منشدي بنتين وخذ مني بيان ( جديد ) >>>>>>> اللغز تم حله من قل ( الجرح الحزين )

[ابو اسامه 2]

السلام عليكم ورحمة الله وبركاته

منشدي في دار في حي انزوى=منشدي بنتين وخذ مني بيان
الأوله تحمل حمّال الهوى =في اعالي البنت يسكن هالمكان
والثانية معنى للحارس حوى=في قرار البنت له أمرٍ وشان
الاوله تقبل دخول اللي ضوى=والثانية تسمح خروجه ليا زان



ابو اسامه ( منتديات مكشات )
تحياتي للجميع

[سطام F15]

السلام عليكم ورحمة الله وبركاته


منشدي في دار في حي انزوى=منشدي بنتين وخذ مني بيان
الأوله تحمل حمّال الهوى =في اعالي البنت يسكن والمكان
والثانية معنى للحارس حوى=في قرار البنت له أمرٍ وشان
الاوله تقبل دخوله ان ضوى=والثانية تسمح خروجه الى زان



ابو اسامه ( منتديات مكشات )

تحياتي للجميع


صح لسانك يابو اسامه وبشرني عنك ياخوك عساك بخير إنشاء الله . مبطي عنك لعل يبطي يومك وتعيش طولة العمر على الطاعه
رمعة زوينة
وش رايك ( البنت الأولة الصحراء تحمل راع الهوى ويسكن ويقصد الجبال والرجوم / والثانية وش رايك بالعين تكون ماتنام من التوجد وغيره وتكون مثل الحارس )

[مسيرs]

مساك الله بالخير أبا اسامه
تحريك
ويش رايك " عينان لاتمسهما النار الحديث

[فهد الهلالي]

صح السانك اخوي ابو اسمه ماشاء الله اسلوب جديد وراقي
على العموم بشر عن صحك قبل ردي الى اللغز ان شالله الحراره خفت
طهور باذن الله
رمعه
مايكون حارس المدرسه وحارس الكوره
تحياتي

[ابو اسامه 2]

صح لسانك يابو اسامه وبشرني عنك ياخوك عساك بخير إنشاء الله . مبطي عنك لعل يبطي يومك وتعيش طولة العمر على الطاعه

رمعة زوينة

وش رايك ( البنت الأولة الصحراء تحمل راع الهوى ويسكن ويقصد الجبال والرجوم / والثانية وش رايك بالعين تكون ماتنام من التوجد وغيره وتكون مثل الحارس )



هلا بك يا سطام

وصح بدنك

ومشكور على السوال والله يسلمك

الحراره بدت تخف

اخذت اليوم كم ابره وان شاء الله اني الى الاحسن

بالنسبه للرمعه مالك لوا

تحياتي لك

[ابو اسامه 2]

مساك الله بالخير أبا اسامه
تحريك
ويش رايك " عينان لاتمسهما النار الحديث



هلا بك يا مسيرنا الغالي

ومساك الله بالنور والسرور

والرمعه مالك لوا

تحياتي لك

[ابو اسامه 2]

صح السانك اخوي ابو اسمه ماشاء الله اسلوب جديد وراقي

على العموم بشر عن صحك قبل ردي الى اللغز ان شالله الحراره خفت
طهور باذن الله
رمعه
مايكون حارس المدرسه وحارس الكوره

تحياتي



هلا بك يا الشيخ

وصح بدنك

وان شاء الله اني الى احسن بعد ما اخذت الابرتين

ومشكور على السوال والله يحفظك من كل باس

والرمعه يا طويل العمر مالك لوا

تحياتي لك

[فهد الهلالي]

ابو اسامه طال عمرك
ماتكون مروحه السقف ومروحه الشفط
تحياتي

[ابو اسامه 2]

ابو اسامه طال عمرك
ماتكون مروحه السقف ومروحه الشفط
تحياتي



هلا بك يا الشيخ

والرمعه مالك لوا

تحياتي

[ابو اسامه 2]

للتوضيح


هي عبارة عن بنتين موجوده في بنت كل بنت لها صفه


مثال توضحي لطريقة الرمعه


غرفتين وحده تحت ووحده فوق


الاولى غرفة تحمل معنى او صفة كذا
الثانية غرفة =========
والغرفتين موجودتين في بنايه مثلا



وقس على ذلك


حسب ما جاء تفصيل كل بنت وكل صفه في الابيات


تحياتي

[عاشق السناف]

صح لسانك يابو اسامه والحمد لله على السلامه


وماتشوف شر


وش تقول بآلة محمصة الخبز التوست

[ابو اسامه 2]

صح لسانك يابو اسامه والحمد لله على السلامه



وماتشوف شر



وش تقول بآلة محمصة الخبز التوست



هلا بك يا عاشق السناف

وصح بدنك

والشر ما يجيك والله يعافيك

والرمعه محمصة التوست مالك لوا

تحياتي

[عاشق السناف]

