اتمنى بس يوم

[الملان2008]

السلام عليكم ورحمة الله وبركاته
اخواني شوفوا الي حل انا اتمنى ان اصيد سمكة بحجم كبيير لدرجة انني اذهب الى البحر كل يوم وانا عندي 3 سنارات سنارة للصغير وسنارة للفاح(التشخيص)وسنارة حق كبير (بالميد والمنجوس والراس الخثاق)انا من اهل القطيف الشرقية اذهب الى راس تنورة (نجمة) او الدمام والان طبعا وقت السمك الكبير واريد ان اصيد انا سوف اكتب معلومات عن سناراتي فارجوا اخباري ان كانت هناك اخطاء بها:
السنارة الكبيرة :
الخيط 100 ابيض الون طولها 5.50الطعم ميد او راس خثاق
سنارة اللفاح :
الخيط 60 الماني اخضر طولها 3.20الطعم صناعي وفي اوقات ابدل بالطعم الصناعي الى الطعم الميد
فقط هادا ما لدي وادا كانت لديكم اماكن صيد لسمك كبييير فخبروني

[كنعد]

لالا

احلف تكفى احلف الخيط الي على السنارة 100

ههههههههههههههههه


يا بعد قلبي وشو مية من صجك انت

حط ستين

طعمك حلو ما فية شي روح الفن تايم كورنيش الدمام الفجر ايام مدارس :)

مافيه احد وانشالله ربي يرزقك بخير

[عمدة البحار]

لالالا مره وحده 100 انت شكلك بتصيد سفينه هههههههههههه حط خيط مقاس 70 والله يوفقك

[ابو عبدالرحمن جدة]

غير الخيط زي ما قال الاخ كنعد واهم شي وانا اخوك التوكل على الله وترى القصور مو منك او من خبرتك ترى مافيه قصور فيه ارزاق ولازم نؤمن فيها انت حاول وكرر المحاولة لحد ما ربي يرزقك واتوقع انك تخبرنا بصيد طيب الايام القليلة القادمة بادن الله

[بـو بـدر]

السلام عليكم ورحمه الله

ما شاء الله تبارك الرحمن

جاهز للغزوعيني عليك بارده ولكن

اول شي تاكد ان الارزاق بيد الرحمن

وثاني شي نا بعطيك نصايح وبالله التوفيق

----------------------------

السنارة الكبيرة :
الخييط 60 سوفتي سوفت الطعم ميد او راس خثاق او منجوس يواف

سنارة اللفاح :
الخيط 70 ومسيم 50 الطعم صناعي ( يواف ) او ( صناعي فسفوري اخضر ) وفي اوقات ابدل بالطعم الصناعي الى الطعم الميد

مكان الحداق ( العاموده الخفجي ) او راس ابو قميص او منيفه

---------------------------

وان شاء الله مايقصرون اهل الخبره

والله الموفق

تحـــياتـــي

[حظي الي بكاني]

ليش يا ابو الشباب 100 مره وحده يا باشا حط 60 او 50 فالك كل خير ان شاء الله

[الملان2008]

شكرا اخواني بس والله ما كانت عندي الخبرة الكافية وشكرا وشكرا وما قصرتوا وسوف ابدل الخيط من 100 الى 70 الماني وشكرا لكم اخواني

[معاند سيف]

خيط 100 يصلح للجلة للمد مسافة بعيدة أو للرمي باليد لمسافة قريبه في العمق اما للعصا مايصلح. بالنسبه للطعم أنا أفضل الدويلمي الحي تصيدة بريشة لفاح صغيرة, أو سلس أو جواف أو تاخذ سمكة لفاح للخذاق وتصيده طازج من البحر. بعدين تأكد من مقاس و نوع الميدار والمكان اللي تروح فيه و وقت السقي و الثبر.

[accentkool]

حبيبي 100 مايروح بعيد ثقيل ويخوف السمك بتصيد حوت

خلك 50 60وفالك الهامور

[صقرالبحار]

الشباب كفو ووفو بس اعطينا بشاير صيدك القادم والله يوفقك

[غوااص رابغ]

اخوي اذا انك باغيها ابو كبيييييير خليك زينا خذلك مجرور 180 او 200 وحطلك قاصه او سليماني او عربي وروح لا نص القلاوة ووشح وارجع الشاطي واذا كان لك نصيب بيجيك بس لازم تكون معا خويانك عشان السحب ترا الطريقه مجربها وماطلع معي الا دواهي يارب لك الحمد

[dbdob]

هلا بك اخوي
الارزاق من عندالله سبحانه ولذلك اصبرلان الصيد ميزته تعلم الصبر
الخيط مثل ماقالو الاخوان 60افضل شيء
الله يرزقك وونتظرمنك التقرير القادم بسمكه كبيره

[وليد الغربة]

كل شي في وقته زين

[الملان2008]

انا الحين غيرت الخيط الى مقاس 60 الماني وانشاء الله ربي يرزقلي ويرزق الى الجميع انشاء الله

[fisher72]

هههههههههههههههههههههههههههههههههههههههههههههههههه ههههههههههههههه

موفق