يآ أصحاب الخبره ..!

[ابو اجاجه]

السلام عليكم ..




ياجماعه انا شريت لي طير وحش قرناس وله شهر عندي وكل يوم يآكل حمامه كامله ..

وكل ما افك برقعه القاه نفس الشي ماهدأ وتكسر ريشه ..

هذي اول مره اقني طير وبحاجة اصحاب الخبره ..

اشلون اخلي الطير هادي .. وأروضه ..

سلام .

[فارس طيء]

اقصر عشاه تدريجيا وكثر النقله الين ينقز على الدس وعليك بغرفه مظلمه بالبدايه وعقب زيد نسبة الاضاءة تدريجيا وبيالف عليك باذن الله

ودور بالمواضيع القديمه فيها التفاصيل كامله

وتاكل من صيده يا حيي

تحياتي

[قرناس شماالي]

عطاك المعلومه السنعه

[جو الشيخ]

السلام عليكم ..




ياجماعه انا شريت لي طير وحش قرناس وله شهر عندي وكل يوم يآكل حمامه كامله ..

وكل ما افك برقعه القاه نفس الشي ماهدأ وتكسر ريشه ..

هذي اول مره اقني طير وبحاجة اصحاب الخبره ..

اشلون اخلي الطير هادي .. وأروضه ..

سلام .



البدايه بقرناس وحش الله يعينك

[ابو اجاجه]

الله يعطيكم العافيه ..

وصلت المعلومه ياحيي

[القنـاص2008]

الله يعقله لك

[ابـــًًو تركـــًي]

اخوي اذا انت مبتدىء خذلك جبلية او وكريه ازينلك اما قرناس وحش ولا احد مسويها وهو مبتدء وكريه زينة اسفسن على الا طالة

[ابو امنه]

اخوي عليك بالمواضيع المثبتة
وبالتوفيق

[نهار قطر]

الاخوان ماقصرو ونصيحه يجب عليك اتمارس الهوايه مع واحد صقار متمرس وتعلم منه بشكل نظري وعملي في نفس الوقت


تقبل مروري /نهار قطــر

[الذيب555]

قرناس الهوا (الخلوي) صقارته اصعب من من الفرخ وصعب انه يرب ويركد بسرعه
مثل ماقالولك الاخوان عليك بنقل الطير على يدك قد ماتقدر واقصر عليه العيشه وعقب ماتعشيه لتبرقعه وتخليه, خله على يدك
الله يوفقك وتاكل من صيده انشالله

[راعي مينون]

الشباب ما قصرو بس بقيت اوضح لك اكثر..
عطه طبيج(نصف صدر حمامه ) وخله ياكل على ايدك وكل يوم خلك على هل حاله مع الايام بتلاحض تغير في الطير بتجوفه ركد شوي وبل اضافه على هذا حاول اتشيله وخله يكافخ وكل ما يوقف عن المكافخ رش عليه ماء وانشاله بيركد بس انتبه على الريش لا ينكسر والمكسور وسره (عالج ريشه) لان كل ريشه مكسوره تكسر الي بعدها
وبتوفيق انشاء الله

[a1Ruwais]

الاخوان ماقصرو

[الحوت_قطر]

الجرناس الخلوي اذا ما شله صقار متمرس تراه هو اللي يصقر الرجال اللي كل يوم ياكل حمامه على المضمون لازم تقصر عليه وتجوعه لين يبداء ياكل من الدس واذا ما اكل لاتعطيه شي لازم تذله على شان يطيعك والذل انك تقصر عليه لين يتجاوب معك يمكن يتم يومين ما ياكل شي ولا عليك منه بس اسقه ماء علشان ما يصيده جفاف ولا ايطول اسبوع بعد ما عليك منه بالاخص اذا كان حر خله يا تصقره ولا يصقرك
وهاذا انا اللي اعرفه والربع يعرفونه ومجرب لايكسر خاطرك وتقول ما كل شي اليوم

[راعى شاهين]

اخوى انت راعى طويله اولا لاتعطى الطير اكل لمده ثلاث ايام مع النقل او اربع حتى يطيح راس الطير ثم تضع ثندوه مع الجناح على يدك والطير شايله على كفك اذا اكل والا صك البرقع براسه لين ياكل على يدك مع النقل طبعن سو الطريقه هذى وانا معك على الخاص اول باول

[NAWAFQ8]

السلام عليكم ورحمة الله وبركاته
الله يعينك عليه
كثر ماتقدر انقل الطير على يدك وحتى لو كافخ لاتلبسه البرقع خله يكافخ لين يفحم من كيفه ويركد
ولاشفته فحم رش عليه ماء وخلك على الحال هاذا وان شاء الله يبي يطيح الي براسه
وبالليل خله على لجة التلفزيون يدوخه وبرقعه عليه