طيب


وش قولك بالصافره يالغالي

[سطام F15]

ابو اسامه رمعة ماتكون (الكفرة ةتحمل اللستك وهوحمال الهواء )
و
( طرمبة البنزين أو صفايته وتسمح بخروجة إن زان)

[ابو اسامه 2]

طيب


وش قولك بالصافره يالغالي




مالك لوااااااا يا الغالي

لاحظو البيت الاول في دار في حي

وهي بنتين موجوده في بنت


تحياتي

[ابو اسامه 2]

ابو اسامه رمعة ماتكون (الكفرة ةتحمل اللستك وهوحمال الهواء )

و

( طرمبة البنزين أو صفايته وتسمح بخروجة إن زان)



هلا بك يا سطام

والرمعات مالك لوا

تحياتي لك

[قلب العنا]

صح لسانك وش قولك فى براده الماء او ماكينه التصوير

[ابو اسامه 2]

صح لسانك وش قولك فى براده الماء او ماكينه التصوير



هلا بك يا قلب العنا

وصح بدنك

وبراد الماء او مكينة التصوير مالك لوا

تحياتي لك

[رزم الغرب]

الحمدلله على السلامة يا ابو أسامة البنت الأولة الأمبي حقت الدش والثانية الشاشة

[ابو اسامه 2]

الحمدلله على السلامة يا ابو أسامة البنت الأولة الأمبي حقت الدش والثانية الشاشة


هلا بك يا رزم الغرب

والله يسلمك وما تشوف شر

والرمعه مالك لوا

تحياتي لك

[dughiman]

صح لسانك يالغالي

وشرايك باللمبتين الموجودة على الكبس اللي ينشحن بالكهرب....بحيث في وقت الشحن تولع لمبة...واذا انقطعت الكهرب ولعت الثانيه ويشتغل الكبس

[الوتر الحزين]

صح لسانك

اخوي وش رايك بماصوره البندق الشوزن ام فتحتين

[بحار seas]

صح لسانك يبو اسامه والحمد لله على السلامه ولابأس طهور ان شاء الله .. وهذي ( البلف والإبره ) اللي تعبي اللستك او التيوبلس وسلامتك ...

[الدوسرية]

الحمد لله على سلامتك

ورمعتي هي المعصرةاوالعصاره

[سكب]

ابو اسامه
الحمد لله على السلامه
تكون الثلاجه
او سخان الماء


تحياتي

[ابو اسامه 2]

اهلا بكم جميعا


وصحة ابدناكم


ومشكورين على السوال


وما تشوفون مكروه


والله يحفظكم


واسف على الرد الجماعي


النت شويه بطيء


شكل مسير عداني :D


بالنسبه للرمعات مالكم لوا


للتوضيح اكثر


ركزوا في كلمة في حي وليس جماد


تحياتي لكم

[بحار seas]

صح لسانك وعلا شانك ويمكن تقصد ( الرئه والحنجره ) وسلامتك ...............

[يوسف الخليفة1]

بارك الله فيك أخي العزيز أبو أسامة وما تقول في عدسة العين وعدسة الدربيل وحياك ربي

[براااوي]

صح لسانك وعلا شانك ويمكن تقصد ( الرئه والحنجره ) وسلامتك ...............

دخلت والله أبي ارمع الرئتين

ولقيتك رامع قبلي :)

أنا أضم صوتي لك وبإنتظار راعي اللغز

[ابو اسامه 2]

صح لسانك وعلا شانك ويمكن تقصد ( الرئه والحنجره ) وسلامتك ...............



هلا بك يا بحار


وصح بدنك


والرمعه مالك لوا


تحياتي لك

[ابو اسامه 2]

بارك الله فيك أخي العزيز أبو أسامة وما تقول في عدسة العين وعدسة الدربيل وحياك ربي



هلا بك يا يوسف

وبارك الله فيك

ابعد عن الجماد نهائيا

الرمعه مالك لوا

تحياتي لك

[ابو اسامه 2]

دخلت والله أبي ارمع الرئتين

ولقيتك رامع قبلي :)

أنا أضم صوتي لك وبإنتظار راعي اللغز



هلا بك يا براااوي

ومالك لوا يا الغالي

تحياتي لك

[راع الأوله 1]

صح لسانك ابو اسامة
وما تشوف شر وتكفير ذنوب ان شاء الله

وش رايك بلوق ان لوق اوات

اقصد ايوقونه الدخول وايقونة الخروج
تحياتي

[ابو اسامه 2]

