الفزعه يا أخوان .. لأصحاب الخبره في الباترول

[KFC]

مساكم الله بالخير يا اخوان ..


معي باترول موديله 1997 كلبليتر وارتفعت حرارته وخلط زيت بمويه


ودي لو احد يعطيني رأي ولا يخبر لي رأس مكينه نظيف او مكينه بسعر مناسب


علماً اني يوم فكيت المكينه لقيت الطرمبه تهرب والطبات تهرب والدنيا متخرطشه على بعضها لكن هذا نصيبي والحمد لله على كل حال
فالي عنده مكينه او رأس نظيف يراسلني على الخاص أو يحط رقمه لي


ولاتبخلون علي بأرائكم واقتراحاتكم


ودمتم بود

[KFC]

معقول محد عنده خبر ؟

الفزعه يا اخوان تكفون

[ابوفهيدان]

اشتر راس من التشليح
او اشتر من مكاين اليابان
والله يعينك
موتري يصرف من سنة وقلت خلني بجر عليه لين يقول من نفسه
خلاص خربت

[بدوي جنوبي]

ينقل ل

خيمة أعطال السيارات وإصلاحها (http://www.mekshat.com/vb/forumdisplay.php?f=126)

[ابومهند 2]

الله يمسيك بالنور
انصحك براس جديد
وانتبه السلندر لايكون ماسك حراره اسأل المكانيكي
لانه لو غيرت الراس بس تبهذلك الحراره
وادعي لنا بالهدايه

[شقران755]

مساك الله بالنور هلا وغلا بك اخوي
اما بالنسبة للراس صراحة صعبة انك تلقاه . لان فيه واحد من العيال جلس ثلاث شهور يدور مالقى وآخر شي اشترى له جديد تقريبا ب3000 ريال .
نصيحتي اذا كان الراس مافيه شعر . امسحه حتى لو كان فيه ميول انا مجرب وحط وجهين اصليات وانس الحرارة ماشاء الله .

[تركي الرماي]

مااقصرو الاخوان

[سوبر VTC]

لو انت ببريده

ادلك على ورش متخصصه بالنيسان
و عندهم مكاين على الضمان من التشاليح
مكاين استخدام ياباني :good:

موفق

[مكيف]

السلام عليكم ...
مساكم الله بالخير ...
يا أخي الكريم اذا يغيت نصيحتي غير المكينه بمكينة Ls1 وارتح والله يعينك وييسرلك ...

[التاكسي]

شف وانا اخوك كان معي باترول 97 وقامت المكينه (علشان رفضت ابيعه )

دخت ادور علي مكينه نضيف اخر شي لقيت مكينت 2003 في التشليح 4500

وركبت عليه مع العلم مكينيتي بخاخ خصلتها مع التركيب ب7500 وما شاء الله عليها بعته وهو عزمه يحبه قلبك

انصح تدور مكينه 4500 نضيف وتركبها علي الموتر

[KFC]

جزاكم الله خير وماقصرتو