز لها مايليق بها من الجنوب للشمال ومن الشرق للغرب

[وضح النقى]

ما شاء الله تبارك الله لا قوة إلا بالله

[يوسف الخليفة1]

صح لسانك أخي الفاضل أبو ماجد وصح لسان الأخ الشيخ مسكين والشكر الجزيل

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي بو ماجد على اللغز المثير
وسلم فكرك اخوي الشيخ المسكين على الذبحه
ماقول الا الله يوافقكم ويحميكم من كل شر..

[ابو ماجد 2]

السلام عليكم ورحمة الله وبركاته
ياسلام لغز عملاق من عملاق لله درك
والله يسعدك ياصقر الالغاز يكفيك ياابو محمد حلك هذا سنة كامله لو ماتحل أي لغز مااحد يلحقك سبقك هذا.
أسأل الله سبحانه أن يحفظكم من كل مكروه
زادكم الله من فضله

بعدين ياابو ماجد ترى باقي المدن لها حق عليك لازم تجهز لها مايليق بها من الجنوب للشمال ومن الشرق للغرب

وانت عملاق بتعاملك بكلماتك الطيبه
وبارك الله فيك ولا حرمك مما دعوت لنا فيه
ابشر يالغالي واللغز احياناً هو يفرض عليك وتنساق مجبر عليه

[ابو ماجد 2]

ما شاء الله تبارك الله لا قوة إلا بالله

هلا بك يالغالي
وكنت والله يالغلا ابسأل عنك والحمدالله على السلامه
مرورك اسعدني ومثلك لانتحمل غيابه
تحيتي لك وتقديري

[ابو ماجد 2]

صح لسانك أخي الفاضل أبو ماجد وصح لسان الأخ الشيخ مسكين والشكر الجزيل


صح بدنك يالغالي
وجزاك الله خير على المرور
تحيتي لك وتقديري

[ابو ماجد 2]

السلام عليكم ورحمة الله وبركاته
اسعد الله اوقاتكم بكل خير
صح السانك اخوي بو ماجد على اللغز المثير
وسلم فكرك اخوي الشيخ المسكين على الذبحه
ماقول الا الله يوافقكم ويحميكم من كل شر..

وعليكم السلام ورحمة الله وبركاته
صح بدنك والف شكر لكلمات التشجيع
بارك الله فيك ووفقك الى مرضاته
تحيتي لك وتقديري