صح لسانك ابو اسامة
وما تشوف شر وتكفير ذنوب ان شاء الله

وش رايك بلوق ان لوق اوات

اقصد ايوقونه الدخول وايقونة الخروج
تحياتي


هلا بك يا راع الاوله

وصح بدنك يا الغالي

والله يسلمك وما تشوف شر

ما فهمت رمعتك وضح ايش تقصد

تحياتي لك

[راع الأوله 1]

هلا وغلا
اقصد

ايقونه رد على الموضوع والاخرى تأكيد الموضوع

تحياتي

[مسيرs]

الظاهر والعلم عند الله إنك نخرت راسه
ننتضر ابو أسامه كي يقرر كم تستحق من علامه

[ابو طوق]

السلام عليكم وش رايك بالعقرب والابرة حقت السم

[ابو اسامه 2]

هلا وغلا
اقصد

ايقونه رد على الموضوع والاخرى تأكيد الموضوع

تحياتي



هلا بك يا راع الاوله




مالك لوا يا الغالي


تحياتي لك

[ابو اسامه 2]

الظاهر والعلم عند الله إنك نخرت راسه
ننتضر ابو أسامه كي يقرر كم تستحق من علامه



هلا بك يا مسير

ومالكم لوا

انا اللي فهمته ان قصده شغله في الردود على المواضيع

تحياتي

[ابو اسامه 2]

السلام عليكم وش رايك بالعقرب والابرة حقت السم



وعليكم السلام ورحمة الله وبركاته

مالك لوا يا ابو طوق

تحياتي لك

[مسيرs]

ياابو اسامه مسيت بالخير
وانا اللي فهمته هذي اللي تجي بالملاعب واحد شايل لوحة عند التغيير وتنزيل لاعب وماني بالحيل على الرياضة ويش تقول.

والثانية وص الرجال بالجنزبيل والحبة السوداء والليمون وقليل من الثوم وفاله العافيه إن شاء الله;)
وقيمة الوصفة مئةريال بعد النتيجه;)

[راع الأوله 1]

ابو اسامه وش رايك بالحصاده
اتذكر وانا صغير يوم كانت تحصد قمح الوالد اطال الله في عمره وادام عليه صحته
ان هناك غرفه بها لاستقبال القمح والأخرى لخروجة عند تخليصه
من التبن طبعا

او العصاره
او الطحانه

وان كنت تقصد بحي كائن حي وليس حي بمعنى حاره يعني غليل مثلا

فهل ممكن ان تكون الخلايا المطوقه في الاسفنج او الخياشيم في الاسماك


تحياتي

[sharp]

الاحتمال الأول: القلب وفيه البنتين البطينين الأيمن والأيسر

واالاحتمال الثاني الأذن واللسان

[المبتلش]

وعليكم السلام ورحمة الله وبركاته

وش رايك ابو أسامة بعمود الانارة اللي بالشوارع
طبعا قبل 30 عام كانت فوانيس شعالة

[قلب العنا]

وش قولك فى الرئتين وعمليه الشهيق والزفير,,,,تحياتى

[ابو اسامه 2]

ياابو اسامه مسيت بالخير
وانا اللي فهمته هذي اللي تجي بالملاعب واحد شايل لوحة عند التغيير وتنزيل لاعب وماني بالحيل على الرياضة ويش تقول.

والثانية وص الرجال بالجنزبيل والحبة السوداء والليمون وقليل من الثوم وفاله العافيه إن شاء الله;)
وقيمة الوصفة مئةريال بعد النتيجه;)


هلا بك يا ابو معاذ

مالك لوا يا الحبيب

خلينا في داخل حي وليس جماااااد

تحياتي لك

[ابو اسامه 2]

ابو اسامه وش رايك بالحصاده
اتذكر وانا صغير يوم كانت تحصد قمح الوالد اطال الله في عمره وادام عليه صحته
ان هناك غرفه بها لاستقبال القمح والأخرى لخروجة عند تخليصه
من التبن طبعا

او العصاره
او الطحانه

وان كنت تقصد بحي كائن حي وليس حي بمعنى حاره يعني غليل مثلا

فهل ممكن ان تكون الخلايا المطوقه في الاسفنج او الخياشيم في الاسماك


تحياتي


هلا بك يا راعي الاوله

ومالك لوا



المقصود داخل حي


الاوله تحمل صفه بمعنى حمال الهوا اللي هوه القلب
والثانيه تحمل صفه بمعنى الحارس



تحياتي

[dughiman]

صبحكم الله بالخير جميع
مجرد تحريك للغز ولا اظن ان رمعتي عوجا
وشرايك العين والقرنية اللي تحافظ عليها ولا الشبكيه...والبنت الثانيه هي هدب الجفون...والدار هو الراس

[ابو اسامه 2]

