تكفون مساعدة يالنشاما

[بن ذيب]

السلام عليكم
ياجماعة الطير عندي مريض , ومرضة عجزوا عنة الاطبا ء
وهو ببساطة الطير ما يفتح فمة بالمرة الا اذا احد افتحة لة
بالقوة ,,,, مع العلم ان الطير عملة جميع الفحوصات وصار لة اسبوع
بالمستشفى, وعطوة الكثير من الادوية ,,,,,,,, ولا نستغني عن مساعدتكم
اذا مرت عليكم مثل هالحالة .....................

[القنـاص2008]

حاول تروح بيطريين اللى في الامارات او قطر ترى عندهم مستشفيات خاصة للصقور الله يفرجها لك تقبل مرورى

[بن ذيب]

اللة يجزاك خير
وننتظر ردود باقى الاخوان لعل فيها العلاج ان شاء اللة

[NAWAFQ8]

اذا تبي نصيحتي وانا اخوك
دورلك الشيبان الاوله اهل الطيور
ود الطير لهم ترا علاج طيرك عندهم
وعسى الله يشفيه ان شاء الله

[قرناس شماالي]

فادك اخوي وده للولين ونشاءالله يفيدونك

[رفحاوي 999]

اسمع كلام الاخوان

[جو الشيخ]

اذا تبي نصيحتي وانا اخوك
دورلك الشيبان الاوله اهل الطيور
ود الطير لهم ترا علاج طيرك عندهم
وعسى الله يشفيه ان شاء الله


:good: :good: :good: :good: :good:

[بن ذيب]

جزاكم اللة خير وا شاء اللة هذا اللي ابا اسوية
ولكن مايمنع من الاستفادة من خبرة الاخوان بالمنتدي
لعل يكون لديهم حل ..,,,,,,,,,,,,,

[ذعذاع نجد]

اذا كنت من سكان الرياض ود طيرك الى خالد العويدي وبيعطيك العلم واذا بغيت شي انا حاضر بلى تبي

[ربع خالي]

عسى الله يشفي طيرك مثل ماشفى طيري ,, اخوي ودي اعرف وش لون الطير ياكل ؟

ولو تعطينا بداية العله ومن متى وش تغير على الطير حتى يوصل لهلحاله ,,,

تقبل مروري
تحياتي

[بن ذيب]

الاخ ذعذاع نجد انا من الكويت واذا تعرف رقم الاخ خالد العويدي تعطينياة
الاخ ربع خالي الطير ياكل عن طريق الابرة بالفم فري مطحون وفيتامينات
ولم استطيع تحديد بداية المشكلة بالصح لاني شنذرتة بالكبسولة وما قط شى
ولكن علف بعد ذلك وبعدها بيومين او ثلاثة صارت المشكلة

[جلمووود]

الله يشفيه واذا انت بالرياض وده للعودي بعد اذن الاخوان

[بن ذيب]

للرفع,,,,,,,,,,,,,,,,,,,
:good: :good: :good: :good: :good: :good: :good: :good: :good:

[العاهل]

والله حاله غريبه من نوعها بس لاتايئس
وعلى ماقلو الاخوان والله يشفيه يارب

[بن ذيب]

اللة يجزاك خير اخوي العاهل

[ربع خالي]

أخوي طيرك عنده التهاب في الفرسه ( الحوصله ) وخذله حبوب للإلتهاب , والفيتامينات مارح تفيده مثل العلاج المباشر ,, وعسى الله يشفيه ,,,
تقبل مروري
للمره الثانيه
تحياتي

[شنوان]

نقط في خشم الطير زيت زيتون اصلي
وخله دافي سوي
وسو هطريقه في اليوم 6 الى 10 مرات
ومن ثم عسل اصلي 3 الى 4 مرات وحرص عاى الماء لان العسل يعطش
ومسح تحت حلق الطير بالزيت الزيتون وخله في مكان حار خل الطير يتعب من الحر شوي
علشان يفك حلقه من الحراره
وان شاء الله يبرا بمشيأة الله

[بن ذيب]

اخي ربع خالي
عطيناة حبوب وابر للالتهابات ماكو فايدة وجزاك خير للاهتمام
اخي شنوان راح اجرب ما قلتة
اليوم اخذت الطير من المستشفي وراح نجرب معة بعض العلاجات من الشيبان
واللة الموفق,,,,,,,,,,

[NAWAFQ8]

بن ذيب
السلام عليكم ورحمة الله وبركاته
الحاله الي في طيرك في طيري
وتراه بالمستشفى عند طيرك ويعلف بالطريقه الي قلتها
انا مثلك احترت وللحين محتار مدري وش فيه الطير
بس وانا اخوك اخذ تحليل دم على الطير ومنظار

[ابو امنه]

نقط في خشم الطير زيت زيتون اصلي
وخله دافي سوي
وسو هطريقه في اليوم 6 الى 10 مرات
ومن ثم عسل اصلي 3 الى 4 مرات وحرص عاى الماء لان العسل يعطش
ومسح تحت حلق الطير بالزيت الزيتون وخله في مكان حار خل الطير يتعب من الحر شوي
علشان يفك حلقه من الحراره
وان شاء الله يبرا بمشيأة الله
:good: انا مع اخوي شنوان

[@السيف@]

الله يشفيه لك

[كحيلان 2006]

اذا كنت من سكان الرياض ود طيرك الى خالد العويدي وبيعطيك العلم بس تراه مهب موجود الخميس والجمعه

[@قرناص@]

والله شكلها من الشنذره ..

