سلقتي السبيكه:(

[خطّاف الأدهم]

السلام عليكم ورحمة الله وبركاته

أعزائي أعضاء مكشات المحترمين

أحتاج خبرتكم قبل أن ينفذ صبري وأترك سلقتي في سبيلها

أنا الله يسلمكم مغرم في السلقان ويفز قلبي اذا جابوا طاريها المهم

جاء واحد من العيال الله يجزاه خير وأهداء لي سلوقي طيب

أبوه فايز في مهرجانات وأمه كذلك يعني سلالته ممتازه

وعمره 5شهور يعني زينة التدريب,,ولكن مشكلته في جروح وتقرحات في جلده

وألاحضه دايم يرفع رجل ويطمن رجل

أخذته معي ووش حليله صحيح أنه ما تدرب نهائياً لكنه حبوب وعلى نياته<<خكري:)

الزبده يالربع جيت اليوم الصبح وديته لحدى البران أبي أدربه

طبعاً أخذت طرق كثييييييييره لتدريب السلق وصرت مستعد نفسياً وأبي أصبر عليها

فلما بديت في التدريب ربع ساعه نص ساعه ما فيييييه ولا نص إستجابه مع التدريب

والله يالربع أني حسيت أنها عنز مهيب سلقه:d

قلت خلني أداوي جروحها بنفسي وأرش عليها بخاخ ماخذه من البيطري حق الجروح

زعللللللت علي وصارت شديييييييده وقامت تصارخ انا داري أنه يسبب لها ألم

أنحاشت السلقه قمت أطردها أطردها أطردها لين مسكتها يوم مسكتها والله أن كأنها حيوان مفترس وقفت على رجليها وقامت تصااااارخ وتنابح وانا شديد عليها
أهاوش منا منا عقب الشقاء ركبت الصندوق
يوم وصلت للبيت هدت أعصابها وركدت

إلي غابني في هالسالفه كلها أن السلقه ما تستجييييييب أبداً
قلت لعل فيه خلل في تربيتي لها ولازم أشاور الخبراء في مكشات
أفيدوني بارك الله فيكم وعذراً على طول الموضوع

[@قرناص@]

حيآك الله ,,

قبل لاتطلعبها كان بديت تدربها في البيت ..

والاخوان يفيدونك اكثر ان شاء الله والتدريب يجتاج صبر وسنها مناسب وانتبه لاتضربها والا تخوفها بعدها تترك وتصير تخاف منك ,,

[خطّاف الأدهم]

ما أهقى فيه فرق بين البيت والبر
واذا كان على النحشه معليك أخوك في الله هدد:)

[ابوعيدالدوسري]

اخوي اول شي عالج السلقة من الجروح وفية بخاخ مضاد حيوي ازرق لونة. داوي الكلب بالاول لما يشفى مرة بعدين فكر انك تدربة.

وياليتك تقول لي طرق التدريب الي استخدمتها للكب.

[@قرناص@]

ما أهقى فيه فرق بين البيت والبر
واذا كان على النحشه معليك أخوك في الله هدد:)



فيه فرق يآخوي ولايقـآرن ..!!

نصيحتي لك درب سلقتك في الحوش على خفيف تناديها وتجيك وتفك لها جربوع تطارده وكذا حتى تكون حاره وبعدها اطلع للبر وتشوف الفرق بعينك ..

وبالتوفيق

[نعناع الجبل]

الحلم زين والصبرطيب ولاحرمنا توجيه اخوي قرناص

[الفهد الصبيحي]

طيب ياخي انت مخطي تروح بكلبله للبر ونت ماتدري هي شرود هي عقور يعني منت داري عنها وبعدين خليها تكبر اشوي وتوالفك ودربها اشوي اشوي
وشكرااااااااااان

[خطّاف الأدهم]

والله أنكم أحرجتوني يا أهل مكشات
إخلااااااص في مساعدة الآخرين
ووالله أنه ينشد فيكم الضهر الله يبارك فيكم
ويجزاكم الجنه

وبالنسبه للناس إلي سألوني عن طرق التدريب إلي أتبعها
انا ما علمتها إلا تدريب واحد إلي هو الجلوس
أحط يدي على مؤخرتها وأخفضها أورفع رقبتها فوق
وأقول كلمة(خطّاف أجلس)وأكررها عليه
طبعاًُ خطّاف أسم السلوقي
والسلوقي معطيني ركبه بس الضاهر أن فيه سببين أقتبستها من كلام الأخوان إلي قبلي
أول شي الجروح ثاني شي الإستنكار
لأني فترتي معاها ما وصلت يوم واحد
فيحق لها تستنكرني
مشكورين وما قصرتوا يالنشاما
وإلي عنده أي إضافه لا يبخل علينا تكفون تراي أسبك من السلوقي في التدريب:)