الاحتمال الأول: القلب وفيه البنتين البطينين الأيمن والأيسر

واالاحتمال الثاني الأذن واللسان


هلا بك يا شارب

ومالك لوا يا الغالي


المقصود داخل حي

الاوله تحمل صفه بمعنى حمال الهوا اللي هوه القلب
والثانيه تحمل صفه بمعنى الحارس


تحياتي

[ابو اسامه 2]

وعليكم السلام ورحمة الله وبركاته



وش رايك ابو أسامة بعمود الانارة اللي بالشوارع
طبعا قبل 30 عام كانت فوانيس شعالة



هلا بك يا المبتلش

وعليكم السلام ورحمة الله وبركاته

مالك لوا يا الغالي

المقصود داخل حي

الاوله تحمل صفه بمعنى حمال الهوا اللي هوه القلب
والثانيه تحمل صفه بمعنى الحارس


تحياتي

[ابو اسامه 2]

وش قولك فى الرئتين وعمليه الشهيق والزفير,,,,تحياتى


مالك لوا يا قلب العنا

تحياتي لك

[ابو اسامه 2]

صبحكم الله بالخير جميع
مجرد تحريك للغز ولا اظن ان رمعتي عوجا
وشرايك العين والقرنية اللي تحافظ عليها ولا الشبكيه...والبنت الثانيه هي هدب الجفون...والدار هو الراس



هلا بك يا دغيمان

وصبحك الله بالنور

ومالك لوا يا الغالي

[الراكزVIP]

طهور ابو أسامة ان شاء الله

رمعتي صمامات القلب

[الوتر الحزين]

السلام عليكم

اخوي وش رايك بالقفص الصدري يعتبر حارس للقلب

وشكرا

[ابو اسامه 2]

طهور ابو أسامة ان شاء الله


رمعتي صمامات القلب





هلا بك يا الراكز

والله يسلمك من كل شر

والرمعه مالك لوا

تحياتي

[ابو اسامه 2]

السلام عليكم

اخوي وش رايك بالقفص الصدري يعتبر حارس للقلب

وشكرا


وعليكم السلام ورحمة الله وبركاته

هلا بك يا الوتر الحزين

والرمعه مالك لوا

تحياتي لك

[راد الصوت]

السلام عليكم ورحمة الله وبركاته


وش رايك في التمرة وقشرتها والنواة

[وضح النقى]

السلام عليكم ورحمة الله وبركاته

صح لسانك يا بو اسامة

والحمدلله على السلامة طهور ولا بأس إن شاء الله


رمعتي
ممكن تكون الحنجرة والبنات اللوزتين و( اللهاة ما يسمى علميا لسان المزمار )

تحياتي للجميع

[ابو اسامه 2]

السلام عليكم ورحمة الله وبركاته


وش رايك في التمرة وقشرتها والنواة


وعليكم السلام ورحمة الله وبركاته

هلا بك يا راد الصوت

ومالك لوا

تحياتي لك

[يوسف الخليفة1]

بارك الله فيك أخي العزيز وما تقول في ( الحاجب ) والشكر الجزيل

[ابو اسامه 2]

السلام عليكم ورحمة الله وبركاته

صح لسانك يا بو اسامة

والحمدلله على السلامة طهور ولا بأس إن شاء الله


رمعتي
ممكن تكون الحنجرة والبنات اللوزتين و( اللهاة ما يسمى علميا لسان المزمار )

تحياتي للجميع


وعليكم السلام ورحمة الله وبركاته

هلا بك يا ابو لجين

وصح بدنك

والله يسلمك وما تشوف شر

والرمعه مالك لوا

تحياتي لك

[ابو اسامه 2]

بارك الله فيك أخي العزيز وما تقول في ( الحاجب ) والشكر الجزيل



هلا بك يا اخي يوسف الخليفه

والله يبارك فيك

والرمعه مالك لوا

تحياتي لك

[قلب العنا]

الرمعة مسحوبة

[قلب العنا]

رمعتي القرنية والشبكيه بالعين

[فهد الهلالي]

ابو اسامه اسعد الله اوقاتك
رمعه
الصوت لحظه دخوله الاذن وينتقل عبر الهوا
والثانيه
العقيره وهي مصدر الصوت عند الانسان


مثال على ذلك يقال فلان ارتفع صوت عقيرته
تحيتي
اعتقد
ابعد من الضلع الحمر عن تهامه

[ابو اسامه 2]

ابو اسامه اسعد الله اوقاتك

رمعه
الصوت لحظه دخوله الاذن وينتقل عبر الهوا
والثانيه
العقيره وهي مصدر الصوت عند الانسان


مثال على ذلك يقال فلان ارتفع صوت عقيرته
تحيتي
اعتقد

ابعد من الضلع الحمر عن تهامه



هلا بك يا الشيخ

انت رمعتك طيبه لكن ما صدت الحل

والرمعتين مالك لوا

انت يا الشيخ اذا قلت كلمة قول تم تم تم

يصير رمعتك تخوف

اتمنى تأتي هذه الجمله قريباً

تحياتي

[ابو طوق]