والله يشفي طيرك ,,

[النجم السماوي]

هلا ومرحبا يابن ذيب .....

الله يشفي طيرك لكن هناك احتمال ربما يكون اقرب للصواب
وهو خلع في فك الطير نتيجة اعطاءه حبه بطريقة خاطئه يعني
ان طريقة ادخال الاصبع في حلق الطير اوجعت فكه السفلي
وهذا صارت في طير كان عند خالص الهاجري وكان الطير
للشاعر مبارك بن عينان ,, والطير الله يسلمك شنذروه واللي شنذره
ضغط باصبعه على فك الطير السفلي فسببه خلع والخلع يختلف من
طير لطير فبعضه خفيف وبعضه قوي .. المهم الطير قيضه خالص على
الفري واللحم يحطه في خلاط ويسقيه الطير لين الله فرجها على الطير وطاب

وعساي اكون وضحت لك يا اخي العزيز ....


محبك النجم السماوي

[راعي طلاع]

وده عند العويدي بالرياض اوعند عيادة بندر الدرع
وعسى الله يشفيه انشا الله

[راعي شيشان]

بن ذيب خلك عن العويدي لان العويدي رجال بعيد عنك وفي الكويت

في صقاقير في الكويت ومنهم وبران بن على رجال خبير في امور الطيور

وتبي نصيح مني روح حق الدهمان حق الفلبين ابو خشم والله خبير من الدرجه الاولى اذا ماتعرف مكانه انا اوصفه لك الحين
اكيد تدل سوق الطيور الى في الري المستشفى بين صقور الطيور وسوق الجمعه
لاتروح حق غير الفلبين ابو خشم او اذا تعرف احد يعرف وبران بن على روح وهو رجال مايقصر وخبير من الدرجه الاولى والله يشافي طيرك

[بن ذيب]

الاخ/ NAWAFQ8
الطير عملت لة منظارين وتحليل دم ماكو فايدة واللة يشفي طيرك وطيري وجزاك اللة خير
الاخ / ابو امنة : جزاك اللة خير
الاخ /السيف 99 جزاك اللة خير
الاخ كحيلان 2006 جزاك اللة خير
الاخ / قرناص . .اللة اعلم وجزاك اللة خير
الاخ /النجم السماوي اقتقد ان كلامك فية نوع من الصحة ,, وشكر لك اهتمامك ,,,,,,؟؟؟؟
الاخ /راعي طلاع العويدي بعيد علية وجزاك اللة خير
الاخ راعي شيشان وديتة الفلبيني في الدهماء مرتين وكاكو فايدة
اما وبران ابو علي والنعم فيك وفية ومعروف لدي وان شاء اللة راح امر علية


ودمتوا سامين وجزاكم اللة خير,,,,,,,,,,

[محآآآآآآآآآآر]

الأخوان ما قصروا ماشاء الله عليهم
أخوك،،،،،،،،،،
محآآآآآآآآآآآآآآآآر

[القطامي99]

طيري جاه مجا طيوركم وقالولي انه خلع الفك الاسفل من الشنذره وابطئ معي ثم مات للمعلومه مايعلف الا شي مطحون ودمتم سالمين الصقار/القطامي99

[رامى السيد]

ربنا يشفيه لك

[الحوت_قطر]

ياخوي عطنا علوم لطير بالظبط
اول شي هل هو مصقور ولا وحش و اذا مصقور يجي الدعو واذا وحش شنذرته على شان ياكل من يدك
عطيته شي بعد الشناذر ؟ كل ولا لا ؟ اي نوع كبسوله عطيته

وبيجيك العلم وتقبل مروري

[بن ذيب]

اللة يجزاكم خير ان شاء اللة واشكر اهتمامكم
الطير مات صباح هذا اليوم واللة يعوضنا خيرا منة
واللي توصلت لة ان لايوجد عندنا اطباء جيدين للصقور بالكويت
وماكو الا اعليمية بعد ان مريت عليهم كلهم واكثر من مرة

وسلامتكم وتعيشون,,,,,,,,,,,,,

[NAWAFQ8]

الله يعوضك بطيب منه ان شاء الله
وهاذا الطير اما ضايع ولا ميت

[راعي مينون]

لاتشيل همه يا بن الذيب الى هو طير الله يرزقك بلي هو احسن منه ويعوضك خير
والله يا خوي اني حاس بلي انت حاس فيه محد يهياه قبلبه انه يموت طيره بس هذا قدر الله وربك رؤوف بعباده
وتقبل مروري

[بن ذيب]

اخوي / Nawafq8
جزاك اللة خير وشاكر لك اهتمامك
اخوي / راعي مينون
القلوب وحدة وانا اخوك وجزاك اللة خير

[@قرناص@]

اللة يجزاكم خير ان شاء اللة واشكر اهتمامكم
الطير مات صباح هذا اليوم واللة يعوضنا خيرا منة
واللي توصلت لة ان لايوجد عندنا اطباء جيدين للصقور بالكويت
وماكو الا اعليمية بعد ان مريت عليهم كلهم واكثر من مرة

وسلامتكم وتعيشون,,,,,,,,,,,,,



الله يعوضك بطير آطيب منه ,,