[خطّاف الأدهم]

طيب يالربع السلوقي عادي يكون وحيد
ولا لازم أجيب له سلق ثانين
أحس السلوقي إلي عندي مستاحش وكاش مني بالله يالربع إذا فيه مواضيع للمبتدئين في تدريب السلق يا ليت تنزلونها هنا
ومشكورين

[ياااااهووووهه]

ياااخووو ي شف انااا كاان عندي سلووقي مثل حقك يكوووش علي ويناابح علي بس شف جوعه جوعه مره وبعدين جبله عظاام وشهه وعطه على حبه حبه لين يضبط مع الاياام

[قرناس شماالي]

اخوي الصبر زين واخوي@قرناص@مقصر عطاك العلم

[ذيب عتيبه]

السلام عليكم ورحمه الله وبركآته



حياك الله اولا اخوي وبشرنا عنك .. عساك بخير ان شاء الله ...


اضحك الله سنك والله اني اقرى الموضوع واضحك مدري هو من طريقه كتابتك للموضوع او من معاناتك :D



اولا انت ماقضبتنا علم ... هي الحين سلقه والا ذيخ ؟؟ ..؟ ؟


حط في بالك الذيخ صعب نوعا ما من السلقه


بسم الله


اول شي ابيك تضبط لك براد وتريح وتركز في ردي


تقول توه جايك.. تمام .. خمس ايام طال عمرك كل عصير وانت عنده تمسح عليه وتجلسه جنبك وتوكله من يدك


وتلاعبه


باليوم السادس قرب البخاخ الازرق .. واربط السلوقي في اقرب شي عندك ماصوره والا شجره .. وبخ على كل الجروح ولاتفكه لين يهدى ويريح


ثم خله كم يوم لين تخف جروحه .. بعد كم يوم جب لك حنا ... واخلطه مع عصير ليمون .. وحن السلوقي كل جسمه لين يغدي أحمر :D

اليا منك شفت جروحه تشافت وتعافت .. يبيله حول الاسبوع الى الاسبوع ونص


ليا منها تشافت طال عمرك وشفت السلوقي يلعب علمه على ركوب الموتر وهذي سبق الشرح لها في كم موضوع وان بغيت الشرح لايهمك


ثم عاد عقب الركوب تكون انتهيت من اصعب مشكله ... يبقى عاد الصيد وهذا الاهم .. على كلامك تقول ان امه وابوه طيبات .. وهذا اهم شي فالسلوقي .. تبدا تآخذه لأقرب مكان فيه جرابيع .. فالليل .. وتوريه الجربوع وتنزله تخليه يطرده .. وتصيح له وتشجعه .. وليا منه طرحه تحول وتشيله من فمه وتمسح على راسه وتشجعه مثل شاطر شاطر خطاف شاطر




وعلى هالمنوال

والعذر والسموحه على الاطااله وان بغيت شي طال عمرك 0551666910 عطني اتصال والله يوفقنا واياك

[خطّاف الأدهم]

السلام عليكم ورحمه الله وبركآته



حياك الله اولا اخوي وبشرنا عنك .. عساك بخير ان شاء الله ...


اضحك الله سنك والله اني اقرى الموضوع واضحك مدري هو من طريقه كتابتك للموضوع او من معاناتك :D



اولا انت ماقضبتنا علم ... هي الحين سلقه والا ذيخ ؟؟ ..؟ ؟


حط في بالك الذيخ صعب نوعا ما من السلقه


بسم الله


اول شي ابيك تضبط لك براد وتريح وتركز في ردي


تقول توه جايك.. تمام .. خمس ايام طال عمرك كل عصير وانت عنده تمسح عليه وتجلسه جنبك وتوكله من يدك


وتلاعبه


باليوم السادس قرب البخاخ الازرق .. واربط السلوقي في اقرب شي عندك ماصوره والا شجره .. وبخ على كل الجروح ولاتفكه لين يهدى ويريح


ثم خله كم يوم لين تخف جروحه .. بعد كم يوم جب لك حنا ... واخلطه مع عصير ليمون .. وحن السلوقي كل جسمه لين يغدي أحمر :D

اليا منك شفت جروحه تشافت وتعافت .. يبيله حول الاسبوع الى الاسبوع ونص


ليا منها تشافت طال عمرك وشفت السلوقي يلعب علمه على ركوب الموتر وهذي سبق الشرح لها في كم موضوع وان بغيت الشرح لايهمك