السلام عليكم وش تقول بالنحلة والعسل

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير صح السانك اخوي ابواسامه
والحمد لله على السلامه ماتشوف شر على آجر لابس عليك طهور ان شاء الله
وشو قولك (بفتحتين الأنف) والحارس (شعيرات الأنف)

[ابن هيازع]

الله يعطيك العافيه

وماتشوف شر
صح لسانك على هاللغز

وش رايك بالمشيمه والرحم
او غدة الحليب والظرع

[زهره الربيع]

داخل البيض الصفراء والبيضاء والحارس القشر

[صقر الوشم]

صح لسانك وماتشوف شر اخوي ابو اسامه وعندي رمعه وهي حاسه السمع(الاذن)والنطق(اللسان)

[ابو اسامه 2]

السلام عليكم وش تقول بالنحلة والعسل


وعليكم السلام ورحمة الله وبركاته

هلا بك يا ابو طوق

والرمعه مالك لوا

تحياتي لك

[ابو اسامه 2]

الجرح الحزين
ابن هيازع
زهرة الريع
صقر الوشم



صحة ابدانكم
وبارك الله فيكم على السوال
وما تشوفون شر

وبالنسبه للرمعات مالكم لوا

تحياتي لكم جمعيا

[dughiman]

صبحك بالخير
وش رايك بالحنجرة اللي مرة تسمح بدخول الهوا فتغلق مجرى الاكل...ومرة تسمح بدخول الاكل فتغلق مجرى الهوا.... فهي تعمل كصمام امان

[مهيلان]

ما رايك بالاذن الداخليه والطبله

[ابو اسامه 2]

هلا بكم جميعاً

ومالكم لوا

تحياتي

[فهد الهلالي]

ايو اسمه الله يمتعك بالصحه والعافيه
بشر عن صحك اليوم ان شاء الله افضل من اول
رمعه
ويش رائك بالبلعوم او مايسمى عند البعض بحليق الموت
فاصل بين التنفس والاكل
اكيد
ابعد من الضلع الحمر عن تهامه
تحياتي

[ابو اسامه 2]

ايو اسمه الله يمتعك بالصحه والعافيه



بشر عن صحك اليوم ان شاء الله افضل من اول
رمعه
ويش رائك بالبلعوم او مايسمى عند البعض بحليق الموت
فاصل بين التنفس والاكل
اكيد
ابعد من الضلع الحمر عن تهامه


تحياتي



هلا بك يا الشيخ


وان شاء الله اني الى الاحسن


اخر شي قالوه لي مكروب في الدم والله اعلم عاد كل مره واحد يفتيلي


ومشكور على السوال والله يسلم عمرك من كل شر ويطول في عمرك



وبالنسبه للرمعه


مالك لوا يا بعدي لكنك منت ابعد من الضلع الحمر زي ما قلت
كونك ماشي في حي هذا المهم


تحياتي لك

[مصطافي]

تسلم وصح لسانك
خياشيم السمكة

[ابو اسامه 2]

تسلم وصح لسانك


خياشيم السمكة



هلا بك يا مصطافي

والله يسلمك وصح بدنك

والرمعه مالك لوا

تحياتي

[فهد الهلالي]

ابواسامه الله يسعد ابامك
رمعه اذا ماصايت رمعة الخياشيم من خوينا مصطفى
ماتكون الحبال الصوتيه
تحياتي

[ابو اسامه 2]

ابواسامه الله يسعد ابامك

رمعه اذا ماصايت رمعة الخياشيم من خوينا مصطفى
ماتكون الحبال الصوتيه

تحياتي



مالك لوا يا الشيخ

وزيادة توضيح بشكل ادق


المطلوب بنتين اسمهم واحد في البدايه وكلهم في بنت وحده

الاولى في اعلى البنت والثانية في اسفل البنت

وحده تسمح بدخول شي اذا اقبل عليها والثانية تمنع خروجه الا اذا صار اوكي ذاك الوقت تسمح بخروجه


البنت الاولى لها صفه معروفه طبياً وهي تحمل صفة او مسمى اخر للقلب

البنت الثانية لها صفه معروفه طبياً وهي تحمل صفة او مسمى اخر لكلمة حارس

تحياتي

[فهد الهلالي]

ابو اسامه طال العمرك
الاذن والاذن الوسطاء
اوالطبله
تحياتي

[ابو اسامه 2]

ابو اسامه طال العمرك

الاذن والاذن الوسطاء
اوالطبله

تحياتي




مالك لوااااااااااااااااا

[المبتلش]

وش رايك ابو اسامة
بــــ ( بيت شِعر )

[فهد الهلالي]

