المساعد الشخصي الرقمي

مشاهدة النسخة كاملة : وين ألقى ماطور هواء ممتاز ويثبت في الكبوت .. مساعدة تكفون


صدى الحادي
23/10/2009, 12:38 PM
بسم الله الرحمن الرحيم ..

السلام عليكم ورحمة الله وبركاته ..

أبي الفزعة يا جماعة ..

أنا معي فوتشنر 2008 وأبي أثبت ماطور هواء في الكبوت ..

وش أفضل نوع في المواطير ويكون قوي وسريع التعبئة تكفون .. ووين أحسن محل يركب مواطير ويثبتها في الكبوت ..

وكيف طريقة التثبيت هل هي بتخريم مسامير ولا تلحيم ولا كيف ..

وهل أجد أحد يثبته مع الشنطة حقته ويحط فيها عازل عن الماء والتراب زي ما في موضوع واحد من الأخوان هنا نسيت من هو الله يجزاه خير ..

الله يجزاكم خير ولا يحرمكم الاجر ..

الله لا يهينكم ..

وشكرا ..
صدى الحادي
23/10/2009, 01:09 PM
ونسيت أقول لكم يا جماعة عن سعره كم بيصير ..

الله يجزاكم خير ..
القنـاص2008
23/10/2009, 01:10 PM
شوف افضل ماطور يبيعة محل الرماية اما التركيب يركبونة لك اصحاب الورش المختصين للجيوب تقبل مرورى
ابوعبدالله223
23/10/2009, 03:06 PM
حياك الله يا صدى الحادي
أنا معي فورشينر 2009 وركبت ماطور هواء ابو جمل لا يفوتك وثبته في الكبوت
اسعاره فيه ب 350 ريال هذا الحجم الكبير وهذا إلي مركبه
وفيه 250 ريال ممتاز بس أصغر حجم ،
أما بنسبه للتركيب فيه ورشة سوافي في مخرج 18 يركبونه ميه ميه ،،
بدون تخريم يركبونه على نفس فتحات الرفرف ويمدون له كهرب ممتازجدا

وهل أجد أحد يثبته مع الشنطة حقته ويحط فيها عازل عن الماء والتراب؟
أخوي ما تحتاج تحط الشنطة معه لأن تثبيت الماطور يكون فوق الرفرف فما يحتاج تغطيته ، ويجي مع الماطور سداد هذي كافيه تسد الغبار ما يدخل للماطور....
وحنا بالخدمة ،،،
الكايف2
23/10/2009, 04:29 PM
اخوي ابوعبدالله 123عطاك العلم الصحيح رح يم سوافي ويضبطونه لك صح كل شي موجود عندهم قلهم بس ركبوا لي ماطورهوا وارقد
بومحمد22
23/10/2009, 04:48 PM
انا مركب مطور بس مع الحراره يخرب
سرهيد
23/10/2009, 05:02 PM
السلام عليكم

ما قصر من سبق

ويمكنك ذلك بالمرور على احدى ورش الترهيم مثل سوافي وغيرها وستجد لديهم الحل والماطور المناسب

تقبل احترامي
رعد الصحراء
24/10/2009, 03:25 AM
ماطور أبو جمل وكيله الشراع بالغرابي
وانت متجه شمال تلف يمين من عند الإشاره الأولى يجيك ع اليمين
بالنسبه للترهيم صراحه شفت شغل سوافي روعه تمديد وتـثبيت ميه ميه
تـقبل مروري
السارحي
24/10/2009, 08:31 AM
مثل ما قالو الاخوان ابو جمل واحرص على الاصلي طبعا كلهم صيني بس الاصلي جوده عاليه واداء ممتاز

والتثبيت افادوك الاخوان
محمد بن سعيد
24/10/2009, 10:43 AM
انا معي فورتشنر مركب ماطور نوع سفاري بس أنه صغير يعني يمشي الحال ويطلعك على الخط عشان تعبي وانا مخرم له في البودي ومثبته وجاي معه فيوز ومدده سلكه في جرجور إلى البطارية
http://www.toyota4arab.com/photo/data/500/DSC00023.JPG (http://www.toyota4arab.com/photo/data/500/DSC00023.JPG)

وهذا الفيوز حقه
http://www.toyota4arab.com/photo/data/500/DSC000251.JPG (http://www.toyota4arab.com/photo/data/500/DSC000251.JPG)

وهذا السلك حقه موصل للبطارية
http://www.toyota4arab.com/photo/data/510/DSC00031.JPG (http://www.toyota4arab.com/photo/data/510/DSC00031.JPG)

ارجو أن لا تكون الصور مخالفة لقوانين المنتدى وذلك لوجود شعار موقع تويوتا العربية

والعذر والسموحه من المشرفين والأعضاء إذا كان هنالك خطأ
ابوحماد
24/10/2009, 02:03 PM
بنسبه لي انا

مركب ماطور هواء

وهو خاص هدروليك شنطة بيوك موديل 82م

وموجود عندي من 10 سنوات في كبوت السيارة

تحصل المكينه في التشاليح
ابوسعد؟
26/10/2009, 02:49 AM
انا مركبه في الغرابي من زمان والله ولا زال في السياره الا الحين من عام 2001من الغرابي وراعي المحل الي شريته منه دلني علا باكستاني كهربائي في الغرابي علا نفس الشارع وثبته بدون تخريق علا الرفرف في نصف ساعه
عاشق النداوي
26/10/2009, 11:43 AM
طيب بنسبه للي يقولون ورشة سوافي هي الافضل بتركيب ممكن توصفونها لنا توصيف واضح خاصه للي برى الرياض وجاي لرياض ولا يعرف شي وشاكر لكم
AL-Hadbani
26/10/2009, 03:03 PM
عندك محل السلام في الغرابي على اليمين قبل السليماني


يبيع ويثبت بتكلفة 150 ريال تقريباً ........... ماطور صيني


الصراحة إنه عملي ووضعه طيب
خيال النفود
26/10/2009, 06:13 PM
عزيزي ابو جمل لايفوتك
انا مركبه من سنه ومثبته بموتري لاندكرورز 2008
وتمام التمام سريع مشاءلله
مخاوي الخوي
26/10/2009, 08:39 PM
مثل ماقالو الاخوان ابوجمل افضل شي انا عندي واحد اكبر نوع له يمكن سنه شغال ميه بال ميه ومعه شنطه وشوله تثبته يمكن تبي تاخذه مانا ولا منا خله بشنطه وشوله وتعذيب

سعره طال عمرك انا ماخذه وعليه عرض 260 اصلي ميه بال ميه ,,,,,,,,