ثم عاد عقب الركوب تكون انتهيت من اصعب مشكله ... يبقى عاد الصيد وهذا الاهم .. على كلامك تقول ان امه وابوه طيبات .. وهذا اهم شي فالسلوقي .. تبدا تآخذه لأقرب مكان فيه جرابيع .. فالليل .. وتوريه الجربوع وتنزله تخليه يطرده .. وتصيح له وتشجعه .. وليا منه طرحه تحول وتشيله من فمه وتمسح على راسه وتشجعه مثل شاطر شاطر خطاف شاطر




وعلى هالمنوال

والعذر والسموحه على الاطااله وان بغيت شي طال عمرك 0551666910 عطني اتصال والله يوفقنا واياك



قل آمين يا ذيبنا,,يا جعل ربي يبرد على قلبك بالجنه مثل ما بردت قلبي بردك الوافي
وفيت وكفيت الله يعطيك العافيه يالحبيب
وبالنسبه للسلوقي بصراحه وان كان تبون الحق أكثر مصطلحات الصيد ما أدري وش معناها
أتوقع أنك تقصد بالذيخ يعني ذكر:D
طبعاً هو ذكر وسلوقي أصيل
وبالنسبه لطريقتك ان شاء الله أطبقها من اليوم وعسى الله يكتب له الشفاء العاجل

مدري كيف أشكرك يا ذيب عتيبه ولا يهونون الربع إلي ردوا لكن ما لكم إلا من يدعي لكم من قلب صادق
ولا هنتوا

[ادهم الطحاوى]

والله يا اخوى كل اللى كنت عايز اقوله الاخوان قالوه الك والصبر طيب اصبر عليه ......تقبل مرورى

[ابوعيدالدوسري]

السلام عليكم ورحمه الله وبركآته



حياك الله اولا اخوي وبشرنا عنك .. عساك بخير ان شاء الله ...


اضحك الله سنك والله اني اقرى الموضوع واضحك مدري هو من طريقه كتابتك للموضوع او من معاناتك :D



اولا انت ماقضبتنا علم ... هي الحين سلقه والا ذيخ ؟؟ ..؟ ؟


حط في بالك الذيخ صعب نوعا ما من السلقه


بسم الله


اول شي ابيك تضبط لك براد وتريح وتركز في ردي


تقول توه جايك.. تمام .. خمس ايام طال عمرك كل عصير وانت عنده تمسح عليه وتجلسه جنبك وتوكله من يدك


وتلاعبه


باليوم السادس قرب البخاخ الازرق .. واربط السلوقي في اقرب شي عندك ماصوره والا شجره .. وبخ على كل الجروح ولاتفكه لين يهدى ويريح


ثم خله كم يوم لين تخف جروحه .. بعد كم يوم جب لك حنا ... واخلطه مع عصير ليمون .. وحن السلوقي كل جسمه لين يغدي أحمر :D

اليا منك شفت جروحه تشافت وتعافت .. يبيله حول الاسبوع الى الاسبوع ونص


ليا منها تشافت طال عمرك وشفت السلوقي يلعب علمه على ركوب الموتر وهذي سبق الشرح لها في كم موضوع وان بغيت الشرح لايهمك


ثم عاد عقب الركوب تكون انتهيت من اصعب مشكله ... يبقى عاد الصيد وهذا الاهم .. على كلامك تقول ان امه وابوه طيبات .. وهذا اهم شي فالسلوقي .. تبدا تآخذه لأقرب مكان فيه جرابيع .. فالليل .. وتوريه الجربوع وتنزله تخليه يطرده .. وتصيح له وتشجعه .. وليا منه طرحه تحول وتشيله من فمه وتمسح على راسه وتشجعه مثل شاطر شاطر خطاف شاطر




وعلى هالمنوال

والعذر والسموحه على الاطااله وان بغيت شي طال عمرك 0551666910 عطني اتصال والله يوفقنا واياك


انا معك في كل كلمة قلتها الى لحظة الشفاء.
بعدين اختلف معك شوي.

اذا تشافى الكلب اخوي وزانت صحتة عليك ترجع لتدريبك الي كنت تدربة وهو الجلوس.
يعني اذا انت تدرب الكلب احرص انه يكون جايع ماكلا شي وخل معك عظام دجاج ولا شي يحبه الكلب ولاحظت انه يفضله في الاكل.
لاتعطي الكلب وخل الاكل في يدك ويشوفه الكلب طبعا اكل خفيف وقطع صغيره لاتكبر له اللقمه.