ابو اسامه طال عمرك
مايكون عيون السمكه او الطير والغشاء الشفاف
تحياتي

[ابو اسامه 2]

وش رايك ابو اسامة
بــــ ( بيت شِعر )


مالك لواااااااااااااااااااا يا المبتلش

[ابو اسامه 2]

ابو اسامه طال عمرك

مايكون عيون السمكه او الطير والغشاء الشفاف

تحياتي




ماااااااااااااااااااااااالك لوا يا الشيخ

تحياتي لك

[ابو اسامه 2]

منشدي في دار في حي انزوى=منشدي بنتين وخذ مني بيـان
الأوله تحمـل حمّـال الهـوى=في اعالي البنت يسكن هالمكان
والثانية معنى للحارس حـوى=في قرار البنت له أمرٍ وشـان
الاوله تقبل دخول اللي ضـوى=والثانية تسمح خروجه ليا زان



وزيادة توضيح بشكل ادق


المطلوب بنتين اسمهم واحد في البدايه وكلهم في بنت وحده

الاولى في اعلى البنت والثانية في اسفل البنت

وحده تسمح بدخول شي اذا اقبل عليها والثانية تمنع خروجه الا اذا صار اوكي ذاك الوقت تسمح بخروجه


البنت الاولى لها صفه معروفه طبياً وهي تحمل صفة او مسمى اخر للقلب

البنت الثانية لها صفه معروفه طبياً وهي تحمل صفة او مسمى اخر لكلمة حارس

تحياتي

[مهيلان]

ما رايك بلسان النحله والعسل

[ابو اسامه 2]

ما رايك بلسان النحله والعسل



هلا بك يا مـهيـلان يا هـلا
والرمعه اي والله مالك لوا

[فهد الهلالي]

ابو اسامه طال عمرك
عندي رمعه
مايكون اجهزة المناعه عند الانسان وتتكون
من قسمين
الاولى. ... شعيرات وخلايا بيضاء في الفتحات الخارجية (مثل الاذن والعين) هي المسئوله عن حماية الجسم من الأمراض
الثانيه
الخلاياء البيضاء وتسمى المضادات والتي تمنع وصول الجراثيم الى الدم
تحياتي وتقدير ي

[ابو اسامه 2]

ابو اسامه طال عمرك

عندي رمعه
مايكون اجهزة المناعه عند الانسان وتتكون
من قسمين
الاولى. ... شعيرات وخلايا بيضاء في الفتحات الخارجية (مثل الاذن والعين) هي المسئوله عن حماية الجسم من الأمراض
الثانيه
الخلاياء البيضاء وتسمى المضادات والتي تمنع وصول الجراثيم الى الدم

تحياتي وتقدير ي



هلا بك يا الشيخ

ومساك الله بالنور والسرور


ومالك لوا يا الغالي

تحياتي لك

[العنزية]

السلام عليكم -وش رايك بالبندق

[ابو اسامه 2]

السلام عليكم -وش رايك بالبندق


وعليكم السلام

مالك لوااااااااااا


تحياتي

[الدوسرية]

وش رايك بانبوبة غاز الاكسجين

[ابو اسامه 2]

وش رايك بانبوبة غاز الاكسجين





مالك لوااااااااااااااا

[الكونترولCONTROL]

لا بأس , طهور إن شاء الله
ماكينة الصرف الآلي ؟؟ حيث :



الفتحة العلوية لدخول البطاقة


و السفلية لاستلام النقود

[ابو اسامه 2]

لا بأس , طهور إن شاء الله

ماكينة الصرف الآلي ؟؟ حيث :



الفتحة العلوية لدخول البطاقة



و السفلية لاستلام النقود



هلا بك يا الكنترول

وما تشوف شر والله يسلمك من كل مكروه

ومشكور على السوال يا الغالي

الرمعه مالك لوا

تفكيرك حلو بس المطلوب في حي وليس جماد

تحياتي لك

[فهد الهلالي]

ابو اسامه تحياتي
رمعه
يقال مايقوله القلب يظهره اللسان
جمه القلب او لبة القلب او عصاره القلب وعصاره العين
تقبل تحياتي

[بحار seas]

صح لسانك يبو اسامه وش رايك في ( البطين والاذين ) الموجوده في القلب ..

[ابو اسامه 2]

ابو اسامه تحياتي
رمعه
يقال مايقوله القلب يظهره اللسان
جمه القلب او لبة القلب او عصاره القلب وعصاره العين
تقبل تحياتي


هلا بك يا شيخنا الغالي

مالك لوا يا الغالي

توضيح للجميع
لاحظو اني قلت

الاوله تقبل دخول اللي ضـوى

يعني شي يدخل للبنت عن طريق البنت اللي في الاعلى

والبنت اللي في الاسفل تمنع خروجه الا اذا اصبح جاهز تسمح بخروجه تلقائي

تحياتي لك

[ابو اسامه 2]

صح لسانك يبو اسامه وش رايك في ( البطين والاذين ) الموجوده في القلب ..



مالك لوا يا الغالي

وشوف ردي على شيخنا

تحياتي لك

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
صباح الخير
طيب وشو قولك أخوي ابو اسامه بـالبنت الي بالأعلى(الفم )
والبنت السفلى (المعده أو المثانه)
يعني بكون عملية الهضم بالجهاز الهضمي

[ابو اسامه 2]

السلام عليكم ورحمة الله وبركاته
اسعد الله اوقاتكم بكل خير
صباح الخير
طيب وشو قولك أخوي ابو اسامه بـالبنت الي بالأعلى(الفم )
والبنت السفلى (المعده أو المثانه)
يعني بكون عملية الهضم بالجهاز الهضمي



هلا بك يا الجرح الحزين

انت الان اقرب شخص للحل

انت قلت اسم البنت اللي فيها البنتين

انتظر الذباحه

تحياتي لك

[ابو ماجد 2]

امتداداً لرمعة الجرح الحزين
ممكن الصمامات الولى يسمح بنزول الطعام للمعده والثانيه بين الامعاء الغليظة والدقيقه
تحيتي لك

[الكونترولCONTROL]

منشدي في دار في حي انزوى

منشدي بنتين وخذ مني بيـان

الأوله تحمـل حمّـال الهـوى

في اعالي البنت يسكن هالمكان

والثانية معنى للحارس حـوى

في قرار البنت له أمرٍ وشـان

الاوله تقبل دخول اللي ضـوى

والثانية تسمح خروجه ليا زان

ما رايك بالدجاجة و البيضة ؟؟

[فهد الهلالي]

http://www.alasad.net/medicine/images/loc/109.JPG

[فهد الهلالي]

http://www.badr1.com/vb/attachment.php?attachmentid=472&stc=1&d=1196663843

[ابو اسامه 2]

امتداداً لرمعة الجرح الحزين
ممكن الصمامات الولى يسمح بنزول الطعام للمعده والثانيه بين الامعاء الغليظة والدقيقه
تحيتي لك


هلا بك يا الزعيم

انت جبت البنت الاولى وهي الفتحة اللي تدخل الطعام للمعده وتسمى الفؤاد

وقلت الصمامات وتقصد بها الفتحات
اما الثانية فقد ابعدت بقول بين الامعاء الغليظة والدقيه

بمعنى اخر انت اتيت بنصف الاجابة امتداد لرمعة اخي الجرح الحزين





انتم الان وصلتو الى نقطة النهاية


ولكن خليكم ادق بالرجوع الى الابيات


القلب في الاعلى - الحارس في الاسفل


مصطلحات طبيه معروفه


تحياتي لك

[ابو اسامه 2]

http://www.alasad.net/medicine/images/loc/109.JPG



هلا بك يا الشيخ

هو في الجهاز الهضمي بشكل عام

الزعيم اتى بنصف الاجابه باقي البنت الثانية ليكتمل النِصاب

تحياتي لك

[ابو اسامه 2]

http://www.badr1.com/vb/attachment.php?attachmentid=472&stc=1&d=1196663843



هلا بك يا الشيخ

خليك في الجهاز الهظمي

ودي انه يجي شخص ويحط اجابة نموذجيه كامله

تحياتي لك

[ابو اسامه 2]

منشدي في دار في حي انزوى




منشدي بنتين وخذ مني بيـان



الأوله تحمـل حمّـال الهـوى



في اعالي البنت يسكن هالمكان



والثانية معنى للحارس حـوى



في قرار البنت له أمرٍ وشـان



الاوله تقبل دخول اللي ضـوى



والثانية تسمح خروجه ليا زان



ما رايك بالدجاجة و البيضة ؟؟







مالك لوا يا الغالي

الان اللغز اصبح على مشارف النهاية

فمن ياتي بالرميه الدقيقه بالرجوع الى الابيات والمعاني والمسميات الطبية

ووحده منها انتهت


تحياتي

[الجرح الحزين]

السلام عليكم ورحمة الله وبركاته
اسعد الله اوقاتكم بكل خير
يعني البنت العليا( المعده)
اما البنت السفلى والله جاته في بالي كلمه بس ماقدار اقولها
لتقريب ( بعدالامعاء الغليظة والدقيقة) الشخص بعد الشبع يفضي ..................
او ( المرارة)

[ابوسعودد]

يمكن تكون المسامات اللي في الامعاء والتي عن طريقها يدخل الطعام اذا زان الى الجسم والباقي فانه يكمل طريقه الى خارج الجسم

[ابو اسامه 2]