جلس الكلب بيدك وامش على نفس طريقتك واول مايجلس عطه اكل. وامسح عليه حسسه انك مبسوط منه.
طبعا ماراح يفهم انك تبيه يجلس من اول مره ولا اطلق كلب راح يفهمها.
كرر العمليه مرتين ثلاث اربع وفي كل مره اول مايجلس عطه قطعه.
طبعا بيصير استوعب شوي وفي المره الخامسه او السادسه لا تلمس مؤخرت الكلب وخله يجلس على امر تقوله مثلا ياخطاف اجلس واذا جلس خلااااااااص انزاح هم كبير وعطه كل الاكل الي معك خله يشبع. ولا عاد تقول له اجلس اليوم ابد.
تعال اليوم الثاني والكلب جالس وسو نفس الطريقه اول مره ماراح يجلس بس ثاني مره راح يجلس ميه بالميه لانه بيتذكر كلامك له امس.
واذا جلس لاتعطيه الاكل كله لا عطه لقمه وحده وكرر له اجلس ثم لقمه واجلس ثم لقمه الين ماتحس انه خلاص عرف الامر وجلس.
تصير خلصت من امر الجلوس يالذيب ونفس الطريقه تستخدم لكل امر جديد تبي تعلمه للكلب.

طبعا التدريب لايكون في الشارع ولا في البر. خلك في حوش عشان ماتصير فيه ملهيات كثيره تشغل الكلب عنك.

وانشالله نسمع اخبار حلوه منك.
واسف على الاطاله

[خطّاف الأدهم]

أبو عيد كثر الله من أمثالك نصايح وإرشادات زادت من همتي...

اليوم رحت البيطري قلت له عطني رشاش أزرق حق الجروج عاد الرجال مخلص شرواكم
قال لي وين الجرح وكيفه قلت في كل مكان من جسمه فيه جرح قال لي خلني أشوفه
فلما شافه قال لي هذا جدري 100% لأن السلوقي كسول وهذي التقرحات
من أثار حك السلوقي للنفر إلي في جسمه تسبب له تجلط في الدم فأنت تحسبه جروح
والله أني أرتحححت كثيييييييييير وصار عندي أمل كبير بالسلوقي
المهم أعطاه أبره وقال لي تعال لي كل يوم لمدة أسبوع والله يكتب له الشفاء العاجل
فأتوقع السلوقي معطيني ركبه علشانه مريض,,إذا تشافى السلوقي بأعطيكم خبر
وبنزل آخر التطورات أن شاء الله
ولعل فيه ناس تستفيد من هالموضوع
شاكر للجميع على تفاعلهم مع مشكلتي وبوسه على راس كل واحد من إلي ردوا
وبالفعل أنتم واجهة مكشات تبيضون الوجه وهذا العشم فيكم والله
في أمان الله

[ابو تمام]

ماقصرو الاخوان

لكن بالنسبه للتدريب لازم يكون معك سلوقي آخر يطرد معه ويتعلم منه

معروف دآئمآ الذيخ أصعب تدريب من السلقه يبي له صبر شوي

دمت بود

[ابوعيدالدوسري]

ماقصرو الاخوان

لكن بالنسبه للتدريب لازم يكون معك سلوقي آخر يطرد معه ويتعلم منه

معروف دآئمآ الذيخ أصعب تدريب من السلقه يبي له صبر شوي

دمت بود

لا مولازم يكون معة سلوقي اخر صايد.
بس اسهل اذا كان معه سلوقي صايد لانه بيتعلم بدون اي تعب وحلات الشي لاتعبت عليه انت ;)
وابد مانقصر مع الطيبين :good:

[خطّاف الأدهم]

أبشركم خطَاف تماثل للشفاء بإذن الله
واليوم الصبح يناقز مثل الغزال ما شاء الله
وفيه إستجابه بسيطه لأمر الجلوس
لكن فيه مشكله صغيره
أنه لما أركبه في الصندوق يخاف وما يركب
حطيت له بلك وما نفع
وش السواة؟

[رفيق الأمل]

تسلم ياخوي بس لا تستعجل اصبر شوي فالصبر مفتاح الفرج ونا والله قبل مثلك بس الحمد لله مع مرور الأيام تتعود وترضاك بس الاهم انت طلعها وهي جوعانه عشان تستجاب لك ولا بعد عليك اول ان تعالج التقرحات في رجولها والتشققات لازم تكون سليمه أول بأول وحالو تكون مربوطة بحبل وأن تتمشي معها من يوم بعد يوم لنصف ساعة حتى تتعود عليك ومن ثم جيب لها جربوع او ارنب خيها تشوفه وهي جوعانه وحاول تقربه وتبعده عنها بعدها اطلقها علي الي تبيه اول وان شاء الله تكون في احسن حال مع مرورالايام 0


http://www.mekshat.com/pix/upload03/images130/mk45015_rg304489.jpg

[خطّاف الأدهم]

عافاك الله بو عبدالله ويعلم الله أنك زدت من وقود همتي في تدريب السلوقي
ولكم ألف شكر حبايبي على وقفتكم معي
وبنزل آخر التطورات بإذن الله قريباً