السلام عليكم ورحمة الله وبركاته
اسعد الله اوقاتكم بكل خير
يعني البنت العليا( المعده)
اما البنت السفلى والله جاته في بالي كلمه بس ماقدار اقولها
لتقريب ( بعدالامعاء الغليظة والدقيقة) الشخص بعد الشبع يفضي ..................
او ( المرارة)


هلا بك يا الجرح الحزين

انا اوضح لك اكثر

البنت هيه المعده والبنتين بداخلها

انتظر الرمعه النهائيه الذباحه

واسف اشغلتكم بهذا اللغز

تحياتي لكم

[ابو اسامه 2]

يمكن تكون المسامات اللي في الامعاء والتي عن طريقها يدخل الطعام اذا زان الى الجسم والباقي فانه يكمل طريقه الى خارج الجسم



مالك لوا يا الغالي

وشوف ردي الاخير على الجرح الحزين

تحياتي لك

[طويلب علم]

انزيمات المعدة

[الجرح الحزين]

مساك الله بالخير اخوي بوماجد
وشو قولك بالبنتين الي بالمعده
( فتحة الفؤاد وفتحة البواب)الي تفتح للاثنى عشر

[الكونترولCONTROL]

أخونا الغالي أبو أسامة ! عندك اختبار علوم حيوية ؟!
وين مودينا بهاللغز ؟؟!!ههههههههههههههههه
ما دام الدعوى كذا المفروض تبين مع بداية
طرح اللغز بأنه خاص بأخصائيي الباطنية
أو جراحين فصل التوائم !!

[زهره الربيع]

المستقيم اوالاثنى عشر او الامعاءالغليضه والامعاء الدقيقه

[كافور]

مساك الله بالخير

اتوقع أنه المعدة ، فلها مدخلين من الأعلى ويسمح بدخول الطعام ، والأسفل يسمح بخروج الطعام

فمدخلها الفؤداي ومخرجها الـبوابي

[ابو اسامه 2]

انزيمات المعدة


هلا بك يا طويلب علم

ومالك لوا يا الغالي

تحياتي لك

[النجم الطائر]

خزان المويه العلوي والسفلي

[ابو اسامه 2]

مساك الله بالخير اخوي ابو اسامه




وشو قولك بالبنتين الي بالمعده

( فتحة الفؤاد وفتحة البواب)الي تفتح للاثنى عشر







هلا بك يا الجرح الحزين



الله الله يا الغالي

بيض الله وجهك يا الجرح الحزين





فقد ابليت بلاء حسناً في اللغز وتستاهل انه يكون الحل الكامل من نصيبك




نعم هي فتحتة الفؤاد وهي في الاعلى





http://www.mekkaoui.net/images/amrad/stomach1.jpg




فتحة تحمل معنى حمّال الهوا اي الذي يحمل الحب وهو القلب ( الفؤاد )




فتحة تحمل معنى كلمة الحارس ( البواب )




وجميعهم في المعده




فتحتة الفؤاد تسمح بدخول الطعام




( الاوله تقبل دخول اللي ضـوى )




فتحة البواب تسمح بخروج الطعام اذا اصبح جاهز للهظم




( والثانية تسمح خروجه ليا زان)




تحياتي لكم




واسف على اني تعبتكم فكرته بينحل بسرعه

[النجم الطائر]

اجل العوامه حقت المويه

[ابو اسامه 2]

أخونا الغالي أبو أسامة ! عندك اختبار علوم حيوية ؟!


وين مودينا بهاللغز ؟؟!!ههههههههههههههههه
ما دام الدعوى كذا المفروض تبين مع بداية
طرح اللغز بأنه خاص بأخصائيي الباطنية

أو جراحين فصل التوائم !!



هلا بك يا الغالي

هههههههههههههه

مشي حالك اللغز ركز على البطن :D

تحياتي لك

[ابو اسامه 2]

المستقيم اوالاثنى عشر او الامعاءالغليضه والامعاء الدقيقه



هلا بك يا زهره الربيع

ومالك لوا يا الغالي

الحل عند اخونا الجرح الحزين

تحياتي لك

[ابو اسامه 2]

مساك الله بالخير

اتوقع أنه المعدة ، فلها مدخلين من الأعلى ويسمح بدخول الطعام ، والأسفل يسمح بخروج الطعام

فمدخلها الفؤداي ومخرجها الـبوابي





هلا بك يا كافور

نعم يا الغالي هي فتحتي المعده الفؤاد والبواب

والحل سبقك بها اخونا الجرح الحزين

تحياتي لك وبيض الله وجهك

[ابو اسامه 2]

خزان المويه العلوي والسفلي



مالك لوا يا الغالي

والحل عند اخونا النجم الطائر

تحياتي لك

[ابو اسامه 2]

اجل العوامه حقت المويه



هلا بك يا النجم الطائر

مالك لوا يا الغالي


والحل عند اخونا الجرح الحزين

تحياتي لك